رواية زوجتي طفلة الفصل الخمسون 50 - بقلم zooz2012

🌾 بنص الليل 🌾

الكل كان نايم فجاة سمعوا صوت بالمطبخ و الكل نزل وشافوا القزاز متكسر .

تركي قرب من المكان ولاحظ شخص يركض بسرعه .

تركي بصراخ : وقف .

ونط من الدريش وانجرحت يده بخفيف ولحقه .

فارس ورائد وسامي وفهد وخالد ويوسف واحمد وزياد لحقوه من الباب .

الشخص كان لابس اسود باسود ولابس جاكيت اسود ومغطي وجهه فيه ، وتركي يلحق وراه باقصى سرعته .

الشخص لف ورى وشاف تركي وراه ، طلع مسدسه وحط فيه رصاص وبلش يطلق جهة تركي .

وتركي يتجنب الطلقات .

تركي بصراخ : انتبوا .

فارس مرت جنبه رصاصه وجرحت كتفه .

فارس بألم : اخخ .

تركي مستمر يلحقه .

جات رصاصه برجله وسببت خدش وطاح تركي على وجهه .

استغل هالشيء وانحاس باقصى سرعه واختفى .

خالد ويوسف بصراخ : تركككيييي .

تركي يتنفس بسرعه من الركض .

قربوا كلهم من وحاوطوه .

سامي يتنفس بسرعه : انت بخير ؟ .

تركي يراقب المكان : اي بخير .

رائد يطالع رجل تركي : تقدر توقف ؟ .

تركي : اعتقد اي .

زياد يفصح كتف فارس : فارس اصابته بسيطه جرح ويطيب .

سامي مسك رجل تركي .

تركي غمض عيونه بألم : آآآآه .

سامي : تركي اتوقع يبي له غرزه .

احمد : انزين يلا خل نرجع لان شكله بيطيح مطر .

شالوا تركي وظل يمشي بس بشكل مو متوازن اشوي .

ورجعوا واستقبلوهم الحريم وجابوا الاستعافات الاوليه وضمدوهم زياد و سامي .

زوز عصبت لان فارس انصاب قامت وراحت لمرام قدام الكل .

زوز بعصبيه وصراخ : انتي لوين تبين توصلين ؟ .

مرام وفعت نظرها لزوز : نعم ؟ .

زوز مسكتها من كتفها ورفعتها : لمن اكلمك تهزين طولك وتوقفين تكلميني .

مرام بصراخ : ومنو انتي عشان اوقف لها ؟ .

زوز : انتي اللي ورى السالفه اللي صارت توها صح ؟ .

مرام : و ليش ما تكونين انتي ؟ .

سديم بصراخ : تخسين انتي واشكالك .

مرام : انتي انطمي لا تتدخلين .

زوز لفتها لها : سمعي عاد سكت لك عن واجد اشياء لكن توصل لك انك تضرين زوجي تخسين .

مرام عصبت اكثر ورفعت يدها وبتضرب زوز كف وحست باليد اللي وقفتها .

ابو رائد بحده : ما عاش من يضرب زوجة من ازواج اعيالي وانا حي .

نزل يد مرام وبصراخ : حريم عيال خط احمر ، حتى عيالي ما اسمح لهم يضربونهم .

مرام : بس اهي . 

ابو رائد : بس عاد سكت لك بما فيه الكفايه اللي يهين زوجة ولدي يعني هايني ، لا تحسبين ان ما نعرف عن ولا شيء انتي مسويته ترى نعرف كل شيء وكنت امنع الكل عنك لانك بنت اختي بس الى هنا وبس تماديتي بما فيه الكفايه ولازم نوقفك عند حدك .

ام مرام : بس يا خوي .

ابو رائد : لا بس ولا شيء ، تبون تقعدون معانا بدون مشاكل مالك شغل باحد مو عاجبك الباب يوسع مدينه .

ام مرام : افااا يا اخوي تطردني عشان هذي ؟ .

