رواية زوجتي طفلة الفصل الثاني 2 - بقلم zooz2012

💫 يوم جديد 💫 

******************************************************************************

صحت زوز وراسها مصدع من كثر البكي ، قامت بكسل واخذت شور وبدلت ملابسها ونزلت تحت وشافت امها تشرب قهوة و تأكل حلى . 

زوز : صباح الخير . 

امها (تطالعها بنص عين) : اي صباح الحين العصر تقولين صباح . 

زوز(انسدحت على الكنب بملل) : يو يمه .. خلاص  اسفه .. سحبتها قصدي مساء الخير زين كذا ؟ . 

امها( ما ردت عليها ) . 

زوز(قعدت تطالع التلفزيون بهدوء) . 

--------------------------------------------------------------------------------------------------------

فارس صحى من النوم وشاف الساعة ٧:٠٠ المغرب قام واهو يتأفف : اوووف نمت واجد . 

انفتح باب الغرفه بقوه مع صراخ : فاااااااااااااارس . 

فارس قعد على السرير واخذ مخده واهو معصب وقطها عليه : وجع حتى وجع ليش تصرخ ؟ . 

خالد(بهبال) : انا صرخت ؟ متى ؟ . 

فارس(حوس شعره وحط يده فيه وشده بانزعاج) : خلص خويلد مالي خلقك ، وش تبي ؟ . 

خالد(رجع ظهره على باب الغرفه وكتف ادينه) : ابوي يسأل عنك . 

فارس(يقاطعه) : طيب طيب اطلع بره اشوي وانزل .

خالد(واهو بيطلع) : طيب . (واهو بيسكر باب الغرفه رجع صرخ) : فاااااااااااااااااارس .

فارس(اخذ المنبه اللي جنبه ويرميه على خالد) . (خالد انحاش بسرعه قبل لا يصيبه وصاب المنبه الباب) . 

قام بملل واخذ شور وبدل ملابس الى تيشيرت اسود ساده وبنطلون واسع رصاصي واخذ جواله ونزل تحت . 

فارس(يبوس راس ابوه وامه) : مساء الخير . 

ابوه(يشرب قهوته): هلا وغلا يبوك ، وينك ما شفتك من امس الظهر ؟ عسى ما شر فيك شيء ؟ . 

فارس(يجلس جنب اخوه فهد) : لا يبه مافيني شيء ، بس كنت مصدع واخذت بندول واخذني النوم بدون ما احس . 

ابوه(بشك) : اكيد ؟ .

فارس : اي يبه اكيد .

سديم(ضحكت) : يبه ، يمه ، فروس مصدوم لانه بالغلط دخل على صديقتي واهي خافت وقامت تبكي . 

فارس(عصب ومن بين اسنانه) : جب ، سكتي ، فضحتينا . 

ام فارس(باستغراب) : منو صديقتك ؟ اي وحده ؟ . 

سديم(تحرك حواجبها لفارس) : زوز يمه تعرفينها ، اللي درست معاي . 

ام فارس(براحه) : اي عرفتها .. والنعم خوش بنت ، بس ليش بكت ؟ . 

سديم : لان فارس دخل بسرعه عليها ويفكرني انا واهي خافت وقامت تبكي . 

ام فارس(بحنيه) : مسكينه ، عاد تطمنتي عليها ؟ لا يكون جاها شيء من الخرعه ؟ . 

سديم : اي يمه تطمنت ، مافيه شيء ، انتي تعرفين اهي حساسه وخوافه . (وتطالع بفارس وتبتسم) .

فارس(بلع ريقه وشتت عيونه) . 

حمد(يغمز لفارس) : اقول فروس ، حلوه ؟ . 😉

فارس(بفهاوه) : هاا ؟ مين اللي حلوه ؟ . 

خالد(يكمل) : اللي شفتها امس ، حلوه ؟ . 

فارس (عصب) : جب انت وياه ، شنو حلوه ما حلوه ، استح شايفيني مثلك اخزز ببنات خلق الله . 

رائد (مات ضحك) ؛ اقول فارس متى ناوي تتزوج ؟ . 

فارس(جات بباله زوز وطردها من افكاره) : لا ، اتزوج ؟ اعوذ بالله عشان تجيني خبله زي هذي (ويأشر على سديم) ولا يجيني توحد مثل هالاخ ( ويأشر على فهد جنبه) ولا اشيب مثلك ، لا لا شكراً خلني عزوبي احسن . 

فهد(ضحك) : الحين انا فيني توحد ؟. 

فارس : اي فيك توحد ياخي هادي بزياده ، ولا هذا(يأشر على يوسف) طالع عليك . 

يوسف(بصدمه) : الحين انا وش دخلني ؟ .

فارس(بيتكلم) ، دخلت اخته نوره مع زوجها سامي وولدهم حامد . 

