رواية زينة المراد الفصل الخامس 5 - بقلم مريم محمد

قربت منه طبعت قبله على شفايفه وطلعت تجري من القصر بأكمله. فاق مراد من صدمته وهو شايفها بتجري ونزل جري وراها. وهيا كانت بتجري بسرعة جدا ودموعها بتنزل. مراد بصوت عالي: زينة اقفي.. اقفي يا حبيبتي. زينة اقفي استني. لحد ما أخيرا مسكها. زينة ببكى: انت عايز مني إيه؟ مراد بهدوء: تعالي معايا نتكلم في أي كافيه. زينة: مش عايزة أتكلم يا ابيه. مراد: لازم تيجي ونتكلم وده غصب عنك. مشت زينة معاه بهدوء. خداها على كافيه.

مراد: مش معنى إني قررت أشوف حياتي يبقى هتخلي عنك. زينة أنا عايزك تعرفي إني انتي أكتر شخص بحبه ومستعد أخسر أي حد عشانك، فكيد مش واحدة هتدخل حياتي يبقى هتاخدني منك. ياريت تفهمي كدا. انتي لو بعدتي عني ممكن أموت، انتي عايزاني أموت. هزت زينة راسها بالنفي. مراد: يبقى خليكي جنبي، وكمان انتي كمان هيجي ليكي يوم وتتجوزي. زينة بحزن: أتزوج. وكملت في سرها: حد غيرك. مراد بوجع حاول يداريه: آه تتجوزي. زينة بحزن: يلا نروح يا ابيه.

قام مراد معاها وهو حاسس بحزنها بس ما باليد حيلة وهو شايف إن قراره ده هو الصح. بعد أيام وعدت والأمور كانت تمام وبدأت امتحانات زينة وكانت مشغولة جدا بامتحاناتها ومراد كان متابعها. وأخيرا عدت أيام امتحاناتها على خير. واليوم هو ذكرى ميلاد زينة. مراد: الو يا زينة يلا انزلي مستنيكي في العربية عشان عايزك تيجي معايا حفلة واحد صاحبي. زينة بحزن: ماشي يا ابيه. قفلت معاه وجهزت.

لبست فستان أسود ضيق بكم وفيه لمعة وجزمة كعب وأحمر شفاه ورفعت شعرها ذيل حصان ونزلت وراحت لحد عربيته وركبت. زينة: أنا جاهزة يا ابيه. مراد بصدمة من جمالها: احم ماشي. مشي بيها وبعد شوية وصل مكان فيه معازيم كتير وصحافة كتير وكل الصحافة توجهت ناحيهم. زينة: الله شكل الحفلة دي حلوة أوي. مراد: كل سنة وانتي طيبة يا زينة القلب. بنت بدلع: كل سنة وانتي طيبة يا زينة.