رواية زوجتي الصغيرة رومنسيه خليجية الفصل الخامس وثلاثون 35 - بقلم Shifaoman

في بيت ابو ناصر

بعد ما رجعو من المستشفى مع ابوها جالسة في غرفتها وامها معها

اميرة : ماما الله يخليك ما ابي احكي في الموضوع

امها : لا ... اللحين ابيك تقولين لي السبب ... يا اميرة بنتي انت من قبل سنين و انت متغيرة ليش يا بنتي مو

انت اللي كنتي تقولي لي كل شي و ما تخبي علي ......

مو انت اللي وعدتيني تكوني صديقتي قبل ما تكوني بنتي

حبيبتي انتي.... شنو اللي غيرك و خلاك كذا انت بعد اقل من شهر بتتزوجي

اميرة تحس بنفسها مو قادرة تقول لامها لو قالت لها وقت اللي صارت لها كان احسن من انها تقولها بعد ما مرت 6

سنين

حضنت امها بقوة و هي تقولها : يمه ما اقدر اقولك ما اقدر

امها تاكدت انها تعاني من شي صار لها شي و هو السبب في اللي يصير لها : قولي يمه و الله العظيم ما اخبر احد

و سرك في بير انا ابي بس اساعدك اوقف جنبك ما ابي اخليك تعاني لوحدك

اميرة و هي تخلصت من جزء من همها بس ما تبي تقول اللي صار تحس نفسها بترجع لدوامه الالم اللي عاشته و

بتعيشه من جديد لو تقوله : يمه ابي ارتاح انا تعبانه و ابي انام

مددتها امها في السرير و غطتها و باستها على جبينها : ارتاحي اللحين و انا انتظرك عشان تقولين لي متى ما

بغيتي

و طلعت امها من الغرفة وهي مخلية انثى مكسورة بالداخل بعد ما فتحت جروحها اللي لها ست سنين وهي تحاول

تنساها وتنسى الامها بس اللحين صارت مو قادرة

تبي تخبر امها بس مترددة ما تبي تصير ضعيفة و تحتاج لاحد

بس امها مو اي احد امها اللي كانت تقولها كل شي

بس هي ابتعدت عنها بارادتها

مسكت التليفون تبي تتصل على ماجد بس في الاخير قررت ما تتصل كثير عليه انه يتحمل همها

كفاية عليه انه من كان صغير و هو معاها و يساعدها

تقلبت للجهة الثانية و هي تبي تنسى شوي حتى النوم وما ترتاح فيه دايما طلال يسبب لها الكوابيس

حركت شفايفها وهي تنطق بينهم : حسبي الله ونعم الوكيل

و نامت بعد ما رددت الاذكار و هي تدعي الله ان ماتجيها كوابيس هذه الليله

@@@@@@@@@@@@@@@@@@@@@@@@@@@@@@@@@@@@@

بيت ابو فهد

12:00 ليلا

كانت نايمه في غرفتها سمعت التليفون يرن وفي نفسها منو الحمار هذا اللي يتصل بهالوقت

قالت وهي شبه نايمه و ببحه في صوتها : الو

نقزت فوق السرير بقوه وهي تسمع صوت رجالي يقول بكل وقاحة : احلى الو سمعتها بحياتي

كانت ساكته ومنصدمه منو هذا اللي يتصل عليها و بعدين قالت بادب : انت غلطان اخوي

قال بثقة : لا مو غلطان مو انت وعودة الحلوة

انصدمت هذا منو اللي يعرفني و يعرف اسمي ... سكرت التليفون بسرعة ودقات قلبها تنبض بسرعة من خوفها

بدات تحس بنفسها مخنوقة مسكت بخاخ التنفس اللي جنبها و بدات تستعمله

حست بنفسها احسن نزلت من السرير تبي تروح عند فيصل تخبره لانه صار وكانه ابوها يهتم لكل شي يخصها

مشت بخطوات هادية في الممر الفاصل بين غرفتها وغرفته

وصلت للباب طرقت الباب بس ما في رد

رجعت غرفتها وهي محبطه انه مو موجود

كانت بتنسدح على السرير سمعت التليفون يرن من جديد

ارتعبت و هي تشوف الرقم الغريب من جديد

خلته يرن حتى وقف

سمعت مسج كان من نفس الرقم

مسكت التليفون بيد ترتجف من الخوف

فتحت المسج وعيونه مفتوحه على الاخر من ال اللي تقراه