رواية زين الصعيد الفصل الثامن 8 - بقلم الكاتبه المجهوله

شاديه: مش تجولي لينا يا حور مبروك أنا وزين هنتجوز. حور بصدمة: نعمممم. زين بعصبية: في إيه يا حور، بتعلي صوتك علي. حور بعصبية: أنت هتتجوز عليا، أنت اتجننت. مرة واحدة زين ضربها بالقلم. حور انصدمت وطلعت تجري على غرفتها. زين بعصبية: فرحي أنا وشادية الخميس الجاي. وطلع فوق على الأوضة لقي الأوضة مقفولة بالمفتاح. زين: افتحي يا حور. حور: لا. زين بعصبية: افتحي يا حور. حور: لا. مشي زين بعصبية وراح المكتب نام في المكتب.

بعد مرور أيام. كانت حور حابسة نفسها في الأوضة بتعيط، وكانت ريم بس هي اللي بتدخلها. يوم الأربع. ريم خبطت: حور افتحي أنا ريم. حور من الداخل: ادخلي. ريم: أكيد عاملة تعيط. دخلت وكانت الصدمة، حور لابسة بجامة عليها صور قطط، والشنطة عليها قطة، وجنبها أكياس شيبسي كتير وشوكولاتة وعلبة المناديل، وبتتفرج على الكرتون. ريم بصدمة: دي واحدة جوزها هيتجوز عليها.

حور: اتنيل، ده هو اللي عينه وحشة، رايح يتجوز شادية. اللي قهرني عارفة إيه؟ ريم: إيه؟ حور ببكاء: موفاسا مات. ريم بعدم فهم: مين موفاسا ده؟ حور: الأسد. ريم: هيا دي اللي مقطعة نفسها عياط؟ أنا اللي هعيط على حظي الأسود ومرات أخويا. حور: خدي يا ريم. ريم: إيه ده؟ حور براءة: مناديل عشان تعيطي. ريم: بس بقى عشان ناكل. حور: يا حبيبتي يا ريم، جايبة الأكل. ريم: آه يا قلبي، أنتِ ما أكلتيش.

حور: لا، كان فيه بيتزا من امبارح سخنتها وكلتها، وكان فيه واحد كريب كلته بس. ريم: الطم، كلي يا حور، كلي يا اختي. قعدوا ياكلوا سوا، وريم بتفكر ليه أخوها عاوز يتجوز. دخل زين عليهم. زين: بتعملوا إيه؟ كملوا كلام وتجاهلوه تمامًا. ريم: كملي، وبعد ما موفاسا مات. حور: أخوه بقى قعد يخوف في ابنه. زين بغيظ: هو أنا شفاف؟ وإيه المسرح اللي عاملينه ده؟ وإيه اللي على السرير ده؟ حور: مين قال لك إنك هتنام على السرير أصلاً.

ريم: طيب أمشي أنا بقى. وطلعت. زين: عاوز أتكلم معاكي. حور: وأنا مش عاوزة. زين: من إمتى القطة طلع لها لسان؟ حور: وتخربش كمان. زين: طب ممكن القطة تتكرم وتقعد مع حبيبها شوية. حور: عاوزة أنام. وبدأت تعدل الفراش ونامت. زين: يا رب. ودخل غير ملابسه وطلع نام على الفراش. حور بطفولية: متنامش هنا. زين: أنام فين؟ حور: هناك على الكنبة. زين حب ما يتكلمش كتير: حاضر. وأخد المخدة وبالفعل نام على الكنبة.

من كتر الإرهاق فضلت حور تتقلب على السرير مش عارفة تنام. حور في نفسها: مش عارفة أنام غير على كتفه، لا لا مش هروح له، أنا هعمل قهوة وأقعد. وبالفعل قامت ولسه هتفتح الباب. زين: راحة فين؟ حور بتوتر: نازلة. زين: نازلة فين؟ الساعة 11 بليل. حور: المطبخ. زين: لسه واكلة نازلة ليه؟ حور بزعل: هعمل حاجة أشربها وأقعد عشان مش عارفة أنام من غير. زين بانتباه: من غير إيه؟ حور: وأنت مالك.

رفع زين راسها بابهامه، نظر لعينيها المنتفخة من البكاء والإرهاق ظاهر على وجهها. زين: تعالي، أنا هنيمك. حور: مش عاوزة أنام، مش عيلة أنا. شالها زين: مش عاوز كلام كتير. نام زين وشدها لحضنه، وبعد خمس دقايق كانت حور نامت. زين لم خصلات شعرها من على وجهها. زين: الكذب بيبان في عيونك، يا رب أنت العالم بحالي. عانقها بشدة ونام. بعد يوم وهو يوم زواج زين وشادية.

