رواية زوجتي طفلة الفصل الثاني عشر 12 - بقلم zooz2012

🌹 عند فارس 🌹 

فارس بتوتر واضح واهو يفرك ادينه ببعض ، بلع ريقه : انا قررت اتزوج .

ام رائد بفرح : من صجك يمه ولا تمزح ؟ .

فارس بأرتباك : ايه من صجي .

ابو رائد : هذي الساعه المباركه .

ام رائد بفرح : خلاص من بكره ادور لك بنت الحلال .

فارس : لا يمه ماله داعي ، البنت موجوده .

ام رائد : مجهز كل شيء اشوف .

فارس : 😂، لازم بعد اشوف نفسي اقدر ولا .

ابو رائد : انزين منو بنته ؟ ، نعرفهم ؟ .

فارس : اي تعرفهم ، وتعرفهم عدل بعد .

ام رائد تطقه بخفيف : شوف الوصخ .

فارس : 😂😂 .

فارس بتوتر : بس في مشكله صغيره .

ابو رائد : اذا على الفلوس لا تحاتي ، عرسك من الى علي وانا ابوك .

فارس بارتباك : لا يبه مو كذا ، مو قصه فلوس .

ام رائد : اجل قصه شنو ؟ .

فارس : 🙂 .

ابو رائد : البنت شينه ؟ .

فارس : لا يبه .

ام رائد : فيها شيء ؟ .

فارس : لا يمه .

ام رائد وابو رائد : اجل وش ؟ .

ام رائد : اخلص عليت قلوبنا .

فارس واهو خايف من رده الفعل : البنت صغيره .

صمت حل المكان ، لثواني .

ابو رائد قطع الصمت : اشلون يعني صغيره ، يعني ما بلغت ولا شنو ؟ .

فارس بسرعه : لا يبه ، مو كذا .

ام رائد : عيل شنو تقصد بصغيره ؟ . 

فارس ☹️ : قصدي البنت مو نفس عمري ولا قريبه منه .

رجع الصمت حل المكان .

ام رائد قطعته : يعني كم عمرها ؟ .

فارس : عمر سديم . 

ام رائد تحسب : يعني بينكم ٧ سنوات .

فارس : اي .

ابو رائد مات ضحك : 😂😂😂 .

ام رائد تطالعه : على شنو تضحك ؟ .

ابو رائد : انا عن نفسي موافق .

فارس نقز بفرحه : صج يبه ؟ .

ابو رائد : اي .

ام رائد بصدمه : وش موافق ؟ ، البنت مو قريبه من عمره . 

ابو رائد : لا خليه ، افضل عشان تكبر تحت يده .

فارس بتردد : يعني ؟ . 😅 

ابو رائد بفرح : يعني نقولك مبروك مقدماً .

فارس همس : ييييييسسس .

ام رائد بهمس : تحبها ؟ .

فارس بصدمه : هااا ؟ .

ام رائد : اقولك تحبها ؟ .

فارس توهق : لا يمه ، شنو احبها ، انا .

ابو رائد يقاطع : فارس قول الصج ، احنا نعرفكم عدل ، نعرف متى تكذبون ومتى تقولون الصج .

فارس بتنهيد : اي احبها .

ام رائد : من متى ؟ .

فارس : من اول ما شفتها ببيتنا بغرفه سديم بالغلط ، قلبي قام يرقع بقوه ، سيطرت على تفكيري .

ابو رائد : يعني انت شايف البنت من قبل ؟ .

فارس ينزل راسه : شايفها مرتين .

ام رائد بابتسامه : خلاص يا يمه دام خاطرك فيها ، ما بردك وبطلبها لك على سنه الله ورسوله .

فارس والدنيا مو شايلته من الوناسه : صج يمه ؟ .

ام رائد : صج يا عيون امك .

فارس راح يبوس راسهم وايديهم : الله يخليكم لي يارب .

طلع بسرعه من غرفتهم والدنيا مو شايلته ، شاف اخوانهم كلهم مجتمعين .

رائد : ها نشوفك فرحان ، فرحنا معاك . 

فارس صرخ بفرح : بتزووووووج ، بتزووووووووووج .

