رواية زوجتي طفلة الفصل الحادي والعشرون 21 - بقلم zooz2012

فجاه بوسط قعدتهم وسوالفهم .

نوره نزلت من فوق ووقفت على الدرج .

نوره بصراخ زلزل البيت : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه .

وداخت واهي واقفه وطاحت من على الدرج وتقلبت الى اخر درجة وطاحت بالارض مغمي عليها بوسط صدمات الكل .

سامي وقف بسرعه وصرخ : نووووووووووووووووووورررره .

راح يركض لها بسرعه والكل لحقه تجمعوا عليها ، نوره كانت مو حاسه بالدنيا ، كانوا قاعدين يحاولون يصحونها .

سامي يضرب خدها بخفيف : نوره حبيبتي تسمعيني ، نوره قلبي قومي ، نوره .

هيا فجأة شهقت : شوفوا نوره .

الكل طالع مكان ما تأشر هيا شافوا الدم ينزل .

ام رائد بصراخ : ساميي بسرعه نوره تسقط .

سامي كان احد كب عليه ماي بارد .

زوز شافت الدم وداخت وكانت بتطيح مسكها فارس بسرعه وجلسها في الكنب .

فارس بخوف : انتي بخير ؟ .

زوز تطالع بنوره واهي قاعده وتنفسها سريع وتهز راسها بأي بصمت .

رائد حرك سامي وبصراخ : شنو تنتظر ؟ .

سامي استوعب .

سديم بسرعه صعدت فوق وجابت مفتاح السياره وعبايه لنوره .

سامي شالها بسرعه وطلع ، لحقه فهد ورائد ركب سامي ونوره بحضنه ورى وفهد قدام ورائد يسوق .

الباقي لبسوا العبايه ولحقوهم ، زوز كانت تتذكر موقف نوره بالدم وتخاف .

وصلوا المستشفى وسامي حلمها بسرعه ودخل المستشفى ، قسم الطوارئ .

سامي واهو حاملها بصراخ : ساعدوني .

جاو بسرعه الدكاتر والممرضات واخذوها منه ودخلوها لغرفه .

سامي كانت ملابسها كلها دم .

سامي ودموعه مجتمعه يكلم نفسه : يارب لا تختبر صبري فيها ، ياربي الا اهي ، يارب .

رائد قرب وحط يده على كتفه وهمس : اذكر الله وانا اخوك ان شاء الله اهي واللي ببطنها يكونون بخير.

سامي لف عليه ودموعه تخونه : ما يهمني اللي ببطنها كثر ما تهمني اهي ، الطفل بداله طفل بس اهي لا مافيه بدالها .

وصلوا الباقي على طلعة الدكتور .

سامي راح له بسرعه : طمني دكتور ؟ كيفها الحين ؟ .

الدكتور : لازم نسوي لها عمليه اجهاض حالاً ، البنت وضعها خطر ، الطفل ميت ببطنها من ٢٤ ساعه لازم نطلعه الآن والا يصير لها تسمم وهالشيء خطر اكثر على صحتها .

سامي بصدمه تامه .

ابو رائد : طيب هالشيء مو خطر عليها ؟ .

الدكتور : اذا تاخرنا اكثر يكون خطر عليها ، لازم نسوي العمليه الآن عشان نوقف النزيف ونمنع التسمم .

فارس : توكل على الله يا دكتور .

الدكتور يطالعهم : منو زوجها ؟ .

سامي والعبره خانقته : انا .

الدكتور : تفضل معاي عشان توقع اوراق العمليه .

سامي مشى وراه بدون ما ينطق حرف .

ام رائد قعدت بالكراسي واهي تبكي : ياربي وش هالمصيبه اللي جات على راسنا .

ملاك وجنان يهدونها .

فجاه نور صرخت .

نور بصراخ : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه .

احمد راح لها بسرعه يركض .

احمد بخوف : شفيك ؟ شصاير ؟ .

نور ماسكه يده بقوه : بطني .

هيا مسكتها معاه : قوم خل ندخل داخل يشوفون لا يجيها شيء .

