رواية زوجتي طفلة الفصل السادس وثلاثون 36 - بقلم zooz2012

☄ يوم جديد ☄

****************************************************************************

✨ عند العشاق ✨

صحى فارس الصبح ، وبدأ يتحرك بخفيف ، فتح عيونه واول شيء قابله وجه حبيبتي ، قلبه ، عشقه ، او مثل ما يحب يسمها طفلته ، ابتسم بخفيف ، وتحرك اشوي اشوي بدون ما يصحيها وقام دخل الحمام اللي بغرفتها وخلص ورجع لبس ملابسه حقت امس واخذ جواله اللي كان صامت وانصدم من عدد المكالمات اللي كانت توصل ٢٠٠ مكالمة ، ١٠٠٠ واشوي رساله .

فارس بصدمه : بسم الله شصاير ؟ .

زوز صحت وقعدت على السرير ووجها فيه نوم ، وبحة نوم قالت : صباح الخير .

فارس لف عليها وابتسم ، قرب وطبع بوسه قريب شفايفها وهمس : صباح العسل .

زوز ابتسمت وبعدته بخفيف : بعد بقوم الحمام .

فارس سحبها لحضنه : نو نو نو خلك كذا .

زوز بدلع : فروس .

فارس : لا تحاولين .

زوز توها بتتكلم الا انفتح عليها الباب ، امها دخلت واهي تصرخ .

ام زوز : زهير ووجع قومي تأ .

سكتت لمن شافت فارس .

فارس شاف امها داخله وبعد عنها بخفيف واهو يتحنحن .

فارس : احم احم .

زوز باحراج : هلا يمه ، صباح الخير .

ام زوز باحراج : وخزياه ، فارس يمه انت هني ؟ .

فارس وقف واهو منحرج  وراح باس راسها : اي عمه ، صباح الخير ، اشلونك ؟  ، عساك طيبه ؟ .

ام زوز : صباح النور ، اي يمه بخير الحمد الله ، انت اشلونك ، اشلون امك و خواتك كلهم زينين ؟ .

فارس ووجه احمر من الاحراج : اي كلهم زينين يسلمون عليك .

ام زوز : الله يسلمهم يمه ، سلم عليهم .

فارس : يوصل ، يوصل ان شاء الله .

ام زوز : يلا عن اذنكم ، اخذ راحتك يمه فارس ها ، البيت بيتك .

فارس : مشكوره ما تقصرين .

ام زوز : زوز يمه اشوي و الفطور يصير جاهز ، تعالي اخذي لكم ها ؟ .

زوز واهي فيها الضحكه : ان شاء الله يمه .

ام زوز طلعت وزوز انفجرت ضحك وفارس مكشر .

فارس راح واخذ المخده ورماها عليها : وجع لا تضحكين .

زوز واهي ميته ضحك : اههه ... 😂😂😂😂😂... خلاص بموت .

فارس ضحك على ضحكتها وابتسم بحب وظل يتأملها .

زور وقفت ضحك وبدت تمسح اثار الدموع من الضحك و انتبهت لفارس يتأملها وتوردت خدودها بخجل .

فارس بحب و همس : تدري انتي جميله وانتي تضحكين ، وانتي تخجلين ، و انتي زعلانه ، جميل بجميع احوالك ، وش الحل معاك يا بنت الناس .

زوز وقفت بدلع ولمت شعرها : ما فيه حل 😜😜 .

تركته ونزلت تحت تجيب لهم فطور ، فارس ابتسم على تصرفاتها ورجع يشوف جواله ودق على رائد .

 ****************************************************************************

💕 عند رائد وجنان 💕

رائد كان نايم ويمه جنان منسدحه على يده لان تاخف جرحه ينفتح ، رن جوال رائد وقطع عليهم النوم الحلو .

صحى رائد بانزعاج : اوووف ، منو اللي متفرغ داق الحين ؟ .

جنان تبعد عنه بخفيف وتفرك عيونها ببعض وبحة نوم : شوف يمكن احد مهم .

رائد قعد على السرير واخذ جواله واهو مغمض ورد بدون ما يشوف الاسم : الوو .

فارس : الو رائد .

رائد فتح عيونه بسرعه : فارس وينك ، فيك شيء ، صار لك شيء ؟ .

فارس : اهدى اهدى اهدى ، ما فيني شيء ، انا عند مرتي ببيت اهلها .

رائد بسرعه : ايي بس انت .

سكت كانه توه يستوعب همس باستغراب : هااا ؟ .

فارس بهدوء : انا عند مرتي ببيت اهلها .

رائد بعصبيه وصراخ : لعنت الله عليك يا الزفت ،، الى الفجر واحنا نحاتيك مالت عليك وعلى مرتك اللي رايح لها ، ما تعرف تدق علينا ، تطمنا ، تقول اهلي مساكين يحاتوني ، و .

