رواية زوجتي الصغيرة رومنسيه خليجية الفصل الرابع وثلاثون 34 - بقلم Shifaoman

كان جالس في السيارة و الباب اللي ورا مفتوح ويسمع الحوار اللي بين اميرة و امها

شنو فيها عنيدة كذا و ليش تحلف و كانها اول مرة تركب مع احد غريب مو كانها تركب مع السواق

شاف خالته العنود وهي تسحبها للسيارة و تقول بهمس : و الله العظيم يا اميرة اذا ماركبتي ماني متكلمه معك

ليوم الدين ... الولد جاي و من زمان ينتظر و في الاخير تحلفي انك ماتركبي .... انت حلفتي بس تقدري تصومي

على الحلف

شاف اميرة مستسلمه و ركبت والدموع مالية عيونها كانت راكبة في الوسط و امها وريما على الجانبين

..........................................

كانت تحس نفسها قريبة منه حيل و هي مو قادرة تتحمل هذا الرعد طول الوقت وهو يشوفها في اصعب ظروفها

و هذا اللي يسمونه زوجها و اللي راح يكون معاها 24 ساعة

صارت ترجف و هي تركز على الكلام اللي صار يدور في بالها

هذا وانا بس معاه في السيارة و بعيدة شوي عليه و معاي البنات و ماما و ما ني قادرة اتحمل فكيف اذا كنت معاه

وحدي

صارت ترجف بقوة و دموعها تنزل من الخوف حست بامها تحضنها يقوه و تلمها في حضنها

غمضت عيونها بقوة تبي تفكر بشي غير عن اللي هي فيه

صارت تحس مو قادرة تتحمل من الخوف و الرعب اللي عايشته بوجود رعد اللي في بالها تشوفه مثله مثل اي رجال

تشوفه وحش ممكن يستغلها

صارت تحس بريحته الرجالية القويه تخنقها و هي مو قادرة تتنفس

غمضت عيونها بتعب و بدات تحس بنفسها تغيب عن الوعي

..................................................

حست ببنتها ترتخي في حضنها

رفعت راسها بقوة و هي تشوفها فاقدة الوعي

بدت تصحيها وهي تضرب وجهها و تقول ببكا : اميرة بنتي ... اميرة اصحي

ما هي قادرة تتحمل بنتها كل مرة تنهار و هي مو عارفة السبب و الطبيب يقول لاتضغطوا عليها عشان لايصير لها

انهيار عصبي

بس هي تبي تعرف السبب ممكن تقدر تساعدها

قالت بصراخ و هي تكلم رعد : الله يخليك يا رعد روح المستشفى البنت ما ادري شنو فيها

غير رعد الاتجاه وراح للمستشفى وهو حاير من حالتها ومو فاهم اي شي

اللي قاعد يصير لها شي مو طبيعي

@@@@@@@@@@@@@@@@@@@@@@@@@@@@@@@@@@@@@

بيت ابو سامي

كانت منحرجه كيف تركب معاه بعد الاحراج اللي صار لها اليوم

راحت عند لين وقالت لها : لين حبيبتي روحي عند بابا و قولي له ان رازان تقولك ماله داعي توصلني من اليوم

ورايح ابي اروح لوحدي بالتاكسي

لين و هي تعيد الجمله : .... اوك

..........................................

كان جالس في الصالة مع امه اللي تتكلم في التليفون شاف بنته جات ابتسم لها و مد يدينه ليحضنها

جلست في حضنه و هي تقول بطفولية : باب ماما رازان تقول ماله داعي توصلني من اليوم و لايح ابي الوح

لوحدي بالتاكسي

ابتسم على الكلام اللي تقوله اكيد انحرجت مني

بس ليش صرت ابي اشوفها مو انا اللي قلت ما اخون زوجتي و اتزوج عليها رغم انها قبل ما تموت طلبتني اتزوج

