🌷 يوم جديد 🌷
نوره رسلت لفارس وفهد هالرساله ( اخواني فارس وفهد ، ابي اقابلكم بغرفتي بعد الفطور ضروري ، في موضوع لازم اعلمكم عنه )
قفلت جوالها وتنهدت ونزلت تحت للفطور .
****************************************************************************
🌹 عند فارس وزوز 🌹
زوز طلعت بروب الحمام ، وفارس كان نايم على بطنه ، زوز ابتسمت على طريقه نومه وراحت للترسيحه تجفف شعرها وتمشطه وتحط كريم بجسمها .
فارس بدأ يصحى ، ولمح زوز جالسه عند التسريحه ، وابتسم ، وقام بهدوء بدون ما تنتبه له ، وقرب منها وحضنها من ورى .
زوز شهقت بخوف : يمه خرعتني .
فارس يبوسها برقبتها : اسم الله عليك من الخوف يا روحي .
زوز ضحكت بحياء : طيب اتركني بروح البس .
فارس يشد على ضمته : ليييه ، خلينا كذا احلى .
زوز دفته بخفيف : عيب يالوصخ وخر مناك .
فارس بخبث : اهاا يعني عشان حاضنك كذا قلتي وصخ .
نزل ايدينه لربطه الروب ويبي يفكها .
فارس بهمس : عيل لو اسوي كذا شنو بتقولين .
زوز نقزت بسرعه : فروووس .
فارس بحب : عيونه .
زوز : اتركني اروح .
فارس يحضنها ووجه قرب وجها وايدينه على خصرها : اوك بس بشرطين .
زوز بدلع : شنو اهم ؟ .
فارس : الاول تعطيني بوسه ، والثاني تعوضيني على اللي سويته فيني الحين بالليل .
زوز : اشلون اعوضك ما فهمت ؟ .
فارس يقرب ويهمس بأذنها بخبث : يعني تولعيني ولا تطفيني ظلم ، ابي تعويض .
زوز صار وجها احمر وهمست : اوك .
فارس : خلاص عيل تم بالليل اليوم .
زوز تحاول تفلت : اوك خلاص بالليل .
فارس يرجعها : اه اه اه ، نو نو ، وين رايحه ؟ .
زوز تطالعه ببراءه : شنو خلاص وعدتك بالليل بروح البس عشان انزل تحت .
فارس : وعدتيني بالليل حق شرطي الثاني ، بس وين الاول .
زوز تنهدت : طيب .
قربت وباست خده بنعومه وبعدت .
فارس : لا لا ما اتفقنا على كذا ، انتي متاكده انك تبوسين زوجك ؟ .
زوز : فارس .
فارس : روحه .
زوز : شنو تبي بعد خلاص بستك .
فارس : لا يا روحي هذي مو بوسه زوجة لزوجها .
زوز : عيل اشلون بوسه الزوجه لزوجها ؟ .
فارس : البوسه الصجيه كذا .
سحبها له ولصق شفته بشفتها وطبع بوسه طوييله وحاره على شفايفها ، وتعمق فيها اكثر ، يقربها له اكثر ، وفصلها بعد مده وطلع خيط من ريقهم ، وصارت انفاسهم سريعه وتلفح ببعض .
فارس وتنفسه سريع وانفه لاصق بانف زوز همس : هذي اسمها بوسه زوجين .
زوز وجها قلب الوان وفلتت من فارس وركضت لغرفه التبديل .
فارس ضحك على خجلها وراح الحمام .
طلع من الحمام و راح غرفه التبديل الا زوز توها طالعه ودخل لبس ملابس ثانيه غير حقت النوم وطلع وراح للكمدينه واخذ جواله وشاف رساله نوره ، استغرب بس ما علق ولحق زوز ونزلوا تحت للفطور
****************************************************************************
فهد خلص لبسه وراح للصاله ملاك كانت تنتظره ، اخذ جواله ونزل تحت معاها بدون ما يفتح جواله .
