رواية زينة المراد الفصل الرابع 4 - بقلم مريم محمد

مراد وهو بيبوسها: وأنا كمان بحبك يا زينة القلب. زينة بخجل: بجد؟ فاق مراد من اللي هو فيه ووقف بصدمة وبعد عنها. مراد بعصبية وغضب من نفسه بدأ يكسر في كل حاجة قدامه، وزينة مش عارفة تهديه. زينة بخوف عليه: أأبيه، أبيه أنت كويس؟ مراد بعصبية: اطلعي بره، روحي البيت. جريت زينة بخوف، ومراد فضل زي المجنون بيكسر في كل حاجة. مراد بجنون: لازم أشيلها من دماغي وأخليها تشيلني من دماغها، أنا خطر عليها، وخطر أوي.

خلص شغله وطلع ركب عربيته وراح على بيته، وطلع غير ملابسه وراح على غرفة زينة. مراد: ممكن أدخل؟ زينة: اتفضل. دخل مراد وقعد قدامها على السرير. مراد: كنت عايز أقولك حاجة. زينة بحب: اتفضل. مراد وهو بيحاول يتلاشى نظرتها: أنا هخطب. زينة بصدمة: إيه؟ مراد: فيه بنت أنا معجب بيها، وهي من عيلة غنية وليها صفقة معايا. زينة بحزن وهي لسه في صدمتها: طب وأنا؟ مراد: أنتِ بنتي حبيبتي، وأنا متأكد إنها هتعاملك حلو.

زينة ببكي: بس أنا بحبك يا أبيه. مراد بتنهيدة: أديكم قولتي أبيه، أنا مجرد أبيه، مش هينفع أبقى جوزك. زينة بحزن: بس أنت مش أبويا بجد. مراد: أنا هخطب اللي عايزها. زينة بوجع: عندك حق، لازم تاخد اللي عايزها، وكمان أنا مينفعش أعترض، وكفاية كل اللي أنت عملته معايا وعشاني.

عملت المستحيل عشان تطلع لي شهادة ميلاد باسم أبو صاحبك، وعملت المستحيل عشان تخليني أبقى كويس ومش أفتقد أي حد، وجه الوقت اللي لازم تعيش فيه سعيد، وأنا هشيل مسؤليتي خلاص وبعفيك منها، أنا ماشية يا أبيه ومش هتشوفني تاني. قربت منه بحزن وهي بتكمل كلامها. زينة بحزن ووجع ودموعها على خدها: سيبني أودعك بطريقتي قبل ما أمشي. كل ده مراد واقف مصدوم مش عارف يتكلم. قربت زينة منه أكتر وحضنته أوي ودموعها بتنزل بصمت.

وجريت وهي بتبكي على الحمام، ومراد زي ماهو على حالة الصدمة. وبعد دقايق طلعت زينة من الحمام. زينة: أنا مش هاخد هدوم ولا حاجة، أنا زي ما جيت زمان من غير حاجة همشي من غير حاجة. نظرت لمراد مستنية منه أي رد فعل، لكن الصمت كان سيد المكان. قربت منه طبعت قبلة على شفايفه وطلعت تجري من القصر بأكمله.