رائد منسدح بغرفة العمليات ومتجهز للتنويم ، زياد قرب له .
زياد واهم لابس له العمليات : ها مستعد ؟ .
رائد مد ورقه لزياد وهمس : زياد امانه اذا صار لي شيء في هالورقه رقم علمه باللي يصير .
زياد اخذ الورقه وعطاها الممرضه : حطيها على مكتبي .
الممرضه : حاضر
وطلعت من غرفه العمليات ، ورجعت بعد دقايق .
الممرضه : تم استاذ .
زياد : ها جاهز ؟ .
رائد بلع ريقه ، ومر شريط حياته بثواني بذاكرته ، مروا اهله ، ربعه ، رجع فتح عيونه وطالع بزياد
رائد بهمس : جاهز .
زياد يكلم الممرضين : عطوه المنوم .
عطوه المنوم ماهي الا ثواني وغمضت عين رائد .
زياد كان يواقبه و ما ان غمضت عينه بلش العمليه ، مشى كل شيء بالسليم لكن فجأة بنص العمليه .
الممرض ١ بصراخ : دكتور انقطع الشريان .
زياد بسرعه : شنوووو ؟ .
الممرض ٢ : دكتور ضغط الدم ينخفض .
زياد بصراخ : عطوني اسفنج بسرعه ، لازم نوقف النزيف ولا بنفقد المريض .
الممرض ٢ : دكتور ضربات القلب تنخفض .
الممرض ٣ : دكتور احنا نفقد المريض .
وامتلت غرفه العمليات بصوت ضربات القلب اللي تعلن عن توقفه .
الكل كان مجتمع على طاوله الاكل ، ام رائد كانت تشرب ماي وكانت بتحطه على الطاوله وطاح وانكسر ، الكل طالع فيها ، وجاتها غزه قويه بالقلب .
ام رائد تضغط على قلبها : يارب لطفك ، يارب .
نوره تطالع بأمها وتردد داخلها : لا اخوي ، يارب ما صار له شيء ، يارب .
زياد بصراخ : جيبوا جهاز الكهرب .
الممرضه جابته وعطته زياد .
زياد : حطيه على ٢٥٠ بسرعه .
الممرضه حطته .
زياد : ١ ، ٢ ، ٣ .
وضرب .
ام رائد جاتها ضربه قويه بالقلب .
زياد : حطيه ٣٠٠ .
الممرضه حطته .
زياد : ١ ، ٢ ، ٣ .
وضرب .
ام رائد جاتها ضربه ثانيه .
زياد : حطيه ٣٥٠ .
الممرضه حطته .
زياد : يلا رائد يلا ، ارجع عشان اهلك ، عشان امك يلا .
وضرب .
ام رائد وقفت واهي تضغط على قلبها : يمه ولدي رائد .
الكل مسكها .
فهد : يمه حبيبتي توك مكلمه رائد شفتي مافيه شيء .
ام رائد : لا ولدي فيه شيء انا اعرف قلبي يقولي .
فارس : يمه حبيبتي اهدي مافيه شيء انتي بس تحاتين .
ام رائد بصراخ : اقولكم قلبي يقولي ، انا ام ، ام ، والام تعرف اذا صاب عيالها شيء .
نوره تطالع بجوالها تنتظر الاتصال اللي يغير حالها لافضل ، ما كانت حالتها افضل من امها .
زياد : يلا رائد يلا ، امك تنتظر يلا .
وضرب مره رابعه .
وتركه وجلس يسوي مساج للقلب بيده واهو يصرخ .
زياد بصراخ : رائد يلا يلا يلا ، انت وعدتني انك تتحمل وانا وعدتك ارجعك لاهلك يلا يلا يلا .
الممرضة : دكتور مافيه فايده القلب متوقف .
زياد يأس وبعد بخفيف ، وعطاهم ظهره .
زياد بصوت مخنوق : بس انا وعدته ارجعه لاهله .
فجأه سمع صوت زياد ينتظر يسمعه من فتره ، صوت ضربات القلب وعودتها .
زياد رفع راسه ولف بسرعه جهة رائد .
الممرضه بفرح : دكتور الضربات بوضعها الطبيعي .
زياد ابتسم بفرح : الحمد الله .
ورجع يكمل العمليه وتمت بسلام ، وطلعوا رائد لغرفه خاصه ، وكان زياد يراقبه واهو نايم .
زياد بهمس : كنت ادري انك بتنجح ، تعمدت اكلمك لان العقل يشعر ويعطي طاقه للباقي الجسم تلبي الشعور .
تركه وطلع ، ورجع مكتبه وانتبه للورقه وتذكر طلب رائد له .
(فلاش باك)
رائد مد ورقه لزياد وهمس : زياد امانه اذا صار لي شيء في هالورقه رقم علمه باللي يصير .
(الواقع)
زياد اخذ الورقه وسجل الرقم واهو يتنهد ، بدأ الرقم يرن ووصله صوت بنت .
البنت : الووو .
زياد : السلام عليكم .
البنت : عليكم السلام ، منو معاي ؟ .
