سديم طلعت فوق لجناح فارس وطقت الباب ، سمعت رد من فارس يقولها تدخل ، دخلت ووقفت قدامه بالصاله .
فارس بتوتر : اممم قعدي ابيك بموضوع .
سديم بخوف : فارس والله ما سويت شيء ، تراني مؤدبه قسم بالله ، و .
فارس قاطعها : بس بس بالعه راديو انتي ؟ ، ابيك بموضوع ويظل سر بينا فهمتي ؟ .
سديم باستغراب : موضوع ويظل سر ؟ شنو السالفه ؟ .
فارس يتنهد ويبلع ريقه : سديم (سكت) ، اممم ، صديقتك ، اللي اسمها زوز (سكت) .
سديم تطالع فارس باستغراب .
فارس : ............... .
****************************************************************************
💥 عند زوز 💥
سرحانه تفكر بالموقف اللي صار لها ، نزلت ايديها وتحسست شفايفها واستحت وصاروا خدودها حمر ، وابتسمت بخفيف .
****************************************************************************
✨ عند فارس ✨
سديم فتحت باب الجناح بتطلع ، فارس وقفها .
فارس بهمس : مثل ما قلت لك هالموضوع يظل سر بيني وبينك .
سديم تهز راسها باوك .
فارس : وابيك تجيبين لي اللي طلبته مفهوم ؟ .
سديم بهمس : مفهوم ، تصبح على خير .
فارس : وانتي من اهله . دخل جناحه وسكر الباب ودخل غرفته وانسدح على سريره واهو يتنهد ويفكر باللي سواه ، قاطع تفكيره صوت جواله ، اخذه ورد واهو ينتهد .
فارس بتنهيده : الوو .
محمد : الو فارس .
فارس : همم .
محمد بهدوء : شصار معاك ؟ .
فارس : قلت لاختي ، بس مادري محمد احس غلط اللي صار كان مفروض ما اقول لاحد .
محمد : مو غلط ولا شيء لازم احد من اهلك يدري ، لازم تتقدم بالهموضوع .
فارس : انزين ، انا قلت لها الحين ، شنو اسوي ؟ .
محمد : اصبر ، بيجيك الجواب وانت قاعد مكانك ، وفي هالوقت حدد مشاعرك .
فارس : اشلون يعني احدد مشاعري ما فهمت ؟ .
محمد : انت تحبها ؟ .
فارس بتوتر : هاا ؟ .
محمد : تحبها ؟ .
فارس : مادري .
محمد : عيل هالفتره ، حدد هالشيء .
فارس : واذا حددت شنو بيصير ؟ .
محمد : بكل بساطه بتعرف اذا انك تبي تكمل حياتك معاها ولا .
فارس اكتفى بتنهيده تعبر عن اللي فيه .
محمد : على العموم ، فكر باللي قلته لك ، يلا تصبح على خير .
فارس : وانت من اهله . سكر جواله وقام من سريره فتح الدريشه حقته اللي تطل على حديقه بيتهم وكل تفكيره شيء واحد ، انا اللي سويته صح ولا غلط ؟.
****************************************************************************
✨ عند سديم ✨
ماسكه جوالها وتفتح وتقفل واهي قاعده على السرير
سديم قفلت جوالها واهي تنافخ : اووووف ، شقول لها ياربي ، الو زوز اخوي فارس يبي يعرف في احد بحياتك ولا ، صج اني بقره ، (مسحت وجها بايدينها) ياربي شسوي .
قطت جوالها وانسدحت واهي تتذكر اللي صار بينها وبين فارس .
💫فلاش باك 💫
فارس يتنهد ويبلع ريقه : سديم (سكت) ، اممم ، صديقتك ، اللي اسمها زوز (سكت) .
سديم تطالع فارس باستغراب .
فارس : سديم الصراحه ، انا معجب بصديقك زوز من شفتها ببيتنا ، وقاعد افكر اخطبها ، بس ابي اعرف اهي تحب ؟ في احد بحياتها ؟ ، وابي اعرف عنها كل شيء .
سديم : وااي فروس وناسه ، احسن من اخترت ، بس ليش تبي تعرف ؟ .
فارس بهدوء : عشان ما ابي اخرب عليها اذا كانت تحب .
سديم بثقه : خلاص ولا يهمك ، اجيب لك كل شيء عندها ، حتى طريقه نومتها .
فارس ابتسم : خلاص تمام ، بس مثل ما قلت لك هالشيء سر بيني وبينك .
