رواية زوجتي الصغيرة رومنسيه خليجية الفصل الخامس والعشرون 25 - بقلم Shifaoman

في المساء

في بيت ابو خالد

و تحديدا في غرفة ملاك

كانت تحكي لفرح عن مواقف خالد ونور اللي تضحك و انصدمت بفرح اللي تقول لها ان حمد بيخطب ......

لا مستحيل حمد بيخطب لا انا ماقدر اتحمل كيف يخطب بنت ثانية و هو كان يحبني ليش يسوي فيني كذا

..... لا بس هو ما كان يحبني عمره ما اعترف انه يحبني بس انا اللي توهمت انه يحبني لاني كنت اشوفه لما يجي

عندنا او اروح عندهم يسال عني و عن احوالي ...... بس هذا مو حب اكيد انه كان يسال عني لانه يعتبرني اخته

مثل فرح ..... بس انا لازم انساه لانه بيصير لغيري

ردت بثقة : الله يوفقه ان شاء الله و هو ماشاء الله عليه رجال و اكيد بتوافق عليه و قولي له ان ملاك تقول لك

مبروك

كانت تشوف معاها و هي مو مصدقة الكلام اللي تقوله .... لا مو ممكن حلم اخوي اللي سنين وهو يبيه يتحقق

والحين تقول الله يوفقه و قولي له مبروك ....... بس انا متاكدة انها كانت تميل له او حتى انها كانت معجبه

به ...... ياربي ... كيف اقوله اللحين و هو اللي جايني الصبح فرحان انه بيخطبها .....

قالت بكذب و بابتسامه مصطنعة : ايه هو اصلا يبي بس يعطونه الموافقه و يملك عليها و بعد ثلاث اشهور

او اربع و يسوون العرس

كانت تسمعها و هي موقادرة تمسك دموعها اكثر طعنها في قلبها كيف يخطب بنت ثانية وانا اللي رسمت كل احلامي

معه و انه بيتزوجني و يكون عندنا عيال و نعيش مع بعض و نربي عيالنا مع بعض

قالت بصوت مخنوق من البكا : اعذريني فرح بروح الحمام شوي و راح اجي

ردت فرح وهي تسمع صوتها مخنوق : اخذي راحتك حبيبتي

راحت بسرعة وعيونها تلمع من الدموع ..... دخلت الحمام اللي في غرفتها و قفلت الباب وراها و تسندت عليه و

هي تنزل شوي شوي حتى جلست على الارض و هي ماسكه فمها لاتفلت منها الشهقات وتسمعها فرح و تنفضح

وقفت على رجولها وراحت بسرعة لتغسل وجهها يمكن تهدى من البكي غسلت وجهها يقوة حتى ان ملابسها

تبللت بس مو قادرة توقف بكي كان حمد هو فارس احلامها من كان عمرها 16 سنة وهي تحبه .....كانت تبكي و

صوت شهقاتها تعلى و ماهي قادرة تتحكم فيها ....... تذكرت كيف بدات تحبه

************************************************** *********************************************

كانت مع فرح و امها وخالتها و كانو يتسوقون عشان عندهم عرس

ملاك : يمه باروح الحمام

ام حمد : فرح يمه روحي معاها

ملاك : لا خالتي خليها هي من الصبح وتنتظرنا نوصل لهذا المحل والحمام موبعيد انتو روحوا للمحل وانا بس

اخلص و اجي بس ها لا تروحون محل ثاني عشان ما اضيعكم اوك

ضحكو عليها و هي توصيهم و قالت امها : اوك حبيبتي

كانت ماشية بعد ما دخلو المحل و شوي و جا شاب وراها و يقول : حبيبتي انتي ..... ابي اتعرف على الحلوة هذي

.... انتظري شوي ابيك تاخذي رقمي و عندنا اتصال الليله ... يلا بس ما تستحي مني

كانت خايفة منه و قررت ماترد عليه و تسرع من خطواتها لتوصل بسرعة للحمام و انصدمت وهي تشوفه مسك يدها

لفت عليه بقوة و حاولت تضربه بكف وهو يقول : عيونك تذبح ياحل....

وماكمل كلامه حتى شافت حمد وهو يضربه بوكس على وجهه وبدت تبكي من وهي تشوفهم يضاربو و جا حمد

عندها بعد ما هدده ..... قال بحنيه وهو يشوفها تبكي والدموع ماليه وجهها لانها كانت بس لابسه حجاب ما تتنقب

او تتلثم : خلاص ملوكه لا تبكي

ملاك وهي تبكي : لا بس هو ...وشهقت بقوة ....مسك يدي

حمد وهو يقول ابتسم : خلاص حبيبتي انا شفت كل شي و ما ابيك تفكرين اللحين فيه و يلا روحي للحمام غسلي

