رواية زوجتي طفلة الفصل الثامن وأربعون 48 - بقلم zooz2012

🔮 عند البنات 🔮

سديم حاطه رجولها بالمسبح و جنبها هيا ، وملاك قاعده على الكراسي مع دبتها

جنان جنبها ، زوز واقفه قريب سديم وهيا ، نور واقفه جنب زوز ، نوره توها داخله عليهم

نوره بتأفف : اوووف لعوزني حامد .

نور ضحكت : الحمد الله جوري توها .

دخلت مرام وعلى وجهها نظرات محد فاهمها

قربت من زوز و زوز تراجعت لورى .

زوز بخوف : شفيك .

مرام بابتسامه : ابد بسولف معاكم .

زوز بشك : اهاا .

مرام بنظرات مو واضحه : زهراء .

زوز لفت عليها : هلا .

مرام : تعرفين تسبحين ؟ .

زوز بابتسامه : لا ما اعرف اسبح ، اصلاً اخاف من المسابح .

مرام ظلت تطالعها بنظرات مو مفهوم .

****************************************************************************

☄ عند الرجال ☄

قاعدين يلعبون اونو ويشربون شاي وسوالف وضحك وصوت الصراخ واصل لبره .

خالد بصراخ : انا فزت انا فزت .

رائد يقط الاوراق وبصراخ : نصاب .

خالد : وش نصابه بعد ، خلصوا اوراقي .

فهد : ما قلت اونو على كيفك اللعب اهو .

خالد : الا قلت .

يوسف : ما سمعنا .

خالد بغرور : مو مشكلتي اذا انتوا صمخان .

فارس يرمي عليه علبه الكلينكس : صمخان بعينك .

سامي يجمع الاوراق : يلا يلا مره ثانيه .

وكملوا لعب .

****************************************************************************

🌾 عند البنات 🌾

متجمعين على الكراسي اللي قاعده عليهم ملاك ، زوز طاحت منها التراجي وراحت تدورها جنب المسبح عند الحافه .

فجأة ما سمعوا الا صرخت زوز وصوت الماي القوي 

الكل لف لقوا زوز قاعده تحاول تطلع وما تقدر وتتحرك ويدخل بفمها الماي وتكح وتصرخ .

البنات قاموا صراخ كلهم .

سديم طلعت من المكان تركض وراحت للحريم .

سديم بصراخ : لحقونا زوز طاحت بالمسبح ما تعرف تسبح لحقونا .

ام رائد وقفت : يوووو ، روحي بسرعه نادي فارس .

سديم راحت تركض ودخلت قسم الرجال .

****************************************************************************

💥 بقسم الرجال 💥

توهم داخلين زياد و تركي اللي زعموهم سامي و رائد وجالسين يسلمون عليهم .

دخلت سديم وبصراخ : فارس الحق زوز مرتك غرقت بالمسبح .

فارس كان بيده كوب الشاي رماه وبصراخ : شننننننو ؟ .

راح يركض والكل لحقه .

****************************************************************************

✨ عند زوز ✨

لا مابي اموت ، ياربي ليش يصير معاي كذا ليش ، للحين ما شبعت من فارس ، للحين ما جبت له مني ذكرى ، ما شفت عيالي ، ما سمعتهم يقولون لي يمه ، لا لا انا قاعده اختنق .

****************************************************************************

وصل فارس والكل وراه ، شاف ايدين زوز اللي كانت ترفف فوق ارتخت وبدت تدخل بعمق الماي

فارس بهمس : لا  ، فقدتك مره ما راح اسمح اني افقدك ثانيه .

وطب بكل وقته للمسبح وراح له وسحبها من يدها وطلعها وسدحها بالارض .

فارس يضرب خدها : زوز ، زوز تسمعيني .

زوز لا رد

سامي و زياد بصوت واضح : سويي لها تنفس صناعي .

فارس بدون تردد حط شفايفه على شفايفها ونفخ في فمها اكثر من مره .

بعد وقامت زوز تكح وتطلع الماي من فمها .

فارس سندها عليه بوضعيه الجلوس واهو يطق ظهرها بخفيف .

خلصت زوز ووقفت كحه وخروج معاي ، اخذها فارس بحضنه واهو مغمض ويحمد ربه .

زوز كانت ترجف بحضن فارس من البرد .

فارس بهدوء : عطوني فوطه .

مدوا له فوطه ، اخذها ولف فيها زوز من راسها الى رجولها وحملها بحضنه وطلع فيها من المسبح و دخل البيت و طلع الدرج .