نزلت حور وهي ترتدي بنطال جينز ضيق وكنزة جميلة، ورفعت شعرها لأعلى على هيئة ذيل حصان. حور: صباح الخير. ريم: إيه الابتسامة دي؟ حور: مش عندنا فرح ولا إيه؟ كارم: أنتِ جرى لعقلك حاجة؟ حور: ليه بس يا عمو؟ هو لازم أفضل أصوت وأصرخ؟ يتجوزها، على الأقل أخلص من همه. زين بصدمة: أنا. حور مردتش عليه. وجاء الليل وجهز الجميع، وزين مستغرب هدوء الجميع.

وفجأة انطفت الأنوار وفتحت مرة واحدة، وظهرت حور وهي ترتدي فستان لونه أحمر ناري، ضيق من عند الصدر وواسع من بعد الخصر، مفتوح من ناحية واحدة، وتضع القليل من المساحيق التجميلية وليس الكثير، وترتدي صندل ذو كعب عالٍ. اقترب منها زين وهمس في أذنها: إحنا اتفقناش على كده. حور: بس قمر. زين: ليا، مش لكله، حسابنا بعدين. شادية بسخرية: قلة حيا، لابسة قميص نوم.

نزلت ريم وهي ترتدي فستان نسخة من فستان حور، لكن مقفول ولونه أسود، وحجاب يناسب الفستان. زين بمشاكسة: إيه الحلاوة دي. ريم: بجد؟ زين: قمر. وكان زين يرتدي جلباب صعيدي وعمة. شهيرة بغيظ من هيئة حور: فين المأذون يا زين؟ (شهيرة أم شادية) زين: زمانه جاي. شهيرة: تعال اقعد جمب عروستك. زين نظر إلى حور على وجهها ابتسامة خبيثة. وقعد جنب شادية. نظرت حور إلى ريم وغمزت لها، وفهمت ريم على الفور، ووقفت أمامهم. ريم: عاوزة أقعد.

شهيرة بسخرية: تعالي اقعدي على رجلي. ريم باستخفاف: لا، هقعد في النص. كارم: حبيبة أبوكي تعالي جمبي. ريم: وأنا قولت هقعد في النص بعد إذنك يا بابا. حور: إيه، ما تسبوها تقعد. حور لسليم: سليم. سليم: نعم. حور: قول لأم علا تجيب القهوة. سليم بخبث: تؤمري. وبالفعل جاءت أم علا بالقهوة للجميع. شادية: قهوة في كتب كتابي؟ مش كفاية مفيش فرح؟ فين الشربات؟ أم علا: ست حور أمرت ننزل قهوة. شهيرة: ستك مين يا عنيا؟

حور: أنا اللي قولت ننزل قهوة، حتى دا نوع غالي هيعجب العرسان. أخذ كل واحد فنجان، وأخذ زين رشفة واحدة وظل يكح ووجه أحمر. حور: إيه؟ مش حلوة؟ زين بكح: ليه، جميلة. ريم باستغراب: القهوة جميلة فعلاً، معرفش أنت بتكح ليه. لكن سمعوا عطسة شادية بشدة. حور بضحك: الحق العروسة هتفطس. شادية: آه آه، بوقي، أنتِ حاطة إيه في الچهوة؟ حور: حاطة صباعي، عشان كده مسكرة. ضحك كل من سليم وريم. زين: تسلم إيدك على القهوة.

شادية: مايه، مش چادرة، القهوة كلها شطة. حور: خد يازين ياحبيبي، اديها المايه، جت منين الشطة؟ أخذت المايه وأول ما شربت شرقت وبدأت تكح أكتر. شادية: المايه مملحة. كارم: لا كده كتير. حور بضحك: يبدو أن أم علا كبرت وخرفت. زين: بطلوا لعب عيال، فين المأذون؟ ودخل الغفير: المأذون وصل يا حج. زين: هات المأذون والشهود على المكتب. شهيرة: ليه يكتب في المكتب؟ ما تكتبوا هناك. كارم: دي شغل الرجالة، مش شغلك.

دخلوا المكتب وبدأ المأذون في مراسم الزواج والعقد. طلع زين بالدفتر لشادية. زين: امضي يا عروسة. أخذت شادية القلم ومضت وهي في قمة سعادتها. دخل زين تاني وكملوا، وقال المأذون جملته الشهيرة: بارك الله لكما وبارك عليكما وجمع بينكما في خير. طلع سليم بره. سليم: زغرطي يا أم علا. وطلع المأذون والشهود وزين وكارم. كارم: ألف مبروك يا شادية. شادية: الله يبارك فيك يا عمي. شهيرة بفرحة: مبروك يا ولدي. زين: على إيه يا خالتي؟

شادية: على إيه؟ كيف على جوازنا؟ زين: بس أنا متجوزتكيش، أنتِ اتجوزتي حد تاني، ابقي بصي كويس على اسم العريس. شادية بصدمة: إيه؟ ياترى شادية اتجوزت مين؟ وإيه اللي هيحصل؟