فارس يقاطعه : بس بس بس اهدى شصار قامت القيامه .

رائد : اي قامت القيامه ، احنا قالبين عليك الدنيا وانت عايش بالنعيم صج حيوان .

فارس انصدم : رائد شفيك ؟ .

رائد : اذلف بس روح لحضن مرتك يالطفل .

قفل بوجهه وطالع بجنان ، ودق على فهد .

****************************************************************************

✨ عند فهد ✨

فهد صاحي عشان بيروح الدوام رن جواله ، اخذه ورد .

فهد : هلا رائد ، ها حصلت شيء عن فارس ؟ .

رائد : الزق عند مرته .

فهد : اييي زين ، (بصراخ) هاااا ؟ .

رائد : اي ، عندها وتوه الاخ متكرم داق علي .

فهد : اشلون يعني  ؟ .

رائد : ينعني الاخ عايش بنعيم واحنا مسوين عليه حرب هني .

فهد : خل يجي بس والله ان ما كفخته .

رائد : اذلف انت الثاني بنام .

توه بيرد فهذ قفل بوجهه رائد ، فهد يطالع بشاشة و اهو منصدم .

فهد بصدمه : شوف الثاني ، يقفل بوجهي ، اوك اوك .

اخذ اغراضه وراح للدوام .

****************************************************************************

☄ عند زوز وفارس ☄

زوز جات ومعاها صينية اكل : وصل وصل .

فارس ابتسم بحب لها وهمس : هلا هلا يا قلبي .

زوز حطت الصينيه : انا بروح الحمام وببدل وبجي .

فارس مسكها من يدها قبل لا تروح : وين وين ؟ .

زوز ببراءه : قلت لك بروح الحمام وببدل وبجي .

فارس بخبث : و ليش تبدلي ؟ .

زوز وخدودها حمر : فااااارس .

فارس ضحك على خجلها وباسها قريب شفايفها : فديت الخجوله يا ناس .

زوز ابتسمت .

فارس رد لها الابتسامه .

زوز راحت اخذت لها ملابس ودخلت خذت شور وطلعت وشعرها رطب واهي لابسه تيشيرت وردي فاتح وبنطلون سماوي .

فارس شاف شعرها رطب وينقط ماي ، جاء بهدوء ووقف وراها واخذ الفوطه من يدها وبدأ ينشف شعرها .

فارس بهدوء : لازم تجففين شعرك لا تمرضين .

زوز تطالعه بالمرايه وتبتسم بحب ، همست : أحبك .

فارس ابتسم وحضنها من ورى وطبع بوسه برقبتها وهمس : وانا اعشقك واتنفسك واموت فيك .

خلصوا وقاموا فطروا وجاء فارس يبي يمشي .

فارس ياخذ اغراضه : انا بمشي حبي وبجيك بالليل اخذك ، تمام ؟ .

زوز بزعل : تمام .

فارس رفع راسها باطراف اصابعه وهمس : شفيك يا قلبي ؟ .

زوز بزعل : مابي تروح عني .

فارس انصدم ، بس ابتسم واخذها بحضنه : بس برجع لك يا روحي .

زوز : حتى لو مابي تروح .

فارس بعدها عن حضنه وطالعها : ليش ؟ .

زوز : كذا مابي تروح ابيك تجابلني .

فارس بعدم تصديق : زوز حبي فيك شيء ؟ .

زوز : لا ليش ؟ .

فارس : مادري اول مرة تقولين كذا .

زوز مسكت يده وبطفوله : لا تروح .

فارس : زوز بروح الدوام ، بخلص كم شغله وبعدين برجع اخذك .

زوز تهز راسها بلا .

فارس : ما بتاخر اوك ؟ .

زوز استسلمت : اوك انتظرك .

فارس سرق منها بوسه سريعه من شفايفها وطلع : يلا باي عشقي .

****************************************************************************

💥 بالشركة 💥

احمد وفارس وفهد وابو رائد باجتماع مع شركه مهمة جداً قاعدين يتفاوضون ، قطع عليهم جوال احمد.

احمد يوقف : اعتذر .

اخذ جواله وراح على جنب ورد : الوو .

سديم تصرخ : احمممد الحق  .

احمد : شصاير ؟ .

سمع صوت صراخ ومو قادر يركز بسديم اللي تتكلم و ........... .

****************************************************************************

وااااااااااااااااااااااستوب

كيف البارت ؟ 

توقعاتكم ؟

كيف رجعة زوز وفارس ؟

ليش سديم داقه على احمد ؟

شنو  هالصراخ اللي سمعه احمد ؟

ليش زوز تصرفت مثل الاطفال ؟