فارس بعصبيه : هذا اللي تقولين عنها مرتي ، واللي يمسها يمسني .

ابو رائد : يلا كل واحد على غرفته ينام يلا .

الكل قام لغرفته ينام بعد ما تأكدوا ان كل البيبان والنوافذ مقفله وقفلوا المطبخ لان النافذه منكسر .

****************************************************************************

💥 تسريع للاحداث 💥

اليوم الكل بيرجع من الشاليه .

سياره سامي ، نوره ، ولدهم حامد ، ندى وهدى .

سياره احمد ، نور ، بنتهم جوري ، خالد ، حمد .

سياره فارس ، زوز ، سديم ، ملاك ، يوسف .

سياره زياد ، تركي ، رائد ، هيا ، فهد ، جنان .

سياره ابو رائد ، ام رائد .

****************************************************************************

وصلوا بيت ابو رائد كلهم تقريباً مع بعض وبدوا ينزلون الاغراض وكل واحد يروح غرفته يرتاح .

****************************************************************************

💕 بعد مرور شهرين 💕

ام رائد تكلم تلفون البيت : اي اي ، ان شاء الله ولا يهمك ، اشوف الموضوع وارد لك خبر ، باذن الله ، ما يصير الا الخير ، اكيد اكيد ، برد عليك قريب ، مع السلامه حبيبتي ، مع السلامه .

قفلت واهي مستانسه ، وراحت لغرفه المكتب ودخلت على العيال واهم مجتمعين عشان الشركه .

ابو رائد طالعها : خير يا ام رائد صاير شيء ؟ .

ام رائد قفلت الباب واهي مبتسمه : اي ابيكم بموضوع .

رائد : شصاير يمه ؟ .

 ام رائد : جايين لنا خطاب .

فهد بصدمه : ها ؟ .

فارس : وحق منو من الخبلات ان شاء الله ؟ .

ام رائد بابتسامه : حق هيا .

كلهم بصدمه : نعمممم ؟ .

****************************************************************************

🔮 بغرفه هيا 🔮

هيا واهي تقعد على السرير بعصبيه : اوووف اشفيكم اقولكم مابي اتزوج .

جنان : اي ليش ؟ .

هيا : كذا ما ابي .

ملاك واهي تاكل : لا مو كذا نبي سبب مقنع .

هيا تنافخ : اووووف .

زوز قعدت قدامه وبحنان : حبيبتي قولي لنا ليش ؟ .

هيا بتردد : لان لان .

سديم : اييي لان شنو ؟ .

هيا : خايفه .

الكل : هاااا ؟ .

****************************************************************************

☄ تسريع للاحداث ☄

بالغصب قنعوا هيا ووافقت وتمت الخطوبه رسمياً و تمت النظره الشرعيه وتعرفت عليه 

خلونا احنا نتعرف عليه .

رامي : عمره ٢٤ سنه ، موظف بشركه ابوه ، غامض ، تصرفاته تصرفات مراهق ، قليل الكلام مع هيا ولكن الكل اقنعها انه يمكن خجول وبعد الزواج بيتعدل الوضع ، امه صديقه ام رائد من سنين وبس باقي الشخصيه تعرفونها بالبارتات الجايه .

****************************************************************************

💐 تم العرس 💐

وكان اجمل عرس هيا كانت جميله بمعنى الكلمة ، وسافرت شهر العسل وكانت جداً مستانسه ورجعت وبدت تلاحظ اشياء غريبه .

****************************************************************************

🌺 ببيت هيا 🌺

كانت قاعده بقميص النوم قدام التلفزيون وتاكل وتشوف المسلسل .

فجاهرسمعت صوت بالمجلس حق الرجال استغربت ووطت على الصوت وراحت بحركه هاديه للمجلس ووقفت عند الباب .

كانت تسمع تأوهات زوجها رامي وتأوهات رجال معاه ، انتبه لها رامي ولحقها شافته و خافت بسرعه وطلعت لفوق وقفلت الباب عليها ، ثواني وسمعت ضرب الباب بقوه .

