🍂 بالسيارة 🍂
زوز مو حاسه بشيء ابد .
👤(١) يدق على رقم : الو حمدان البنت معانا .
حمدان : حلو حلو جاسم ، اهم شيء البنت ما فيها ولا خدش ؟ .
جاسم : لا ما فيها ، سليمه .
حمدان : حلو انتظركم .
جاسم : تمام .
قفل منه و اهو يطالع الطريق ويسوق للمكان المتفق عليه .
****************************************************************************
💕 بالبيت 💕
دخلوا هيا و ندى و هدى بسرعه .
ام رائد و ملاك و جنان و نور و نوره قاعدين .
ام رائد بخوف : اسم الله شصاير .
هيا بسرعه : زوز و سديم رجعوا ؟ .
جنان : لا ، ليش .
هيا طالعت بهدى و ندى .
ام رائد : انتوا ما طلعتوا مع بعض ؟ .
ندى : بلا ، بس .
نوره : بس شنو ؟ .
هدى توها بتتكلم قطع علها دخول ابوها و فارس و فهد و رائد و احمد .
الرجال : السلام عليكم .
الحريم : عليكم السلام .
نوره تتكتف : ايوه كملوا انتوا مع بعض طالعين ليش رجعتوا منفصلين ؟ .
هيا بلعت ريقها بخوف .
فارس طالعهم باستغراب : وين زوز و سديم ؟ .
رائد استغرب من الهدوء حقهم : شفيكم هاديين ؟ .
سامي دخل وسلم .
سامي : السلام عليكم .
الكل : و عليكم السلام .
سامي يطالعهم متجمعين عند الباب : شفيكم يا جماعه شصاير ؟ .
فهد : احنا نبي نفهم شنو صاير .
هدى يصراخ : اوووه احنا كنا نتسابق و زوز وسديم ضاعوا عنا .
تركتهم وطلعت فوق .
فارس بصدمه : نعممم ؟ .
رائد بعدم فهم : لحظة لحظة ما فهمت ، شنو كنتوا تتسابقون وضاعوا ؟ .
فهد بصراخ : نطقوا .
هيا : احنا كنا نتسابق و سديم وقفت قالت بعدل الشوز حقي و احنا كملنا و زوز وقفت معاها بعدين ما ندري عنهم ندق عليهم الجوال مقفل .
فارس بصراخ : شنو يعني الجوال مقفل ، و ما ندري عنهم ؟ ، وينهم فيهم ؟ .
ندى : والله ما ندري رجعنا نفس المكان ما شفناهم .
فارس بدأ يحوس بمكانه مو قادر يستقر : اشلون يعني ؟ .
نوره تروح لفارس : اهدى يمكن اشوي و يجون .
فارس يأشر على الساعه بعصبيه : الساعه ٤ العصر و اهم طالعين الصبح من طلعتي و تقولين اشوي ويجون .
رائد بعصبيه : تعالوا تعالوا ، انتوا من الصبح طالعين ليش توكم راجعين ها ؟ .
هيا : لان كنا ندورهم من ساعتين بس ما حلصناهم و قلنا يمكن رجعوا البيت قبلنا ورجعنا نشوف .
فارس بعصبيه و صراخ : برافوا برافوا ، انا ، انا الغلطان اللي سمحت لها تروح معاكم ، انا الغلطان اللي امنت زوجتي مع ناس غبيه مثلكم .
ام رائد : يعني شنو الحين بنتي وبنت الناس ضاعوا ؟ .
احمد : يا جماعه صلوا على النبي يمكن اشوي و يرجعون مثل ما قالت نوره .
فارس يوقف ويبي يطلع ، رائد مسكه
رائد : وين بتروح ؟ .
فارس : بروح للمكان اللي كانوا فيهم يمكن احصلهم .
لف على هيا وبعصبيه : امشي قدامي اشوف .
هيا مشت قدامه وطلعت مع فارس من البيت و راح للمكان بالسياره .
****************************************************************************
💥 عند زوز 💥
صحت لكن ما تشوف شيء غير الظلام ، حاولت تحرك ايدها مربوطه ، حاولت تحرك رجولها مربوطه بحديد و شيء ثقيل .
حاولت تتكلم لكن في قماش بفمها .
