رواية زوجتي طفلة الفصل التاسع 9 - بقلم zooz2012

🍁 عند نوره 🍁

نوره ابتسمت ، لكن ثواني واختفت هالابتسامه وطاحت من طولها واغمى عليها .

ام رائد بصراخ : نووووووووورررره .

سامي بسرعه راح لها وحملها بين اكتافه وططالع سديم .

سامي بصراخ ي جيبي لها عبايه بسرعه .

سديم راحت تركض لفوق وجابت عبايه ، اخذها سامي وقطها عليها وحملها وركب سيارتها وطار فيها للمستشفى ، من كثر خوفه عليها نسى للحظه انه دكتور ويقدر يتصرف .

****************************************************************************

(ساعات لمن يصيب شخص انت تحبه ضرر وانت تقدر تساعده ، يسيطر عليك شعور الخوف وتحس انك عاجز عن فعل اي شيء واياديك مربوطه) 

****************************************************************************

🌟 بالبيت 🌟

ام رائد تبكي : ودوني لبنتي .

نور ماسكه امها وتهديها : يمه حبيبتي الحين نروح بس اهدي انتي .

احمد دخل كان خارج البيت وانصدم من وضعهم : شفيكم ؟ شصاير ؟ .

ام رائد : يمه احمد طلبتك لا تردني .

احمد : امري يا عمه .

ام رائد : ابي اروح لبنتي نوره بالمستشفى . 

احمد : يلا عمه لبسي انتي ونور خل اوديكم .

فارس وفهد ورائد بسياره مع ابوهم بسياره وحده لحقوا سامي على طول .

احمد اخذ الباقي ولحقوهم .

****************************************************************************

💫 عند زوز 💫

خلصت ترتيب وراحت تجهز وش بتلبس حق طلعتها من سديم .

****************************************************************************

💥 بالمستشفى 💥 

سامي وصل وحمل نوره بسرعه واخذوها منه ودخلوها ورفضوا يدخل ، وبقى بره ينتظر وصلوا الباقي وبقوا معاه ينتظرون ، بس ربع ساعه طلع الدكتور والكل تجمع عليه .

الدكتور يطالعهم : منو زوجها ؟ .

سامي يطالعه بتوتر : انا ... انا زوجها .

الدكتور يطالعه وتكلم بهدوء : ممكن تلحقني المكتب .

سامي هز راسه بأي ولحقه .

الدكتور دخل مكتبه وقعد : تفضل .

سامي قعد بالكرسي اللي عند مكتب الدكتور : خير دكتور ، شصاير ؟ ، نوره فيها شيء ؟ .

الدكتور ياخذ التحاليل واوراق من الممرضه ، ويقرأ ويتنهد .

الدكتور بتنهيد : الحقيقه مادري شقولك .

سامي بقلق خفيف : شصاير ؟ .

الدكتور : انت تدري انها حامل ؟ .

سامي : اي دكتور ندري .

الدكتور : الصراحه ، اهي تعرضت لانهيار عصبي ، التوقع صدمه قويه اثرت فيه لدوجه الانهيار العصبي .

سامي نزل راسه : اي اهي كانت رافضه فكره الحمل .

الدكتور بتفهم : امم عشان كذا ، صدمتها كانت قويه وجابت لها انهيار عصبي ، ونفسيتها سيئه جداً وهالشيء له تأثير سلبي على الطفل .

سامي يهز راسه : اي اعرف انا دكتور وعارف هالشيء مضر عليها وعلى الجنين .

الدكتور : حاولوا ما تخلونها تعصب وتصرخ عشان ما تنهار .

سامي : اهي الحين شلونها . والجنين بعد ؟ .

الدكتور : للاسف الجنين حالته مو مستقره .

سامي باستغراب : كيف يعني حالته مو مستقره ؟ .

الدكتور : حملها جداً ضعيف بسبب الانهيار والنفسيه السيئه ، و .. وممكن يؤدي الى . (سكت) .

سامي بخوف : يؤدي لشنو ؟ .

الدكتور : يؤدي الى موت الجنين .

سامي بصدمه : شنو ؟ .

الدكتور : هالاحتمال جداً قوي ، حملها ضعيف حييل .

سامي نزل راسه وهمس : والحل ؟ .

