رواية زوجتي طفلة الفصل السادس 6 - بقلم zooz2012

🍁 بجناح فهد🍁

بعد ما استمر بكاء ملاك لساعتين متواصله طلعت من الحمام بعد ما اخذت شورت ولبست ملاسبها ، وراحت انسدحت مكانها وتغطت .

فهد بهمس : ملاك .

ملاك بعصبيه : فهد لو سمحت مابي اسمع ولا حرف ، وربي ان سمعت حرف واحد ماني قاعده دقيقه وحده هني باخذ اغراضي وبروح لاهلي .

فهد : لا ، الامور ما تنحل بالهطريقه .

ملاك قعدت ولفت عليه : عيل اشلون تنحل ، تخطط بكيفك ، وتطلب مني انفذ ، ولا كان لي راي ، انزين وانا مافكرت فيني ، مافكرت بخاطري ، مافكرت بقلبي (بهمس) كسرتني يافهد والله كسرتني (ونزلت دمعتها لفت بسرعه ورجعت انسدحت وتغطت واهي تكتم شهقاتها بس يبين لان جسمها ينتفض) .

فهد سكت وفضل ينسحب بهدوء ، قام واخذ ملابسه ودخل الحمام وقفل الباب وتسند عليه وغمض عيونه وتنهد بعمق ، اخذ شور ولبس وطلع شافها على وضعها ، تركها بدون ما ينطق بكلمة وطلع من الجناح بكبره .

ملاك كانت مغمضه عيونها وفتحت بس سمعت باب الغرفه تسكر وهمست : اكرهك ، اكرهك ، اكرهك .

****************************************************************************

💫 بغرفه يوسف 💫

خالد : اقولك شفته طالع من جناحه معصب ، شكله متهاوش من ملاك .

حمد بصدمه : احلف خلود ؟ .

خالد : والله ، معصب مليون ، يعني احس لو وقفت قدامه بيصكني كف يسدحني بالعناية .

يوسف يحط ادينه على راسه : بس صكيتوا راسي ، طلعوا ابي انام . (ينسدح ويتغطى) .

خالد : اقول شباب ، تدرون ان فارس يحب .

يوسف قام قعد واهو يرمش ، وحمد قعد قدام خالد ، خالد يطالعهم .

خالد يتلفت لهم : بسم الله شفيكم اكلتوني .

حمد بهمس : شقلت ؟ .

خالد : اقولكم فارس يحب .

يوسف : انتي هي تعرف تتكلم عن منو فارس ما غيره ، اللي اهو بصوب والبنات بصوب .

خالد بتحدي : والله يحب وبس كلهم كم يوم او بالكثير شهر وبيقول لامي يبي يتزوج وها انا اتحداكم بعد .

حمد بتحدي : اذا صار اللي انت قلته اعطيك اللي تبي يا خويلد .

يوسف بملل : اقول طلعوا بنام ماني فاضي لهالبقاره حقتكم طلعوا .

خالد : بتشوفون .

****************************************************************************

🎄عند فهد🎄

نزل من فوق شاف البيت هادي ، كانت صاكه فيه الدنيا ، ما حس بعمره الا رجوله توديه لغرفه امه وابوه ، طق الباب وظل ينتظر .

سمع صوت امه : ادخل .

دخل فهد شام امه تصلي وابوه على السرير يقرأ قرآن ، ابوه انتبه له .

ابو رائد يسكر القرآن : صدق الله العلي العظيم (رفع راسه لفهد) تعال يبه ، شفيك .

فهد يبلع ريقه واهو واقف عند الباب ، همس : يبه .

ابو رائد : تعال يبوك ، سكر الباب وتعال هني يمي (يأشر قدامه على السرير) .

فهد سكر الباب وراح قعد قدام ابوه واهو يبلع ريقه .

ابو رائد قرب وحط يده على يد فهد وهمس : شفيك .

فهد ساكت ويحاول يتماسك ، امه قامت وجات قعدت جنبهم ومسحت على ظهره وبهمس حنون : يمه فهودي ، شفيك حبيبي ؟ .

ابو رائد : تعبان وانا ابوك ، محتاج تبي فلوس ، قلي يابيه ولا تحاتي انا ابوك وهذي امك ستر وغطاء عليك .

فهد انهارت قوته وصار يبكي بقوه وطاح بحضنه امه وابوه واهو يرد : مخنوق .

ام رائد خانتها دموعها مع ولدها واهي تكتم شهقاتها وتسمح على ظهره ، ابوه حط راسه على رجوله وضمه له .

ابو رائد بهمس : افاا وانا ابوك مخنوق وانا هني .

فهد يتكلم ودموعه تطيح وشهقاته عاليه : يبه والله تعبت ، مو عارف اتصرف ، مو عارف شسوي .

ابو رائد يمسح على راسه : قلي يبه شفيك ، شنو متعبك ، يخسي التعب واحنا يمك .

فهد يدفن نفسه بحضن ابوه وهمس : يبه ابي ارجع صغير ، وربي تعبت تعبت .

