🍂 يوم جديد 🍂
صحى فارس ولقى زوز نايمه باسها بخفيف وقام لبس ونزل تحت لقى اهله يفطرون بالهواء الطلق (😂😂 شرايكم بس باللغه العربيه الفصحى ، اعجبكم 😉 امزح امزح نكمل ) .
راح لهم ووقف فوق نور اللي بحضنها جوري واخذ زيتونه .
فارس واهو يأكل : اوووه اشوف العايله متجمعه بالهواء العليل .
ام رائد تشرب الشاي : هلا هلا يمه .
فارس اخد جوري من نور وقعد يلاعبها : هلا فيك يمه .
ام رائد : وين زوز يمه ؟ .
فارس : للحين نايمه .
ابو رائد : شفيها يبه ؟ .
فارس تنهد : تعبانه يبه اشوي .
سامي : عذراً فارس صابها شيء من اللي صار امس ؟ .
فارس تنهد وقعد وبحضنه جوري : اي اتوقع اثر فيها الماي .
سامي : ارتفعت حرارتها ؟ .
فارس : اي .
سامي : كم وصلت تقريباً ؟ .
فارس : ٤٠ .
سامي : و شنو سويت ؟ .
فارس : عطيتها بندول .
زياد : غلط مفروض تخليها بالبانيو لمده نص ساعه بالماي البارد .
فارس : ليش تبون ازيدها ؟ .
سامي : لا بس هذا الصح عشان تنخفض حرارتها بشكل اسرع .
فارس اكتفى بتنهيد .
ثواني ودخلت زوز واهي لابسه اكمام .
زوز ببحه : السلام عليكم .
الكل : و عليكم السلام .
ام رائد : هلا يمه ، فارس يقول انك تعبانه .
زوز راحت قعدت يم فارس وبابتسامه : لا اليوم احسن .
فارس لف عليها وحط يده بخدها .
زوز غمضت وهمست : بارد .
فارس بهمس : جسمك دافي .
زوز طالعته .
فارس : كلي لك شيء عشان اعطيك بندول .
زوز : مالي نفس .
فارس : لازم عشان تاخذين البندول .
زوز : عادي اخذه كذا .. هاته .
فارس : لا ما راح تاخذينه الا اذا اكلتي يلا قدامي اشوف .
زرز نفخت خدودها : اووووف .
فارس : بلا اووف ما اففت بتاكلين غصبن عنك يلا اشوف .
زوز شافت مرام تطالعهم وحبت تقهرها ومسك يد فارس : انزين ليش انت ما تأكلني بنفسك همم ؟ .
فارس ابتسم : من عيوني .. ايش تبي تاكلي ؟ .
زوز بابتسامه : ابي اكل لبنه وخبز او جبن وخبز .
فارس طالع سديم : هاتي الاغزاض من جنبك .
سديم بحماس : تأمر آمر .
جابت صحن الجبن و اللبنه وحتهم فدام زوز وفارس مع كيس الخبز ، اخذ فارس خبزه صغيرها وحطها بالجبن و قربها من فم زوز .
فارس : يلا ا ا ا ا فتحي فمك .
زوز طالعت مرام بغرور وفتحت فمها : ا ا ا ا ا .
وبدت تأكل من يد فارس تحت نظرات مرام اللي اشوي و تكسر الطاوله فوق راس زوز .
****************************************************************************
🍃 بعد ساعتين 🍃
زوز طالعه من المطبخ مع الماي والتقت بمرام .
زوز وقفت مرام : لحظة .
مرام لفت عليها : نعم ؟؟ .
زوز : ترى اعرف انك انتي اللي دزيتيني بالمسبح و اعرف انك ورى سالفه خطفي ، يعني عارفه مل شيء بس ساكته بمزاجي .
مرام ضحكت بسخريه : هههه .. و ليش ساكته كان تكلمتي وفكيتينا ولا تحبين الاهتمام .
زوز بسخريه : هه ما هميتيني اصلاً بس ابي اعرف شيء واحد انتي شنو تبين بالضبط ؟
مرام بجديه واهي تقرب من زوز : ابيك تتطلقين من فارس لانه مو لك لي انا .
زوز قربت اكثر وبثقه : سمعيني عدل بقولك شيء وحطيه بعقلك زين .
