رائد بعصبيه مسكه بقوه : اسمع ، ابي اعرف انت ليش مسوي كذا ؟ .
خالد بعصبيه دفه : اووووه وخر عني انا ما سويت شيء عادي .
فهد بصدمه : عادي ؟ ، انت مستوع شنو مسوي ؟ .
خالد : اي مستوعب ، طالع مع بنات وماخذ شرفهم عادي شصار ؟ .
فارس بعصبيه : وبكل وقاحه تقولها بعد وبكل ثقه .
رائد مسكه من ياقت قميصه : اسمع ، وربي لادفنك حي هني اذا ما تكلمت وقلت منو الحمار اللي مدليك على كذا .
خالد ببرود : انا اللي قايل لي .
قطع عليهم صوت تكسر بالباب وصراخ وصوت الجرس اللي احترق .
فارس : كا كملت اللي توقعناه صار .
راحوا كلهم فتحوا الباب والصدمه شافوا البنت وجها كله دم ووراها ٣ رجال وبيد واحد منهم مسدس .
ام رائد شهقت .
رائد بسرعه راح اخذ خالد ودفه عند ام رائد .
رائد : تفضل ؟ .
ابو البنت بصراخ : وينه هالزفت وينه والله لاذبحه واشرب من دمه .
ابو رائد : اهدأ واذكر الله .
اخو البنت الاول : وينك يا جبان تعال شوف ترى ما بقى فيها شيء طلقه وحده بالرأس وتروح روحها للسماء .
اخو البنت الثاني دف البنت وطاحت بالارض قدام الكل .
فارس قام ضغطه يرتفع : قلنا لك اهدأ الموضوع بينحل .
ابو البنت : اشلون ينحل والبنت فقدت شرفها رد علي .
خالد ببرود : لا تخاف ما راح تحمل انا مستخدم واقي .
اخو البنت وجه المسدس وبصراخ : والله لاذبحك .
طااااااااااااااااااااااااااااااخ .
****************************************************************************
سامي كان عنده مناوبه وتوه مخلص منها طلع من المستشفى ورجع البيت مع شنطته اللي دايم معاه ركب السياره وشغلها ومشى بالطريق ووصل البيت ووقف السياره ونزل شاف باب البيت مفتوح راح بسرعه للداخل ، شاف يوسف طايح بالارض مغمي عليه وفيه دم حوله وام رائد تصيح وتصرخ والباقي منصدم .
راح بسرعه لهم : شصاير ؟ .
اخو البنت اللي بيده المسدس طقه بالارض وانحاش ولحقه اخوه اللي مسك اخته من شعرها ومشى وابوه .
رائد وفارس جنب سامي
رائد : سامي تكفى شوفه لا يكون جاه شيء .
سامي بسرعه بعدهم عنه ويقرب يقيس النبض .
سامي بسرعه : النبض طبيعي ، ساعدوني ناخذه فوق .
سامي رفعه مع رائد وفهد وفارس وودوه غرفته ، دخلوه وسدحوه على السرير على بطنه ، سامي اخذ المقص بسرعه وشق القميص الرصاصه كانت بظهره من جهة اليسار .
سامي يطالعهم : انا بسوي له اسعافات بس واحد منكم يدق على الاسعاف لازم اروح فيه المستشفى اخاف الاصابه تكون قريبه القلب .
فارس اخذ جواله : انا بدق .
سامي بدأ يحاول يوقف النزيف ، ويراقب التنفس وضربات القلب .
بعد ربع ساعه وصلت سياره الاسعاف ونقلوا يوسف الى المسشتفى ودخل غرفه العمليات طلعوا الرصاصه .
سامي ينتظر مع رائد وفارس وفهد وابو رائد .
طلع الدكتور من العمليات ويطالع فيهم : منو اللي وقف النزيف ؟ .
سامي وقف : انا .
الدكتور ابتسم : حلو هالشيء ساعدنا واجد .
سامي حمد ربه : الحمد الله .
الدكتور : بس طريقتك مو طريقه عاديه .
سامي : اي انا دكتور .
الدكتور : عشان كذا .
ابو رائد : اشلونه الحين ؟ .
الدكتور : الحمد الله ، طلعنا الرصاصه بس بيقى تحت المراقبه لمده ٤٨ ساعه عشان نتاكد انه عدى مرحله الخطر .
سامي : الرصاصه وين كانت بالضبط ؟ .