وجهك وانا انتظرك

راحت غسلت وجهها وهي منحرجه منه وانها ماشكرته وخرجت شافته ماسك التليفون

قالت بارتباك وانحراج : ااا ... حمد مشكور لانك ساعدتني

رد حمد بابتسامه : العفو ... و قال بجدية : بس كيف جايه هنا لوحدك

قالت وهي خايفه منه : لا بس انا كنت رايحة الحمام و هم يبون يدخلون المحل ف رحت وحدي

رد وهو يسال : يلا نروح بس اي محل راحو له

قالت : هذا اللي على اليمين

مشى بجانبها وبان فرق الطول بينهم هي قصيرة توصل لصدره و جسمها صغير بالنسبة لجسمه

قال لها بغيرة : ملاك ابي اطلب منك طلب واتمنى ما ترفضي

قالت وهي مستغربة منه : اكيد ما ارفض اذا كنت اقدر البي لك الطلب

قال بابتسامه : ليش ما تتنقبي مثل فرح و انتي اللحين صرتي كبيرة و الشباب اذا خرجتي للسوق كذا

بيصيروا يغازلونك و انا ما ابي يصير كذا

قالت وهي مقتنعة بكلامه : ان شاء الله

قال وهو يضحك : يا سلام بنت خالتي مطيعة وانا ما ادري

و من هذاك اليوم بدت تحبه وصارت تحب تسمع سوالفه

************************************************** *********************************************

انا الغلطانه اللي حبيته وكنت اظن انه غار علي لما قالي لبسي النقاب .... لا بس هو يعتبرني مثل اخته

سمعت الطرق على باب الحمام اكيد سمعت صوتها وهي تبكي غسلت وجهها بسرعة وهي تقول بصوت فيه بحه من

البكا : دقيقة بس فروحة

كانت جالسة بعد ما راحت ملاك الحمام وهي تفكر كيف بتقول لاخوها حبيبتك رافضتك وهي منغمسه بتفكيرها

سمعت صوت بكا وشهقات تعلى في الحمام

راحت بسرعة وهي خايفة على ملاك و تفكر شنو اللي ممكن يكون فيها شافت ملاك وهي خارجة من الحمام

وعيونها منتفخة قالت بخوف : ملاك شنو فيك

ملاك بصوت مخنوق تحاول تمسك نفسها لا تبكي لان فرح تذكرها بحبيبها اللي راح يكون لغيرها : لا بس شويه

تعبانه

فرح بخوف اكبر : شنو اللي فيك تبين نروح للمستشفى

ملاك : لا بس ارتاح شوي

فرح و هي مو مصدقة ملاك باللي تقوله : اكيد ملوكه

ملاك بشبح ابتسامه :اكيد

فرح و هي تمسكا وتوديها للسرير : ارتاحي حبيبتي و انا اللحين اتصل على حمد يروحني و اخليك ترتاحي

من سمعت اسمه وهي موقادرة تمسك نفسها اكثر و بدت تبكي بقوة وهي تحضن فرح : ....

فرح منفجعة ومو عارفة شنو فيها : ملاك شنو فيك خوفتيني

ملاك وهي تبكي و بانفعال : و الله ماني قادرة و الله العظيم احبه ليش يسوي كذا

فرح وهي ما هي فاهمة اصلا من خوفها عليها نست الموضوع : منو هذا حبيبتي

ملاك ببكا اكثر : اخوك .. حمد اخوك هو اللي احبه ليش يسوي كذا و الله العظيم احبه وهو يروح يخطب بنت ثانية

وانا اللي كنت احسبه يحبني

فرح واللي فهمت الموضوع و فرحت لاخوها وملاك و لامت نفسها انها سوت معاها كذا ابتسمت و بعدت ملاك عن

حضنها ومسحت دموعها وهي تقول : حبيبتي انتي اللي ما فهمتي و ما خليتيني افهمك

رفعت راسها و وجهها مليان دموع : شنو اللي ما فهمت

فرح بابتسامه : و انا ليش اسالك يعني و اقولك بيخطب و ماهو عارف اذا يوافقو او لا

قالت بتساؤل : ليش

قالت فرح وهي تحضنها :لانك انتي اللي يبيها .... وبعدتها عن حضنها ..... بس ييبي يشوف رايك فيه واذا ممكن

تتقبليه كزوج او لا لانه كان خايف ترفضيه

قالت بعدم استيعاب : كيف يعني

فرح وهي تضحك تدري انها صدمتها :ههههههه يعني انتي اللي بتكوني زوجة اخوي ان شاء الله

نزلت راسها بعد ما استوعبت اللي سمعته وصاروا خدودها وردي :.................

