رواية زوجتي طفلة الفصل الثامن 8 - بقلم zooz2012

💥 عند نوره وزوجها 💥

سامي جاء وقرب من نوره .

سامي بهمس : شفيك ؟.

نوره واهي مصدومه : انا حامل .

سامي بصدمه : اييييش ؟ .

نوره ودموعها تطيح : انا حاامل .

سامي وقف وفيه صدمه : كيف ؟ مو انتي قلتي تبين تاخذين مانع لين ما حامد يكمل ٣ سنوات .

نوره توقف معاه وصرخت : انت السبب ، قبل اسبوعين لمن كنا طالعين قلت لي بستخدم واقي لاني نسيت الحبوب .

سامي بتوتر : اوك الواقي كان خربان وش اسوي يعني ؟ .

نوره : هم انت السبب انت اللي غلطان .

سامي بهدوء يقرب منها : نوره حبيبتي اهدي .

نوره راحت الحمام وجابت جهاز الحمل واهي تصرخ وتبكي : شوف سامي شوف انا حامل وتقولي اهدي ، حامد ما كمل السنه وتقولي اهدي ، انت مستوعب ، مستوووووووعب .

سامي بصراخ : طيب شنو تبين اسوي يعني ، صار خلاص .

نوره بهدوء ودموعها تطيح : مابي هالطفل .

سامي بصدمه : شنو ؟ .

نوره : نفس ما سمعت ، انا مابي هالطفل .

سامي : نوره بلا جنان .

نوره : انت مو دكتور طيح لي هالطفل .

سامي : انا دكتور طب عام مو نساء وتوليد .

نوره : مالي شغل قلت هالطفل  مابيه يعني مابيه .

سامي عصب ومسك معصم نوره وبصراخ : سمعني عدل يا نوره ، هالطفل بيتم في بطنك لين ينولد سالم ، وقبل لا يرضيني هالشيء كزوجك انك تسقطينه ما يرضيني كدكتور بعد  وقبلها ما يرضي الله ورسوله ، (بهدوء) اللي بتسوينه سويه ، لكن والله هالطفل لو ينزل اعتبري نفسك طالق .

نوره انصدمت من كلامه ، ترك يدها بقوه ، وطالعها ودخل غرفه التبديل بدل ملابسه واخذ اغراضه وقبل لا يطلع من الغرفه .

سامي واهو معطيها ظهره : روحي حق امك تعقلك ، شكلك جنيتي ، الله عاطينا هالشيء وانتي تبين تفرطين فيه ، فكري زين قبل لا تتاخذين هالقرار ، اذا بتخسرين هالطفل بتخسريني وبتخسرين حامد.

وتركها وطلع ونوره دموعها تطيح بصمت .

هل فعلاً كلام سامي لنوره ، اذا نزل هالطفل بتطلق ، ولا اهو فقط كلام تهديد لاجل ان تهتم بالطفل ؟ 

****************************************************************************

🌟عند سديم 🌟

طلعت اللي بتلبس ، ودخلت الحمام اخذت شور ولبست تيشيرت اسود وبنطلون ابيض ونزلت تحت 

 ****************************************************************************

🍁 على طاولة الاكل 🍁

كان وقت الغداء والكل مجتمع ، ابو رائد كان متوسط الطاوله ويساره رائد وجنان ويمها ملاك وفهد ويمه فارس وسامي ونوره ونور واحمد وخالد ويوسف وحمد وسديم والتؤام وهيا ويتوسط الجهة الثانيه ام رائد .

سامي ما يطالع نوره ولا حتى يكلمها ونوره مالها خلق شيء ، كان واضح للكل انهم متهاوشين .

 ****************************************************************************

💫 بعد الاكل 💫

الرجال كانوا بالمجلس الخارجي والحريم بالصاله .

 ****************************************************************************

🌼 عند الحريم 🌼 

نوره منسدحه بحضن امها وجنبها خواتها وتبكي .

نوره ودموعها بعينها : يا جماعه فهموني ، حامد للحين صغير .

ام رائد تمسح على راسها : يا يمه صلي على النبي ، ما عليه هذا انا جبتكم على بعض .

نوره : يمه انا ما اقدر اربي ٢ مع بعض صعب .

ام رائد : مو صعب ولا شيء انتي مكبره الموضوع ، بعدين انتي هني معانا ، عندك خواتك وانا وحريم اخوانك وزوجك .

نوره بحسره : اي زوجي ؟ ، يمه سامي مهددني بالطلاق .

ام رائد : تستاهلين بنتي واعرفك لسانك طويل .

 ****************************************************************************

🌟 عند الرجال 🌟 

فارس قاعد جنب سامي .

سامي بهم : نوره حامل .

ابو رائد : مبروك يا ولدي .

فهد : اوك بس ليش زعلان ؟ .

سامي بتنهيده ويشتت نظره عنهم : نوره تبي تنزل الطفل .

 ****************************************************************************

🍁 عند الحريم 🍁

الكل بصدمه : هاااا ؟ .

نور : نوره انتي جنيتي شنو تبين تنزلين الطفل .

نوره ببكي : اي ما ابيه ما ابيه .

ام رائد بعصبيه : نوره انتي اكيد جنيتي ، هذي روح تعرفين شنو يعني روح وانتي تبين تقتلينها بكل بساطه .