****************************************************************************
تحت كان الكل مجتمع على طاوله الفطور ، فارس كان قاعد ويمينه فهد ويساره زوز و فهد كان يساره فارس ويمينه ملاك .
فارس واهو ياكل خبز ولبنه قرب من فهد وهمس : بس .
فهد قرب واهو يشرب شاي : همم .
فارس : شفت رساله نوره ؟ .
فهد باستغراب : اي رساله ؟ .
فارس : شنو ما رسلت لك ؟ .
فهد يحط كوب الشاي : مادري ما شفت جوالي .
فارس : شوف .
فهد طلع جواله وفتحه وشاف الرساله ، ورجع قرب لفارس : تتوقع شنو صاير ؟ .
فارس يشرب الحليب : والله مادري ، بس شكل الموضوع جدي شوي ، وسر ولا كان ما رسلت لنا رساله.
فهد : ما فهمت ؟ .
فارس : قصدي ان الموضوع ما تبي احد يعرف فيه ، ولا كان ما اختارت رساله بدال ما تقول لنا هني قدام الكل .
فهد : تتوقع متهاوشه مع سامي ؟ .
فارس : لا وبعدين ليش بتقول لنا احنا بس مو امي وابوي اهم اولى .
فهد باستغراب : والله مادري انا قمت اخاف صراحه .
فارس بتفكير : الموضوع شكله خطير .
فهد : من اي ناحيه ؟ .
قاطع كلامهم صوت ابو رائد .
ابو رائد واهو يبلع القمه : خير يا فارس و فهد شاركونا نقاشكم الحامي من الصبح .
فارس وفهد طالعوا ببعض وابتسموا .
فهد بضحكة تسليك : هه لا يبه مافيه شيء قاعدين نتكلم عن الشغل ، صح فارس ؟ .
فارس ياكل ولا يرد .
فهد بتوتر : فارس .
فارس بانتباه : هلا .
فهد بتوهق : اقولك صح ان نتكلم عن الشغل ؟ .
فارس بغباء : هااا ؟ .
فهد رفس فارس برجله من تحت الطاوله .
فارس فهم وضحك : اي اي اي صح ، شغل ، شغل .
ويطالع بالكل وضحك : شغل .
ورجع ياكل .
فهد يقرب منه ويهمس : الله ياخذك فضحتنا .
فارس يتكلم بين اسنانه : اسكت والله ابوي الحين بيسلتمنا ومو تاركنا الا اذا عرف الموضوع ، عاد تعال فك نفسك وقتها .
خلصوا فطور و طلعوا فوق لنوره .
دخلوا الغرفه كانت نوره بس موجوده وواضح عليها التوتر .
فارس لاحظ توتر نوره : فيك شيء ؟ .
نوره تهز راسها بالايجاب .
فهد : نوره شصاير مسويه شيء وخايف من سامي يعرف ؟ .
نوره : لا شفيك .
فارس : عيل .
نوره تنهدت : رائد .
فارس رفع حاجب : شفيه رائد ؟ .
نوره بزعل وبسرعه : رائد مريض واهو بالمستشفى ومسوي عمليه ومحد يعرف غيري .
فهد بعدم فهم : لحظة لحظة شتقولين ، شنو رائد مريض ، ومستشفى ، وعمليه ، ماني فاهم شيء .
نوره تتنهد : الحين افهمكم .
فهمتهم نوره كل السالفه من البدايه الى الحين .
نوره تاخذ نفس : بس هذي السالفه كامله .
فارس قعد بصدمه وحط يده على رأس : الله وأكبر كل هذا يصير بدون ما احنا نعرف ، واحنا عبالنا انه بشاليه ومع ربعه واخر شيء .
فهد قعد جنبه وبنبره عتاب : ليش ما قلتي لنا ؟ ليش تونا نعرف ؟ مو احنا اخوانك يا نوره ليش ؟ .
نوره قعدت قدامهم : والله العظيم غصب عني ، رائد بالموت قالي كان خايف .