مرام تكتفت وتطالع زوز بغرور .
زوز بهمس واثق : لو تموتين ما راح تاخذين فارس .
مرام فتحت عيونها بصدمه من ثقتها .
زوز واهي بتمشي من جنبها : هالجمله حطيها بعقلك وعشان لا تنسينها طبيعها وحطيها بسقف غرفتك وسوي منها تيشيرت ولبسيه واذا تبين بعد سويها اغنية تتكر عشان تحفظينها ولا تنسينها باي يا حلوة .
تركتها ومشت ومرام تغلي غلي .
( تستاهل ان شاء تحترق 😡😤)
****************************************************************************
🔮 عند تركي 🔮
قاعد وسط اوراق ويكتب وباب غرفته كان شبه مفتوح مرت من جنبه هيا وقربت طقت الباب وفتحته .
هيا بابتسامه : ممكن ادخل ؟ .
تركي رفع راسه واستغرب بس بادلها الابتسامه : حياك .
هيا دخلت بهدوء وتمشي واهي متوتره وقعدت على طرف السرير بما ان تركي قاعد بالارض .
هيا بتوتر واضح : حلو شغل الشرطه ؟ .
تركي استغرب السوال ورفع راسه يطالعها : من اي ناحيه ؟ .
هيا : من كل النواحي يعني محامه وضابط و شرطي .
تركي ضحك بخفيف : و ليش هالسؤال ممكن اعرف ؟ .
هيا بتوتر : كان حلمي اصير محاميه بس ما انكتب لي .
تركي طالعها واهي تقول الجمله حس بشيء داخله تحرك ، ما يدري شنو هالشعور ، يمكن شفقه ، لا لا يمكن حزن ، او اعجاب .
تركي بهدوء : لا مو حلو .
هيا طالعته : شنو اللي لا مو حلو ؟ .
تركي : شغل الشرطه .
هيا : تقول كذا عشان تسليني يعني ؟ .
تركي : لا هذا الواقع ، فعلاً الشغل مو حلو .
هيا بهدوء : و ليش طيب ؟ .
تركي : لانه ما تدرين انتي بأي لحظة تموتين ، حياتك تكون كلها خطر بخطر .
هيا : اشلون خطر وانتوا توفرون الامان ؟ .
تركي : نوفره للناس بس ما نقدر نوفره لنفسنا .
هيا اكتفت تطالعه .
تركي : و اصلاً انا ما صرت ضابط بترتيبي .
هيا : اشلون يعني ؟ .
تركي : اهي جات كذا .
هيا ضحكت بخفيف : و ليش شنو كنت تبي تصير ؟ .
تركي : رجل اعمال ، عندي شركة وكذا .
هيا طالعته اشوي بعدين انفجرت ضحك ، تركي ضحك على ضحكتها .
تركي واهو يضحك : والله ، اشفيك تضحكين ؟ .
هيا واهي متقطعه ضحك : 😂😂 مو 😂😂 راكب 😂😂 عليك ابد .
تركي : و ليش بالله ؟ .
هيا بحياء : احسك كله معصب وراكب عليك هالشيء .
تركي يبي يحرجها اكثر : اهاا يعني انا جدي بكل شيء ؟ .
هيا باحراج : لا مو على كذا .
تركي تكتفت : اهمم عيل على شنو ؟ .
هيا ما عرفت شنو ترد وقفت وقالت بسرعه : انا بروح نسيت اكل بالفرن باي .
وانحاشت بسرعه ، تركي طالعها وضحك .
تركي بابتسامه : يا حلوها .
ورجعت يمكل اوراقه .
****************************************************************************
🌾 بنص الليل 🌾
الكل كان نايم فجاة سمعوا صوت بالمطبخ و الكل نزل و ........................... .
****************************************************************************
وااااااااااااااااااااااااااااااااااااااااااااااستوب
كيف البارت ؟
اعتذر عن التآخير هذا بارت امس وبارت اليوم ان شاء ينزل اليوم بس مادري كم الساعه
توقعاتكم ؟
انشروا الحساب
علقوا بين الفقرات
كيف كان رد زوز لمرام ؟
هل تركي بدأ ينجذب لهيا ؟
تفاعلوا 🔥🔥
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!