رواية زوجتي طفلة الفصل السادس والعشرون 26 - بقلم zooz2012

رائد تنهد بهم : اخخ يا اختي ، شايل هم اكبر مني ، ولا عارف اقول لمنو .

نوره : هذا اللي مخليك متغير على الكل .

رائد : اي .

نوره : قلي وانا اختك .

رائد : نوره انا مريض .

نوره بصدمه : شنو ؟ . 

رائد : بمريض بالسرطان المعده .

نوره ودموعها تطيح : انت تمزح صح ؟ رئود قول انك تمزح .

رائد وعيونه بالارض : للاسف ما امزح ، انا من تزوجت وانا ادري اني مريض ، وكل ما قرب موعد عمليتي تسوء حالتي ويصير وضعي صعب .

نوره تقرب يم رائد وتمسك يده : ليش احنا ما ندري ؟ ليش ما قد لاحظنا انك تعبان ؟ انك تشتكي من شيء ؟ ليش ؟ .

رائد عيونه تلمع : نوره عشاني اهدي .

نوره توقف : لازم امي وابوي يدرون .

رائد يمسك يدها : نوره لا ، انا ما تكلمت مع احد غيرك ، محد يدري غيرك ، لاني عمليتي اسبوع الجاي وتكلمت لاني خايفه اني اموت ومحد فيكم يدري .

نوره لفت عليه واهي تبكي : شنو يعني تموت ؟ لهدرجة العمليه خطيره ؟ .

رائد يبلع ريقه : نسبة نجاحها شبه مضمون .

نوره : يعني ؟ .

رائد : يعني اي خطر يصير اروح فيها .

نوره قعدت واهي تبكي : ياربي وش هالمصايب اللي تصير لنا .

رائد يقعد تحت عند رجولها ودموعه تطيح : سمعيني يا عيني ، بقولك كلام وخليه عندك امانه ، اذا خان الوقت واخذني بيصير يعتبر وصيه مني لك .

نوره تطالع بعيونه واهي تبكي .

رائد بصوت مخنوق : اذا مت .

نوره تقاطعه وتحط يدها على فمه : اوووووش ، اوووووش .

رائد يبعد يدها : سمعيني ، اذا مت ابيك تقولين لجنان اني احبها ، ومنعتها تجيب عيال مني عشان لو مت تقدر تتزوج وتعيش حياتها بدون ما تضيع عمرها بتربية عيال واحد ميت ، وابيك تقولين للكل اني اسف تصرفت معاهم بالهطريقه ، كنت ما ابيهم يتعلقون فيني ويصير فراقي صعب .

نوره منهاره : رائد انت بترجع سالم صدقني .

رائد : حتى لو الحيطه واجب .

طلع من جيبه مفتاح صغير ومده لنوره .

رائد : هاك .

نوره : شنو هذا ؟ .

رائد : اذا مت عطيني هالمفتاح لجنان تفتح التجووي اللي بمكتبي .

نوره اخذته وضمته وقامت تبكي بقوه ، رائد ضمها واهي يبكي معاها ويردد بقلبه اسف اسف . 

****************************************************************************

⚡️ بغرفه جنان و رائد ⚡️

جنان كانت تمثل انها نايمه ، رائد دخل الغرفه وجاء وانسدح وراها وضمها .

رائد يهمس بضيق : سامحيني يا روحي انا .

جنان كانت تسمع واهي مغمضه عيونها وتحاول تتمالك دموعها .

رائد يكمل : والله العظيم مو بيدي ، مجبور يا قلبي ، مجبور ، ليت اللي بيصير ما يصير ، ليت ليت تفيد بشيء ، ليت ليت تغير اشياء وتعدل اشياء .

طبع بوسه طويله على راسها وتركها بخفيف وراح الحمام .

جنان فتحت عيونها اللي امتلت دموع وضغطت على قلبها واهي تبكي وتردد مسامحتك يا قلبي مسامحتك .

****************************************************************************

🌷 عند نوره وسامي 🌷

نوره وجعت غرفتها واهي تفكر باللي قاله لها رائد ، قعدت على الكنب وقامت تبكي 

صحى سامي على صوت شهقات نوره ، فزت بخوف ، وبعد حامد عن حضنه بخفيف وقام من السرير وراح وجلس جنب نوره .

سامي يمسح على شعرها : نوراري ، شفيك قلبي ؟ يعورك شيء ؟ .

نوره رفعت راسها : سامي ليش يصير معانا كذا ؟ وربي تعبنا .

سامي حضنها ويهديها : حياتي انتي اهدي .