الدكتور : حاول انها تاكل اكل صحي شوي ، وتهتم لنفسها ، وتقلل حركتها ، وما تتعرض للعصبيه وتوصل للانيهار ، وبعطيك فتامينات ومقويات ومثبت للجنين .

سامي : ان شاء الله .

الدكتور كتب بورقه ومدلها لسامي ، سامي وقف واخذها من الدكتور .

سامي واهو بيطلع : يعطيك العافيه دكتور .

الدكتور : ولو واجبي . 

سامي طلع من عنده وخبر الكل ، وبعد ما صحت نوره اخذوها للبيت .

****************************************************************************

🎄 عند سديم 🎄 

بعد ما تطمنت على اختها ، بدلت ملابسها ونزلت تحت بتاخذ السايق وتروح تاخذ زوز من بيتهم عشان تقعد معاها ، سديم نزلت تحت شافت الكل قاعد بدون نوره وسامي .

فارس انتبه لسديم واهو واقفه على الدرج : وين على الله ؟ .

سديم بهبال : ابد بروح لزوجي .

فارس نقز وبعصبيه : انطمي طمك الله .

سديم بضحك : شفيك عصبت اهدى اهدى ، بروح لصديقتي زوز (وغمزت 😉)  ولا نسيت استاذ فارس .

فارس تنحنح : احم .

سديم ضحكت : ايوه خلاص فهمت ، يلا باي .

فارس وقفها : صبر منو بيوديك ؟ .

سديم : السايق يعني منو ؟ .

فارس وقف : انا اوديك .

سديم ترمش بسرعه : خير ، وش توديني ؟ ، ترى . (سكتت) .

فارس سكتها واهو يسحبها لبره : امشي الله يرجك قلت بوديك يعني بوديك خلصيني ولا مافيه طلعه .

سديم ركبت السياره ولفت عليه واهي معصبه : احلف يا شيخ .

فارس يطالعها 😒 .

سديم تكمل : قول مشتاق لحبيبه القلب مو انا بوديك وبلا بلا بلا .

فارس ساكت .

سديم تلف تطالع الدريشه : روح **** .

فارس واهو يطالع الطريق : ليه ؟ .

سديم بهدوء : بيت زوز مناك .

فارس بلع ريقه وهمس بهدوء : ليش انتي كنتي بتمرين عليها مع السايق ؟ .

سديم : اي .

فارس واهو فيه لخبطت مشاعر ، فرح ، شوق ، توتر ، حب ، مايدري شنو شعوره بالضبط .

****************************************************************************

🌷 عند زوز 🌷 

لبست 👇🏻 

ولبست العبايه بس ما سكرتها ولبست الشيله ونزلت وكان صوت الكعب واضح .

****************************************************************************

🌹 عند فارس 🌹

سمع صوت الكعب اللي مالي المكان لف وشاف زوز تمشي بهدوء وثقه والهواء حرك عبايتها وفتحت وبين اللبس .

زوز رفعت عينها وثبتت من شافت منو جاي مع سديم .

فارس وزوز وقف الوقت عندهم ، صار تبادل نظرات ، كلام كثير انطق لكن بدون صوت فقط نظرات 

مشاعر ، مشاعر ، مشاعر هذا الشيء الوحيد اللي كان وقتها ، والحب اللي كان واضح لسديم .

سديم قطعت الجو واهي تأشر لزوز وتصرخ : زوزي تعالي ووجع يلا سريع ركبي .

زوز عدلت عبايتها وتوترت ومشت بهدوء فتحت الباب وركبت ورى سديم .

زوز بهمس : سلام عليكم .

فارس وسديم : وعليكم السلام .

زوز بلعت ريقها بتوتر وطالعه الدريشه ، فارس ضبط المرايه على زوز عشان يراقب تحركاتها ، ومشى اتجاه المجمع .

****************************************************************************

وصلوا المجمع وكان صوت كعب زوز عالي ، فارس كان يمشي وراهم بهدوء ، وكان معصب من نظرات الكل اللي تلف على صاحبه صوت الكعب العالي ، فارس قابض على يده من العصبيه ، وما تمالك اعصابه وبحركه سريعه بدون ما تنتبه سديم سحب يد زوز لورى وصدمت فيه وقرب منها من ورى وهمس بأذنها .

