رواية زوجتي طفلة الفصل الثلاثون 30 - بقلم zooz2012

🌷 يوم جديد 🌷

****************************************************************************

💕 عند فارس وزوز 💕

صحى فارس وشاف وضعيتهم للحين اهو زوز على نفس الحاله ، قعد بخفيف عشان ما يصحى زوز ، قام وعدل سدحتها وغطاها وباس راسها وراح الحمام اخذ شور يهدي نفسه شوي ويخلي تفكيره يهدي .

****************************************************************************

💐عند فهد وملاك 💐

صحت ملاك واخذت شور وفهد للحين نايم ، صحى فهد بعد دقايق وقعد على السرير بهم .

ملاك انتبهت له وقربت منه واهو سرحان وطبعت على خده وهمست : صباح الخير .

فهد انتبه له وابتسم وهمس : صباح النور .

ملاك قعدت قدامه ويدها بيده : شفيك ؟ .

فهد طالعها وهمس : متضايق شوي .

ملاك همست : افاا يا قلبي منو مضايقك ؟ .

فهد طالعها وتنهد .

****************************************************************************

🍂 عند جنان 🍂

صحت من النوم وطالعت مكان رائد الفاضي وهمست : اشتقت لك حييييل .

تنهدت وقامت اخذت شور و بدلت ملابسه ونزلت تحت للفطور .

**************************************************************************** 

🌻 عند سديم 🌻

نزلت تحت وحالتها حاله .

ام رائد شافتها : بسم الله الرحمن الرحيم ، سكنهم مساكنهم يارب .

سديم قعدت يم امها واهي تغمض وتفتح : يمه .

ام رائد طقتها : وصمه تصمد العدو قولي امين .

سديم كشرت : يمممممه .

ام رائد توقف : شتبين .

سديم تلحق امها : ابي اليوم اخذ البنات واطلع نروح فلم .

ام رائد تروح المطبخ وتسوي الفطور : اي بنات ؟ .

سديم تقعد على طاوله المطبخ : شنو اي بنات ، الخمه اللي هنا .

ام رائد طالعتها بطرف عين : لا تقولين عن حريم عيالي خمه .

سديم : عشتوا ما ترضين عليهم بعد .

ام رائد ترفع مقلاة : ترى الحين بيجيك .

سديم ترفع يدها فوق : خلاص خلاص اسفه ، انزين شقلتي ؟ .

ام رائد تكسر بيض : والله عاد كل وحده عندها زوج ، شوفي اخوانك اذا يرضون .

سديم : يمه مالي شغل بحريم اخواني ، كل وحده منهم تشوف زوجها ، انا اقصد انا وهيا والتؤام احنا ما عندنا ازواج .

ام رائد : سديم طلعي بره صكيتي راسي .

سديم : بس يمه .

ام رائد : سديم ذلفي لا احطك مكان البيض .

سديم : يمه .

ام رائد بصراخ : بببررررره .

سديم طلعت تركض من المطبخ وصدمت بفارس .

فارس مسكها : اوب اوب اوب اوب شوي شوي .

سديم ضحكت : الله جابك ، هدي امي معصبه .

فارس يطالعها كذا 😦 : سديم حبيبتي .

سديم : هممم .

فارس : انتي متهاوشه مع جني قبل لا تنزلين .

سديم : لا ليش ؟ .

فهد واهو ينزل من الدرج : لان شعرك مو طبيعي صراحه .

سديم تعدل شعرها : طيري عني انت وياه انا بكل حالاتي حلوه .

فارس : ولا ما ظنتي لو كنتي متزوجه وزوجك شوفك كذا وربي لا ينحاش .

سديم راحت قعدت على طاوله الاكل : كيفي 😌 .

فهد وقف يم فارس : ها ، شالاخبار ؟ .

فارس : ماشي الحال ، ها شرايك ؟ .

فهد : لازم نقول بعد شنو نسوي .

سديم بلقافه : شنو بتقولون ؟ شنو صاير ؟ .

فارس : بطلي لقافه يالساحره .

سديم : مرتك الساحره .

زوز نزلت من فوق : سديموه ووجع انا ساحره .

سديم : شوفي زوجك يقول عني ساحره .

زوز جات وقعدت يم سديم وباست خدها : وه فديت الحلوه انا .

سديم تطالع فهد وفارس بغرور : وااااي حبي انتي .