نوره وسامي : السلام عليكم . 

الكل : وعليكم السلام . 

ندى(ركضت واخذت حامد من سامي) : يمه يمه قلبي سلام حبيب خالتو . 

فارس(يطالع ندى) : بس تركي الولد تركيه . 

ندى تبوس حامد ورى بعض  بخدوده لين قام يبكي ، ركضت له نوره واخذته من ندى وبعصبيه : وجع عورتي ولدي . 

فارس (مد ادينه) : عطيني اياه عطيني ، هذي خبله . 

ضحكت نوره ومدته له ، فارس اخذ حامد ويلاعبه واهو يضحك والكل يطالعه ويبتسم . 

ام فارس تهمس لابو فارس .

ام فارس(بهمس) : اقول يا بو رائد . 

ابو فارس(يقرب منها) : آمريي ؟ . 

ام فارس : يا ريت تقنع فارس يتزوج ، شوفه مستانس على ولد اخته ، يحبه ويدلله ، هذا واهو ولد اخته يسوي له كذا اشلون لو ولده ، واللي يعافيك قنعه . 

ابو فارس : لا ، ماني قانعه ولا شيء ، الزواج مسؤوليه ، نفرض انا قنعته وبعدين صار ما صار يقول انتوا غصبتوني وانتوا وانتوا بنات الناس مو لعبه ، خليه متى ما يبي اهو ويشوف نفسه مستعد بيقول لنا ونخطب له . 

ام فارس : بس .

فارس(يقاطع امه) : يمه كلام ابوي صح .

امه وابوه يطالعونه .
فارس : اسف ما كان قصدي اسمعكم ، بس صدقوني انا متى ما ابي اتزوج بتزوج .
(وقف وعطى نوره حامد) : انا بطلع غرفتي عن اذنكم ( وطلع فوق ) .

نوره(تطالع امها) : للحين ما يبي يتزوج ؟ . 

امه(بتنهيد) : للحين يا يمه ، مادري شسوي له كمل ال٢٤ ورافض يتزوج . 

سامي : يا جماعه الزواج مو بالغصب ، اهو مو بنت نغصبه ، وكل زواج فيه غصب ما يتم ، الزواج استقرار وراحه ورضا . 

رائد : وانا مع سامي يمه ، لا تجبرينه ابد . 

فهد : يمه حبيبتي ، لا تقعدين تحاولين تقنعينه ، كلنا نعرف فارس وانتي اكثر وحده انه يحبك ولا يرضى عليك وبينفذ اللي تبينه حتى لو اهو ما يبي . 

الام(بتنهيده) : خلاص براحته ، ماني غاصبته على شيء . 

الاب : عين العقل . 

انفتح الباب ودخلت نور وزوجها أحمد واهم ماسكين ايادي بعض .

نور واحمد : السلام عليكم . 

الام : هلا .. هلا وغلا .. تو ما نور البيت . 

احمد(بابتسامه) : منور بك يا عمه . 

دخلوا وسلموا على الكل وقعدوا سوالف وضحك . ( ملاحظه نوره ونور كل وحده عندها غرفه لهم ببيوت اهاليهم وعندهم اغراض يعني عادي لو يقعدون هناك مع ازواجهم مافيه مشكله ) . 

******************************************************************************

(نرجع لزوز) 

قاعده بغرفتها وحاطه الاب توب بحضنها وتطالع فلم رومنسي ، ومندمجه . 

زوز(بحزن) : اخييه ، حرام يموت واهو يدافع عنها . 

امها دخلت عليها وتسوي كذا 😑 وتقرب منها تطالع معاها واهي واقفه .
زوز تعدل قعدتها وتحضن دبدوبها وتطالع وداخله جو . 

امها(تطالع فيها) : حمد الله والشكر . 

زوز(تطالع امها) : شفيك يمه ؟ . 

امها(تضرب راسها) : احمد الله واشكره على العقل يالخبله . 

 زوز(تمسك راسها) : آآآه يمه يعور ، بعدين شفيني ؟ . 

امها : بالله هذا فلم حب ومغازل ووصاخه . 

زوز : يمه اسمه رومنسي . 

امها : اللي اهو المهم وصاخه . 

زوز : يمه بعد مو حاصل لنا بالواقع خل نعيش بالخيال مع الافلام . 

امها : اقول بس طفيه ونامي بلا حب بلا خرابيط . (تركتها وطلعت) .

زوز(كملت الفلم) : عناد بكمله ، قال مافيه حب قال ، احلى شيء الحب . 

*****************************************************************************

وووووواستوب 

١٠ = تعليقات 

١٠ = اعجاب 

بارت جديد ، علقوا بين الفقرات 🙊🙈❤️ 

١١٣٩ كلمه 

*****************************************************************************