دخل جناحهم ودخلها الحمام فصخها ملابسها وفصخ معاها دخلوا تحت الشور الدافي وبدعها لبسها روبها و لبس روبه وطلعوا وقعدها على السرير واهي ترجف بقوه جاب ملابس لها ولبسها وخلاها تنسدح وغطاها ، راح ولبس وجاء وانسدح يمها واخذها بحضنه يدفيها ويلعب بشعرها لين نامت واهي ترجف بحضنه .

فارس بعد ما تأكد من نومها بعدها من حضنه بخفيف ونزل تحت والشرار يتطاير من عيونه .

واول شيء سواه نزل ومسك مرام من رقبتها وحطها بالجدار ونطق واهو راص على اسنان .

فارس وعيونه بعيون مرام : والله واللي خلق سبع ان ما عقلتي وبعدتي عن زوجتي لا امحيك من الكون كله ومحد هامني حتى لو انسجن مؤبد ماني مهتم ، فهمتي ؟ .

تركها وطالعها باحتقار و رجع فوق لزوجته ، واخذها بحضنه وظل يتاملها لين اخذه النوم ونام بدون ما يحس .

****************************************************************************

💐 بعد ساعات 💐

فارس صحى من النوم ولقى زوز للحين نايمه ، استغرب من بادي الامر لكن قال يمكنها تعبانه ومحتاجه ترتاح ، بعدها بخفيف بخوف يصحيها و قام دخل الحمام و بدل ملابسه وغطاها وباسها بحنان على راسها ونزل تحت .

****************************************************************************

🍂 بعد ما صحى فارس بساعتين 🍂

صار موعد العشاء 

وللآن ما صحت زوز .

قعدوا على طاوله الاكل وفارس قعد معاهم بس ما أكل ولا شيء .

ام رائد : يمه فارس اشفيك ما تاكل ؟ .

فارس : بقوم اشوف زوز .

ابو رائد : خلها يبه ترتاح .

فارس بقلق : لا يبه طولت كثير بروح لها .

وقف وطلع فوق ودخل شاف زوز على وضعها نايمه قرب منها وصحاها بخفيف .

فارس : زوزي .

زوز لا رد  .

فارس : زوز حبيبي قومي بسك نوم تاخرتي .

زوز : همم .

فارس : يلا قلبي قومي .

زوز فتحت عيونها : هممن .

فارس حرك شعرها بحنان : شفيك شيء يا قلبي ؟ .

زوز تكح كحه قويه لدرجة حست ان قلبها بيطلع : كح كح كح .

فارس حط يده على قلبها وهمس : اسم الله عليك يا روحي .

زوز بلعت ريقها .

فارس يحط يده على جبينها وخدودها : حرارتك مرتفعه ، شنو حاسه فيه يا قلبي ؟ .

زوز بصوت متقطع : بردانه ، وحاسه بثقل براسي ، ودايخه ، وحلقي يعورني .

فارس يمسح على خدها بحنان : يا روحي انتي فيني ولا فيك .

زوز غمضت عيونها : ابي انام .

فارس : لا حبي قومي اكل لك شيء واعطيك بندول وبعدين رجعي نام .

زوز : لا مو مشتهيه .

فارس : لا حبيبتي لازم يلا قوم .

زوز قامت ورفعت نفسها بخفيف بالسرير واهي تكح بقوه .

فارس اخذ جواله وطلب ودق على الخدامه تجيب لهم اكل فوق .

دقايق وجابت لهم ، وبدوا ياكلون ، زوز اكلت كم لقمه وما كملت .

فارس يطالعها : ليش وقفتي ؟ .

زوز بهمس : بس شبعت .

فارس : ما اكلتي شيء ؟ .

زوز : بس والله احس اني برجع لو اكلت زياده .

فارس قام وشال الاكل من قدامها و راح للشنط حقتهم واخذ بندول وكأس ماي ورجع لزوز .

فارس طلع حبه : هاك عمري .

زوز فتحت فمها : ا ا ا ا .

فارس حط الحبه وشربها ماي ، بعد الكأس عنها وباس راسها ورجع سدحها كلم الخدامه وجات شالت الاكل وجاء انسدح معاها واخذها بحضنها ثواني وناموا .

****************************************************************************

💥 تحت بغرفه ما 💥

👤 : قلت لك انا ما اكتفيت من اللي صار ، و شنو يعني ؟ ، ابي  الموضوع هالمره ينتهي بموت ، فهمت ؟ .

****************************************************************************

وااااااااااااااااااااااستوب

كيف البارت ؟

توقعاتكم ؟

اعتذر عن التاخير بس ظروف والله 

هالله هالله بالتفاعل 😍