رواية زوجتي طفلة الفصل الخامس والعشرون 25 - بقلم zooz2012

🌷 يوم جديد 🌷

🌹 بغرفة فارس و زوز 🌹 

فارس صحى قبل زوز طالع بزوز واهي نايمه بحضنه وانتبه انهم بدون شيء ، ابتسم انه قد يخطي خطوات قدام بعلاقتهم بعد فتره دامت ٤ شهور ازواج فقط على ورق .

نزل راسه يطالعها ودخل يده وجلس يلعب بشعرها بخفيف ، نزل نفسه وبدأ يبوس خدودها ، وانفها وجبهتها و قريب شفايفها وبين عيونها وعلى شفايفها .

زوز بدت تتحرك بأنزعاج وتعقد حواجبها ، وفارس يبتسم ويكمل .

زوز صحت واهي منزعجه : اووف فارس وخر خلني انام .

فارس بضحك وهمس : يالكسوله ، قومي بسك نوم .

زوز ترجع تغمض : لا اتركني بنام .

فارس رجع يبوسها ويحوس بشعرها لين عصبت زوز وقامت قعدت على السرير .

زوز بعصبيه : هذا انا قعدت ، ارتحت الحين .

فارس ضحك وسحبها لحضنه : ايوه ارتحت يا قلبي ، ولا ارتحت حييييل بعد .

زوز بتكلم وانتبهت  ان فارس يطالع شيء ويطالع مكان ما يطالع شافت انهم بدون ملابس ، وجها قلب الوان .

زوز وجها الوان سحبت البطانيه وتغطت واهي تصرخ : عييييييييييييييييب .

فارس انفجر ضحك : وش عيبه بعد ؟ .

زوز من تحت البطانيه ما ترد .

فارس بخبث : على فكرة ، شايفك امس كلك ، ولا حفظتك بعد .

زوز من تحت البطانيه تصرخ بإحراج : يالوووووووووووووووووووصخ .

فارس يضحك عليها ، ويحاول يسحب البطانيه لين سحبها وصار وجهه مقابل وجها .

فارس يقرب ويبوس شفايفها بحب ويهمس : صباح الخير يا احلى عروس .

ويتركها ويقوم ويروح الحمام ، زوز ظلت مصدومه ثواني وبعدين استوعبت وصرخت بأحراج 

زوز بصراخ : لاااااااااااااا .

فارس بالحمام يسمعها ويضحك عليها ، خلص شور ولبس ملابسه وطلع و زوز  متغطيه ، قرب منها بهدوء .

فارس بحنيه : تقدرين تمشين ولا ؟ .

زوز رفعت البطانيه اشوي وبينت بس وجها وهمست : مادري .

فارس يمد يده : طيب يلا قومي اشوف .

زوز : لا انت اطلع وانا اقوم .

فارس : لا يلا قومي .

زوز : يووووه فارس تكففى اطلع .

فارس ضحك : اوك خلاص .

وقف وراح جهة الغرفه وطلع ووقف عند الباب يراقبها بدون ما تشوفه ، زوز قامت بخفيف واهي لافه البطانيه عليها ووقفت وتألمت وقامت تتحلطم .

زوز : حسبي الله علي انا الغبيه اللي وافقت ، مالت علي ، زين كذا بصير معوقه .

فارس من وراها : لا بس يومين ويصير وضعك تمام وترجعين تمشين طبيعي .

زوز شهقت : يمه بسم الله .

وطاحت البطانيه من عليها ، وكانت بتطيح  ، فارس بسرعه ركض ومسكها وحملها بحضنه ، زوز دفنت راسها بحضنه من الاحراج .

فارس ابستم ومشى فيها للحمام ، عبى لها البانيو ماي دافي ودخلها فيه وقعد على طرف البانيو .

فارس يطالعها بحب : استخي هني ، يخفف الالم ، انا بنزل تحت اخليهم يجيبون لنا الفطور هني ، تمام ؟ .

زوز هزت رأسها واهي مستحيه ، فارس ضحك وبعثر شعرها وطلع نزلت تحت شاف امه تحوس تجهز الفطور ورئد وفهد وابوه قاعدين على الطاوله .

فارس بابتسامه : صباح الخير .

الكل : صباح النور .

فارس ينادي امه : يمه ، يمه .

ام رائد جات وتحط صحن البيض على الطاوله : نعم يمه .