فارس بغيره : هي هي انتي وياها وش هالمصخره هذي حب وتفديه وتبويس عيب .

فهد ينكزه : اي اي غرت ها ؟ .

فارس راح وسحب زوز من يدها وقعد وقعدها جنبه .

سديم : هي انت ليش تاخذها ؟ .

فارس : مرتي شتبين ؟ .

سديم : صديقتي قبل لا تصير مرتك .

زوز تطالعهم وتضحك .

فهد قعد واخذ تفاحه وياكل : بعد بعد كملوا يالفلم .

دقايق واجتمع الكل على الفطور ما عدا رائد واحمد ونور .

نزلت نور وكانت متينه حييييل وكانت بشهرها الاخير .

نزلت نور بتعب : يمه .

ام رائد وقفت : هلا يمه شفيك ؟ .

نور : تعبانه .

دخل احمد من بره : السلام عليكم .

الكل : عليكم السلام .

احمد يطالع نور : شفيك حبيبتي ؟ .

نور : تعبانه شوي .

ام رائد مسكت يد نور وقعدتها وجاء احمد قعد جنبها .

ابو رائد طالع فارس وفهد وهز راسه وتنهد واخذ نفس وتكلم .

ابو رائد : سمعوني .

الكل لف يطالعه .

ابو رائد : ابي اقول لكم شيء ، بس ابيكم تهدون ، بدون صراخ ، بدون بكي ، بدون اي رده فعل قويه .

ام رائد : خير اللهم اجعله خير .

ابو رائد غمض عيونه واخذ نفس ونطق : رائد .

جنان فزت : شفيه ؟ .

ابو رائد : قعدي يا بنتي .

جنان قعدت وتطالع في ابو رائد .

ابو رائد : رائد في المستشفى مسوي عمليه .

ام رائد فتحت عيونها بصدمه : شنو ؟ .

وقفت بسرعه ام رائد بتروح فوق ، فارس و فهد وقفوا بسرعه وراحوا لامهم .

فارس يمسكها : يمه حبيبتي وين رايحه .

ام رائد تبي تفلت منهم : اتركني بروح البس بروح لولدي .

جنان بدموع  : عمي شنو فيه رائد ليش مسوي عمليه شفيه قلي .

ابو رائد : رائد كان في سرطان .

ام رائد صرخت : لا ولدي .

جنان كانت بتطيح ومسكوها زوز وملاك .

ابو رائد بصراخ : اهدي يا ام رائد اهدي .

ام رائد قامت تبكي وتصرخ : ابي ولدي .

فهد : يمه هدي .

نوره قعدت مكانها وتبكي بصمت ، وتشوف حاله امها .

ثواني وخرت قوة ام رائد وطاحت بين ادين فارس وفهد مغمى عليها .

فارس بصراخ : ييييييييييمه .

نوره فزت واخذت ماي من الطاوله وجات لامها ، تضرب خدها وترش عليها ماي .

نوره ببكى : يمه ، يمه حبيبتي قومي يمه .

فهد : فارس شيلها معاي عن الارض .

فهد شالها مع فارس وحطوها على الكنب .

فارس صرخ : زوز جيبي عطر بسرعه .

زوز راحت تركض فوق وجابت عطر ريحته قوي وحطوا بكلينكس وخلوها تشمه وبدت تصحصح .

ام رائد تفتح عيونها وتقفلها .

فهد : يمه ، يمه تسمعيني ؟ .

ام رائد صحت وجات بتقوم : ولدي .

فارس يرجعها : والله بوديك له والله .

هيا : يعني كنتوا تعرفون ؟ .

فهد : اي نعرف انا وفارس وابوي ونوره .

سامي طالع بنوره واهي نزلت راسها .

ام رائد قامت : ودوني لولدي .

جنان ببكى : ابي رائد ودوني له .

ابو رائد تنهد : يلا الكل يلبس بنروح له .

فارس : بس يبه .

ابو رائد يقاطعه : ما عليه فارس .

راحت ام رائد تلبس وجنان بعد ولحقوها الباقي .

دقايق والكل كان جاهز توزعوا بالسيارات وانطلقوا للمستشفى ، دخلوا كلهم مع بعض وقابلوا زياد .

زياد يوقفهم : شصاير شصاير ؟ .

جنان : ابعد بشوف زوجي .

زياد : اوك اهدي اهو الحين نايم .