سديم : خلاص اعتمد .
فارس : سدوم ، اعرفك انتي بخور السوق ، ما تاخذين دقايق تنزلين تحت وتنشرين الخبر ، والله اذبحك ان طلعت كلمه وحده من هني ، فاهمه ؟ .
سديم : وربي فهمت يا فروس ، وعد ما يطلع مني كلمه وحده ، اجيب لك اللي انت تبيه ومالي شغل .
فارس : ايوه ، شطورة .
سديم توقف : يلا بروح غرفتي .
فارس يلحقها لباب الجناح ، سديم فتحت باب الجناح بتطلع ، فارس وقفها .
فارس بهمس : مثل ما قلت لك هالموضوع يظل سر بيني وبينك .
سديم تهز راسها باوك .
فارس : وابيك تجيبين لي اللي طلبته مفهوم ؟ .
سديم بهمس : مفهوم ، تصبح على خير .
فارس : وانتي من اهله . دخل جناحه وسكر الباب .
💫 انتهى الفلاش باك 💫
سديم تقوم من السرير وتوقف عند تسريحتها ، وتفكر
سديم : ياربي شسوي ، اشلون اعرف ، اوووووووف .
****************************************************************************
🌙 بجناح فهد 🌙
فهد منسدح على السرير ويحوس بجواله ، ملاك طلعت من الحمام بروب الحمام ولافه فوطه على شعرها وقعدت على التسريحه ، انتبهت لفهد يطالعها من فوق الى تحت ويبتسم ، وشهقت .
ملاك : يمه ، بسم الله الرحمن الرحيم .
فهد يترك جواله ويقوم بهدوء ويقرب منها ويهمس : بسم الله عليك ياروحي .
ملاك بتوتر واهي تعدل الروب عليها : احمم ، متى جيت ؟ .
فهد يقرب اكثر : من زمان .
ملاك ترجع الى ورى : فهد .
فهد قاطعها وحط اصابعه على شفايفها : اوووووش . ( قرب منها حيييل وهمس باذنها بهمس حار) ابيك .
ملاك غمضت عيونها من قرب فهد وبلعت ريقها وتنفسها سرع .
فهد مسك الروب وفكه وطاح بالارض ، ملاك شهقت بخفيف ، فهد همس : ٦ شهور ما تعودتي ، انا عن نفسي حفظتك .
ملاك صار وجها طمام ، دوروها ما تلقونها .
فهد شالها وحطها على السرير واهو فوقها ويطالع بعيونها
فهمس بهمس : احبك .
ملاك بنفس الهمس : اموت فيك .
فهد قرب والتقت شفايفهم ببعض وطلقوا لعنان الحب يطلع بينهم ، فهد ترك شفايفها ونزل لرقبتها يحط عليها علاماته الملكيه ويشم ريحه ملاك .
فهد بتخدير : دوختيني .
ملاك تنفسها سريع .
( وبس طردوني من الغرفه 🌚)
****************************************************************************
🌟 بجناح رائد 🌟
رائد منسدح على السرير ومغمض عيونه ، جنان قربت منه وقعدت جنبه على السرير .
جنان بهمس : رائد .
رائد واهو مغمض : همم .
جنان بتوتر : ابي اكلمك بموضوع .
رائد : قولي .
جنان تلعب باصابع يدها : ابي اوقف الحبوب .
رائد فتح عيونه وطالعها وهمس : ايش ؟ .
جنان تبلع ريقها : ابي اوقف الحبوب .
رائد قعد على السرير : ليش ، احنا مو اتفقنا ان الحبوب ما تتوقف الا بأمر مني .
جنان : ادري بس انا ابي عيال .
رائد بشوي عصبيه : حتى انا ابي .
جنان : خلاص دامك تبي وانا ابي خلني اوقف المانع .
رائد : لا .
جنان : ليش انزين ؟ .
رائد بحنيه : جنون حبيبتي ، انا مابي عيال الحين .
جنان نزلوا دموعها وقامت : بس انا ابي ، من حقي مثل اي بنت اصير ام ، انت حارمني من امنيتي ، الناس قامت تاكلني بعيونها وكلامها ، يفكرون فيني عيب وانت صابر ، يمشون ويقولون شوفوها حارمته من العيال ، مافيها عيال .
رائد قام ووقف وراها : واحنا وش دخلنا بالناس ، حياتي لا تخلين كلام الناس يأثر فينا .
جنان لفت عليه ودموعها تطيح : انزين قلي لمتى ، بس حدد والله بصبر بس ابي اعرف .
