🌾 عند زوز 🌾
حمدان دق على واحد يبيع مخدرات وطلب منه يجيب سم ، اي اتخذ قرار بانه يتخلص من العبىء اللي عليه ، و قرر يتخلص منه عند طريق قتله .
مرت فتره وامر بانه يرسلون مايي لزهراظ وفعلاً رسلوا الماي لكن هالماي كان غير عن كل مره ، اي حمدان وضع فيه السم بكل دم بارد ، ولا حتى اهتزت فيه شعره وحده حتى .
دخل الماي على زوز وشربته كاملاً ولا تعرف انها بتواجه مصير الموت بالشكل البشع جداً .
ماهي اللي ثواني و اشتعلت اضواء بالمكان ودوى صوت عالي من بره .
تركي واهو يتكلم بصوت عالي : ولا واحد فيكم يتحرك ، المكان محاصر .
****************************************************************************
(فلاش باك )
تركي يكلم الشرطه بالتلفون و فارس و فهد ورائد و احمد وسامي قاعدين على اعصابهم .
تركي قفل : حددنا موقع المدعو بحمدان .
فارس : يعني ؟ .
تركي : يعني احتمال نسبة ٨٠٪ زوجتك تكون عنده .
فارس : يلا عيل وش ننتظر خل نروح .
تركي يطالع الساعه : لا نص ساعه ويوصل فريق الدعم ونروح للمكان .
فارس : خلاص انا بروح معاك .
تركي : ماله داعي ، المكان خطر عليك .
فارس بعصبيه وانفعال : رايح يعني رايح هذي زوجتي تعرف شنو يعني زوجتي .
تركي تبادل النظرات مع سامي وسامي هز راسه بمعنى وافق .
تركي تنهد : ماشي تقدر تجي معاي .
نص ساعه ووصلت سيارت الشرطه والقناصين والهجوم واتجهوه كلهم للمكان اللي تم تحديده وحاصروه تماماً بحيث لا احد يدخل ولا يطلع الا ويصيدونه .
شغلوا الاضاءه واخذ تركي المكبر وصرخ : و لا واحد فيكم يتحرك ، المكان محاصر .
( نهايه الفلاش باك )
(الواقع )
زوز سمعت الصوت واستغربت حاولت توقف لكن تحس بجسمها مخدر كامل .
حمدان يكلم ربعه : شنو هذا ؟ .
واحد من ربعه : كل منك ورطتنا بالمصيبه اللي جبتها .
حمدان : وانا وش دراني انه بيصير كذا .
شخص (٢) : لا تعرف ان ماله مفر انت خاطف زوجة واحد مشهور بالبلد يعني تعرف ان بنروح فيها .
حمدان بعصبيه : يخسي .
راح بسرعه للداخل ومسك زهراء ورفعها وحط مسدس وسحبها وطلع فيها قدام الشرطه .
فارس بس شافها يبي يتقدم لها ومسكه تركي وشرطين .
حمدان بصراخ ي فتحوا لي المجال امشي لا والله افضي هالمسدس براسها .
فارس بصراخ : تخسي .
تركي بعصبيه : اهدى فارس .
فارس يتنفس بسرعه من العصبيه .
تركي : شنو تبي توصل له ؟ .
حمدان : عطني الامان واعتبر الرهينه ما صار لها شيء .
تركي : اترك الرهينه لا تتاذى .
حمدان يلصق المسدس اكثر بزهراء اللي تنفسها كان سريع ومو حاسه بالدنيا ، اي مفعول السم بدأ يظهر بخفيف .
حمدان بصراخ : ماني تاركها لين اامن على حياتي .
تركي : اتركها واوعدك ان ما نسوي لك شيء .
حمدان : هه الكلام ماخوذ خيره .
تركي : لا تحدنا نستخدم القوه .
باللحظه وصلوا سامي واحمد وفهد ورائد على المكان وشافوا المنظر .
حمدان : استخدم اللي تبي ، ترى الرهينه اللي بتتاذى .
تركي يفكر .
حمدان : هاا انتبه ترى اي حركه ما اتردد اني افضي هالمسدس براسها ، هه وقدام حبيب القلب بعد .
فارس خلاص وصل حده من العصبيه .
تركي يكلم الشرطي بهمس : ارسل له قناص من فوق .
الشرطي : حاضر .
راح واحد من القناصين واختبى بمكان عالي بالجهة الثانيه ووجه المسدس على حمدان وزهراء .
القناص : اممم هذا ما ينفع معاه الا .
القناص يكلم من السماعه : حضرة الضابط ما فيه الا حل وحيد .
تركي : واللي اهو ؟ .
القناص : اصوب الرهينه .
تركي طالع بفارس و بزهراء و بحمدان .
****************************************************************************
🔮 عند سديم 🔮
نقلوها غرفه واهلها يمها وقاعدين بتوتر مو طبيعي ينتظرون بس خبر يفرحهم .