الدكتور : الله لطف فيه الرصاصه سببت خدش بسيط بعضله القلب .
سامي : يعني حالياً اهو في مرحله الخطر ؟ .
الدكتور : بالضبط ، النبض عنده مو مستقر وكذلك التنفس لازم يظل تحت المراقبه ٤٨ ساعه ، بعدها نقرر وضعه .
سامي كتف ادينه : وبعد ال٤٨ ساعه اذا ما استقر الوضع ؟ .
الدكتور : للأسف راح نضطر ان نسوي له اجراءات ثانيه ننقذ فيها حياته .
فارس يقاطعهم : لحظه لحظه ، احنا ترى مو فاهمين شيء .
الدكتور ابتسم : بالسلامه يارب .
تركهم ومشى .
سامي طالعهم .
ابو رائد : يا يبه يا سامي فهمني شنو قاعد يصير ؟ شنو يقول هالدكتور .
سامي تنهد وفهمهم .
رجعوا البيت لان ممنوع يشوفونه ، قالوا للكل الموضوع .
ام رائد بصراخ : شنو يعني ولدي بخطر .
فارس يمسك امه : يمه حبيبتي اهدي .
ام رائد تكلم خالد بصراخ وهستيريه : كل منك ، انت اللي سويت فينا كذا ، لو مو تهورك كان اخوك الحين مو باللي اهو فيه ، انت السبب انت .
خالد مو مستوعب اللي يصير فجأه طاح قدامهم .
سامي راح له بسرعه .
ابو رائد بخوف : شفيه ؟ .
سامي : مافيه شيء من الخوف بس اغمى عليه .
ام رائد تصيح بالارض : يمه عيالي 😭😭😭😭😭 .
فارس يضم امه : يمه حبيبتي انتي اهدي ، ذكري الله .
هيا ما قدرت تسكت وراح فوق واخذ جوالها وبلغت الشرطه وانسجن اخو البنت اللي اطلق النار والبنت رفعت دعوه على ابوها واخوها الثاني وتم اجراء فحص على البنت واكتشوا انها ما فقدت شرفها ، كانت تخدع خالد بالهشيظ بغرض الفلوس واهي اللي اقنعته انه افقدها هالشيء .
****************************************************************************
مرت ايام صعبه على هالعايله بعد التحقيق اكتشوا الحقيقه .
اليوم اليوم ٤ من صار الحادث يوسف دخل في غيبوبه محد يعلم متى بيصحى منها غير رب العالمين .
العايله تلخبطت حياتهم بشكل مو طبيعي ، علاقتهم ببعض صارت اقل ، كل واحد كلامه قليل مع الثاني ، انتظرون بس فرج ربهم ويشوفون فرحتهم بخبر ان اخوهم صحى وتعافى من اللي اهوه فيه ينتظرون البشاره اللي تخلي دموعها تطيح فرحه مو حزن ، يدعون ربهم ان يسهل هالامر ويرجع لهم اخوه سالم غانم ، القلب مجروح والخاطر مكسور ، بيظل الوضع على حاله ولا بيتحول للأسوء او بيصير افضل ، { لا تدري لعل الله يحدث بعد ذلك امراً} .
****************************************************************************
بعد مرور شهر على الوضع الصعب .
فارس كان نايم ، قطع نومه اتصال من المسشتفى ، انقبض قلب فارس بشكل كبير ، لدرجة النفس عنده توقف ، رجفت يده ودقات قلبه تسارعت ، اخذ نفسه ورفع السماعه .
فارس بهدوء : الو .
الدكتور : الو السلام عليكم .
فارس : وعليكم السلام .
الدكتور : اخ فارس ؟ .
فارس بخوف : اي نعم انا فارس .
الدكتور : اخوك يوسف حامد ..... .
فارس بخوف : اي نعم اخوي .
الدكتور : اخ فارس اخوك ................. .
فارس بصدمه : شنوووووووو ؟ .
****************************************************************************
وااااااااااااااااااااااااااااااااستوب
توقعاتكم ؟
رايكم بالبارت ؟
علقوا بين الفقرات
٣٠٠ كومنت = اكمل
٤٠ تفضيل = اكمل
٣٠ توقع = اكمل
ولعوا البارت هذا البارتات الجايه ناااااااااااااااار 😍😍😍😍😍😍🔥🔥🔥🔥🔥🔥
انطلقوا ⚡️⚡️
١٠٥٠ كلمة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!