رواية زوجتي طفلة الفصل الحادي وأربعون 41 - بقلم zooz2012

👮🏻 بالشرطة 👮🏻

تركي يقفل القلم : اوك فهمت ، محتاج اقوال اللي كانوا معاهم بالحادث .

رائد : قصدك خواتي ؟ .

تركي : اي اذا ممكن تجيبهم هني .

رائد : لا صعبه اجيبهم هني ، اذا ما فيه كلافه عليك تفضل معانا البيت .

تركي : خلاص ما فيه مشكله و منها اروح لاخر مكان كانوا فيه المفقودين .

****************************************************************************

✨ بالبيت ✨

فارس دخل بهدوء و راح عند رجول امه وقعد عند رجولها وقام يبكي قدام الكل .

فارس ببكى : يمه .

ام رائد تبكي معاه وتحاول ترفعه : قوم يمه قوم  .

فارس : يمه انا الغلطان سمحت لها تروح ، يمه زهور ضاعت ما ادري وينها يمه .

ام رائد : يمه حبيبي انت لا تسوي بعمرك كذا يمه عمري انت ، ان شاء الله بترجع سالمه .

انهت كلامها على دخول سامي واحمد و رائد و شافوا منظر فارس اللي يقطع القلب .

رائد : يبه معانا ضابط شرطه .

ابو رائد : خله يتفضل يا يبه .

رائد : تفضل تركي .

تركي يتنحنح : احم احم يالله يالله .

دخل واهو يسلم : السلام عليكم .

الكل : و عليكم السلام .

فارس وقف و مسح دموعه و قعد يم ابوه .

ابو رائد : تفضل يا يبه حياك الله .

تركي : الله يحيك يا عمه تسلم .

جلس تركي جنب ابو رائد والجنب الثاني فارس .

تركي : انت فارس ؟ .

فارس هز راسه بحزن : اي نعم .

تركي : رائد ممكن اقابل الشهود اللي كانوا موجودين ؟ .

رائد قرب هيا : هذي وحده وباقي ثنتين فوق .

سامي : نوره ناديهم .

نوره راحت نادت هدى و ندى وبدأ يحقق معاهم ويسجل الاقوال .

تركي : انا اعذر يا جماعه لكن الموضوع تعدى موضوع ضياع .

ام رائد : شنو يعني ؟ .

تركي : يعني انا شاك بنسبة ٦٠٪‏ انها حادثه اختطاف .

فارس : يعني زوجتي منخطفه ؟ .

تركي : انا قلت شاك مو متاكد .

سامي : طيب و الحل ؟ .

تركي : لازم نقطع الشك باليقين .

فهد : اشلون ؟ .

تركي وقف وطلع جواله : راح اكلم الدعم نروح نبحث بالمكان وحوله لعل وعسى نلاقي شيء يساعدنا .

فارس : خذني معاك .

تركي : لا انتوا خلكم هني ، يمكن يرجعون ، لو صار اي شيء بلغوني ، عن اذنكم .

تركهم و طلع .

فارس حط يده على قلبه : يااااااارب .

****************************************************************************

🍂 عند زوز 🍂

قاعده تحاول تحرر نفسها من القيود اللي فيها ، لكن مو قادره .

و دموعها تنزل : ياربي ساعدني ياااااارب .

*************************************************************************

☄ بالممشى ☄

الشرطه عبت المكان وصاير فيه بحث دقيق عن سديم وزوز والكلب البوليسيه معاهم تساعدهم .

****************************************************************************

🌾 عند سديم 🌾

مرميه على الارض وراسها فيه دم ، مو حاسه باللي حولها فقط تنفسها الخفيف اللي ينسمع بهالمكان المهجور .

****************************************************************************

💥 بالبيت 💥

الكل قاعد على اعصابه ينتظر اي خبر يطمن خوفه لكن للاسف ما فيه اي خبر و الان الشرطه بتكمل ساعه من البحث .

****************************************************************************

✨ بعد ٣ ساعات متواصله من البحث ✨

الكلب قام ينبح بقوه والشوطي يصرخ .

الشوطي بصراخ : حضرة الضابط لقينا بنت هني مرميه بالارض .

تركي جاء يركض بسرعه وشاف البنت .

تركي نزل لعندها يتفقد النبض و بصراخ : دقوا على الاسعاف بسرعه النبض ضعيف .

تركي يطالع بملامحها نفس اللي بالصوره اللي عطوه ، اي سديم .

****************************************************************************

💐 بالبيت 💐

سمعوا صوت اسعاف دب الخوف بقلبهم اكثر .

نوره : اسعاف !! .

