رواية زوجتي طفلة الفصل الاول 1 - بقلم zooz2012

في إحدى الغرف التي يكتسيها لونين فقط الاحمر والاسود دخلت اشعت الشمس لتداعب اعين بطلتنا وتوقظها من سباتها العظيم . 

كانت نايمه على بطنها وشعرها مغطي على وجها دخلت اشعة الشمس وقامت  بانزعاج واهي تأفف : اوووف اوووف يعني محد يقدر ينام يا ازعاج بالهبيت او الشمس .

عفست شعرها وقامت بملل وقفت جنب النافذه وتطالعها بحزن وتهمس : مفروض اكون مثل اي بنت تخرجت من المدرسه وتجهز لدخول الجامعه اما انا . وضحكه بسخرية وكملت : انحرم باخر سنه لي  و اقعد بالبيت 😞 .

 تنهدت بحزن وضيق قطع عليها حبل افكارها دخول امها عليها واهي تبتسم : صباح الخير .

بادلت امها الابتسامه : صباح النور .

 قربت امها يمها وجلست على السرير : غريبه صاحيه هالوقت العاده انا اصحيك وصراخي يملي البيت .

 ضحكت بخفيف : والله كنت متهنيه بالنوم بس الشمس خربت علي .

 امها ضحكت : زين تسوي فيك ، يلا غيري ملابسك ونزلي فطري .

زوز : ان شاء الله يمه . طلعت امها واهي تراقب النافذه : يلا عادي وراحت غيرت بجامتها ولبست 👇🏻

ونزلت تحت واهي تركض على الدرج وباست راس ابوها : صباح الخير يا احلى ابو .

ابوها يبتسم : صباح النور ، اشوي اشوي شفيك على هالتركض متى تعقلين خلاص كبرتي .

زوز نزلت راسي : اسفه بابا . 

امها تطالعها : يلا فطري . 

بلشوا يأكلون بهدوء وزوز كسرت الصمت : احمم بابا .

ابوها : نعم . 

زوز بارتباك : امم عادي اروح بيت صديقتي المغرب . 

امها : اي وحده ؟ اعرفها انا ؟ . 

زوز تهز راسها : اي ماما تعرفينها . 

ابوها : منو ؟ . 

زوز : سديم بنت حامد . 

ابوها : اللي عنده شركة مشهوره ؟ . 

زوز : اي يبه اهو . 

امها : وانتي اشلون عرفتها ؟ . 

زوز : كانت تدرس معاي قبل لا اطلع من المدرسه . 

ابوها : اهاا خلاص يبا عادي روحي بس بشرط .

زوز : آمر يبه ؟ . 

ابوها : لا اوصيك بالعقل عن الصراخ والهبال والضحك والهذره اللي مالها داعي ، اهم شيء الادب .

زوز : ان شاء الله يبه . 

كملوا اكلهم بهدوء . 

--------------------------------------------------------------------------------------------------------- الظهر : الساعة ١:٣٠ 

دقت زوز على سديم 

زوز : الو سديموه . 

سديم : هلا وغلا . 

زوز : هلا بك زود ، كيفك ؟ .

سديم : تمام وانتي ؟ . 

زوز : دوم ، تمام . 

سديم : يدوم نبضك ، دوم يارب ، ها بشري بتجين ؟ . 

زوز : امين يارب ، يب يب بجي بعد المغرب . 

سديم بفرح : خلاص تم انتظرك اخيراً بشوفك يازق ولهت عليك .

زوز : وانا بعد ولهت عليك حيييل يادبه .

سديم بعصبيه : هي هي يا زفت ماني دبه . 

زوز تضحك : يا شيخه 😏 .

سديم بسرعه : المهم يلا بقفل بروح اسوي لك حلا باي . 

