رواية زوجتي طفلة الفصل الخامس وثلاثون 35 - بقلم zooz2012

✨ الاحداث السابقة ✨

 ثواني وبدأ يفقد قوته والدنيا بدت تسود بعينه ، و طاح من طوله على زوز و ضرب راسه بالسرير وطلع دم .

زوز شافت الدم وصرخت بصوت هز اركان البيت كله : فاااااااااااااااااااااااااااااااااارررررررس .

فجاة صحى فارس من الكابوس اللي كان يحلمه وتنفسه سريع .

ظل يتلفت يمين و يسار ، ماهو مستوعب اللي يصير ، معقوله كان حلم ، جيت زوز له حلم ، تصالحهم حلم .

قام من السرير وطلع من الغرفه شاف سامي ورائد وفهد واحمد قاعدين بالصاله يشوفون فلم .

رائد انتبه لفارس : صحى النوم .

فارس واقف مو مستوعب اللي صار .

سامي : فيك شيء ؟ .

فارس واهو يحاول يلقط انفاسه همس : وين زوز ؟ .

فهد : فارس شفيك ؟ .

فارس : اقولكم  وين زوز ؟ .

احمد : شفيك انت نسيت انك وديتها بيت اهلك .

فارس بانفاعل : لا لا اهي جات لي هني ، وصحتني من النوم ، حتى ، حتى سوت لي شوربه ، اي اي سوت لي شوربه دجاج بخضار و شربتها مع عصير ليمون وعطتني بندول وقالت راح تظل هني يمي ، وبعدها انا واهي تصالحنا .

رائد يوقف ويقرب من فارس : اهدأ ، انت شكلك تحلم .

فارس بانفاعل اكثر : اشلوووون احلم ، اقولك اكلت الشوربه .

سامي يهدي الوضع : اي اي صح يمكن اهي جات واحنا ما ندري وطلعت .

فارس تركهم وراح الغرفه .

رائد طالع فيهم كلهم وقاموا لحقوه بسرعه شافوه يطلع ملابسه ويلبس .

فهد : هوب هوب وش تسوي ؟ .

فارس يفصخ اللي عليه ويلبس التيشيرت : بروح اجيب زوز .

رائد : اعقل فارس تراك تعبان وما طبت .

فارس : انا الحين عقلت .

سامي : انزين هدي ما يصير تنفعل تزيد نفسك .

فارس : ماني منفعل انا هادي ، و هادي جداً بعد .

احمد : احنا نروح نجيبها لك اقعد ارتاح .

فارس ياخذ الجوال ومفتاح السياره : لا انا بجيبها .

رائد يلحقه : فارس فارس انتظر .

فارس سحب عليهم ونزل تحت وما رد على ولا احد وركب سيارته وانطلق لبيت زوز .

بعد مده وصل بيت زوز ونزل كانت الساعه ٢:٣٠ بالليل ، نزل وطق الباب .

كانت زوز نايمه ، نامت واهي تنتظر احد يرد عليها من خوات فارس ، حست على الباب ينطق ، صحت ونزلت تحت وقلبها ميت خوف ، معقوله فارس صابه شيء و احد جاي يخبرها .

فتحت الباب بسرعه ، شافت فارس واقف بطوله وواضح عليه التعب .

زوز دقها دق بدال الوحده مليون همست : فارس !

فارس خل جوابه عملي ، ما حب يضيع وقت بالكلام ، سحب زوز من يدها واخذها بحضنه ودفن وجهه بشعرها ورقبتها وغمض عيونه واهي يستنشق ريحتها .

فارس بهمس : آسف .

زوز في صدمه ، تبكي ، تضحك ، تفرح ، تزعل ، ماهي عارفه شنو المشاعر اللي تمر عليها هاللحظة ، بس عرفت شيء واحد انه قلبها يبي هالشيء .

رفعت ايدينها وحطتها ورى ظهر فارس ولمته همست : انا اللي اسفه .

فارس مغمضه عيونه يسحب ريحتها لرئته متناسي كل شيء ، زعل ، غضب ، تعب ، هوشه ، دموع ، كل شيء ما عاد الحب والشوق .

بعد مده طويله فصل فارس الحضن وطالع بوجه زوز اللي كان واضح عليه انها تبكي .

فارس بهمس : ليش تبكين يا روحي ؟ .

زوز ابتسمت : انت قلي شفيك ؟ ، تعبان ؟ .

فارس همس : تعبني غيابك عني .

زوز بغصه : انا موتني غيابك عني .

فارس حط اصابعه على شفايفها : اوووش ، اسم الله عليك .

زوز باست اصبعه اللي على شفايفها وهمست : و عليك يا روحي .

فارس استوعب انهم واقفين على الباب .

فارس : كان احنا واقفين بمكان غلط .

زوز ضحكت بخفيف : حياك .

فارس دخل معاها البيت وطلعوا لغرفتها اللي فارس اول مره يشوفها .

زوز خلته بالغرفه ونزلت تحت سوت اكل خفيف وجرجعت له فوق واهو يتأمل في غرفتها وترتيبها .