نوره استخرت بحضن سامي تحاول تنسى اللي عرفته 

****************************************************************************

🌹 بعد مرور اسبوع 🌹

زوز و فارس  صارت علاقتهم قويه وزوز بدت تتقبل تقرب فارس منها وما ترفض لمن يطلب منها حقه .

رائد صار له مختفي يومين من البيت والكل يفكر انه بشاليه واهو بالاصل متنوم بالمستشفى لاجل العمليه .

جنان تحاتي رائد وتفكر بعلاقتهم مع بعض ، وتفكر شنو سبب تغير رائد المفاجئ عليها .

نوره تحاول قد الامكان تخفي خوفها على اخوها المستمر وتخاف لا يغدر فيهم الزمن واهي تتحمل ذنب تغطيه هالموضوع .

نور الحمل معاها ماشي تمام باقي لها ٤ شهور وتولد .

ملاك بدت تحس بأعراض الحمل الخفيفه ولكن تخش هالشيء عن فهد تخاف مثل كل مره تفرحه وما يطلع حمل .

فهد محتار جداً من سالفه عدم حمل ملاك للحين وياخذ ان الحبوب اللي خلها تاخذها اثر عليها بشكل سلبي وخايف ينقلب وضعهم من سيء الى اسوء ويكون اهو السبب .

ام رائد قلبها مو مرتاح من اختفاء رائد وتغيره هالفتره وتحس انه فيه شيء لكن كل ما قالت لابو رائد قالها انتي تتوهمين .

ابو رائد عقله منشغل برائد اكثر من زوجته لكن يحاول يبين البرود عشان لا يزيد على ام رائد اكثر وتصير مصايب .

خالد و يوسف وحمد صارت علاقتهم اقوى من قبل بعد حادثة يوسف .

التؤام وهيا حياتهم مثل ما اهي ما تغير شيء فيهم .

احمد تعبان من سالفه الحمل اكثر من نور ، لان ماكلها طلبات منها 😂😂 .

****************************************************************************

✨ يوم جديد ✨

يوم عملية رائد ، رائد التوتر واصل عنده مليون ، نتايج هالعملية أما سليمة و أما .... .

رائد كان قاعد بغرفته يطالع بصورة جماعيه حق اهله بجواله .

رائد والعبره خانقته : معقوله يكون اخر يوم لي اشوفكم فيه ؟ .

قاطعه اتصال من نوره ، اخذ نفس عميق ورد .

رائد : الوو .

نوره تحاول تكون قويه : هلا يا عين اختك .

رائد ابتسم بهم : اشلونكم ؟ ، اشلون امي ؟ ، ابوي ؟ ، الكل اشلونه ؟ .

نوره : كلنا بخير يا قلبي وننتظر جيتك .

الدكتور كان جاي يقول لرائد موعد العمليه بالضبط عشان يكون جاهز وسمع حواره مع اخته ووقف ورى الباب يسمع .

رائد : ان شاء الله .

نوره : وانت اشلونك ؟ .

 رائد : خايف .

نوره : منو شنو ؟ .

رائد : خايف انام و ما اقوم يا نوره .

نوره : لا ان شاء الله بتقوم ، وترجع لنا ، وتجيب لنا عيال مع جنان .

رائد ما رد .

نوره : اشرايك افتح لك الكام وتشوف الكل قاعد تحت ؟ .

رائد : لا اخاف يشوفوني اني بالمستشفى ويعرفون .

نوره : لا لا ما عليك روح يم النافذه وافتح الكام ، على الاقل كلم امي .

رائد : تمام .

قام وراح عند النافذه وقعد عندها .

نوره فتحت الكام وشافها وشافته ابتسمت ونزلت تحت لهم .

نوره بصراخ : يا جماعه تعالوا رائد متصل .

الكل تجمع عند ابو رائد وام رائد كانهم شكل صوره ، رائد شافهم ودمعه عيونه ، كبشر الشاشه وبعده كلمهم .

ام رائد بدموع : يمه حبيبي ، انت وينك ، لا تتصل ولا تكلمنا واذا كلمناك جوالك مقفل ، فيك شيء ؟ .

رائد والعبره خانقته : لا يمه مافيني شيء حبيبتي انتي ، بس لاهي مع الربع بالشاليه .

ابو رائد : اي زين يبه ، الحمد الله تطمنا عليك يا يبه .

رائد اكتفى بابتسامه .

فهد و فارس ويوسف وخالد وحمد مع بعض : رئود 👋🏻 .

رائد : هلا هلا بالشباب .

سديم بخبال : رئود اشلون جو الشاليه ؟ حلو ؟ حار ؟ ، تكلم .

رائد يبلع غصته : حييييل حلو .

جنان كانت قاعده بعيد فقط تطالع برائد واهو يطالعها .

