🎼 بعد ساعتين 🎼
رائد بدأ يصحى ، لكن الرؤيه عنده مو واضحه ، غمض وفتح اكثر من مره لين وضحت له الصوره ، لف شاف موجودين فارس وزوز وملاك وفهد وسديم وهيا وجنان زوجته وامه وابوه .
بلع ريقه وهمس : ابي ماي .
قامت جنان وفتحت الثلاجه الصغيره اللي جنبه بالكمدينه وطلعت الماي وجابته ، فارس راح ورفع رائد وشرب ماي من يد جنان ورجعه رائد لوضعه .
ام رائد عند راسه وتمسح عليه : اسم الله عليك يا يمه ، يعورك شيء ، تبي ننادي لك الدكتور .
رائد مسك يد امه : لا يمه حبيبتي مافيني الا العافيه .
جنان همست : سلامتك .
رائد لف عليها وابتسم : انتي سلامتي .
جنان استحت لانه قال لها هالكلام ولا بوجود اهله .
ام رائد : ليش ما قلت لنا يا يمه انك مريض ؟ ، ليش تخش علينا ؟ ، ليش تعيش كل هالامور بروحك كانك يتيم مالك سند وظهر ، ليش يا يمه ليش .
رائد : والله مو قصدي هالشيء يمه بس كنت مابي احد يعرف ، لان العمليه كانت خطيره ولها نتيجتين مالها ثالث ، يا حياة ، يا موت .
جنان همست : عشان كذا رافض اني احمل ؟ .
رائد مسك يدها ويطالع بعيونها : اي ، كنت خايف اني اموت وانتي تبقين مع شيء يذكرك فيني ، ولا تقدرين تعيشين حياتك من بعدي .
جنان حطيت يدها على شفايفه وهمست : اووووش ، اسم الله عليك ، مالي حياة من بعدك .
رائد غمض عيونه وباس يدها اللي على شفايفه .
سديم واهي تشتت نظرها : اوك يا جماعه اذا ما قطعنا هالموضوع راح يصير فلم اباحي خلال دقايق .
ام رائد تاخذ علبه الكلينكس وترميها على سديم : انجبي يالوصخه .
سديم تبعد عن الكلينكس : وانا صادقه
قطع عليهم دخول زياد واهو يسلم .
زياد بابتسامه : السلام عليكم .
الكل : وعليكم السلام .
سديم تهمس لهيا : جاء الغثيث .
زياد سمعها وطالعها وابتسم وهمس : شكراً .
سديم انحرجت ونزلت راسها .
زياد يطالع رائد : ايش الاخبار ؟ .
رائد بابتسامه : تمام التمام .
زياد : فيك الم ؟ ، تحس بدوخه ؟ ، لوعه ؟ ، اي عرض ؟ .
رائد : لا لا كل شيء تمام بس احس بالم اذا تحركت .
زياد يقرب من السرير وياخذ الاوراق حقت حالة زياد : هذا شيء طبيعي لان جرحك لسى ما التأم .
ابو رائد : و متى يا ولدي يلتئم ؟ .
زياد يطالعه : يعني يا عم يبغى له من شهرين الى ٣ شهور على الاقل .
رائد : ٣ شهور ما بتحرك ؟ .
زياد ضحك : 😂😂 ، لا لا مو كذا تتحرك عادي بس حركات بسيطه يعني مو تجهد نفسك ، لان اي حركه غلط او جهد قوي ممكن يسبب في فتح الجرح ونرجع نفس الوضع وكانك توك طالع من العمليه .
ام رائد : انزين يمه ، الحين خلاص اهو طاب ؟ ، يعني مافيه شيء ؟ .
زياد يفر بالاوراق : ما اقدر اقولك يا خاله انه طاب تماماً ، لكن بعد ما يلتئم بنسوي له فحوصات دقيقه اكثر ونتأكد من انه شفى من السرطان .
جنان : و ليش ما تسوون له الحين الفحوصات ، ليش بعدين ؟ .
زياد : الحين خطر عليه جداً ، جسمه ضعيف وما يتحمل اي ضغط ، يحتاج راحه تامه ، بعد ما يلتئم الجرح ويطيب تماماً يستعيد صحته و قوته وبعدها نقدر نسوي كل شيء .
سديم تهمس لهيا : بلا بلا بلا بلا ، صار له ساعه يهذر ، شدعوه عليه وش هالحلق ما جف ما تعب ، انا وانا ساكته جف حلقي اهو اللي من مساعه يقرق ما تعب .