دخلوها بسرعه عند الدكتوره .

زوز كانت واقفه تراقب بهدوء وصمت تااام .

فارس كان متوتر حده ، خواته ثنتينهم يتألمون ، وازواجهم يفقدون الصبر .

بعد مده طلع احمد من الغرفه واهو يضحك .

ام رائد : شصار شفيها نور ؟ .

احمد : عمه ما فيها شيء ، بس تقلصات حمل وشكل من الخرعه جاء لها كذا .

ام رائد تتنهد : الحمد الله ياربي .

سديم : وينها الحين ؟ .

احمد : عطوها مسكن وخدرت ونامت ، قالوا ترتاح اشوي بعدها اخذها .

رجع سامي مع الدكتور والدكتور دخل الغرفه ثواني وطلعوا سرير نوره ، سامي قرب منها ومسك يدها ونزل باس راسها بحنان .

سامي بهمس : انتظرك ياروحي هني ، لا تحاتين ما اخليك بروحك .

بعد عنها واخذوها ودوها غرفه العمليات وبعد تقريباً ساعه طلع الدكتور .

سامي راح له : بشرني ؟ .

الدكتور : الحمد الله ، تم كل شيء بنجاح واشوي وينزلونها غرفه الملاحظه الى بكره عشان نتاكد ان ما يحصل لها مضاعفات .

سامي قعد بالارض وسجد لربه شكر .

ام رائد : دكتور مافيه مشكله يعني بعد فتره تكمل رضاعه لولدها ؟ .

الدكتور : ما اقدر احدد حالياً الا بعد ما نتاكد ان مافيه مضاعفات .

سامي : مشكور دكتور .

الدكتور : العفو ولو ، بس ممكن اكلم شوي على انفراد ؟ .

سامي : اكيد ، تفضل .

لحق الدكتور على مكتبه ، الدكتور قعد .

سامي بقلق : خير دكتور ؟ نوره فيها شيء ؟ .

الدكتور : لا لا تحاتي ، بس ان شاء الله بعد ما تتحسن وتطلع بصرف لها حبوب مانعه للحمل .

سامي باستغراب : ليش ؟ .

الدكتور : لان الحمل خطر عليها هالفتره ، اقل شيء اذا بتحمل بعد سنه هذا اقل شيء ، فلذالك بصرف لها حبوب مانعه .

سامي : اشلون خطر عليها ماني فاهم ؟ .

الدكتور : انا افهمك ، حالياً ظهرها جداً رخو ما يتحمل ضغط الحمل والثقل وممكن يؤدي الى اجهاض مره ثانيه ، فاقل شيء للحمل الثاني سنه ولو كان اكثر يكون افضل .

سامي بتفهم : ايوه فهمت عليك .

الدكتور : وبعطيك فيتامينات بعد مقويه لجسمها ، ولازم تتغدى عدل عشان تستعيد صحتها بشكل سريع .

سامي : مشكور والله .

طلع سامي وراح لهم .

فارس استغرب من هدوء زوز ، راح وقرب منها ومسك اكتافها .

فارس بهمس : زوزي ، شفيك ؟ .

زوز تطالعه بهدوء .

فارس : شفيك ؟ .

زوز ماردت .

فارس خاف وقام يهزها وصرخ بخفيف : هي شفيك انا قاعد اكلمك .

ابو رائد بصراخ خفيف : فااارس ، احنا بالمستشفى ترى .

فارس نزل راسه وبعد عنها بهدوء .

ابو رائد يكمل : بعدين شفيك على بنت الناس ؟ .

فارس : يبه مادري شفيها اكملها ما ترد بس تطالعني .

سامي وقف وقرب منهم ويطالع بزوز .

سامي يهمس لفارس : اهي شافت نوره واهي تنزف ؟ .

فارس : مادري .

سامي : اهي تخاف من اشياء واجد ؟ .

فارس : اي .

سامي بهدوء : شكلها خايفه اجل من اللي شافته .

فارس تنهد : طيب والحل ؟ شسوي ؟ .