رائد بحنان : جنون .

جنان ودموعها تطيح : هممم .

رائد : ابي اقرلك شيء .

جنان : قول .

رائد : ترى انا احبك اكثر من اي شيء بالدنيا .

جنان دموعها طاحت اكثر : وانا بعد ، يلا ارجع اشتقت لك .

رائد والعبره خلاص خانقته يحس الاكسجين نقص : قريب يا قلبي برجع قريب .

لف على نور .

رائد : ها نور ام دبه .

نور : انت الدبه .

رائد : ها نسيب كيف نور معاك ؟ .

احمد : اسكت موكلتني تبن .

رائد : ليش ؟ .

احمد : تخيل اليوم مصحيتني الساعه ٤ الفجر تبي كبسه لحم ، الناس تصلي وتقرأ دعاء الصباح ، تذكر ربها ، والاخت كبسه لحم .

رائد ضحك : محد قالك تبي عيال تحمل .

احمد : والله مشروع فاشل العيال ، شكلي بكنسل .

نوره طقته : تكنسل ، اي مو كان باقي لي ٤ شهور واولد اهو لعبه الموضوع .

احمد : لا تعليق .

رائد ضحك عليهم : توم وجيري ، وانتوا روميو وجوليت اشلونكم ؟ .

فارس : منو روميو و جوليت ؟ .

رائد : انت وزوجتك .

فارس : اي صح .

رائد ضحك عليه .

فارس : احنا تمام التمام .

رائد لف على امه .

رائد : يمه .

ام رائد : قول يا عيون امك .

رائد : يمه بطلب منك طلب .

ام رائد : اطلب يا روحي .

رائد وعيونه تلمع من الدموع : يمه ادعي لي .

ام رائد : انا بكل صلاة ادعي لك ولخوانك يا يمه .

رائد : لا لا يمه ابيك الليله تدعين لي من قلبك ، وابيك تدعين لصاحبي ، مسكين امه ميته وبيسوي عمليه اليوم و خايف .

ام رائد ترفع يدها وتدعي : يالله يا حبيبي ، توفق ولدي رائد ، وترزقه عيال الحلال ، وترجعه لي سالم ، ياربي شافي كل مريض ، وعافيه ، ياربي انت الشافي المعافي ، ياربي شيل الم كل مريض ، ياربي رجع كل مغترب لاهله ، يارب افتح لولدي بيبان الخير .

رائد يسمع دعاء امه وخانته دموعه ونزلت .

نوره الوحيده اللي فهمت ونزلت دموعها بعد .

ام رائد : يارب يا حبيبي لطفك ، يا رب يا حبيبي لطفك ، يا رب ترجع ولدي لي سالم غانم ، يارب لا تبكي عيني على عيالي ، يارب لا تختبر صبري فيهم ، يارب لا تبين غلاتهم ، يارب ترزقني طول العمر اشوف عيالهم وعيال عيالهم ، يارب لا تغمض عين واحد فيهم قبل عيني ، يارب غمض عيني قبلهم كله ياربي .

رائد خلاص انهار ونطق بصعوبه : انا بسكر .

طالع اهله نظره اخيره ، كانها نظره وداع ، نظره فراق بدون لقاء ، نظره فقد ، وقفل الجهاز ، ورجع لسريره ودموعه تهطل .

رائد وسط دموعه : يارب اربط على قلبي .

انسدح على السرير وضم رجوله لبطنه و حط يده على قلبه ودموعه تهطل بغزاره : يارب اربط على قلبي ، يارب اربط على قلبي ، يااااارب .

الدكتور كان يسمع وعوره قلبه على حاله رائد صح انه شخص كبير لكن حس بوحدته والمه ، رسم ابتسامه على وجهه ودخل الغرفه ، رائد انتبه له قعد على السرير ومسح دموعه وابتسم .

الدكتور بابتسامه : السلام عليكم .

رائد يبادله الابتسامه : و عليكم السلام ، تفضل .

الدكتور قعد قباله على السرير : زاد فضلك ، كيفك ؟ .

رائد بتنهيد : الحمد الله .

الدكتور مد يده بعباطه : انا .. اسمي زياد .

رائد ابتسم ومد يده يبادله السلام : تشرفنا ، وانا رائد .

زياد ضحك : شرايك نصير اصحاب .

رائد ضحك عليه لانه يتصرف بغباء .

زياد ابتسم انه قد يضحك : ها شقلت تصير صاحبي ، ولا اطلع من هني ؟ .

رائد : لا اقعد اوك موافق نصير اصحاب .

زياد : تمام حلو ، امم تدري ان انا اللي بسوي لك العمليه ؟ .