هيا قامت تبكي .

رامي يضرب الباب بقوه : هيا فتحي الباب .

هيا بصراخ وبكي : ماني فاتحه .

رامي : فتحي لا اكسره فوق راسك .

هيا : ماني فاتحته .

رامي : لا تخليني اعصب .

هيا واهي ميته صياح : تشرب خمر وقلت ماشي ربي يمكن يهديه ، تخوني كل يوم مع وحده كل ماشي يمكن يتوب ، لكن اشوفك بالوضع اللي شفتك فيه لا والف لا سكت بما فيه الكفايه ، ماني قادره اتحمل .

رامي واهي مو ثابت بسبب الخمر : انزين خلاص اهدي قلبي نروح بيت اهلك .

هيا سوت نفسها ما سمعته واخذ جوالها تدق على اهلها ، عزوتها ، سندها .

رامي واهو يطق الباب : هيا ، فتحي الباب .

هيا واهي تحاول تعدل صوتها : الو يوسف .

يوسف : هلا هلا .

هيا : يوسف عادي تجي تاخذني ؟ .

يوسف حس فيها شيء : هيا شفيك فيك شيء ؟ .

هيا تمسك دموعها : لا بس ابيك تجي تاخذني .

يوسف : تمام مسافه الطريق .

قفلت منه واخذت شنطتها تجهزها ، واهي تسمع دق الباب من رامي .

بعد دقايق وصل يوسف مع السواق وفتحت له الخدامه وما شاف احد بالبيت قال للخدامه تنادي هيا ، نادتها نزلت باغراضها .

يوسف استغرب : هيا .

هيا : خلنا نمشي تكفى .

يوسف : لحظه شنو صاير ؟ .

هيا : افهمك بعدين يلا .

يوسف اخذ شنطتها وركبوا السياره بسرعه وراحوا لبيتهم وطلعت فوق بدون ما احد يشوفها لان كان الوقت متاخر وكلهم تقريباً نايمين .

****************************************************************************

🍂 يوم جديد 🍂

يوسف خبر الكل على الفطور ان هيا بالبيت وانه جابها امس من بيت زوجها .

نزلت هيا تفطر معاهم .

ابو رائد : خير يا بنتي يقول يوسف انك جايه امس متاخر من بيت زوجك صاير شيء ؟ .

هيا تخز يوسف : لا يبه مافيه شيء .

رائد : متاكده مو مسوي لك شيء ؟ .

هيا : لا بس متهاوشين شوي .

زوز واهي تطالعها مو مصدقه اللي تقوله .

دخلت جنان ومعاها ملاك و نوره وسلموا .

الاثنين : السلام عليكم .

الكل : عليكم السلام .

ملاك بفرح : عطوني البشاره .

ام رائد : لك البشاره يا يمه بس على شنو ؟ .

نوره : جنان حامل .

رائد غص بالاكل وقام يكح : كح كح كح .

فارس ضحك عليه وعطاه ماي : هاك هاك اسم الله عليك .

رائد شرب ماي وتنهد ولف عليهم : شنو ؟ .

نوره : جنان حامل .

رائد بفرح : حلفي ؟ .

جنان بابتسامه : والله حامل .

رائد قام يصرخ بفرح : ييييييييييس واخيراً .

قاموا التباريك والزغاريد والفرح بالعايله .

قطع عليهم رنة الجرس راحت الخدامه تفتح .

دخلوا رامي وابوه وامه واهم يسلمون : السلام عليكم .

هيا ماتت خوف .

الكل باستغراب : و عليكم السلام .

ظلت النظرات تتبادل بين بعض و .......... .

****************************************************************************

وااااااااااااااااااستوب 

كيف البارت ؟

شنو بيصير ؟

توقعاتكم ؟

عشانكم طولته .

اشوفكم الويكند الجاي 

شعللوا البارت وانشروا حسابي و علقوا بين الفقرات واحبكم وبس 😍😍😍😍😍😍