سامي يضحك : زين مبروك ما بغيت تدخل القفص ، تعبتنا هياته .

فهد : 😂😂 ، زين والله منو تعيسه الحظ اللي بتاخذك ؟ .

فارس تعكسر مزاجه : كل زق بس .

ضحكوا عليه : 😂😂😂 .

فارس من بعيد : سدوم .

سديم تطالعه : ارسل لها بوسه بالهواء .

سديم : ☺️ .

طلع غرفته واهو مستانس ، انسدح على سريره وغمض عيونه .

فارس بهمس وتنهيد  : متى تجين يا روح فارس ؟ ، اخخخخ يا قلبي متى ؟ .

****************************************************************************

💫 بعد مرور اسبوع  💫

تمت الخطبه لكن بحركه من فارس  😈 ، خل نشوف شنو صار .

****************************************************************************

✨ بغرفه زوز ✨ 

قاعده بغرفتها ، الا تدخل امها .

ام زوز : بكلمك بموضوع .

زوز تطالعها : شنو تهاوشتي مع ابوي بعد ؟ .

ام زوز : لا .

زوز بملل : اجل ؟ .

ام زوز : جاك خطاب .

زوز بهدوء : اوك عادي .( فجاة صرخت) نعممممم ؟ .

ام زوز : جاك خطاب وابوك موافق عليه .

زوز بصدمه : يمه تمزحين صح ؟ .

ام زوز : لا من صجي ، الرجال والنعم فيه ، اخلاق وادب ، وسمعه طيبه ، وابوك يعرفه بعد .

زوز وقفت : لا يمه اسمحي لي هذي حياتي وانا حره ، ماني موافقه .

امها وقفته معاها وبصراخ : مو بكيفك ، ابوك وافق وعطى اهل الرجال كلمه و مستحيل يرجع عنها .

زوز بصراخ : وانا شعلي ، ليش يوافق بدون شوري ، انا بتزوج ولا انتوا ؟ .

امها : ما همني هالكلام انا جيت اخبرك جهزي نفسك بعد اسبوع بيجون يشوفونك ، وبلا كثره كلام .

طلعت وتركتها .

زوز في صدمه مو طبيعيه ، كيف اهلها يزوجونها دون موافقتها ، كيف بتعيش مع انسان ما تحبه ولا تعرفه . 

ام زوز واقفه ورى الباب حطت اديها على قلبها وهمست : سامحيني حبيبتي ، بس اهم طلبوا كذا ، ولو مو متاكده من سعادتك ما كان رضيت ، سامحيني . 

وراحت للصاله .

****************************************************************************

🌷 تسريع للإحداث 🌷

****************************************************************************

زوز قالت لسديم صديقتها ، وسديم تهديها وتقولها يمكن خيره لها ويمكن يكون طيب .

****************************************************************************

🍁 يوم الشوفه 🍁

زوز طبعاً تعرف سديم وجنان وملاك وما تعرف غيرهم ، فما راحوا اللي راحوا ام رائد ونوره ونور وهيا وندى وهدى .

زوز بالنسبه لها اليوم كئيب ، ابوها هددها اذا ما تصرفت زين قدام الناس بيوريها الويل .

ام رائد دخلت اهي والبنات ، وقعدوا وام زوز ترحب فيهم .

ام زوز : حيا الله من جانا .

ام رائد : الله يحيك ويبجيك يا اختي ، كيفك ؟ ، ايش احاولك ؟ .

ام زوز : والله الحمد الله انتوا شخباركم ؟ .

ام رائد : الحمد الله حبيبتي ، من زمان عن اخباركم ، انقطعت من نقلتوا بيتكم .

ام زوز : اي والله تعرفين مشاغل الحياه ، تنسى اللي ما ينسى . 

ام رائد : صدقتي والله .

ام زوز تطالع بالبنات : ما شاء الله هذول بناتك ؟ .

ام رائد : اي هذي بكري نوره ، وبعدها هيا وبعدها سديم صديقه بنتك وبعدين هالتؤام ندى وهدى .

ام زوز : ما شاء الله .

ام رائد تتلفت : الا وين عروستنا ؟ .

ام زوز توقف : ان شاء الله من عيوني الحين اناديها .