البنت : معاك الدكتور زياد .
البنت انغبض قلبها : رائد .
زياد : الحمد الله رائد نجحت عمليته .
البنت بصدمه : صج ؟ .
زياد : اي صج ، يومين ويكون بافضل حال .
البنت : مشكور اخوي .
زياد : العفو ولو .
قفل الخط واهو مستانس انه نجح بوعده لرائد .
****************************************************************************
نوره نزلت من فوق والراحه ماليتها
ام رائد مقعدينها ويمينها فارس ويسارها فهد .
ام رائد : ودوني عند ولدي .
فهد : يمه حبيبتي وين نوديك وسط ربعه وبعدين اهو بشاليه .
ام رائد : اي مالي شغل بربعه ربعه مثل عيالي ، ودوني له .
فارس : يمه احنا ما نعرف الشاليه اصلاً .
ام رائد : ما عليه كلم واحد من ربعه يدليك .
فهد : ما نعرف احد من ربعه يمه شفيك .
ام رائد : انتوا اللي شفيكم ، قلبي يقولي ولدي فيه شيء انا احس انا اعرف محد فيكم يحس باللي احسه ويفهم شعوري .
فهد يطالع بفارس بيأس .
****************************************************************************
بعد ٤ ساعات من نجاح العملية ، بدأ رائد يفتح عيونه بخفيف لكن الرؤيه مو واضحه عنده في تشويش رجع غمض وفتح لين وضحت له الرؤيه .
رائد بتعب : انا وين ؟ .
زياد كان جنبه وحب يهبل فيه شوي وهمس : انت بالجنه .
رائد بصدمه : يعني مت .
زياد وفيه ضحكه : اي ، شوف انت بقصرك بالجنه وجنبك حور عين .
رائد مو مستوعب للحين من المنوم .
زياد انفجر ضحك : امزح معاك ، الحمد الله على السلامه .
رائد طالعه : منو انت ؟ .
زياد : يولي شكل عطوك جرعه زياده من المنوم سبب لك فقد ذاكره .
رائد رجع غمض .
زياد وقف بجديه : تحس بألم ؟ .
رائد يبلع ريقه : اي حاس بألم فضيع ببطني .
زياد قرب منه ويقيس دقات القلب والتنفس والضغط ويتأكد ان الجرح متخيط وما انفتحت الخياطه .
رائد بدأ يستوعب اشوي : زياد .
زياد بمزح : اهه الحمد الله عرفتني .
رائد ابتسم .
زياد قعد جنبه : آمر ؟ .
رائد : الرقم .
زياد قاطعه : لا تحاتي بس طلعت من العمليه وتطمنت عليك دقيت على الرقم وطمنتهم عليك .
رائد غمض براحه واهو يبتسم .
زياد قرب وضرب كتفه بخفيف : اقول .
رائد فتح عيونه ويطالعه : همم .
زياد : منو اللي ردت علي .
رائد ضحك بخفيف : اختي .
زياد : متزوجه ؟ .
رائد : اي .
زياد بزعل : حسافه راحت .
رائد ضحك : اخخ يالخبل .
زياد يوقف : يلا انا بروح عندي مناوبه بالاسعاف ، انت ارتاح .
رائد : بتتركني بروحي ؟ .
زياد : لا تحاتي كل ساعه بتلاقيني ناط عندك .
رائد ضحك عليه .
زياد : يلا باي .
وجاء بيطلع وقفه صوت رائد .
رائد : زياد .
زياد وقف ولف .
رائد : مشكور .
زياد خزه : اقول اخمد ابرك لك .
وتركه وطلع ، رائد ابتسم ورجع غمض عيونه .
****************************************************************************
💕 يوم جديد 💕
صحى رائد وطلب من الممرضه تجيب جواله ، جابته واتصل على نوره .
ردت بفرح .
نوره : الو .
رائد بمزح : الحمد الله على السلامه يقولون نجحت العملية .
نوره بصدمه : رئود .
رائد بضحك : هلا .
نوره بفرح : الحمد الله على السلامه .
رائد بضحك : الله يسلمك .
نوره : اشلونك ؟ .
رائد : تمام وانتوا اشلونكم ؟ ، اشقتقت لكم .
نوره : واحنا اشتقنا لك والله .
رائد : نوره .
نوره : هلا يا عيون نوره .
رائد بلع ريقه : قلتي لاحد ؟ .
نوره : لا ، بعدين افاا يا اخوي تأمني على سر و اخونه .
رائد : عيل سمعي الخطه عشان الكل يدري .
نوره : يلا اسمعك .
بدأ رائد يقول لنوره خطه عشان اهله يعرفون انه بالمستشفى .
****************************************************************************
واااااااااااااااااااااااااااستوب
توقعاتكم ؟
كيف البارت ؟
شنو خطه نوره و رائد ؟
٩٠٠ كومنت
٦٠ تفضيل
٧٠ كومنت حلو غير كملي
(اتقبل الانتقاد بأحترام ، الكومنت اللي يضايقني بمسحه )
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!