فارس بهمس : خلي سديم تسبقك للكوفي .

زوز بلعت ريقها وانصدمت من جرائته ، فارس بعد عنها بخفيف واهو يطالع بيشوف بتسمع الكلام ولا .

زوز واهي متوتره : سدوم سبقيني الكوفي بروح الحمام واجيك .

سديم باستغراب : ليه ؟ ، فيك شيء ؟ .

زوز تخفي توترها : لا لا ، مافيني شيء ، بس بروح حمام سريع وبجي انتظريني بالكوفي .

سديم : تمام وش تبين اطلب لك ؟ .

زوز : مثل المعتاد اكيد .

سديم تقلد زوز : موكا بارد مع كريم كراميل . (غمزت لزوز 😉) صح ؟ .

زوز ضحكت بنعومه : صحين .

فارس كان يراقب حركات زوز بهدوء ، وبدقه ، ضحكتها اخترقت قلبه بدون استأذان .

سديم مشت واهي تضحك : اقول خلصيني لا تتنقعين بالحمام كانك صرصور .

زوز بس شافت سديم اختفت عن نظرها لفت لفارس بعصبيه : نعم خير وش تبي ؟ .

فارس بهدوء : لا ترفعين صوتك ، تراك بمكان عام .

زوز كتفت اديها : مايهمني ، اخلص وش تبي .

فارس عصب من اسلوبها : وش اخلص اصغر عيالك انا ، احترمي نفسك .

زوز : انت تراك تماديت ، مو عشان صارلنا موقفين ، سويت نفسك مسوؤل عني ، ترى والله ان ما بطلت بتشوف شيء ثاني .

فارس بثقه : وش بتوريني يعني ، تراك ما تقدرين تسوين شيء .

زوز بثقه : بعلم اختك سديم عن حركاتك .

فارس قرب منها بهدوء ، وزوز ترجع لورى ، فجأة ما حست الا باللي يسحب يدها وراه .

زوز بصدمه : انت هي اترك ايدي ، تجرني وراك كاني كلب ، هدني ووجع .

فارس يمشي بهدوء ، لين وصل للاصنصير ودخل واهي وراه .

زوز خافت : هي انت ، وش مفكر نفسك ، ترى صدقت عمرك .

فارس ضغط ازرار الاصنصير وبس نزل اشوي وقفه ، ووقف بالنص (المصعد كان مسكر كامل يعني ماحد يشوفهم ) .

زوز خافت اكثر وتوترت ووضح بصوتها : ليش وقفتها ؟ .

فارس لف عليها وقرب خطوه ، زوز خافت ورجعت خطوه ، اهو قرب خطوه ، واهي رجعت خطوه ، اهو قرب زياده ، واهي رجعت زياده لين لصقت باللي وراها ومافيه مكان تهرب .

فارس قرب منها حيييل وما يفصل بينهم شيء ، لدرجه سمع دقات قلبها اللي بتطلع خلال ثواني من خوفها .

فارس بهدوء همس : يلا بشوف وش الشيء الثاني اللي بتوريني .

زوز بلعت ريقها وتحاول تبين قوتها : وخر عني ، والله اصرخ والم عليك الكل ، وتصير فضيحه لعايلتكم.

فارس بثقه : صرخي يا قلبي صرخي ، صرخي لين احبالك الصوتيه تتعب (وقرب زياده وهمس قريب شفايفها ) محد سامعك .

زوز غمضت عيونها : تكفى اتركني وش تبي ؟ .

فارس تخدر من ريحه عطرها ، وهمس بتخدير : طالعيني .

زوز تنفسها سريع .

فارس : زوز فتحي عيونك .

زوز ساكته .

فارس : حطي عينك بعيني .

زوز مغمضه بقوه .

فارس بهمس : عشاني .

هالكلمه قلب زوز وقف منها ، فتحت عيونها بخفيف والتقت بعيون فارس .

فارس وعيونه بعيونها همس : .................... .

****************************************************************************

وااااااااااااااااااااااااااستوب 

ادري اني نذله 😂😂😂

المهم توقعاتكم ؟ .

٣٠ كومنت = اكمل

٣٠ تفضيل = اكمل 

٢٠ توقع = اكمل 

علقوا بين الفقرات 

١٥٥٦       كلمة