فارس : ما عليج امر تقولين للخدامه تجيب لنا فطور فوق .

ابو رائد : ليش يبه ؟ .

فارس بإحراج : يبه زوز تعبانه اشوي .

وغمزت حق ابوه ، ابو رائد فهم عليه وابتسم .

رائد يتسبب بفارس : اقول فروس ، شتبي بالفطور فوق لا يكون مفكر نفسك معرس امس تراك من ٤ شهور .

فارس : انت شعليك مني ، كيفي بصير معرس جديد .

ام رائد جات مع الخدامه : روحي فوق مع بابا فارس .

فارس يطلع لسانه لرئد وفهد .

فارس لف على ابوه : يبه ما بداوم اليوم .

ابو رائد يشرب القهوه : براحتك يا يبه .

طلع فارس مع الخدامه فوق لجناحه ودخلت الخدامه الاكل بالصالة وطلعت ، فارس راح غرفه النوم شاف زوز قاعده على التسريحه جاء من وراها وحضنها .

فارس بحب : خلصت حبيبتي شور ؟ .

زوز بهمس : يس .

فارس يبوسها بوقبتها من ورى : فدوه .

زوز تبعده : بس حرام عليك شوف رقبتي كيف .

فارس يوقف جنبها بفخر : اي كيفي حلالي .. عشان الكل يعرف انك حلالي .

زوز : يا سلام .

فارس يقرص خشمها ويقلدها : يا سلام .

زوز ضحكت بنعومه .

فارس : يلا قومي الفطور جاهز .

زوز تطالع لبسها : انزل كذا قدام اخوانك ببجامه ؟ .

فارس : و منو قالك ان بننزل تحت الفطور بره بالصاله .

زوز قامت وطلعت معاه الصاله وانصدمت : فروس منو مسوي الفطور ؟ .

فارس فهى بكلمة فروس  : هااا ؟ .

زوز تلف عليه وبدلع اطفال : فروووس اكلمك انا .

فارس : يا بنت الناس عقلي ، ترى اجرم فيك الحين .

زوز ضحكت .

فارس مسك يدها : يلا تعالي كلي .

زوز : اول قولي منو مسوي الفطور .

فارس يقعد ويقعد زوز جنبه وقريب من حضنه : امي والخدامه .

زوز فتحت عيونها بصدمه : شنو ؟ امك ؟ .

فارس ياكل : يس .

زوز تطق كتفه بخفيف : استح انا موجوده مخلي امك تسوي الفطور ، شنو يقولون عني تزوجت وللجين امك توكلك مو زوجتك .

فارس ياكل ويطالعها بطرف عين : والله زوجتي خل تعرف تقوم بالاول عشان تسوي لي اكل .

زوز استحت وطقته : انت السبب .

فارس ياخذ لقمة ويدعسها في فم زوز : اقول اكلي بس وخلي هالهذره .

زوز تاكلها : الحين انا هذره ؟ .

فارس بضحك : واحلى هذره بعد .

يقرب ويأخذ الاكل اللي ما دخل بفمها باقي بره وياكله .

زوز صار وجها الوان .

فارس مات ضحك : اقول عشقي تعودي على هالحركات وبعدين بين الناس تناديني فارس بس بيني وبينك حبيبي وحياتي وعيوني وقلبي وعشقي وحبي ، سمعتي ؟ .

زوز : بس .

فارس يقاطعها : مافيه بس و غيره ، احنا شلنا الرسميات اللي بينا من ٤ شهور صح ولا ؟ .

زوز تنزل راسها بحياء : صح .

فارس : عيل خلاص ، انا احبك واموت فيك .

زوز : وانا بعد .

فارس بخبث : انتي بعد شنو ؟ .

زوز : يو فارس تدري .

فارس : لا ما ادري علميني .

زوز : احبك .

فارس بحب : و انا اتنفسك ، اعيشك .

زوز : فارس .

فارس ما يرد عليها .

زوز : يو نسيت ، حبيبي .

فارس يلف عليها : عيونه ، قلبه ، روحه .

زوز : بسألك عن وحده .

فارس : اووه بدينا غيره ، منو هذي ؟ .

زوز : وحده اسمها مرام ، تقول انك تحبها .

فارس مات ضحك : 😂😂😂😂 .

زوز بغيره : ليش تضحك فارس بيك ؟ .

فارس : اوووه فارس بيك بعد لا الموضوع كبر صار غيره وناار .