نور : الله يستر .

فارس يحاول يتماسك بقدر الامكان .

****************************************************************************

💕 بالمستشفى 💕

الدكتور : للاسف البنت متعرضه لضربة قويه بالراس ادت لدخولها الى غيوبه مجهولة المده .

تركي : يعني حالتها مو مستقره ؟ .

الدكتور : للاسف الشديد لا ، وضعها الصحي في خطر ، لانها فقدت دم بكميات كبيره .

تركي يتنهد : مشكوو دكتور .

الدكتور : العفو حضرة الضابط هذا واجبي .

راح الدكتور بقى تركي .

تركي  طلع جواله و دق : الو سامي ، لقيت وحده من البنات .

****************************************************************************

🎍 عند زوز 🎍

جالسه تحاول فجاه ثبتت و اهي تسمع اصوات رجال حولها .

رجل (١ ) : حمدان ما جاء للحين ؟ .

رجل (٢ ) : لا ما جاء .

رجل (١) : والله حاله يخلينا نخطف البنت ولا يجي شنو هذا .

رجل (٢) : يقول عنده شغل .

رجل (١) : شدعوه شنو هالشغل اللي ما خلص من ٥ ساعات ؟ .

رجل (٢) : و الله ما ادري عنه ما تعرف حمدان كتوم .

رجل (١) : انا مو هامني غير شيء واحد .

رجل (٢) : واللي اهو ؟ .

رجل (١) : شنو راح يسوي بالبنت اللي قالنا نخطفها .

رجل (٢) : اكيد حالها حال اللي قبلها بيغتصبها كذا مره بعدين يذبحها ويرميها بالشارع .

رجل (١) بضحك : صدقت .

واختفت اصواتهم ، زوز قلبها طاح ، حست انه موتها قرب ، عرفت ان مافيه مخرج ، عرفت انها النهاية ، و عرفت انه الصبح كان اخر لقاء لها مع فارس ، هل صج ما راح تشوفه مره ثانيه ، معقوله بتنتهي قصة حبهم الى هنا ، معقوله ؟ .

****************************************************************************

🌺 بالمستشفى 🌺

🌼 عند غرفه العنايه المركزه 🌼

الكل موجود ماعادا نور واحمد زوجها .

تركي يكلمهم كلهم : للاسف سديم بغيبوبه .

ام رائد ببكى : يمه بنتي 😭😭😭😭 .

فارس : و زهراء ؟ ، لقيتوها ؟ .

تركي : للاسف ما حصلناها ولا حصلنا دليل يدل عليها .

فارس : يعني اشلون ؟ زوجتي راحت خلاص .

فهد : فارس اهدى و صلى على النبي .

تركي : احنا لمن حصلنا سديم كان عندي امل كبير اني احصل زهراء وراها لكن للاسف لقيت سديم منصابه مع ذلك املي بقاء ، لكن فقدته بمجرد ما قالي الدكتور انها بغيبوبة مجهولة المده .

سامي : يعني ما نقدر نحصل زهراء بدون سديم ؟ .

تركي : للاسف صعب جداً ، لان اخر شخص كان معاها قبل لا تختفي زهراء ، لكت الان تاكدنا من شيء كنا شاكين منه .

ابو رائد : واللي اهو ؟ .

تركي : ان اهم انخطفوا .

الكل  ما قدر يعلق .

تركي : و انا اعتذر يا جماعه مضطر اخلي الدكاتره يعملون لسديم فحص للتاكد انها ما تعرض للاغتصاب .

ام رائد : لا بنتي للحين بنت انا ادري .

تركي : اهدي يا خاله ، انا ابي اتاكد فقط لا غير .

ابو رائد : روح يا يبه انا سامح لك .

تركي تركهم و راح للدكتور .

****************************************************************************

🍂 عند زوز 🍂 

رجعت تحاول تفك روحها ثنيت رجولها لين وصلت لجيوب بنطلونها ولقت فيه مشبك شعر.

****************************************************************************

مشبك الشعر 

****************************************************************************

 اخذته وبدت تحاول تفكر السلاسل اللي باياديها .

زوز واهي تكلم نفسها : يلا زهراء انتي قويه تقدين ، لازم تطلعين من هني ، لازم ترجعين لفارس ، فارس ينتظرك ، يلا ، تذكري الافلام اللي شفتيها ، تذكري الروايات اللي قريتيها ، يلا يلا .

واهي تحاول ............. . 

****************************************************************************

واااااااااااااااااااااااااااااستوب 

كيف البارت ؟

توقعاتكم ؟ 

نكمل بكره 😍 تصبحون على خير 🌹🌹