سامي يقرب ويهمس بأذنه : اخذها بمكان بروحكم واحضنها ، اهي بترفض وكذا بس بعدين بتستسلم لا تتركها الا اذا قامت تبكي ، عشان ما تجيها صدمه .

فارس فهم وهمس : تمام .

مسك يدها وسحبها وراه ، واهي ما تكلمت ، راح وطلع للحديقه حقت المستشفى وراح لمكان فاضي واشوي بعيد عن الناس ، وظل يطالع فيها ، اهي تتلفت بالمكان بخوف بدون صوت .

فارس بسرعه سحبها لحضنه بقوه ودفنها بصدره .

زوز ما طلعت رده فعل .

فارس همس باذنها : لا تخافين يا روحي ، انا معاك .

وباس راسها واهو يشدها بحضنه ، فجاه سمع شهقاتها تطلع واهي ترفع يدها وتشد ملابسه .

فارس يشدها اكثر .

زوز بين شهقاتها : فارس ، فارس ، دم ، نوره كانت بتموت .

فارس بعدها عنه وحط ادينه بوجها : سمعيني ياروحي ، نوره ما فيها شيء ، صدقيني .

زوز تهز راسها بلا وتصيح : لا لا انا شفتها طلع منها دم ، وكانت ما تتحرك .

فارس بحنيه : لا يا قلبي ، ما فيها شيء ، اهي بس سقطت الجنين مافيها شيء صدقيني يا عمريي ، اهدي عشاني ها يا روحي اهدي .

زوز بدت تهدي شوي ، فارس يطالعها ويبتسم .

اشوي ورجعوا داخل المستشفى تطمنوا على نوره ورجعوا وبقى سامي معاها .

****************************************************************************

🌹 بالبيت 🌹 

الكل راح لغرفته .

****************************************************************************

🌟 بغرفه جنان ورائد 🌟

رائد طالع من الشور وشاف لبس جنان قميص نوم سكري قصير وحفر ، غمض عيونه وبلع ريقه وراح السرير وانسدح .

جنان قربت منه وقعدت على السرير .

جنان بهمس : رائد شفيك ؟ .

رائد مغمض عيونه : مافيني شيء .

جنان : بس مو من عادتك تطلع من الشور وتشوفيني لابسه كذا ما تعلق ولا تقول شيء .

رائد : جنان طفي الليت بنام .

جنان : ماني مطفيه الليت والحين تقولي شفيك .

رائد عصب وقام : اوووووه ، جنان مابي اتهاوش تكفين ، بروحي ماني طايق نفسي وصدري ضايق لا تزيدين علي تكفين . تركها وطلع لصاله جناحه .

جنان انصدمت من عصبيته وتكلم نفسها : شفيه ؟ ، صار له كم يوم واهو متوتر ولا على بعضه . 

رائد قاعد بالصاله وحاط راسه بين ادينه ويكلم نفسه : ياربي شسوي ؟ ، ما اقدر اتكلم ولا اقدر اخبي ؟ ، محتاج اتكلم بس اتكلم لمنو ؟ ، منو اللي مستعد يتقبل شيء زي كذا .

تنهد بهم وانسدح على الكنب وغمض عيونه .

****************************************************************************

💫 بغرفه فارس وزوز 💫

فارس منسدح  على السرير ويلعب بالجوال ، زوز طلعت من الحمام بروب الحمام وقعدت على التسريحه .

فارس يطالع فيها ويبيها تنتبه انها يطالعها بس اهي مو عاطيته وجه .

فارس سكر جواله وتنهد : الى متى واحنا كذا ؟ .

زوز تطالعه بالمرايه : ما فهمت ؟ .

فارس : قصدي متى نعيش مثل اي زوجين ، كل واحد ياخذ حق الشرعي ، ونعيش بدون رسميات .

زوز تحط لها كريم : مادري .

فارس وقف وجاء جنبها : يلا الحين ، انا ابي الحين .

زوز توترت : لا فارس اسمح لي انا مو قابله .

فارس عصب : ليش مو قابله ؟ ، شنو مانعك ابي افهم ترى راح نكمل شهرين بعد اسبوعين .