زوز بسرعه : استني يا (قفلت بوجها) ماشي انا اوريك يازفته .
وقفلت الجوال وراحت فتحت الدولاب 

زوز تحط صبعها بفمها مثل الاطفال : امممم شنو بلبس .
 وبدت تاخذ وتجرب وترمي بالارض وكذا لين دخلت امها وشهقت : زهير ووجع .
وجات طقتها على ظهرها بخفيف . 

زوز كشرت : اهئ يمه . 

امها : وصمه شنو هالغرفه ؟ . 

زوز ببرود : شفيها عادي . 

امها بعصبيه وصدمه : وش عادي انتي جنيتي ؟ . 

زوز : اي عادي شفيها . 

امها : انتي متى بتعقلين ابي افهم انتي بنت بنت . 

زوز : ماله شغل يمه ما سويت شيء كل هذا عشان ملابس .

امها بصدمه : ملابس انتي شايفه الغرفه عشان تقولين لي ما سويت شيء . 

زوز تتلفت بالغرفه : عادي ماما حبيبتي اذا جيت ارتبها . 

امها : لا والله ما تطلعين الا وانتي مرتبتها اعرفك بنتي اذا ما رتبتيها الحين بعد سنه جدي يالله ترتبينها . 

زوز : يمه . 

امها : مافيه خلصيني ، مادري اشلون انتي بتتزوجين . 

زوز : وش دخل الزواج الحين ؟ . 

امها : اقول لا يكثر بس وخلصي رتبي هالعفسه يلا اشوف .
وطلعت وتركتها .

زوز بتأفف : اوووف اوووف .
وبدت تشيل الاغراض ولقت لها لبس مناسب قبل المغرب ولبسته .

سوت شعرها كيرلي وحطت روج وكحل  ومسكرا وابتسمت بالمرايه برضا ولبست العبايه والحجاب ونزلت تحت 

زوز : ماما انا بروح .

امها : الله وياك وانتبهي سامعه ؟ . 

زوز واهي تفتح الباب : ان شاء الله باي .
طلعت وركبت مع ابوها .

زوز : سلام بابا .

ابوها : عليكم السلام ، لا اوصيك على العقل والادب .

زوز : ان شاء الله ،
بنفسها : شفيهم محسسيني بتزوج ترى بيت صديقتي .
 وصلت ونزلت ودخلت . 

سديم بصراخ واهي تلمها : وااااااي يا زقه اشتقت لك حيييييل . 

زوز تضحك : اهئ اهئ وخري عورتيني تراك متينه . 

سديم تدفها بعصبيه : تف عليك بس . 

زوز  ضحكت : خلاص خلاص امزح تعالي . 

سديم ابتسمت ورجعت حضنتها وسحبتها وجلسوا بغرفتها وفصخت زوز العبايه . 

سديم تصفر : اووخص يخسي اللبس والله لو اني ولد تزوجتك . 

زوز تقعد جنبها : اقول بس محسستني ملكة جمال . 

سديم تغمز : والله انك صاروخ . 

زوز تاخذ مخده وتطقها : يلا بس بلا قله ادب . 

سديم ماتت ضحك .
بلشوا يسولفون وزوز تعلمها عن حياتي من طلعت من المدرسه وسوالف وسوالف وفصلوا شغالوا اغاني وقاموا يترقصون وتعبوا وقعدوا . 

زوز واهي تتنفس بسرعه : يا زق قومي جيبي لي ماي ، تعبت . 

سديم بعصبيه وتتنفس بسرعه : مادري وين هالخدم اووووف .
(ملاحظه بيت سديم فله كبيره لانهم اغنياء وكذا) . 

سديم وقفت : بروح اجيب ماي والحلى والقهوه والشاي . 

قاطعتها زوز : بس بس ماني شايبه قلت لك بس ماي عددتي لي كل اللي ببيتكم . 

سديم تطالعها بنص عين : تف عليك بس .
وراحت . 

زوز : وجع كل اشوي تتفلل ، وصخه .  

وقفت وقامت تحوس بالغرفه وشافت مناكير وقعدت تحط واهي عاطيه الباب ظهرها وتغني . 

