رواية زوجتي طفلة الفصل الثالث عشر 13 - بقلم zooz2012

💫 يوم جديد 💫 

فارس صحى بنشاط و قرر ينزل السوق يشتري اغراض الملكه ، المهر يجهزه والدبل والشبكه ويشوف صاله عرس ويجيب هديه عرس لزوز وهديه ملكه وووو . 

****************************************************************************

فارس لبس 👇🏻

****************************************************************************

نزل بنشاط والابتسامه شاقه وجهه : صباح الخير .

الكل : صباح النور .

فارس يقرب من اخته نوره : اقول نواري .

نور ضحكت : خير اللهم اجعله خير ، ما تقولون نوراي الا تبون شيء ، آمر ؟ تدلل ؟ .

فارس : ابي اطلب طلب صغير . 

نوره : آمر ؟ .

فارس : ابيك تقضين مع خطيبتي للعرس .

نوره : ليش ، وسديم وين ؟ .

فارس : سديم تعرفها واهي صديقتها و انا مابي اهي تعرف شفيك نسيتي ؟ .

نوره بخبث : وش لي ؟ .

فارس : ما فهمت ؟ .

نوره : اذا سويت هالطلب شنو بتعطيني ؟ .

فارس : تكاليف ولادتك بالثاني كامله علي .

سامي بفرح : خلاص تم .

الكل ضحك : 😂😂😂 .

فارس لف لابوه : يبه انا ما بداوم اليوم ولا محمد صديقي .

ابو رائد : خذ راحتك يا بوك .

فارس لف على فهد ورائد : انا بروح السوق اذا تبون تجون تعالوا .

سديم : اي سوق بتروح بروح معاك .

فارس ابتسم : امشي بس بركاده ، صديقي بيكون معانا .

سديم : اول شيء ليش بتروح السوق ؟ .

فارس : بروح اشتري هديه لخطيبتي ، وبجهز الشبكه ، والدبل يعني كذا شيء بسوي .

سديم بفرح : خلاص خلاص بروح معاك ، عشان اعلمك ذوقها .

فارس : تم ، موافق ، يلا ٥ دقايق عندك ، اذا ما نزلتي بمشي وبخليك .

سديم : طياره .

راحت فوق تركض تبدل وتنزل ، بدلت بسرعه ونزلت ، فارس طلع ولحقته وركبوا السياره .

****************************************************************************

🍁 عند زوز 🍁

داخله حاله اكتئاب كل ما قرب موعد الملكه ، منعزله بغرفتها ماله خلق احد .

****************************************************************************

☄ عند فارس ☄

وصل بيت محمد ، سديم ركبت ورى ، محمد طلع وركب .

فارس يرحب فيه : ارررحب ، هلا والله .

محمد ضحك وسلم عليه : هلا فيك .

فارس يطالع لبس محمد : اووخس كاشخ بعد ، ترى بنروح سوق مو خطوبه ، ولا عشان تغازل ها ؟ .

( غمز له 😉 ) .

محمد ضحك : 😂😂😂 ، لا شخباري منو قام يغازل الحين ، قديمه انت ترى ، يبي لك تحديث جديد.

فارس فقع ضحك : 😂😂😂 ، شنو شايفني نظام اندرويد ، ولا ابل ؟ .

محمد بستهبال : لا نظام  ويندوز .

واهو يضحك لف على ورى وانتبه للشخص الثالث معاهم ، وانحرج ولف قدام وسكت .

فارس مات ضحك : 😂😂😂😂😂😂😂 الحين صار لك ساعه تتطنز وتتضحك بس شفت اختي خقيت .

محمد : وانت حمار تخليني اخذ راحتي واقول كلام مو زين فضحتني .

فارس بخبث : اجل اقول اخر سفره لك بلندن شنو سويت ؟ .

محمد نطت وحط اديه على فم فارس : لا واللي يرحم والديك اسكت لا تفضحنا .

فارس يدفه : وجع خنقتني .

سديم طفشت : ممكن نمشي ونخلص شغلنا وبعدين تتهاوشون ؟ .

فارس مشى وتوجه للمجمع .

****************************************************************************

🌹 عند الخماسي الاهبل 🌹

يوسف ، خالد ، حمد ، والتؤام ، قاعدين يلعبون لودو وصراخ مو طبيعي ، لين جاهم نعال من امهم ماشي ٢٠٠٠ حسوا على عمرهم وسكتوا .

****************************************************************************

🌟 بالسوق 🌟

يفرون على هدايا الشبكه لين استقر فارس على :

١ :

٢ :

واخذهم كهديه بعد الملكه ، لانه مقرر انه ما يلبسها الدبله الا يوم العرس عشان ما تقابله .

خلصوا وغلفوهم وحطوهم بالتجوري وقفلوه واخذه معاه الى البيت وراه امه وابوه وخواته وحطه بغرفته .

****************************************************************************

( تسريع للأحداث ) 

🎼 يوم الملكه 🎼 

زوز كانت لابسه 👇🏻 :

****************************************************************************

كانت جميله بمعنى الكلمة ، طبعاً فارس لازم يشوفها فطلب من خواته التؤام يصورون الملكه كامله بالكاميرا حقتهم ، وفعلاً صوروا الملكة كلها .