فارس بشويه صراخ : خايف ؟ ، خايف من شنو ؟ ، منا احنا اخوانه ؟ .
نوره ودموعها مجتمعه : انا كنت شايله الهم بروحي وخايفه ، كنت بكل لحظه اتردد اقولكم او لا .
فهد : بس ابداً ما كان لازم يخش عنا ، على الاقل لو بس ما خش عن واحد منا ، احنا الثلاثه قراب من بعض لدرجة في اشياء ابوي ما يعرفها ، ليش يخش عنا ، ليش .
نوره توها بتتكلم حست بحركه عند الباب ، قامت وفتحت الباب وانصدمت .
نوره بصدمه : ......... .
فارس وفهد وقفوا بصدمه اكثر : ........ .
****************************************************************************
💕 عند رائد 💕
قاعد على السرير ويطالع بالجوال كل دقايق .
رائد واهو يتأفف : اوووف شسويتي يا نوره يلا ، قلتي لفهد وفارس ولا بعدك .
حس بألمه بمكان العمليه وحط يده عليه ، وطق جرس الممرضه وجات .
الممرضه : آمر ؟ .
رائد بألم : ابي الدكتور زياد .
الممرضه شافته يتألم : الحين .
راحت تركض بسرعه ، رائد تنفسه قل ويده امتلت دم ، والرؤيه قامت تشوش عنده .
دخل زياد بسرعه ومسك رائد
زياد واهو يحاول يخلي رائد صاحي معاه : رائد رائد خلك معاي اهدى ما فيه شيء جرحك انفتح بس اهدى اهدى .
السرير كله تعبى دم .
زياد بصراخ على الممرضه : جيبي عدة الخياطه واكسجين سريع .
جابتهم الممرضه ، اخذهم زياد وسدحوا رائد عدل ورائد يد على بطنه مكان الجرح واليد الثانيه فيها الجوال .
زياد : ركبي له الاكسجين .
الممرضه ركبته .
زياد : رائد راح اسوي لك خياطه وبتتالم شووي تحمل .
شل يده وطلع دم كبير ، نظفه زياد بسرعه وبدأ بالخياطه ورائد يطلق صرخات الم من الخياطه ومن الجرح وصرخات خوف ، خوف وحده ، خوف موت ، وخوف فقد .
بعد دقايق استقر الاكسجين عند رائد وزياد خلص خياطه .
زياد تنهد وطالعه وبشويه عصبيه : انت شنو مسوي اللي منفتح لك الجرح ؟ .
رائد يتكلم وفيه قناع الاكسجين : ما سويت شيء .
زياد : انا لمن جيت شفتك قاعد ، غلط هالشيء انت توك طالع من عمليه صعبه ، عمليه كانت بتاخذ حياتك ، اهتم بنفس اشوي ، لا تتحرك الا للحمام ، اي حركه غلط ممكن تفتح جرحك .
رائد غمض بتعب وهمس : اسف .
زياد تنهد وهدى : نظفوا الغرفه .
تركه مع الممرضات وطلع .
ظفوا الممرضات الغرفه وخلوا رائد منسدح وعليه قناع الاكسجين .
مرت ساعه ونص ورجع له زياد .
رائد طالع فيه من اول ما دخل .
زياد بهدوء : اسف اني صرخت عليك .
رائد شال القناع وهمس : عادي تمون .
زياد ضحك بخفه وقعد جنبه على الكرسي : شلونك الحين ؟ .
رائد بمزح : احسن من لونك .
زياد ضحك : ما تتوب ، توك بغيت تموت علينا من النزيف ومع ذلك تمزح ، صج مكسوره وتبرد .
رائد بثقه : شعبالك بس انا قطعه نادره بالوجود .
زياد ابتسم : ليش كنت تحوس ؟ .
رائد بهدوء : كنت احاتي .
زياد : من ؟ .
رائد : طلبت من اختي تخبر اخواني ولا ادري شنو صار .