واختار وحدة طيبة عشان تربي لين و ما تفرق بينها وبين عيالها

ليش اللحين تغير الحال مو يمه من اول وهي طالبتني اتزوج و انا رافض

و ليش رازان بالذات هي اللي ابيها

رفع راسه لامه اللي تضحك شاف لين معاها عرف ان لين حكت لها حس بالاحراج من امه : هههههههه

وانا اقول الولد صاير غريب الايام هذي

سامي باحراج وهو مسوي نفسه مو عارف على شنو يحكو : ليش

قالت امه : ايه مسوي نفسك مو داري باقولك عن رازان ههههههه

سامي بثقة وهو يبي يبدا باول خطوة : ..........................

@@@@@@@@@@@@@@@@@@@@@@@@@@@@@@@@@@@@@

بيت ابو حمد

في المجلس

جواد بثقة وجمود : يا عمي انا جاي و ابي اقدم العرس و يكون بعد اسبوعين لاني عندي دورة عمل في فرنسا ممكن تطول لاكثر من 6 شهور و

ابي

فرح تكون معاي

ابو حمد : بس البنت ممكن ترفض و اكيد لازم تجهز نفسها

جواد : عمي ممكن تخليها تجلس معي و انا اقنعها

ابو حمد : شوي بس و اقولها تجي

.................................................. ....

كانت في الحمام تستفرغ بدا عندها الوحام و مبين عليها انها بتكون فترة صعبة عليها هذا وهي شاربه الدوا اللي

يوقف الغثيان بس ما نفع معاها

قامت بسرعة و هي تسمع طرق على الباب غسلت وجهها و حطت كحل بسرعة لتخفي تعبها

فتحت الباب شافت ابوها اللي نادر ما يجي لغرفتها : فرح يا بنتي جواد زوجك تحت يبيك في موضوع بسرعة نزلي

عنده

سوت نفسها مو فاهمه : اي موضوع

قال ابوها و هو رايح : انزلي و بتعرفي

.................................................. ....

شافها دخلت ومبين على وجهها التعب : السلم عليكم

جلست بعيد عنه شوي

جواد بصوته الرجولي : و عليكم السلام ...... كيفك

قالت بتعب : الحمد لله بخير

قام جواد وجلس جنبها ومسك ايدها بحنان : انت تعبانه

نزلو دموعها وهي تحس بنفسها مو قادرة تتحمل الحمل اللي عليها : مو قادرة حاسة بنفسي كثير تعبانه

قرب يده منها ومسح دموعها و هو يقول بحنانه السابق : ليش شنو اللي تحسين فيه

قالت و هي تبكي : الدوا ما نفع معي و ما غير استفرغ و صرت ما اشتهي شي حتى الماي مو قادرة اشربه

اكون عطشانه و بس اشربه استفرغ على طول و خايفة امي تعرف

كان يشوفها وهي تبكي و تشكي له عن الحمل اللي متعبها كان عارف انها تعبانه نفسيا مو جسديا

يعني هي معذورة لان اللي صاير لها مو ممكن تتحمله اي بنت في سنها و خاصة لو عرفوا اهلها

قال و هو يبي يهديها : خلص فروحة وانا اصلا قدمت العرس و قلت حق عمي ابيه بعد اسبوعين مو بعد شهر

و قلت اننا بنسافر عشان دورة العمل اللي عندي و الكلام هذا صحيح لانني عندي صفقات بفرنسا

قالت و هي تمسح دموعها : الحمد لله

قال بحب لهل الانسانه اللي ملكت قلبه بس هو من الاهانه اللي حس فيها من رفضها قام بتعذيبها : يلا حبيبتي انا

رايح و اهم شي ما تتعبي نفسك في التجهيزات

قالت بابتسامه بعد ماتخلصت من الضيقة اللي فيها : ان شاء الله

قال بابتسامه : في امان الله

صارت تحس انها لازم تتعايش معاه لانه ابو ابنها و ووقف معاها رغم انها كان املها في انه يتزوجها

ضعيف