هيا بعصبيه : انت ما تفهم ، نقولك نبي نشوفه .

زياد رفع حاجب : وانا قلت الحين اهو نايم اذا صحى تشوفونه .

سديم : هذا اللي بطقه الحين .

فهد صرخ : سديييم .

فارس : زياد ما نقدر ندخل عنده الحين .

زياد ضحك : اصلاً هو مو بالغرفه .

ام رائد : شنو يعني ، وين راح ولدي ؟ .

زياد : اهدي يا خاله ، اهو بالاشعه والفحص شويات ويرجع .

ابو رائد : ليش فيه شيء ؟ .

زياد : لا مافيه بس عشان نتاكد انه بخير .

بعد عن الطريق وابتسم : تقدرون تروحون غرفته تنتظرونه .

فارس : مشكور .

زياد : العفو .

راحوا كلهم غرفه رائد وينتظرونه ، ثواني ودخلوا الممرضين بسرير فيه رايد نايم ومعاه زياد ، نقلوه على سريره وزياد قرب منه ومعاه معقم .

زياد بدأ يحط له معقم ويقربه قريب انفه ويهمس : رائد .

رايد بدأ يصحى بخفيف .

زياد يضرب خده بخفيف : رائد تسمعني .

ام رائد توقف بخوف : شفيه ؟ .

ابو رائد يرجعها : مافيه شيء ، اهو يصحيه من المنوم .

زياد يقرب المعقم اكثر : رائد .

رائد بدأ يستجيب معاه : همم .

زياد : افتح عيونك اذا كنت تسمعني .

رائد بلع ريقه وبدأ يفتح ويغمض يستوعب الضوء ، ثواني وفتح وقام يشوف بشكل اوضح ، شاف وجه زياد .

زياد ابتسم : ها اوك ؟ .

رائد بلع ريقه وهمس : يعني .

زياد ضحك بخفيف : اشوي وتصير اوك .

لف على الممرضه : عطيني ابره ****** مع المغذي .

الممرضه : ان شاء الله . 

راحت جابتهم وجات ، اخذهم زياد .

زياد : تقرين تطلعين انا اركبه له .

الممرضه : حاضر .

تركته وطلعت .

زياد اخذ يد رائد ومسحها بمسحه طبيه وركب له المغذي وحط الابره بالمغذي عشان يوصل له .

خلص ورجع قعد جنب : ها الحين اوك ؟ .

رائد يهز راسه .

زياد : انزين شوف منو فيه بغرفتك .

رائد قام يتلفت وشاف اهله كلهم موجودين .

رائد همس : انا احلم ولا واقع ؟ .

زياد : لا واقع .

رائد طالع امه وهمس : يمه .

ام رائد قامت واهي تبكي : يا عيون امك .

زياد وقف واهو يبتسم : اهو مصحصح بس مو بشكل كامل ، وترى مو واعي بعد يعني اي شيء يقوله ما يدري انه يقوله من تاثير البنج ، خلال ساعتين يكون صحى بشكل كامل .

ابو رائد : مشكور يا ولدي .

زياد : العفو ، عن اذنكم .

تركهم وطلع .

ام رائد قعدت عند راس رائد تقرأ عليه قرآن .

جنان تطالعه من بعيد وتبكي .

رائد طالعها وفتح ايدينه .

راحت له جنان بسرعه ولمته وقامت تبكي بقوه وشهقاتها طلعت .

رائد بتعب : اهدي يا روحي مافيني شيء .

جنان ببكى : الا الا فيك .

رائد رفع راسها ومسح دموعها : اهدي قلبي .

جنان تطالع فيه : وين يعورك قلي ؟.

رائد اشر على مكان العمليه : هنا بس مو واجد .

جنان راحت الجهة الثانيه ولمت يده : اسم الله عليك ياروحي جعله فيني ولا فيك .

رائد وعيونه تقفل : اششش ، اسم الله عليك .

ام رائد واهي تمسح على راسه : نام يمه ، ارتاح احنا جنبك .

رائد شد على يد جنان وبدت عينه تقفل ونام تاثير البنج وتاثير الادويه .

****************************************************************************

واااااااااااااااااااااااااااااستوب

كيف البارت ؟

اعتذر عن التاخير بس خلص نتي وبس جاء نزلته 

توقعاتكم ؟

(اتقبل الانتقاد لكن باحترام)

البارتات الجايه ناااااااار الناااااااار 🔥🔥