نوره : يمه هالطفل مو محسوب له حساب مثل حامد .

هيا : حتى لو الله كتب ، تروحين تعترضين على اللي كتبه الله .

نوره : لا استغفر الله بس حامد ما كمل السنه .

سديم : لا تحطين عذر بحامد ، حامد يومين ويكمل  سنه وعلى ما ينولد هالطفل على الدنيا الا اهو دخل سنه وكم شهر .

ندى : حرام لا تسوين هالشيء .

هدى : احنا نبي طفل جديد بالعايله .

ام رائد بتهديد : سمعيني عدل ، اذا هالطفل نزل  ماني مكلمتك ابد .

 ****************************************************************************

🌷 عند الرجال 🌷 

رائد بعصبيه وقف : مو بكيفها .

فهد مسكه : رائد اهدى .

سامي وقف معاه : يا جماعه حاولوا تقنعونها انا تعبت .

رائد بعصبيه : والله ان نزل هالطفل لا ينزل راسها وراه .

فهد : رائد اهدى ، الموضوع ما ينحل بالصراخ .

سامي راح قعد عند رجول ابو رائد : عمي سامحني .

ام رائد : على شنو يا ولدي ؟ .

سامي : انا هددت نوره بالطلاق اذا نزل هالطفل .

ام رائد وقف : قوم معاي .

دخل عند نوره ووقف قدامها والكل وراه .

ام رائد بصراخ زلزل البيت وبعصبيه : سمعي يا نوره .

نوره وقفت بخوف ، وخواتها معاها وحريم اخوانها ، واخوانها ماسكين ابوهم .

ابو رائد يكمل : سمعي اللي بقوله وحطيه حلق باذنك ، والله واللي رفع سبع ان صار باللي ببطنك شيء ، لا انتي بنتي ولا اعرفك .

الكل انصدم ، نوره دموعها نزلوا .

ابو رائد يأشر على الكل : وهذا قدام الكل ، اللحظه اللي ينزل فيها الطفل ، انتي مو بنتي ، وروحي باللي لا يحفظك مع زوجك ولو يسوي فيك اللي يبي ماني مانعه ، ولا راح ارضى عليك لا بعيشتي ولا بمماتي .

نوره رجولها مو قادره تشيلها من الصدمه .

ابو رائد يلف على سامي : اسمع يا ولدي ، هذا انا اوصيك حي كنت ولا ميت ، اللي بتسوي بنوره سوه ، اذا هالطفل نزل وتبي تذبحها وتدفنها واهي عايشه حلالك .

نوره راحت تركض لابوها وطاحت عند رجوله واهي منهره ودموعها شلال .

نوره ببكي وصراخ : يبه اسفه ، والله يبه سامحني يبه تكفى ارضى عني .

ابو رائد نزل لعندها وبهمس حاني : تبين ارضى عندك ؟ .

نوره ودموعها شلال : اي يبه ، تكفى .

ابو رائد : حبي هالطفل ، خلي فرحك فيه مثل فرحه حامد ، لا يجي بكره ويعرف انك ما تبينه ويكرهك .

نوره : وعد يبه ، والله بحبه وبهتم فيه والله .

ابو رائد يوقفها معاه : اجل اعتبريني راضي عليك يا بنتي دنيا واخره .

نوره ابتسمت ، لكن ثواني واختفت هالابتسامه و................. .

 ****************************************************************************

🎄 عند زوز 🎄 

بالمطبخ تسوي كيكه واهي مشغله اغنيه وتغني معاها ومندمجه وفجاه ، الكيك انفجرت فيها وعبت كل المطبخ ، امها دخلت وجاتها صاعقه .

ام زوز بصراخ : زهير ووجع .

زوز ثابته من الصدمه .

ام زوز بصراخ : شنو هذا ؟ .

زوز واهي ثابته : مادري يمه كنت اسوي كيكه فجاه صارت قنبله .

ام زوز تقرب وتطقها : وثول حتى وثول وش حاطه ؟ .

زوز : بكربونات الصوديوم .

ام زوز : مع ؟ .

زوز : خل .

ام زوز تحط ايدينها على راسها : لا يا هبله يصير تفاعل .

زوز بغباء : شدراني .

ام زوز : اقول منتي طالعه من هني الا ومنظفه كل شيء سامعه ؟ .

زوز فتحت فمها بصدمه .😨

ام زوز جات وطقتها على فمها : سكري هالفم وبلشي شغل .

تركتها وطلعت ، وزوز تطالع بالمكان .

زوز تكلم نفسها : اصلا انا غبيه ، يعني لازم اسوي هالكيكه ، ان شاء الله عمري ما سويتها ، وش استفدت الحين ، ولا شيء بس اني انظف ، مالت علي وعلى حظي .

وقامت تنظف كل المطبخ .

 ****************************************************************************

وااااااااااااااااااااستوب 

٣٠ كومنت = اكمل

٣٠ تفضيل = اكمل

٢٠ توقع = اكمل 

شنو صار حق نوره ؟

هل بيكتمل حملها او لا ؟ 

شنو بيصير بموعد لقاء زوز وسديم ؟

هل فعلاً فارس بيكون موجود كشخص ثالث بينهم او فقط اهم ؟ 

توقعاتكم ؟ 

١٢٢١   كلمة