سديم بخوف : انا خايفه .
امها تحضنها : اهدي يمه انتي توك صاحيه وتعبانه .
سديم بندم : يمه كانتي يمي ولا قدرت اساعدها .
امها تلعب بشعرها : ادري يمه ادري ، هذا امر الله .
سديم : يااااارب رجعها سالمه .
****************************************************************************
🍃 عند الشرطه و زوز 🍃
تركي تنهد وهمس : سوها .
القناص تجهز عشان يطلق بس وقفه صوت تركي .
تركي بهمس : حاول تجيبها سليمه .
القناص ابتسم : ابشر .
جهز السنايبر حقه وضبط المنظار وجهز صبعه على الزناد .
****************************************************************************
✨ عند فارس ✨
يراقب بزهراء وحالتها وقلبه يحس وقف لمن شافها بهالحاله ، حاس بتعبها بألمها ، يحس انه وده يروح وياخذها من ايدين هالحقير ، بس خايف بدال ما ينقذها يضرها ، شنو يصبره ، اآآآآآآآآآخخ يا الصبر ، من وين يجي .
****************************************************************************
🌺 عند سامي والباقي 🌺
سامي رفع راسه وشاف القناص .
سامي بصدمه : لا مستحيل .
فهد : شنو اشفيك ؟ .
سامي : ان شاء الله اللي افكر فيه مو صحيح .
رائد : شنو اللي تفكر فيه ؟ .
سامي : فيه قناص بيطلق النار .
الكل بصدمه : هاااااا ؟ .
احمد : يعني بيصيب زهراء ؟ .
سامي : للاسف بيصيب الاثنين او واحد منهم ، ويارب ما تكون اهي .
رائد : ساعتها .
فهد طالع فارس و همس : فارس بينهار .
****************************************************************************
💐 عند القناص 💐
جهز السنايبر حقه وضبط المنظار وجهز صبعه على الزناد .
واطلق .
زوز كانت عيونها شبه مفتوحه بس حست بالرصاصه فتحت عيونها بوسعها .
فارس بصراخ : لااااااااااااااا .
حمدان قام يحس بثقلها : لا لا قومي قومي .
جاته رصاصه بكتفه خلته يترك المسدس .
تركي بصراخ : قبضوا عليه .
جاوا الشرطه وقبضوا عليه .
فارس راح يركض لها بسرعه ووقت طيحتها بالارض طاحت بحضن فارس .
فارس يتفقدها ما شاف اثر للرصاصه .
فارس بخوف : زوز ، زوزي ردي علي زوز .
تركي قرب منه : اهدى الرصاصه فقط جرحت رجلها ما صابها شيء .
زوز تنفسها سريع وحالتها حاله همست لفارس : سامحني .
وفقدت الوعي .
فارس صرخ ودموعها تطيح واهو يحضنها : لاااااااااااااااااااااا ، اسعاف ، بسرعه .
الكل جاه يركض ، سامي ، احمد ، فهد ، رائد .
تركي بصراخ : دقوا على الاسعاف بسرعه بسرعه .
حمدان يراقبهم واهو يتالم من كتفه اللي فيه الرصاصه .
قبضوا على الكل .
وصلت الاسعاف وشالوا زوز اللي رفض فارس يتركها وراح معاها ودموعه تطيح .
****************************************************************************
🌻 بسياره الاسعاف 🌻
المسعف الاول : اسرع ، البنت متسممه .
المسعف الثاني : حاضر .
المسعف الاول راح واخذ السماعه : الو ، الو ، المستشفى ، جهزوا غرفه العمليات معانا حالة تسمم خطيره جداً ، اكرر معانا حالة تسمم خطيره جداً .
فارس يسمع ويحس قلبه بكل شيء يتقطع قطعه قطعه .
****************************************************************************
سيارات الشرطه تمشي قدام وورى سياره الاسعاف عشان تفتح لها المجال .
******************************************************************************
رائد رفع جواله واتصل بزياد يطلب منه العون .
****************************************************************************
وصلوا للمستشفى ، كان زياد وفريق طبي متكامل عند بوابة الاسعاف .
اول ما وصلت الاسعاف اخذوها بحركه سريعه وعلى غرفه العمليات ، و منعوا فارس انه يدخل .
فارس قعد بالارض ودموعه تهطل بشكل كبير .
فجاة طلع زياد بسرعه و ............ .
****************************************************************************
وااااااااااااااااااستوب
كيف البارت ؟
توقعاتكم ؟
كيف لقاء فارس و زوز ؟
ليش زوز قالت لفارس سامحني ؟
ليش زياد طلع بسرعه ؟
هل صج الرصاصه ما صابتها مثل ما قال تركي او انه صابتها ؟
تفاعلوا 😍😍😍😍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!