زوز تحاول تتكلم : ا ا ا ا ا ا ا ا ا ا ا ا ا .
زوز تتنفس بسرعه .
زوز تكلم روحها : يا ربي ، شنو اللي يصير معاي ، يا ريتني ما طلعت من البيت ، ليتني ما رحت معاهم هالممشى ، ياربي وش قطيت نفسي فيه ، فارس وينك ، محتاجتك .
نزلت دموعها خوف و الم وحسره وندم و وحده .
****************************************************************************
✨ عند فارس و هيا ✨
وصلوا و تزلوا وبدوا يمشون برجولهم بالمكان يدورون .
فارس يتنفس بسرعه : ما فيه احد .
هيا تتنفس مثله : هني بالضبط افترقنا .
فارس يتلفت بالمكان : ما فيه احد .
هيا تأشر على مكان : خل نشوف هناك .
فارس : يلا .
راحوا يركضون بسرعه لعل وعسى يحصلونهم .
****************************************************************************
شكل زوز
****************************************************************************
زوز قاعده تبكي و اهي تدعي : يارب نجيني منهم ، يارب احميني ، يارب ، فارس وينك .
****************************************************************************
🌹 عند فارس و هيا 🌹
فارس يتلفت : ياربي ، زوزي وينك ، وينك يا روح فارس ، وينك .
هيا تطالع بفارس وقلبها معورها وما تدري شنو تسوي .
****************************************************************************
🌾 بالبيت 🌾
سامي يوقف : انا اقترح يا جماعه نبلغ الشرطه .
رائد : شنو بيسون ؟ .
سامي : اي شيء لكن نبلغهم افضل .
فهد : لا خلونا ننتظر ٢٤ ساعه ما صار شيء نبلغ .
ام رائد واهي تبكي : لا بنتي وبنت الناس ما يبيتون بره البيت .
نور : اهدي يمه حبيبتي وصلي على النبي .
سامي : انا بكلم صاحب لي اهو ضابط .
نوره : اي تكفى سامي كلمه .
سامي اخذ اغراضه : بكلمه وبقابله الحين الوضع ما يسمح نتاخر ، لا سمح الله يكونون في خطر .
فهد وقف معاه مع رائد : اخذنا معاك .
سامي : يلا .
رائد واهو بيطلع : فهد ان صار شيء بلغنا .
فهد : تمام .
طلعوا .
ام رائد تبكي : ياربي ، سمعت يقول سامي يمكن يكونون بخطر .
ابو رائد يحاول يهديها : اهدي ان شاء الله ما فيهم الله العافية ، الله الحافظ .
****************************************************************************
👮🏻 بمركز الشرطة 👮🏻
سامي يدخل المكتب : السلام عليكم .
👤 : عليكم السلام ، هلا والله سامي اشلونك ؟ .
سامي : الحمد الله انت اشلونك ؟ .
👤 : الحمد الله ، وش هالزياره المفاجئة ؟ .
سامي : تركي ابي اطلب منك خدمه .
تركي : آمر ، تدلل ؟ .
سامي : ما يأمر عليك عدو ، هذول نسايبي ، واليوم من ٤ ساعات تقريباً اختفوا شخصين من العايلة .
تركي باهتمام : قصدك خطف ؟ .
سامي : مو خطف بمعنى الكلمة ، او بالاصح احنا ما نعرف وينهم .
تركي يطلع اوراق ويمسك قلم : علمني اللي صار بالضبط .
بدوا يقولون له اللي صار بالضبط .
****************************************************************************
🔮 بعد ساعتين 🔮
الشمس بدت تغيب
و هيا و فارس للحين بالمكان .
هيا واقفه تطالع بفارس : فارس ما تعبت خل نرجع البيت .
فارس يتلفت : لا صبري يمكن نحصلهم .
هيا : تحصل ؟ ، صار لنا ساعتين بنفس المكان ولا حصلنا احد .
فارس بيأس : و مرتي ؟ .
هيا بحنان : الله وياها يحميها ، مو انت احسن من الله .
فارس ماسك نفسه : يلا مشينا .
رجعوا البيت واليأس يتملكهم .
****************************************************************************
واااااااااااااااااااااااااااااااااااااستوب
كيف البارت ؟
توقعاتكم ؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!