رواية زوجتي الصغيرة رومنسيه خليجية الفصل الثاني وأربعون 42 - بقلم Shifaoman

تتسوق مع اختها جود عشان يتسوقون لعرس جواد

كان معاهم وليد الولد هذا تحبه وتموت فيه و دايما تحزن عليه لما يسال عن ابوه

وليد : ماما ابي اروح الالعاب

جود : حبيبي بس تخلص خاله روان

وليد وهو شوي ويبكي : ماما ابي اللحين

روان بابتسامه و هي تلف على وليد : خلاص بتروح اللحين ولودي

ولفت على جود : جود خلاص روحي انتي معاه انا بس اكمل و اجيكم

جود : لا حبيبتي ما اخليك وحدك

روان بمزح : روحي بس قالت ما اخليك وحدك ليش شايفتني بزر

جود : طيب بس لا تطولين عشان نتغذا

روان : اوك

كانت رايحة لمحل الاكسسوارات شافت شاب واقف و يغازل البنات

كان لازم عليها تمر من جنبه عشان تدخل المحل كانت لابسه عباية و نقاب مبين عيونها السودا الحادة و الواسعة و

المكحله

صحيح كانت مو مسوية مكياج بس عيونها فيها جاذبية

كانت منزله عيونها سمعته وهو يقول : ياحلوة رفعي راسك ابي اشوف الزين اللي فيك

كملت مشي و مو مهتمه له بس شافته واقف قدامها ومو مخليها تمر : يلا بس رفعي راسك

و لا تبين الرقم على طول

عصبت منه كيف ما يستحي على نفسه هذا رفعت راسها وعقدت حواجبها بغضب و قالت : استحي على نفسك

ما تدري ان ممكن اللحين احد يتغزل بامك او باختك او اي احد من محارمك الا اذا انت قابل بالمغازل لاهلك

ومشت من قدامه بسرعة بعد ماشافته بعد عن طريقها

كان واقف و مومستوعب اللي يصير له كيف بنت تتكلم على اهله كذا

بس انا اللي غلطان ليش اغازل البنات يا ترى يمه اللحين راضية على و لا لا

اكيد ما هي براضية مافي ام تقبل ان ابنها يلعب على بنات الناس

خرج بسرعة ما يبي يفكر كثير صحيح حقد على البنت بس هي صحته على اشياء كثيرة

رجع للبيت و هو يحس نفسه حقير كيف ما فكر ان ممكن اللي يسويه مع بنات الناس ممكن يصيرمع اخته

صار يستغفر ربي على اللي كان يسويه صحيح كان بس يغازل و يتكلم في التليفون مع البنات وما عمره جلس مع

وحدة او شافها بس اللي سواه حرام