بعد السلام والتبارك جاء الشيخ وبلش عقد القرآن اللي كان امنيه لناس وعذاب لناس ثانيه 

اللي كان فرحه وانتظار القادم الجميل وحزن وخوف من المجهول ، اي اليوم عقد قرآن احلى ثنائي 

ابطال روايتي ، اليوم بيصير الاسمين مرتبطين ببعض رسمياً ، اليوم عقد قرآن 

🌹 فارس & زوز 🌹 

****************************************************************************

الشيخ : فارس تقبل زهراء بنت ******** تكون زوجتك وتحمل اسمك وتكونن بالسراء والضراء مع بعض .

فارس بثقه : اقبل .

الشيخ يعطيه القلم : وقع هنا .

فارس اخذه واخذ نفس عميق ووقع .

****************************************************************************

طبعاً طلبوا من الشيخ ما يملي اي شيء يخص فارس الا بعد توقيع زوز ، يعني اهي بس بتشوف توقيعه .

****************************************************************************

زوز كانت بالصاله والكل حولها ما عدى الثلاثه اللي تعرفهم ( سديم ، ملاك ، جنان ) .

زوز طلبت من صديقتها تجي ملكتها قالت لها عندي ملكه اخوي ، واعتذرت عن الجيه .

(انا انقهرت من العائله صراحه مجرمييين 😤😤 ، اسفه كملوا ) .

****************************************************************************

وصل الدفتر لزوز ومدوا لها القلم عشان توقع ، حاولت تعرف اسمه لكن ما شافت ولا شيء غير توقيعه دار حوار بينها وبين نفسها ، اوقع ولا ؟ ، اخاف اوقع على ورقه موتي بيدي ، يمكن يطلع قاسي وبارد ، ويضربني بعد ، ويمكن يعيشني خدامه له ولاهله .

صحت من افكارها على يد نوره : يلا حبيبتي سمي بالله ووقعي .

زوز مسكت القلم واهي ترجف وغمضت عيونها واخذت نفس ووقعت .

علت الزغاريد بالبيت الى ان وصلت لمجلس الرجال ، وبالذات لمسامع المعرس 💫 فارس 💫

انرسمت ابتسامه على شفايفه من فرحته ، ان خطته قاعده تمشي تمام .

****************************************************************************

تمت الملكه كامله وصار وقت اهل المعرس يرجعون بيتهم ، فارس اخذهم ورجعهم كلهم البيت وجاء المفأجأة اللي مخبيها لزوز وراحت لبيتهم ، فتحت له الخدامة .

الخدامة : انتي شنو يبي ؟ .

فارس ضحك : انا رجال مو بنت قولي انت مو انتي .

الخدامة مصعبه : خلصي انتي منو ؟ شنو يبي ؟ .

فارس توه بيتكلم ، انتبه لعمه جاء عند الباب .

ابو زوز : سينا منو عند الباب .

سينا : هذا نفر مجنون .

فارس يدور شيء يطقها فيه : ا يا .... .

ابو زوز جاء وشافه : هلا والله بولدي ، آمر يبه ؟ .

فارس بأرتباك : ما يأمر عليك ظالم عمي ، بس حبيت اسأل عن زوز .

ابو زوز بتنهيد : والله مادري شقولك هذا اهي فوق من بعد ما رحتوا وبكيها واصل لتحت .

فارس عوره قلبه : عني ابي اطلب منك خدمه .

ابو زوز : تفضل .

فارس مد له كيس الهديه : ابي هالكيس يوصل لها .

ابو زوز : من عيوني اخلي الخدامه توصله لها .

لف على سينا : سينا سمعي ، هذا نفر زوج ماما زوز ، انتي اخذي هذا الكيس وديه فوق لها واذا سالت من  قولي ما يعرف .

سينا تهز راسها يمين ويسار : اوك بابا ، واخذت الكيس .

فارس استاذن ورجعت بيتهم وطيارن على غرفة التؤام يشوف الملكه .

****************************************************************************

🌷 عند زوز 🌷 

وصلتها الهديه واهي متقطعه من البكي ، مسحت دموعها وترددت تفتحها ، وفتحتها شافت اللي جايبه فارس مع رساله صغيره .

مضمون الرساله : { عيونك الحلوه ما انخلقت للزعل ، احبك بدون ما اشوفك ، احبك ، احبك ، احبك } 

وتحت مكتوب من زوجك ، وحاط توقيعه ، وتاريخ الملكه .

زوز لا شعورياً ابتسمت ومسحت دموعها وقعدت تطالع الاغراض كلها ، ورفعت الجوال ودقت على سديم .

****************************************************************************

💫 عند سديم 💫 

كانت قاعده مع فارس والتؤام يشوفون الملكه ، دق جوالها وقطع الجو .

سديم لفت على فارس : عروستك تدق .

فارس قام وسحب سديم وراح جناحه : ردي .

سديم ردت وحطته سبيكر : الوو .

