رواية زوجتي طفلة الفصل الحادي وخمسون 51 - بقلم zooz2012

دخلوا رامي وابوه وامه واهم يسلمون : السلام عليكم .

هيا ماتت خوف .

الكل باستغراب : و عليكم السلام .

ظلت النظرات تتبادل بين بعض و رامي قطع التواصل البصري بكلامه .

رامي بهدوء غريب : انا جاي اخذ مرتي .

هيا بعصبيه : ماني رايحه معاك .

رامي بحده : بتجين وغصبن عليك بعد .

رائد وقف وبصراخ : انت هي ، لا ترفع صوتك .

رامي ما عطى رائد اهتمام : امشي قدامي اشوف .

هيا : قلت لك ماني رايحه معاك .

ام رائد : يا جماعه صلوا على النبي .

ام رامي بعصبيه : لا يا ام رائد هذي ابداً مو اخلاق عيل في بنت محترمه تترك بيت زوجها وتطلع بنص الليل بدون ما تقوله .

هيا : انا محترمه اكثر من ولدك .

رامي قوب يبي يطقها منع فارس وبصراخ : نزل ايدك لا اكسرها .

ابو رائد بعصبيه : ما عاش من يمد يده على بنتي وانا حي .

هيا ببكي : يبه يمه مابي ارجع له ما ابي .

رامي بصراخ : بترجعين يعني بترجعين فهمتي ؟ .

هيا بصراخ : لا ماني راجعه انت واحد قذر وما تستحي ..... .

رامي قطعها بسرعه : جببب ولا كلمة تخسين انتي واهلك .

رائد عصب وراح مسكته وسدحه بالارض وطاح فيه طق ... والباقي يتدخلون يبون يبعدون رائد عن رامي .

احمد يمسكه : خلاص رائد هده بيموت بين ادينك .

رائد ما يسمعهم ويطقه .

فكوه بعد جهد جهيد .

رائد واهم محاوطينه ويتنفس بسرعه : اطلع بره ، اطلع بره لا اكمل عليك اطللللللع .

رامي يمسح الدم من فمه : طالع لكن والله لا اجيبك يا هيا تحت روجلي مثل الكلبه انا اعلمك .

تركوهم وطلعوا ورائد لف لهيا اللي ميته بكي و بس طلعوا راحت لغرفتها .

رائد راح ليوسف ووقف واهو يتنفس بسرعه : هالكلب شنو مسوي باختك ؟ .

يوسف : ما ادري امس دقت علي وقالت تبي تجي ولمن رحت لها كانت تقول بسرعه خل نطلع لا يجي .

فهد : بس عيل مسوي لها شيء .

سامي : يمكن يطقها ؟ .

ابو رائد ما تحمل وطلع فوق ولحقوه رائد وفارس وفهد ويوسف وخالد وحمد .

دخلوا غرفه هيا كلهم ، ولحقتهم امها ونوره ونور .

 ابو رائد قعد على السرير وبهدوء عكس اللي بداخله : هيا .

هيا ميته بكي .

ابو رائد : قولي لي شصاير بينك وبين رامي ؟ .

هيا رفعت راسها وما ردت .

فارس بحنان : قولي حبيبتي لا تخافين ، احنا معاك مو ضدك .

رائد : والله لو ماد يده عليك لا اذبحه واشرب من دمه هالكلب .

هيا واهي متقطعه بكي : ما اقدر اقول .

فهد : ليش اهو شنو مسوي فهمينا .

هيا بانفعال وصراخ قامت وتكسر اغراض التسريحه : ما اقدر ما اقدر فهموني .

امها راحت لها بسرعه تضمها : خلاص خلاص يمه اهدي .

هيا واهي بحضن امها : يمه تكفي ما ابي ارجع له ما ابيه طلقوني منه ما ابيه .

امها تمسح على راسها وتبوسها : ان شاء الله يمه انتي بس اهدي اهدي يا قلبي اهدي .

ابو رائد اكتفى بتنهيد واشر لعياله وطلعوا وراه .

نزلوا تحت وكل واحد قعد عند زوجته .

فارس قعد واهو يتنهد .

زوز لف عليه وبحنان : شفيك حبيبي ؟ .

فارس كان متضايق وما قدر يتكلم همس : لحقيني فوق .

طلعوا لجناحهم ونفس الشيء بالنسبه لرائد وفهد مع زوجاتهم .

****************************************************************************

✨ بجناح رائد ✨

جنان قاعده على الكنب ورائد رايح شاي بالصاله واهو واصله معاه الف من العصبيه .

رائد واهو معصب : والله ان طلع مسوي لها شيء لا اذبحه واشرب من دمه هالكلب ، اصلاً اكيد مسوي لها ولا كان ما انهارت ولا اصرت كل هالاصرارر انها تتطلق منه ، بس شنو مسوي آآآآخ بس لو اعرف .

جنان : انزين تهدى حبيبي انت مو زين عليك اهدى .

****************************************************************************

🌹 بجناح فهد 🌹

فهد منسدح ويمه ملاك .

فهد : انا خايف على هيا ، ماني متطمن .

