رواية زين وشمس الفصل السادس عشر 16 - بقلم نادية مصطفى

كانوا عمالين يلعبوا ويضحكوا أوي. اتمشوا وكان في بنت بتصورهم من غير ما ياخدوا بالهم. قربت البنت وقالت: "مش عايزين تاخدوا الصور؟ "صور إيه؟ "أنا صورتكم لأني شفتكم، ماشاء الله ثنائي حلو أوي." خدوا الصور وكانوا منبهرين من جمالها. "شكراً أوي، اتفضلي دول." اداها فلوس كتير أوي. "لأ لأ، شكراً أوي، أنا أصلاً متعمدة على انبساط الناس." "لأ، ده حقك، اتفضلي." "بس ده كتير أوي." "ولا كتير ولا حاجة، ده حقك."

شمس وزين شكروا البنت كتير ومشيوا ياكلوا آيس كريم. *** كان واقف بالعربية في المرور. جات واحدة: "مناديل يا بيه؟ رفع راسه واتصدم لما لقاها ريتاج. "إنتِ؟ "لأ، سيبني شكراً." طلعت فلوس. "طيب، أنا عايز خديهم." "بس دول أكتر من حقهم." "لأ، خليهم." "شكراً، لازم أمشي." "ريتاج! "نعم؟ مرة واحدة حست بدوخة كبيرة أوي. نظر ولحقها وركبها معاه العربية وراح على مكان هادي وبدأ يفوق فيها. "أنا فين؟ "ما أكلتيش بقالك فترة، شكلك." "آه."

خدها مراد وراحوا على مطعم. "شكراً." راحوا المطعم وطلبوا أكل كتير أوي. "يلا كلي، أنا كمان جعان." أكلوا مع بعض وكانت بتاكل بسرعة جداً لأنها كانت جعانة أوي. خلصوا الأكل وطلب ليهم عصير. "احكي لي حكايتك." "حكايتي كبيرة أوي يا أستاذ مراد." "مراد بس." "صدقني مش قادرة أتكلم على حياتي." "اتكلمي يا ريتاج." "مفيش حاجة، وشكراً أوي على كده." "وبعدين معاكي؟ "آه، صح، أنا هارد لك تمن الأكل ده." "لأ، دي عليا أنا."

"ما بحبش حد يكون ليه عليا جمايل يا أستاذ." "جمايل إيه والكلام ده؟ "أو قولي أي مقابل للأكل ده، عايز إيه؟ "مقابل إيه؟ "مش دلوقتي، كل حاجة بمقابل، وإنت عايز إيه مقابل ده عشان أكون عارفة بس؟ "لأ، ما فيش مقابل ولا حاجة، مش كل الناس زي بعض يا ريتاج." "بس أغلبهم... وقطعها. "أهو، أديتك قولتي، يعني مش كلهم." ومشت وسابته. وهو مشي وراها. "استني." "نعم؟ "احكي، مالك؟ "هو غصب." "لأ، براحتك."

ومشيت وهو فاضل باصص عليها لحد ما اختفت من عينه. وبعد تلات أيام وهما على نفس الحال، وريتا خايفة ومش عارفة تعمل إيه في المزاد ده. ومراد مش عارف يعمل إيه وهو محتار، مش عارف لي. وزين وشمس في أسعد أيام حياتهم وكلها غرام وحب ما بينهم. وجمع زين مراد وحسام عنده في البيت. "لسه عايشين في الماضي؟ بص أنت وهو، أنا عارف إن صعب الواحد يتحكم في مشاعره،

ولكن خدها نصيحة: أوى تتقبل حب حد اللي يسبب أذيته ليك. روحك وصحتك خير ونعمة من عند ربنا ومفروض إنك تحافظ عليها. وصدقني ما فيش خير من شخص بيتعمد أذيتك. الناس اللي بتستبيع حزنك ووجع قلبك عمرها ما حبتك. الحب عمره ما كان كده، الحب مودة ورحمة وإنسانية. ما فيش حب بيكون سبب في تعاسة صاحبه أو قهر قلبه. لو انت علاقتك ماشية بالشكل ده، سميها أي حاجة غير الحب. الحب بريء من المهازل اللي بتحصل دي."

"لا، الجواز من شمس جاب نتيجة حلوة." "أنا خرجت من الماضي وقدرت أعيش. اه، مش زي الأول بس بحاول بصراحة. بس أحياناً بوصل لمرحلة بتوصل فيها إن طاقتك بتكون خلصت، بتحس إنك تعبان ومرهق، عايز تعمل حاجات كتير بس ما فيش ولا حد سامعك ولا فاهمك، حتى ولا حد هيقدر. إنت جيت على نفسك قد إيه ولا إنت استحملت إيه." قعدوا مع بعض ومشوا. *** وعدت الأيام وجه اليوم اللي هتتعرض فيه ريتاج في مزاد. وحسن مسكها.

"هي دي اللي عليها، اللي عليها البيعة النهارده." وبدأوا كلهم يقولوا أرقام. "أنا هدفع 300 ألف."