زوز تطقه بخفيف : انا اكلمك ، منو هذي مرام .

فارس يبي يزيد غيرتها : وحده .

زوز : يا سلام ومنو هذي وش عرفك فيها ؟ 

فارس : اهدي اهدي هذي بنت عمتي ، كل تمشي وتقول للناس اني احبها وبتزوجها ولمن تزوجتك اختلف عندها الوضع .

زوز : منو قالك اختلف عندها الوضع ، لا نفسه الحين تقول انك بتطلقني وتاخذها .

فارس : ما عليك منها مو شاطره بشيء غير الكلام .

****************************************************************************

⚡️ بغرفة رائد و جنان ⚡️

رائد صار هالفترة يتجاهل جنان تجاهل تااام ، و جنان متضايقه من هالوضع .

رائد كان يبدل ملابسه عشان يروح الشركة ، دخلت جنان عليه .

جنان : رائد .

رائد بدون ما يطالعها : همم . 

جنان : ابي اروح بيت اهلي .

رائد : لا .

جنان بعصبية : خلاص انا مو متحمله الوضع هذا ، انا عايشه بروحي وانت بروحك والحل يعني ؟ .

رائد لف عليها وببرود : نظل كذا .

جنان : اي ليش ، انا شنو مسويه اللي تعاملني كذا .

رائد انفجر : جنان واللي يرحم والديك اللي فيني مكفيني لا تزيدين علي .

جنان : شنو اللي فيك ؟ ليش تخش علي ؟ ، انت كل تاركني بروحي حتى طفل مو مخليني اجيب يسليني اشوي .

رائد بانفاعل : عيال لا ، تفهمين .

جنان : اي ليش ؟ .

رائد واح للتسريحه وفتح الدرج وطلع حبوب المانع ويقعد يحسب يشوف اذا في وحده زايده .

جنان من وراه : لا تحاتي العدد نفسه .

رائد قط الحبوب على التسريحه وطلع بدون ما يقول كلمه .

جنان : ياربي وش هالوضع .

رائد نزل تحت وراح الشركه قضى اليوم فيه الى الساعه ١٢ بالليل ورجع البيت ، ودخل المجلس وقعد فيه .

كانت صاكه فيه الدنيا ، وكلمة مختنق قليله فيه ، ما لقى نفسه الا يدخل واتساب على اخته نوره ويشوفها متصل .

رائد : نوره .

نوره : هلا رئود .

رائد : صاحيه ؟ .

نوره : اي .

رائد : وش مصحيك للحين .

نوره : اههه يا اخوي مو جايني نوم ابد .

رائد : تعالي المجلس انا قاعد .

نوره : تمام .

قامت من السرير ، سامي نايم و في حضنه حامد غطتهم وقامت و نزلت تحت و راحت المجلس وشافت رائد قاعد وقعدت معاه .

نوره : شفيك قاعد هني هالوقت .

رائد بهم : متضايق يا اختي .

نوره دمعت عيونها : نفس اختك يا اخوي .

رائد : قولي انتي اول .

نوره تنهدت : متضايقه اني سقطت ، حسيت اني السبب ، لان رفضت هالطفل وكرهته ولا اهتميت بنفسي ، حاسه سامي متضايق من هالموضوع ، مادري شسوي .

رائد بحنيه : اهدي حبيبتي انتي ، هالشيء بأمر الله مو بيدك ولا بيد سامي ، بعدين هالطفل حبيته او لا الله كاتب انه ما يتم ويطيح ، وانتوا توكم متزوجين العمر قدامكم .

نوره ابتسمت : وانت شنو اللي مضايقك ؟ .

رائد تنهد بهم : اخخ يا اختي ، شايل هم اكبر مني ، ولا عارف اقول لمنو .

نوره : هذا اللي مخليك متغير على الكل .

رائد : اي .

نوره : قلي وانا اختك .

رائد : نوره انا ................... .

نوره بصدمه : شنو ؟ . 

****************************************************************************

وااااااااااااااااااااستووووووووووب

كيف البارت ؟

توقعاتكم ؟ 

شنو فيه رائد ؟

تتوقعون كلام فارس صح ان مرام بس كلام مو فعل ؟ 

٧٠٠ كومنت = اكمل

٦٠ تفضيل = اكمل 

٤٠ كومنت حلو غير كملي = اكمل 

علقوا بين الفقرات 

١٦٧٤   كلمة