زوز بصوت فيه الغبنه : الو سديم .

سديم انكسر خاطرها : هلا حبيبتي ، كيفك ، كيف صارت الملكه .

زوز : وقعت ، وصرت زوجةته رسمياً .

سديم : مبروك يا قلبي ، شفيك صوتك كانك كنتي تبكين ؟ .

زوز : ابكي على قرادة حظي ، قلت بعيش نفس الافلام والمسلسلات ، احب واتزوج ، واخر شيء كذا ، ما اعرف عنه ولا شيء ، تخيلي حتى اسمه ما اعرفه .

سديم ضحكت : وانتي وش تبين باسمه ؟ .

زوز : مادري .

سديم : ما عليه حبيبتي اهدي ، ما تدرين يمكن تكون حياتك معاه احلى .

زوز : احلى طل ، اذا هذي بدايتها ، تخيلي حتى دبله ما دخل ولبسني .

فارس ابتسم على كلام زوز .

سديم : انزين اقول ، ما جاب لك شيء .

زوز : كانك جنبي والله بلى جاب لي هديه وفيها رساله بعد .

سديم : اشوف وريني .

زوز : طيب بفتح الكام .

زوز فتحت الكام ، وسديم للحين مقفلته وفارس وقف جنبها يطالع .

زوز فتحت التجوري ووته سديم مع الرساله .

زوز : ها شفتي ؟ .

سديم : يس ، زوز وناسه طلع رومنسي .

زوز : وين رومنسي تكفين ؟ .

سديم : بلا شوفي شاري لك كل هذا وكاتب رساله بعد ، مو رومنسي ؟ .

زوز : شوفي سديم اخته رساله لي يبي رقمي ، اخيراً عطف علي وبيخليني اسمع صوته بس .

سديم ضحك : يلا عاد زوز ، لا تبالغين ، لا تحكمين على الرجال من اول شيء ، يمكن خجول الولد .

زوز : ليش اهو بنت وانا مادري .

فارس ضحكت وما قدر يمسك ضحكته .

سديم بسرعه حطت يدها على فمه .

زوز انتبهت : سديم جنبك احد ؟ .

سديم ترقع : اي اخوي بالجهة الثانيه يكلم صديقه ، ما عليك خبل .

زوز صدقت : انزين قولي لي كيف صارت ملكه اخوك ؟ .

سديم توخر يدها على فارس : الحمد الله مشى كل شيء تمام .

زوز : وكيف زوجة اخوك ؟ .

سديم : حلوة وتجنن وعسل .

فارس راح بعيد وصار ينادي سديم : سدييم ، سدييم .

سديم فهمت انه يبيها تقفل عشان يكلمها : زوز يلا بقفل يبوني ، اكلمك بعدين يا قلبي ، انتبهي لنفسك باي . 

وسكرت ما تركت زوز ترد عليها ، وراحت لفارس ، وعطته رقم زوز .

طلع سديم من جناحه وراح غرفته ، دخل عليها واتساب . ( محادثه واتساب ) 

فارس : مساء الخير 🌹 .

زوز انتبهت لجوالها رقم غريب يرسل لها : منو معاي ؟ .

فارس : افاا بالهسرعه نستي اللي اليوم صرتي زوجته .

زوز استحت : امم معليش ، اسفه .

فارس : عادي يا قلبي ، كيف الهديه وصلتك ؟ .

زوز تطالع بكلمة يا قلبي : ايوه وصلت ، شكراً 🌹 .

فارس : ما بينا . 

زوز : ❤️ .

فارس : ليش كنتي تبكين .

زوز انصدمت : يمه هذا وش دراه ، ردت عليه : منو قالك اني كنت ابكي .

فارس : قلبي قالي انك كنتي تبكين .

زوز : قلبك غلطان .

فارس : اممم علي ؟ .

زوز توتر : امم لا  صج ما كنت ابكي .

فارس : عيونك الحلوه ما انخلقت للزعل ، احبك بدون ما اشوفك ، احبك ، احبك ، احبك .

زوز استحت وما عرفت شترد .

فارس ابتسم لانه عرف انها استحت .

فارس قطع الصمت اللي صار بينهم : امم سمعت من خواتي انك تحبين الافلام والمسلسلات والروايات الروممسيه ، صج ؟ .

زوز تحمست : ايوه صج ، احبهم حيييل ، واحب الدببه بعد غرفتي كلها دببه ، واحب اللون الاحمر .

استوعبت وسكتت .

فارس : كملي ليش سكتي ؟ ☹️ .

زوز : امم بس ☺️ .

 ****************************************************************************

تموا يسولفون الى الفجر ، زوز ارتاحت لفارس اللي بالنسبه لها مجهول ، حست انها ظلمته ، وبدت تتقبله ، اخذتهم السوالف وتعرفوا على بعض اكثر ، لين اخذهم النوم والجوال بيدهم .

****************************************************************************

وااااااااااااااااااااااااستوب 

توقعاتكم ؟

٧٠ كومنت = اكمل 

٥٠ تفضيل = اكمل 

٣٠ توقع = اكمل 

٢٠١٣        كلمة