رائد بسخريه : حلو اجل الله يرحمني من الحين .

زياد : لا لا تحاتي تراني دكتور شاطر .

رائد ضحك : تذكرني باختي .

زياد : ليش ؟ .

رائد سرح اشوي : عندي اخت كذا تشبهك بالهبال .

زياد حط يده على يد رائد : رائد اسمعني ، العمليه مو سهله ، ولا صعبه بنفس الوقت ، بس طويله ، تحتاج تركيز ، و اي خطأ ممكن يعطينا نتايج سلبيه ومنها .

رائد يقاطعه : الموت .

زياد بحزن : اي ، بس اوعدك اسوي اللي اقدر عليه وزود بس عشان ترجع لاهلك .

رائد : بس ؟ .

زياد : انا بطلبك ، ابيك تكون قوي ، تتحمل ، اذا مو عشانك ، عشان زوجتك ، عشان اخوانك ، عشان امك اللي رفعت اديها لك تدعي .

رائد : توعدني انك ترجعني لهم .

زياد : اوعدك .

رائد : وانا اوعدك اني اتحمل ، واذا طلعت بنصير اصحاب صج .

زياد ضحك : تم خلاص ، انتظر الصداقة .

رائد ضحك : تم .

زياد ياخذ السماعه من على رقبته : انزين الحين ممكن تنسدح عشان افحصك .

رائد يضحك : لا والله عيب ، شنو تفصحني ؟ .

زياد : لا يا شيخ انسدح بس ، صار صديقي و يتدلل بعد .

رائد ينسدح : يحق علي .

زياد خلص فحوصاته ورجع جلس : ها كيف عندك الم ببطنك ؟ .

رائد يعدل ملابسه : يعني بين ساعه و ساعه يجيني الم .

زياد : اممم ، العمليه ان شاء الله بتكون الساعه ٣ العصر .

رائد يطالع الساعه اللي بالجدار : يعني بعد ٤ ساعات .

زياد : صح .

رائد يتنهد .

زياد يوقف : لا تخاف ، انت عندك اهل ، ام تدعي لك ، اخ يكون سندك ، اخت تكون قوتك ، وزوجة تكون لك حياتك ، و اب يكون ظهرك .

رائد : بس .

زياد : انا لو كنت مكانك ما بخاف ، بس انا الحين بمكاني اخاف لاني صج وحيد ، لا ام و لا اب ولا اخت ولا اخ ، فقط انا .

رائد : ما فهمت .

زياد : اذا طلعت اقولك .

تركه وطلع 

****************************************************************************

مرت ال٤ ساعات مثل البرق لرائد وحان وقت العمليه .

****************************************************************************

رائد منسدح بغرفة العمليات ومتجهز للتنويم ، زياد قرب له .

زياد واهم لابس له العمليات : ها مستعد ؟ .

رائد مد ورقه لزياد وهمس : زياد امانه اذا صار لي شيء في هالورقه رقم علمه باللي يصير .

زياد اخذ الورقه وعطاها الممرضه : حطيها على مكتبي .

الممرضه : حاضر 

وطلعت من غرفه العمليات ، ورجعت بعد دقايق .

الممرضه : تم استاذ .

زياد : ها جاهز ؟ .

رائد  بلع ريقه ، ومر شريط حياته بثواني بذاكرته ، مروا اهله ، ربعه  ، رجع فتح عيونه وطالع بزياد

رائد بهمس : جاهز .

زياد يكلم الممرضين : عطوه المنوم .

عطوه المنوم ماهي الا ثواني وغمضت عين رائد .

زياد كان يواقبه و ما ان غمضت عينه بلش العمليه ، مشى كل شيء بالسليم لكن فجأة بنص العمليه .

الممرض ١ بصراخ : دكتور انقطع الشريان .

زياد بسرعه : شنوووو ؟ .

الممرض ٢ : دكتور ضغط الدم ينخفض .

زياد بصراخ : عطوني اسفنج بسرعه ، لازم نوقف النزيف ولا بنفقد المريض .

الممرض ٢ : دكتور ضربات القلب تنخفض .

الممرض ٣ : دكتور احنا نفقد المريض .

وامتلت غرفه العمليات بصوت ضربات القلب اللي تعلن عن توقفه .

****************************************************************************

واااااااااااااااااااااستوووووووووووووووب

كيف البارت ؟ 

توقعاتكم ؟

لو سمحتوا اتقبل الانتقاد المحترم كلام ماله داعي سب ما ابي .

علقوا بين الفقرات 

٩٠٠ كومنت 

٧٠ تفضيل

٣٠ توقع حلو غير كملي 

٢٣٨٤         كلمة