---------------------------------------------------------------------------------------------------------

رجع من بره وشاف البيت هادي استغرب : غريبه بيتنا هادي ؟ العاده قبل لا اوصل الشارع صوت الهواش والصراخ واصل . 

ما اهتم  وصعد فوق سمع صوت بجناح اخته واهو بيروح جناحه ، وقف وراح قرب من الجناح سمع صوت وحده تغني : سديموه تغني ما اصدق .
وفتح الباب واهو يصرخ : سديم ترى .
وسكت من الصدمه من اللي شافه قدامه . 

----------------------------------

زوز كانت مندمجه وتغني وفجأة انفتح الباب بقوه ولفت واهي تصرخ : سديم ووجع ليش .
وسكتت واهي تشوف رجال . 

تموا كذا دقايق بعدين زوز تجمعت الدموع بعيونها وبتصيح ، اهو وعى ولف عطاها ظهره 

يتكلم واهو مرتبك : انا ... ما .. شسمه .. ما قصدت والله ما كنت اعرف ان عند .
سكت واهو يسمعها تبكي انصدم ما توقعها تبكي . 

زوز تجمعوا الدموع بعيونها وقامت تبكي واخذت بسرعه عبايتها والحجاب ولبستهم بسرعه . 

سديم جات وفي يدها الاغراض شافت اخوها واقف وصوت بكي بسرعه جات جنبهم .

سديم : شصاير ؟ فارس شصاير ؟ .
دخلت عند زوز ولمتها واهي تبكي : وشفيك حبيبتي ؟ علموني شصاير ؟ . 

فارس : ما صار شيء انا جيت بالغلط بكلمك ولقيتها بوجهي واهي شكلها خافت مني وقامت تبكي . وتركهم وراح جناحه . 

سديم تلم زوز : يوو .. زوز اهدي .. ترى عادي ..  وعاد ما لقيتي تخافي الا من فروس ؟ لو خويلد ما عليه بقولك بس فارس ؟ فارس احن واحد بالبيت . 

زوز تمسح دموعها : ابي ارجع البيت . 

سديم بصدمه : توك جايه ما قعدتي . 

زوز بصوت باكي : مره ثانيه تكفين ابي ارجع . 

سديم بتنهيد : طيب براحتك . 

زوز دقت على ابوها ورجعت وكانت هاديه و على طول طلعت غرفتها وبدلت وانسدحت وصارت تبكي لين غفت بدون ما تحس . 

————————————————-—

فارس لمن دخل جناحه قعد يستغفر وانسدح حاول ينام ما قدر .. قام وراح لجناح اخته وطق الباب فتحت له سديم 

سديم : شفيك فارس . 

فارس بربكه : ااا .. شسمه صديقتك راحت ؟ . 

سديم : اي راحت . 

فارس : اهاا طيب مافيها شيء ؟ . 

سديم ضحكت : شفيك ؟؟ ما صار شيء ترى . 

فارس : ادري بس صدمتني فجأه بكت وانتي تعرفين ماحب اشوف بنت تبكي . 

سديم بأبتسامه : ايوه اعرف .. بس لا تخاف .. هي كذا اشوي حساسه على اي شيء تبكي . 

فارس : طمنتيني صراحه خفت يجيها شيء وانا السبه . 

سديم بضحك : اوف اوف شدعوه كبرت الموضوع . 

فارس : يلا مناك لا طراق .
وتركها وراح جناحه وسديم دخلت غرفتها : شفيه ؟؟ .
وضحكت . 

----------------------------------

فارس رجع جناحه وانسدح واستغفر لين غفى بدون ما يحس . 

-----------------------------------------------------------------------------------------------

وااااااااستوب 

#انتهى 

انتهى الجزء الاول (1468) كلمه .

10 كومنتات = بكمل 

10 تفضيل = بكمل 

❤️❤️❤️❤️❤️😊😊😊😊😊😊 علقوا بين الفقرات