ام رائد توقفها : بس واللي يعافيك مثل ما اتفقنا ، ما نبيها تعرف اننا اهل سديم .

ام زوز بأبتسامه : من عيوني .

طلعت فوق تنادي زوز .

نوره تلف على امها : يمه انا مو فاهمه ليش فارس مسوي كل هالويه .

ام رائد : بعدين تعرفين .

****************************************************************************

🌹 عند زوز 🌹 

نادتها امها ونزلت تحت بكل هدوء واهي ماسكه دموعها .

ام زوز بحنيه : يلا يمه سمي يالله ونزلي .

زوز ما ردت عليها وطلعت .

****************************************************************************

🎼 عند ام رائد والبنات 🎼 

كانوا يسولفون فجأه قطع عليهم صوت كعب ، وملاك نازل من فوق ، اي هالكلمه نطقتها ام رائد اول ما بانت ملامح زوز لها .

نزلت زوز بكل رقه وانوثه وهمست : سلام عليكم .

ام رائد والبنات وقفوا بصدمه .

ام رائد تطالع فيها من تحت الى فوق .

****************************************************************************

كانت لابسه 👇🏻 

****************************************************************************

وشعرها 👇🏻

****************************************************************************

كانت ايه من الجمال والرقه والانوثه اللي كلهم تمنوا لو لحظه فارس يشوف هالملاك اللي قدامهم .

زوز توترت من نظراتهم لها وبلعت ريقها .

ام رائد قربت منها ومدت يدها ومسكت يدها وجلستها جنبها واهي تسمي : بسم الله الرحمن الرحيم ، ما شاء الله ، تبارك الرحمن ، قمر ، قمر ١٤ ، ما شاء الله .

ام زوز تجلس بأبتسامه : وهذي زهراء يا ام رائد .

ام رائد : هذي ملاك يمشي على الارض مو زهراء .

زوز استحت ووضح بوجها من خدودها اللي توردت .

نوره قربت منها وبأبتسامه : انا نوره ، اخت خطيبك الكبيره .

نور تجي جنب نوره : وانا نور الثانيه .

هيا من بعيد تبتسم وتأشر لها 👋🏻 : وانا الثالثه .

التؤام مع بعض : واحنا هدى وندى .

زوز من توتر والحياء نست اصلاً ان سديم سبق وقالت لها اسماء خواتها وترتيبهم ، لكن هالشيء راح من بال زوز ونست كل هذا ، وهالشيء ساعدهم بخطتهم .

****************************************************************************

تمت الخطبه وتم تحديد الملكه عقب اسبوع .

****************************************************************************

☄ عند فارس ☄

كان متوتر حده رايح جاي بصاله بيتهم ، رايح جاي ، رايح جاي .

رائد عصب : بس بس اقعد فريت راسي ، تقول تنتظر وحده بتولد .

فارس مو ناقص احد : رائد تكفى مو ناقصك .

فهد : ههه اقعد ، كل شيء بيصير مثل ما تبي .

فارس يهمس : يااااارب .

ابو رائد يضحك : خلوه خلوه ، انا يوم كنت بكبره ، وحبيت امكم وابي اخطبها سويت نفسه واكثر .

فجأه دخلت ام رائد البنات ، فارس ركض لهم .

فارس بسرعه : ها بشري ؟ .

ام رائد تسوي روحها زعلانه : الصراحه البنت مو حلوه ، انت احلى .

فارس بخوف : لا يمه عاد .

ام رائد انفجرت ضحك : امزح معاك يمه ، البنت قمر ، قمر وتم كل شيء على خير واسبوع الجاي الملكه .

فارس صرخ بفرح ونقز : يس يس يس يس يس يس . 

الكل ضحك عليه : 😂😂😂😂😂 .

فارس لف لامه : اقول ام فارس سمعني احلى زغروطه منك .

ام رائد : ما طلبت الا عزك وانا امك .

ام رائد ونوره ونور وهيا وهدى وندى وسديم بوقت واحد : كللللللللللللللللللللللللللللللللللللللللللللللللوووووووووووووووووووووووووووووووووش .

(حتى انا معاهم قمت ازغرط ☹️) .