رائد قرب ومسح دموعها وهمس : قريب ياروحي والله قريب ، وبنجيب بدال الواحد ١٠ بس عشاني لا توقفينهم بدون علمي عشاني .
جنان تطالعه ودموعها تنزل .
رائد يمسح دموعها وبكسره : تكفين لا تنزلين دموعك ، ترى دموعك تكسرني .
مسح دموعها ، وضمها له وبكيت بحضنه ، واخذها للسرير وحطها بحضنه وناموا .
****************************************************************************
🌟 عند زوز 🌟
تفكر ، قطع حبل افكارها رساله من سديم .
رسالة سديم (هاي زوز حبي ، اخبارك ، اممم مادري اذا كنتي نايمه او لا هالوقت بس حبيت اقولك ابي اقابلك بكره بكوفي **** بمجمع **** ، عندي موضوع مهم ابي اتكلم معاك فيه ، تكفين لا ترفضين وحاولي تقنعين امك وابوك ، جد الموضوع ضروري ، وما يتحمل التأجيل ابد ، اذا اوك عطيني خبر اقولك كم الساعة ، اممم وسوري على الازعاج ، انتظرك 🌹) .
زوز خلصت قراءة الرساله واستغربت : وش صاير ؟ وش هالموضوع الضروري اللي تبيني فيه .
فجاة شهقت : لا يكون اخوها هذا مادري شسمه قالها عن اللي صار بيني وبينه بالمجلس ، يا حسرتي رحت فيها .
وظلت تفكر لين غلبها النوم .
****************************************************************************
🌷عند سديم🌷
رسلت نفس الرساله اللي رسلتها لزوز لفارس وكتبت ( بكره تجيك الاخبار ، تصبح على خير) ، فارس قرأ الرساله وظل يفكر ، يروح بكره ويشوفها من بعيد ، ولا ينتظر اخته تجيب له الاخبار ، لين ما غلبه النوم ونام .
****************************************************************************
🌼بجناح فهد🌼
منسدح وفي حضنه ملاك واهو يلعب بشعرها .
فهد بهمس : ملاكي .
ملاك بهمس : همم .
فهد بتوتر : امم ابي اطلب طلب منك .
ملاك رفعت عيونها وطالعته : آمر حبيبي ما يغلى عليك شيء .
فهد يمسح على شعرها واهو خايف من رده فعلها : انا مابي عيال .
ملاك هالجمله تتردد في اذنها ، رفعت راسها من حضنه وطالعته وضحكت بخفيف : ايش ؟.
فهد بتوتر : ملاك حبيبتي سمعيني . يمسك اكتافها .
ملاك دفته بقوه واهي تصرخ : بعد ادينك عني ، ايش اللي ما تبي عيال ؟ انت مستعوب وش تقول ولا ؟.
فهد قعدت ومسكها : ملاك حبيبتي سمعيني .
ملاك رجعت دفته : قلت لك لا تلمسني . واطالعه وتنفسها سريع .
فهد : سمعيني ، احنا تونا متزوجين من ٦ شهور ، خلينا اشوي ، بعدين نفكر بالعيال .
ملاك ودموعها بعينها : ليش فهد ، انت مو تحبني ، دام تبي جذيه ليش تخليني استسلم لك ، ولا ماخذني بس تسليه .
فهد يمسك وجها بايدينه : والله مو كذا الموضوع فهميني .
ملاك وخرت ادينه : وش افهم يا فهد وش افهم ؟ كل هالفتره انت تقص علي وانا ساكته ، انت كل مره ما تنزل داخلي عشان ما احمل ،(دموعها طاحوا) وانا كل مره اروح احلل واتمنى اني اكون حامل واجي افرحك وكل مره يخيب ظني .
فهد انكسر قلبه : ملاك .
ملاك حطت يدها كذا ✋🏻 : بس ، مابي اسمع منك ولا حرف .
قامت واهي تلف الشرشف على جسمها وراحت الحمام وقفلت الباب وانهارت على الارض ، انهارت قوتها ، الم قلب انكسر ، الم خذلان ، الم حسره ، والم حب .
فهد حاط ادينه على راسه ومغمض عيونه ويسمع شهقاتها اللي تخترق قلبه بدون سابق انذار .
****************************************************************************
واااااااااااااستوب
توقعاتكم ؟
٢٠ كومنت = اكمل
٢٠ تفضيل = اكمل
١٠ توقعات = اكمل
١٧١٢ كلمة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!