زوز وقفت وبعصبيه : بس انت مو من حقك تغصبني على هالشيء لان يعتبر اغتصاب .

فارس : طيب انا صبرت وصبرت وصبرت وصبري بدأ ينفذ ، اشوفك تتحركين قدامي وما اقدر المسك .

زوز : مو عاجبك طلقني وتزوج ثانيه تعطيك حقك من ليله العرس .

فارس : طلاق ماني مطلق ، وحقي راح اخذه يعني راح اخذه وبشوف شنو بيصير .

زوز : شنو يعني بتاخذه ، قلت لك انا مو راضيه ، افهم .

فارس : ليش رافضه ابي اعرف ، في شيء انا ما اعرفه قوليه لي .

زوز : مابي وبس ، مو عاجبك طلق .

فارس عصب اكثر : رجعت وقالت طلق ، انتي صاحيه ولا مجنونه ؟ .

زوز : صاحيه ماني مجنونه .

فارس : يا الصاحيه اطلقك وانتي للحين بنت ؟ .

زوز بتوتر : عادي ننفصل وكل واحد يروح بطريقه .

فارس : واااو هذا كلام جديد .

زوز : بعد شنو تبي اسوي ، انت تبي حقك وانا مابي اعطيك الحل الطلاق .

فارس مسك يدها وقربها منه حيييل : سمعيني عدل زوز ، مو عشان اني احبك تستغلين هالشيء وتمشين كلامك علي لا تنسين اني الزوج هني ، وسالفه الطلاق انسيها تماماً ، وحقي راح اخذه سوا الحين ولا بعدين ، اوك يال مدام ؟ .

تركها وراح انسدح بالسرير وعطاها ظهره .

زوز انقهرت : لا عاد بالاول كنت افكر اعطيك اياه بالطيب ، الحين على الحركه اللي سويتها لا طيب ولا غصب ما راح تاخذه يعني ما راح تاخذه .

فارس من تحت البطانيه : اوك نشوف .

تركت زوز وراحت غرفة التبديل ولبست بجامتها وجاء انسدحت وعطته ظهرها .

****************************************************************************

🌷 عند سامي ونوره بالمستشفى 🌷

سامي كان يقرأ قران واهو يمسح على راس نوره ، وظل يراقبها ولا غفت له عين .

****************************************************************************

☄ بغرفة فهد وملاك ☄

ملاك منسدحه بحضن فهد ، وفهد يلعب بشعرها .

ملاك : فهودي .

فهد : هممم .

ملاك : حست ان الاوضاع متوتره ؟ .

فهد : يعني كيف ؟ قصدك على موضوع نوره ؟ .

ملاك : لا لا مو موضوع نوره ، قصدي ان كل واحد له هم بروحه ، يعني فارس وزوز شكل فيه شيء بينهم ، ورائد وجنان بعد .

فهد : يالملقوفه بطلي لقافه ، وش عليك منهم ؟ ها ؟ .

ملاك : مو قصدي ، بس اقصد ان كان واضح بس .

فهد ضحك : ادري امزح معاك ، ان كان كلام صح ، فإن شاء الله تتحسن الامور بينهم .

ملاك : ان شاء الله .

بعدت عنه وطالعته .

ملاك : اقول .

فهد يطالعها : قولي .

ملاك : كان ما فينا نوم شرايك نقوم نشوف فلم ؟ .

فهد : تمام انا اجهز الفلم وانتي سوي فشار وشراب وكذا .

ملاك تقوم من السرير : تمام بس اكشن .

فهد : رعب .

ملاك : نو اكشن .

فهد : رومنسي .

ملاك : تمام .

فهد قام وراح للصاله يشبك بالتلفزيون ويدور فلم رومنسي .

****************************************************************************

واااااااااااااااااااااااااستوب

توقعاتكم ؟

كيف البارت ؟

علقوا بين الفقرات .

٦٠٠ كومنت = اكمل 

٤٠ تفضيل = اكمل 

٢٠٠٢        كلمة