سديم قامت تغني وتصفق : ولا اله الا الله .

والبنات يصفقون معاها : لا اله الا الله .

سديم : الف الصلاة اعلى الرسول .

البنات : لا اله الا الله . 

ام رائد : كللللللللللللللللللللللللووووووش .

فارس الفرحه مو شايلته بس للاسف مو كامله بسبب ان باقي خطوتين وتصير فرحته كامله .

****************************************************************************

🌟 عند نوره وسامي 🌟 

نوره بفرحه : اليوم فرحت حيييل بفرحه فارس .

سامي : عسى دوم هالفرحه يارب .

نوره قربت وبأبتسامه : انا اسفه سامي .

سامي بحنيه : على شنو يا قلبي ؟ .

نوره : لاني كنت رافضه هالطفل ، الصواحه انا الحين اموت فيه وابيه يجي بسرعه .

سامي بفرحه : الحمد الله .

نوره انسدحت بتعب : انكسر ظهري صراحه .

سامي جاء وحط راسه بخفيف على بطنها ويد بعد على بطنها وهمس : نواري ؟ .

نوره بهمس : عيونها . 

سامي يمسح على بطنها بيده : متى يتحرك البيبي ، ابي احس بحركته ، ابي احس يرفس ايدي .

نوره ضحكت : تو الناس انا بعد اسبوع ادخل الثاني .

سامي بزعل : يعني كم ؟ .

نوره : اهو يتحرك بالرابع يعني شهرين واسبوع باقي .

سامي ☹️ : كثير .

نوره : لا مو كثير بس انت مستعجل .

سامي قام وصار يطالعها : يو متحمس اشيله والعب معاه احس اشتقت للايام هذي مثل حامد .

نوره : غمض عين فتح عين تمضي هالاشهر .

سامي يسوي اللي قالت : شوفي سويت ما صار .

نوره ماتت ضحك : 😂😂😂 .

سامي بأبتسامه : فديت هالضحكه يا ناس .

نوره بحياء : سامي .

سامي بغزل : عيونه ، قلبه ، روحه .

نوره : يوو سامي خلاص .

سامي ضحك وراح لها اخذها بحضنه وقعد يسولف معاها لين غلبهم النوم .

****************************************************************************

🎄 عند فارس 🎄 

يكلم محمد واهو طاير من الفرحه .

فارس بفرح : احس بطير من الفرح يا حمود بطير .

محمد بفرح لفرحته : زين ياخي ، الله يتمم لك بخير يارب ، كلها كم شهر وتصير بحضنك يا قيس .

فارس بتنهيد حب : اخخخخ ، اي قيس ، واي عنتر ، ولك انا غطيت عليهم كلهم بالحب .

محمد : اوووف اوووف طلعت شاعر بعد .

فارس ضحك : الحب يخلي المو شاعر شاعر غصب .

محمد : انزين يالشاعر ، متى بتشري الدبل ؟ .

فارس : لا لا انا ما بلبسها انا بمشي على خطتي اللي حطيتها .

محمد 🙄 : من صجك ؟ .

فارس : اي من صجي حمود ، مابي كل تخططي يخرب .

محمد : خلاص براحتك ، يلا بقفل يالعاشق تصبح على خير .

فارس : وانت من اهله .

قفله وظل يطالع القمر وانرسمت صورتها فيه وابتسم لا شعورياً .

فارس همس : وش سويتي فيني ؟ ، عشقتك لحد الجنون اللي يخليني اسوي كل هذا ، تصبحين على خير يا قلبي .

سكر الدريشه ورجع سريره انسدح يفكر فيها وباللي بيسويه لين غلبه النوم بدون ما يحس .

****************************************************************************

واااااااااااااااااااااااااااااستوب 

كيف البارت ؟

عشانكم طويل سويته 

توقعاتكم ؟

٥٠ كومنت = اكمل

٤٠ تفضيل = اكمل

٤٠ توقع ورأي = اكمل

شعللوا البارت وعلقوا بين الفقرات 😍🔥🔥🔥🔥😍😍😍😍🔥🔥🔥😍😍🔥🔥🔥

٢١٦١     كلمة