زوز حطت الصينيه على السرير وهمست : همم عجبتك الغرفه ؟ .

فارس بانبهار : جميلة .

زوز ابتسمت .

فارس كمل : مثل صاحبتها .

زوز توردت خدوها .

فارس انتبه على الصينيه : وش جايبه ؟ .

زوز : خفايف .

فارس :  حق شنو ؟ .

زوز بابتسامه : لزوم الضيافة 😉 .

فارس ضحك : 😂😂 .

راح وقعد جنب الصينيه  و زوز راحت وقعدت جنبه وبدأ يأكلون .

فارس خلص وبدأ يحس حرارته ترجع ترتفع مره ثانيه .

فارس همس : عشقي عندك بندول ؟ .

زوز بشوي خوف : اي عندي ، ليش شفيك ؟ .

فارس : ما فيني شيء بس اشوي شكله ارتفعت حرارتي .

زوز قربت منه وحطت ايدها على جبهته : حار ، قوم نروح المستشفى .

فارس مسك يدها وشبكها بيده وهمس : ماله داعي يا روحي صدقيني ما فيني شيء شوية حراره وتروح .

زوز بخوف : لا لا قوم .

فارس : عشقي عشاني بس جيبي لي بندول .

زوز استسلمت : تمام .

تركت يده و راحت نزلت تحت جابت بندول وماي وكمادات بارده ورجعت الا فارس منسدح بسريرها ومغمض عيونه .

قربت وقعدت جنبه وهمست : حبيبي .

فارس فتح عيونه وابتسم لها بتعب : عيوني .

زوز تطلع حبه بندول : جبت لك بندول .

فارس رفع نفسه بخفيف وفتح فمه ، زوز فهمت وحطت الحبه بفمه وعطته ماي بلعها وشرب ماي .

فارس ابتسم : تسلمين حياتي .

زوز : الله يسلمك قلبي ، انتظرني بجيب لك بجامه .

فارس باستغراب : من وين بتجيبين ؟ .

زوز راحت للدولاب  وطلعت بجامه من بجايم فارس وجابتها له .

فارس ضحك بخفيف : كيف وصلت هذي هنا ؟ .

زوز باحراج : انا خذيتها عشان .

فارس : ايوه عشان ايش ؟ .

زوز وخدودها حمر : عشان اشم ريحتك فيها .

فارس ضحك : 😂😂😂😂😂😂 .

انسدح واهو يضحك .

زوز طقت كتفه بخفيف : وجع لا تضحك .

فارس تعب من الضحك : اخخخ قلبي تعبت .

زوز ابتسمت : يلا نام .

فارس : وين انام ؟ .

زوز : هنا .

فارس : عندك ؟ .

زوز : ايوه ، عيل بخليك تمشي وترجع البيت وانت بهالحاله ، هه تحلم .

فارس بحب : ليش خايفه علي ؟ .

زوز : اذا ما اخاف عليك اخاف على منو ؟ .

فارس بخبث : انزين بدلي لي ملابسي تعبان .

زوز : يا عيار توك تضحك .

فارس ضحك : صدتيني .

وقف واخذ البجامه وفصخ قدام زوز ولبست البجامه وانسدح بسريرها وفتح لها مجال جنبه .

زوز ابتسمت وجات وانسدحت معاه .

فارس بتعب : هالمره انا بنام بحضنك مو انتي .

زوز فتحت ايدينها لها وهمست : حلالك .

دخل فارس بحضنها وحط راسه برقبتها يشم ريحتها اللي يعشقها .

زوز حطت يدها بشعر فارس و ماهي الا ثواني وانتظمت انفاس فارس اللي تلفح رقبة زوز ، ابتسمت بحب له .

زوز واهي تطبع بوسه على راسه : تصبح على خير يا روحي .

****************************************************************************

💕 عند اهل فارس 💕

رائد يسكر الجوال واهو يتأفف : اوووف ما يرد .

ام رائد بخوف : شنو يعني وين راح ولدي ؟ .

فهد يدق على فارس : الغريبه ان يشوف كل هالاتصالات ولا يرد .

ندى بتفكير : او يمكن ما يشوف هالاتصالات .

الكل : هاااا ؟ .

ندى : قلت يمكن ، شفيكم ؟ .

رائد واهو يدق : ها ردت عليكم زوز ؟ .

سديم تدق : لا حتى اهي ما ترد .

ابو رائد : و الحل ؟ .

احمد : خلونا نبلغ الشرطه .

خالد : يا جماعه اهدوا ، يمكن عند زوز ولاهي .

يوسف : او يمكن جواله صامت .

سامي : دق رائد .

رائد رجع يدق على فارس و سديم على زوز لكن بدون فايدة محد يرد .

****************************************************************************

واااااااااااااااااااااااستوب 

توقعاتكم ؟

كيف البارت ؟

( اشوفكم الويكند الجاي )

(اتقبل النقد لكن باحترام)

انطلقوا بالتفاعل 🏃🏻🔥🔥🔥🔥🔥🔥🔥🔥🔥🔥