هيا تضربها وتهمس : ووجع جب .
سديم : يه وانا صادقه .
زياد سمعها وحب يحرجها لف عليها وبأبتسامه : فيه سؤال ؟ .
سديم ارتبكت : ها ؟ .
زياد : اقولك فيه سؤال ؟ .
سديم : لا لا شكراً ، هههه .
وابتمست ، زياد رد لها الابتسامه ورجع طالع رائد .
زياد : بكره العصر بأذن الله بكتب لك خروج .
رائد : مشكور زياد ، تعبتك معاي .
زياد : شدعوه ، وبعدين مو ناسي وعدك .
رائد : و انا قد وعدي .
زياد : خلاص تمام ، يلا انا استأذن ، عن اذنكم .
ابو رائد : اذنك معاك يا ولدي .
ام رائد تمدح بزياد : ما شاء الله عليه ، ادب و اخلاق ، وكذا فيه وقفه فخمه ، وقفت شموخ و كبرياء .
فهد : انزين يمه ؟ .
ام رائد تكم على وجه فهد و فارس و رائد 👐🏻 (ما اعرف اشرحها بس تعرفون هذي اللي كانها كفك من بعيد تسويها الام وتقول مالت عليك ، 😂😂 ما اعرف اشرح اللي فهم فهم واللي ما فهم يحاول يفهم ، نكمل )
ام رائد تكم على وجه فهد و فارس و رائد : هاا ، مالت عليكم حتى مالت عليكم من عيال ، و لا واحد فيكم طلع دكتور او مهندس او طيار ، خلوا شركه ابوكم تنفعكم .
فارس ضحك : احح الوالده قامت تسب فينا اشوف .
رائد بضحك : يمه حبيبتي ، هذي اسمها ادارة اعمال .
ام رائد : ادارة اعمال طل بوجهكم .
فهد : احح يمه شفيك ؟ .
ام رائد : ما فيني شيء الحمد الله ، شفني شحلوي .
فارس : عيل ليش معصبه ؟ .
ام رائد تلف وبعصبيه : بالله يعني هذي حاله ، الاخ (تأشر على فهد) مرض وما يجيب عيال وتوه متعالج ، والكريم (تأشر على فارس) هذا صاير خبل و ما يتكلم مع احد ، و ها تفضل (تأشر على رائد) و هذا منسدح لي هني مسوي عمليه .
هيا ميته ضحك : انزين يمه شدخل هذا بشغلهم ؟ .
ام رائد : صج انك غبيه انتي الثانيه .
هيا : احح يمه ليش ؟ .
ام رائد : كل اللي في اخوانك من هالشغل ، لا لا اخوانك فيهم حسد ، بس ارجع البيت بسوي لهم شبه وحرمل اطرد الشياطين .
فارس انقفع ضحك : لا يمه سوالف الطلاسم ما نبي .
ام رائد اخذت قوطي ماي وحذفته : طلاسم بينك انت ومرتك هذي ايات الله شعرفك انت .
فارس مسك القوطي اللي دخل بحضنه : يمه شفيك قلبتي مصارع ؟ .
فهد : شكلها الوالده تتابع جون سينا .
ام رائد تطالعه بنص عين : بسدحك الحين هني يم اخوك .
فهد يضحك : خلاص والله اسف .
ابو رائد يوقف : يلا خلونا نروح البيت .
جنان بترجي : بس انا ابي اظل يمه .
رائد يمسك يدها ويبوسها : ما عليه حياتي روحي وبكره العصر تشوفيني عندك .
جنان هزت راسها : اوك .
طلعوا كلهم من المستشفى ، و رجعوا للبيت و كل واحد بغرفته .
****************************************************************************
🌹 بجناح فهد و ملاك 🌹
ملاك بالحمام تبدل ملابسها ، و فهد منسدح بالسرير ، دقايق و طلعت و راحت مكانها يمه .
فهد لف عليها و ابتسم : شفيها حبيبتي ؟ .
ملاك : امم فهود .
فهد يلعب بشعرها : عيونه ، روحه ، قلبه .
ملاك : عادي بكره نروح نفحص ليش للحين ما حملت .
فهد ابتسم : من عيوني يا عيوني .
ملاك ابتسمت ، فهد فتح ايدينه وجات ملاك دخلت بحضنه ، حضنها وناموا .
****************************************************************************
🌷 بغرفه التؤام 🌷
قاعدين يلعبون نبات حيوان جماد انسان وصاير ضحك وهواش ولويه .