ابو رائد يشده : ما عليه يا يبه ، كل شيء ونلقى له حل ، قل يلا بابا شفيك .

فهد قال لابوه وامه عن المشكله اللي صارت بينه وبين ملاك.

****************************************************************************

🌷بجناح رائد🌷

منسدح وبحضنه جنان ويلعب بشعرها واهي تشهق بخفيف بسبب بكاها اللي ما وقف الا لمن اخذها النوم .

رائد يلعب بشعرها واهو يفكر بحياته مع جنان ، تنهد بقوه وغمض عيونه وافكاره تاخذه وافكاره توديه لين غفى .

****************************************************************************

🍁 عند فهد 🍁

نام بعد جهد جهيد بحضن ابوه ، وامه جنبه تقرأ عليه وتمسح على راسه .

ابو رائد بهمس : كسر قلبي .

ام رائد واهي تمسح على شعره وتغطيه عدل وبنفس الهمس : مو اكثر مني ، ولدي الهادي اللي ما يشكي والقوي اشوفه منكسر كذا .

فهد يشهق بخفيف واهو نايم .

ابو رائد : روح شوفي البنت فوق ، مانبي يجيها شيء اهي امانه عندنا .

ام رائد تقوم اشوي اشوي : ان شاء الله . (طلعت وراحت عند ملاك) .

****************************************************************************

ملاك ماهي قادر تنام تحوس بالجناح وتطالع الساعه صارت ٢ الفجر وفهد للحين ما رجع ، قطع تفكيرها دق باب الجناح ، راحت ركضت وفتحت الباب شافت ام رائد .

ملاك بهمس : خالتي .

ام رائد بابتسامه : اي ، ما تبين تدخليني ؟ .

ملاك تفتح الباب لها : لا بالعكس حياك ، المكان مكانك .

ام رائد دخلت وقعدت على الكنب : تعالي حبيبتي ابيك بموضوع .

ملاك قعدت جنبها واهي متوتره : آمري خالتي .

ام رائد بحنيه : سمعي حبيبتي ، انا اعرف عن اللي صار بينك وبين فهد .

ملاك نزلت راسها : بس خالتي .

ام رائد بهدوء : لا بس ولا شيء حبيبتي ، انتي بنتي ، وانا ما ادافع عن ولدي ، بس انصحج نصيحه يا يمه ، قعدي معاه ، سمعي منه ، عرفي الاسباب بعدين قرري .

ملاك والدموع بعينها : اقرر ؟ .

ام رائد : اي يمه قرري ، وكلنا بنحترم قرارك واولنا فهد .

ملاك بصوت مبحوح : حتى لو قررت اتطلق ؟ .

ام رائد : الا هالشيء ، لا تخربين بيتك بيدك يا يمه عشان مشكله ، قعدي مع فهد عرفي منه ليش يبيك تاخذين مانع ، يمكن ما يقدر على مصاريف الطفل ، يمكن مريض ، يمكن ويمكن ويمكن ، عرفي منه قبل لا تحكمين عليه .

ملاك نزلت راسها : ان شاء الله خالتي .

ام رائد تمسح على راسها بحنيه .

****************************************************************************

انتهى الييوم المتعب لابطانا ، بعضهم نام بتعب بدون ما يحس ، وبعضهم سرقه التفكير لين اخذه لعالم النوم ، وبعضهم نزلت دموعه الم وحسره وكسره لين اهلكه التعب وغفت عينه ، كلهم تركوا عالمهم وراحوا لعالم ثاني ، عالم يقدرون يتحكمون فيه ، عالم يعيشون فيه براحتهم ، عالم الاحلام ، عالم مافيه حزن ، مافيه بكاء ، مافيه ولا شيء من اللي يزعلهم ، عالم اهم اسياد الموقف ، عالم كل واحد فيه بافكاره ، بكلامه ، بمشاعره ، ناموا ابطالي ولا يدرون هل بيكون الغد اجمل لهم ام لا ، هل سيكون المستقبل باهر بالانجازات ام يحمل بين طياته صدمات .

اصيب بعض ابطالي بصدمات ليست بقليله ، كافيه لتحطيم قلوب ، كافيه لتحطيم امال وامنيات ، كافيه لاعاده قرارت تم اتخاذها ، كافيه لارجاع ترتيب اولويات الحياه ، كافيه لكي يتم تحديد موقعك بحياة الاخرين .

كيف ستاخذك الحياه والى اين ؟

هل سيستمر ما حدث لابطالي ام سيحدث لكل شخص حدث يغيره ؟

هل سيقبى الحب دفين بين العقل والقلب ام سيخرج ليعانق قلب اخر وعقل اخر ؟

هل سيتم الخلاف وعدم التواصل ام ستعود المياه الى مجراها ؟

****************************************************************************

واااااااااااااااااااستوب

٢٠ كومنت = اكمل

١٠ توقعات = اكمل

٢٠ اعجاب = اكمل

١١٩٠ كلمة