ملاك : من اي ناحيه .

فهد : طريقه بكاها وانهيارها دلل على كبر الشيء اللي اهو مسويه .

ملاك : اشلون يعني تتوقع انه مسويه لها شيء قوي ؟ .

فهد : اكيد ولا كان ما خافت ولا اصرت تتطلق منه ، بس تدري انا بعد خايف من شيء ثاني .

ملاك : شنو اهو ؟ .

فهد : خايف من اخوي رائد ، اذا طلع الشيء اكبر من اللي احنا نتوقع ، اخوي رائد مو بس بيطقه الا بيموته .

ملاك : لهدرجة .

فهد : واكثر بعد ، الله يستر .

****************************************************************************

💥 بجناح فارس 💥

فارس قاعد على السرير يفكر وقباله زوز .

فارس : شنو مسوي ، شنو ، احس راسي بينفجر من التفكير .

زوز بحب : حبيبي اهدى ، انزين اشرايك انا اروح اقعد معاها يمكن تقولي .

فارس بحماس : حلفي زوزي ؟ .

زوز : بشنو احلف ؟ .

فارس : انك تروحين تقعدين معاها وتجربين .

زوز بصدمه : يو شفيك ترى عادي اهي اختي اصلاً .

فارس بسرعه خطف بوسه سريعه من شفايفها : يا بعد قلبي والله .

زوز وقفت : يلا بروح اشوفها .

فارس : تمام قلبي انتظرك .

طلعت زوز من جناحهم .

****************************************************************************

☄ بغرفه هيا ☄

قاعده على السرير وضامه ركبها لصدرها ودافنه راسها فيهم وقاعده تبكي ، انطق الباب .

هيا : مابي اشوف احد .

زوز فتحت الباب ودخلت راسها وبهمس : حتى انا .

هيا شافتها ومسحت دموعها وهمست : حياك .

دخلت زوز وقعدت قبالها  هيا على طول ضمتها وقامت تبكي وزوز بادلتها واهي تمسح على شعرها بحنان .

زوز : قولي لي اللي بقلبك عشان ترتاحين .

هيا : انا متضايقه عشان ما اقدر اقول لاخواني شيء .

زوز واهي تشجعها تكمل : ليش هذول اخوانك .

هيا رفعت راسها من حضنها : شنو اقولها زوز شنو ، اقول لهم اني من تزوجت للحين ما لمسني ، اقولهم اني للحين بنت ، اقولهم انه ينام جنبي بدون حتى ما يحضني ، اقولهم اني البس له احسن لبس لكن ما يعيرني اهتمام ، اقول لهم انه يخوني .

سكت واهي تبكي .

هيا : شقول لهم ، اقولهم خيانته غير عن الخيانات ، اقول لهم انه شاذ جنسياً ويميل للرجال اللي زيه ، اقولهم انه يجيب ربعه بالبيت ويخليهم يطبقون فيه كانه مرأة ، اقولهم انه واحد من ربعه كان يبي يعتدي علي قدامه واهو قابل ، اقولهم انه يرجع البيت سكران ، وانه يشرب خمر وزقاير و راعي  مخدرات  .

وقامت تبكي بقوه : شقول شقول .

زوز تطالعها بصدمه ولمتها .

هيا واهي بحضن زوز : ما اقدر اقول لهم كل هذا ما اقدر .

ظلت زوز تمسح على راسها وتحضنها وتهديها بعد مده هدت  ونامت ، عدلتها زوز وغطتها وطلعت من غرفتها لجناحها واهي مو عارفه شنو تقول وشنو تخلي حق فارس .

****************************************************************************

💕 بجناح فارس 💕

رايح جاي من التوتر اللي فيه قطع عليه دخول زوز وقعدتها على الكنب .

فارس قعد قدامها : ها شصار ؟ قالت لك شيء .

زوز تنهدت : فارس والله مو عارفه شنو اقولك .

فارس بتوتر : شصاير ؟ .

زوز تنهدت واستسلمت وقالها له كل شيء .

فارس وقف بعصبيه منصدمه : هالكلب ولا ادفنه .

زوز وقفت ومسكته : اهدى .

فارس : شنو اهدى انتي مستوعبه شنو تقولين .

زوز : اي مستوعبه اهدى ما ينفع تتصرف بهالطريقه .

فارس ما اعطاها جواب وراح لغرفه نوره بسرعه وطق الباب .

وزوز لحقت وراه : فارس اهدى .

فارس يبعدها : وخري عني .

ورجع يطق غرفه نوره .

فتحت نوره : فارس .

فارس : ابي سامي .

نوره دخلت تناديه .

زوز تمسك فارس : فارس اهدى .

فارس بعصبيه : وخري عني ما ابي اتزاعل معاك .

طلع سامي واهو مستغرب : شفيك شصاير .

فارس : ابي رقم تركي حالاً .

سامي باستغراب : ليش ؟ .

 ****************************************************************************

واااااااااااااااااااااااستوب 

كيف البارت ؟

توقعاتكم ؟ 

طولته عشانكم 

عاد هالله هالله بالتفاعل