فرح وهي تمزح معاها :بدينا نستحي من اللحين

وقالت وهي منقهرة منها : و يالحمارة ليش مو قايلة لي انك تحبي اخوي .... اتاريك عاشقة ولهانه

ردت ملاك وهي مستحية : خلاص فروحة كافي احراج

فرح : لا والله تبيني اسكت ... و الله العظيم مو راجعة للبيت الا لمن تقولي كل شي

@@@@@@@@@@@@@@@@@@@@@@@@@@@@@@@@@@@@@

في المستشفى

كان واقف قدام غرفة الطوارئ و خايف على اخته وحبيبته لام نفسه مليون مرة ليش كان معصب عليها اكيد خافت

و الاكثر من كذا انه له اسبوع ما قعد معاها او سالها عن نفسها و لا سال شنو تحتاج كان مشغول بالشقة اللي شراها

و قام بتاثيثها .... فهد وصاير مشغول

بالتجهيز لعرسه وفارس اكيد انه مو مهتم لها و دايما وهو في المولات يغازل بنات الناس و مافي الا ابوي اللي

نص وقته في الشركة ..... يا ربي ما صار فيها شي ......

قطع عليه افكاره الدكتور اللي خرج من الغرفة قال بلهفة : بشر

الدكتور : نروح للمكتب ونتكلم

راحو للمكتب و جلس قدام الدكتور و هو ينتظره يتكلم قال الدكتور بجدية : انت تدري ان البنت عندها ربو

فيصل مصدوم اخته الصغيرة عندها ربو وهم موداريين : لا و الله ما ادري

الدكتور : البنت مبين عليها انها باكية و اكيد كانت خايفة من شي او عندها مشاكل و هي اللي سببت لها

نوبة الربو هذي و كان ممكن لا سمح الله انها تموت لو ما لحقت عليها لان نوبة الربو كانت حادة ... انا راح

اعطيك التعليمات اللازمة

و اتمنى تنتبه لها لانها في عمر صغير و ممكن ماتتقبل الوضع

..................................

كان رايح للغرفة اللي وضعو فيها وعد شاف تركي جاي لعنده من بعيد وهو مستغرب و صل لعند

وقال باستغراب : عسى ما شر فيصل شنو تسوي في المستشفى

فيصل بضيق : لا بس اختي منومه هني

تركي في نفسه شنو فيها انا ادري ان ما عند الا اخت وحد ..... لا يكون هالوحش سوا فيها شي عشان دخلت علينا

لا مسحيل هالجدار يضرب بنت بذيك الرقة والنعومه والدلع .... بس ممكن يسويها لانه كبريت لما يعصب .....ابي

اسال عنها بس مو عارف كيف و باي حق اسال عنها يلا راح اسوي نفسي اهبل واسال

تركي بهدوء : شنو فيها ان شاء الله شي بسيط بس و اذا في اي شي تحتاجه انا هني

فيصل بضيق : و الله ما ادري شنو اقولك يا اخوي و الله العظيم حاس بهموم الدنيا كلها فوق راسي

تركي : يلا نروح الكوفي و احكي لي

@@@@@@@@@@@@@@@@@@@@@@@@@@@@@@@@@@@@@

في بيت ابو سامي

كانت جالسة رازان و ريم و لين ويلعبون في الغرفة (ريم 4 سنين حفيدة اخت ام سامي المهم من العايلة )

كانت رازان قاعد في الجنب و تفكر و مو معاهم ابد تفكيرها رايح لبعيد

الحين يبه و ماهو قادر يشتغل و صارت مصاريف البيت كلها علي يعني لازم اتمسك بهالشغلة لانها الوحيدة اللي

بتعيشنا و كملت تفكيرها

عند ريم ورازان كانو يلعبون

ريم و هي تبي تقهر لين : احنا عندنا بيبي و انتو ما عندكم

لين غارت منها وهي تقول بتفكيرها الطفولي : ومن وين جبتوه باقول لبابا يجيب لي كيفه

ريم : لا انا ماما جابته

لين و هي تفكر انا لازم اقول لماما لازان تجيب لي بيبي مثل ليم

@@@@@@@@@@@@@@@@@@@@@@@@@@@@@@@@@@@@@

في بيت ابو خالد

بعد ما حكت لها كل شي و كيف صارت تحبه

فرح وهي تضحك : هههههه روميو وجولييت

ملاك بحياء : فرح الله يخليك لا تقولين له اني احبه ولا تقولين له اللي صار بس قولي انها مافي قلبها احد

فرح بنذاله وهي تمزح : لا حبيبتي انا ما اكذب على اخوي وما اقدر اخبي عليه شي و عشان كذا باحكي له

كل شي

ملاك وشوي و تبكي : لا الله يخليك حبيبتي لا تقولي له والله فشله استحي منه

فرح و هي تضحك : ههههههههه امزح حبيبتي

رن التليفون وردت وهي تلعب بحوجبها و تحطه سبيكر و تقول : هلا وغلا باخوي

حمد و هو يضحك : هلا باختي احلى وحدة بالدنيا

فرح : ههههه متاكد

حمد : يلا بس انا قدام البيت

وسكر في وجهها : لا والله تسكر في وجهي بتشوف شنو اسوي فيك

سمعت ملاك و هي تقول : لا حرام عليك ما سوا شي

رفعت راسها وهي تشوف وجه ملاك احمر من الخجل : لا والله .... بدينا ندافع