ندى : حرف ال (م)
بدوا يكتبون ثواني وصرخت هدى .
هدى بصراخ : خلصت خلصت ستوب ستوب وقفي .
وقفت ندى .
ندى : يلا اقري .
هدى : مرام ، موز ، ملابس ، ماعز ، موسكو .
ندى : مريم ، مشمش ، ملاس ، مها ، ماليزيا .
صرخوا ثنتينهم مع بعض : فزنا .
( جاني شعور ودي اطقهم 🌚 )
****************************************************************************
💕 بجناح جنان و رائد 💕
جنان ترتب الجناح وتنظفه وبعدها انسدحت بتعب بالسرير واهي مرتاحه وتنتظر متى يجي بكره ويتقدم الى العصر وتجي جيت رائد ، غمضت عيونها و الابتسامه بوجها ، ما حست بنفسها الا واهي نايمه .
****************************************************************************
💐 بغرفه ام رائد و ابو رائد 💐
ابو رائد منسدح و ام رائد تعدل شعرها بالتسريحه .
ام رائد : وااي اخيراً ارتحت عيالي الثلاثه بشوف عيالهم قريب .
ابو رائد ضحك : والله ما اظن .
ام رائد : يه شفيك تفاول ؟ .
ابو رائد : ما افاول ، بس انتي شايفه عيالك ، ولا واحد سنع منهم ، الكبير خاش علينا انه مريض سرطان وجابر بنت الناس تاخذ مانع عشان ما تحمل منه ، و الثاني كان مريض وتعالج وصار له فتره و للحين ما حملت مرته و اهو قام يخاف ويحس بندم انه السبب ، و الاخير ما ندري عن علاقته بمرته .
ام رائد : يعني اشلون ما ندري عن علاقته بمرته ؟ .
ابو رائد يتنهد : ولدك المصون قبل اسبوعين دخل على بنت الناس .
ام رائد شهقت وصرخت : نععععععععععععممممم ؟ .
ابو رائد طالعها وتنهد واخذ البطانيه وانسدح وعطاها ظهره وتغطى ونام .
****************************************************************************
🌺 بجناح زوز و فارس 🌺
فارس منسدح وماسك راسه ، ويتألم من الصداع القوي اللي جايه .
زوز كانت تاخذ شور .
فارس قام وراح للحمام ودخل عليها ، زوز انتبهت له وشهقت وغطت نفسها .
زوز بحياء : فارس شتبي اطلع ؟ .
فارس واهو مكشر وجهه : زوز عندك بندول ؟ .
زوز خافت : اي ، شفيك ؟ .
فارس بهمس : مصدع ، وين حاطته ؟ .
زوز : الحين اطلع و اعطيك .
فارس : لا لا قولي لي وين حاطته و انا اخذه .
زوز : التسريحه الدرج الاول جهة اليسار .
فارس : اوك .
طلع من الحمام وسكره ، و راح للتسريحه وقعد يدور شاف البندول واخذ حبه وتوه بيقفل الدرج شاف كرتون حبوب اول مره يشوفه .
فارس حط البندول على التسريحه من فوق واخذ الحبوب و بأستغراب : شنو هذا ؟ .
زوز واهي بالحمام : فارس حصلت البندول ولا اجيك ؟ .
فارس اخذ الحبوب وخباه و قفل الدرج : حصلته ، حصلته .
راح المطبخ وتفكيره منشغل بالحبوب ، اخذ ماي وبلع حبه البندول وشرب الماي و رجع الغرفه انسدح واهو يفكر .
فارس : يا ترى شنو هالحبوب ؟ ، ما مره طلبت مني اجيب لها حبوب .
طلعت زوز من الحمام واهي لابسه بجامه ، انسدحت يم فارس سحبها لحضنه وناموا ، نام فارس واهو تفكيره منشغل بهالحبوب .
****************************************************************************
واااااااااااااااااااااااااستوب
كيف البارت ؟
توقعاتكم ؟
شنو هالحبوب اللي زوز مخبيتها عن فارس ؟
معقوله ملاك صابها عقم بسبب الحبوب اللي جبرها فهد تستخدمها ؟
نور بتولد قريب ؟
ليش سديم تتهاوش مع زياد ؟
هيا بيظل وضعها مثل ما اهو هاديه ومنفرده بروحها ؟
ملاك اذا كان فيها عقم بتطلب الطلاق من فهد ؟
(اتقبل الانتقاد لكن باحترام)
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!