زياد : هذول اخوانك اكبر منك ؟ .
رائد : لا انا اكبر واحد من الشباب .
زياد بحماس : ليش انتوا كم شاب وكم بنت ؟ .
رائد بفرح : شوف يا طويل العمر احنا ١٢ ، ٦ اولاد ، ٦ بنات .
زياد : ما شاء الله .
رائد بضحك : على قولة امي درز 😂 .
زياد ضحك : 😂😂 واهي صادقه .
رائد : اي حبيبتي امي اشتقت لها .
زياد : خل امك على جنب كمل اخوانك وخواتك .
رائد ضحك : قلة ادب يالما تستحي .
زياد رفع حاجب : شوف عاد ترى بسحب عليك وبمشي .
رائد بضحك : لا لا خلاص خلك .
زياد : اي تعدل خلك مؤدب .
رائد : انا ، بعدين فهود ، بعدين فروس ، بعدين يوسف ، بعدين حمد بعدين خالد .
زياد : واكيد اقربهم لك فهد وفارس .
رائد : اي صح ، مع ان كلنا قريبين من بعض ، يعني كلنا عندنا اسرار مع بعض بدون محد يعرف او بدون ابوي ما يعرف حتى .
زياد : جميييل .
رائد : اما خواتي ، نوره ، نور ، هيا ، سديم ، والتؤام .
زياد : اسمهم التؤام ولا اهم تؤام ؟ .
رائد بضحك : لا اهم تؤام اسمائهم ندى وهدى .
زياد : ما شاء الله عايلتك كبيره .
رائد : اصبر بعد فيه .
زياد : وش بعد ؟ .
رائد : سامي زوج نوره وولده حامد ، احمد زوج نور ، وزوجتي ، وزوجة فهد اخوي ، وزوجة فارس اخوي ، وعندنا الخدامه ، وعندنا السواق .
زياد يمسك راسه بمزح : بس بس راسي عورني مابي اعرف .
رائد ضحك : تبين تشوف عايلتي ؟ .
زياد : انت شوفهم اول بعدين انا .
رائد اخذ جواله وطلع اخر صوره جماعيه ووراها اياه .
رائد بهمس : هذي عايلتي .
زياد شافهم ودمعت عيونه وهمس بصوت مبحوح : الله يخليهم لك .
رائد : شفيك ؟ ليش صوتك تغير ؟ .
زياد بابتسامه مصطنعه : ولا شيء .
رائد : لا فيك ، قلي خلاص صرنا اصحاب .
زياد : انا ما عندي اهل .
رائد : كيف عندي .
زياد : يعني كان عمري ٥ سنوات وصار حادث علينا انا وامي وابوي ، امي وابوي ماتوا وبقيت انا .
رائد : وين عشت ؟ .
زياد يتنهد : عشت بميتم .
رائد : ما عندك خوال ، خالات ، عمام ، عمات ، اي احد ، حتى لو جد او جده ؟ .
زياد : للاسف جدي وجدتي كانوا ميتين قبل لا انا اجي ، وابوي وحيد امه وابوه وامي كذلك ، يعني بقيت مقطوع الشجره نفس ما يقولون .
قطع كلامهم دخولوا اشخاص .
زياد يطالعهم بأستغراب .
رائد بصدمه : ......... .
****************************************************************************
وااااااااااااااااااااااااستوب
كيف البارت ؟
توقعاتكم ؟
منو سمع كلام نوره وفارس وفهد ؟
منو اللي دخلوا على رائد وزياد ؟
(اتقبل النقد لكن باحترام )
علقوا بين الفقرات
هالبارت نزل للناس المتفاعله فقط
شكراً لكل متفاعل ولكل شخص حتى لو يحط قلب اعتبره مقدر جهودي ، شكراً على الكومتات الحلوة ، هالبارت ما راح احط لكم اعداد معينه ، اللي بيوصل يوصل
احبكم كلكم ❤️😍🌹😘
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!