رواية #رواية...انا هي نساؤك.. الفصل التاسع والعشرون 29 - بقلم الكاتبه سمو العراق

البارت الخامس والعشرون
رواية...انا هي جميع نساؤك
بقلمي...نور سمو العراق

💔💔💔💔💔💔💔💔💔

أ

رواحنا كالطيور المهاجرة ...
لا تستقر إلا في الدفء...
وتميل إلى من يحتويها ...

...............................

خطفها مؤيد وهو بضحك من ايد المنذر بسرعه

وانه تخبلت احسن روحي ماعت وعطبت عبن شنهي راح انفضح جدام حنان واطلع جذابه جدام عمتي...

مؤيد عدلها وركز بيها...

بس المنذر سحبها من ايده بعصبيه وعاط بوجه

المنذر بغضب....انت الي متئ تضل فاهي وبدون عقل وماعندك احترام

مؤيد بتفاجئ...علئ كيفك شصار ترئ هي مجرد ورقه

حنان ضحكت كالت...اممم اخاف نحسد السنيورة ههههه

انه سكتت بس ضجت اكييد سبتني موش دكول سيوره شنهي انه حذاء

بس موش صوجها صوج الواكفين ما يكللولها عيب تغلطين علئ مرة حماج وهي مرة الجبير....

مؤيد باوع المرته وضحك

عمتي كالت... المنذر انت من تزوجت لحد الان تغيرت اخوك حتئ اذا اخذ شهادت مرتك ترئ لا راح يحسدها ولا ياكلها...

ولا تنسئ مرته مخلصه تجاره

المنذر عقج الشهاده بيده ورد بااسلوب جاف...احنه مو مزعطه اني اخوو الكبير مو حلوه بحقي ياخذ النتيجه من ايدي واني دقره بيها....

حنان ردت...بس انتم اخوه مو غربه

المنذر ...اذا احنه اخوه لحد يتدخل اني واخووي محد اله عندي حق

ردت بتفاجئ...اني اسفه اعتذر

هو ما رد عليها

ومؤيد كال....ان شاء الله مبروك بس هي كالت ممجاوبه بالاسلاميه

انه جاوبته...ياله جاوبت بس موش انه اطير عيون وكلت ما مجاوبه

المنذر سحبني من ايدي حييل ومشه بيه

عمتي كالت ...وعلئ شنو نحسدج يالدكتوره شنوو ما عدنه واحد دارس

هو كلج سادس ابتدائي وطلعتي بالدفرات...

حنان تضحك علئ كلام عمتي....

اني اجيت اروح ابرر موقفي واكلها موش قصدي انتم حاسودين عبن قصدي علئ ام طالب حاسوده

بس نذري ما انطاني مجال...

سحبني للغرفة ودخلني

انه بسرعه بجيت وهو تقرب مني حضني من اكتافي

همس بحنين...اووف شبيج ليش البجي

نزلت راسي بخجل وتوتر...موش طلعت ساقطه

هو سحب حجابي شمره علئ الجربايه وعدل خصلات شعري كال...مو ساقطه اولا كولي راسبه عيب هاي الكلمه تنطبق بس علئ البايعه شرفها وانتي مو هييج

ثانيا انتي كمال يگلبي يعني تمتحنين دور ثاني وتنجحين ماكوو داعي لدموعج...

اني صح احب دموعج لان يزيدنج طفوله ودلال

بس احب ضحكتج اكثر لان بلسم لگلبي

مسحت دموعي وانه اشهك...يعني انجح

هز راسه بأي  وكمل...اي عمري تنجحين اذا انتي متنجحين لعد منو ينجح...

بلعت ريكي ورديت عليه...موش كله من وراك قبل الامتحان كتلتني وانه ضليت اكل بروحي لحم وما قريت

عود هم من تجي الإمتحانات اكتلني عبن شنهي انه مخليني بس للكتل

هو ضحك بصوت عالي وسحبني الحضنه كال...شكد احبج من تعاتبين عتبج عسل

تنهدت بضيق ...خووش جاا اذا عتبي عسل خليني اعتب عليك ولا تزعل اذا جرحتك موش انه مجروحه منك

غمزلي كال...فديت المجروح شلون تريد نطيب جروحك علئ قوول لسانك يگلبي

ضحكت وهمست..ذكرتني بكاظم الساهر شكد اتغازل

ابتسم بهدوء وجاوب بحنين...بس يمج كل شويه اخذ دور كاظم الساهر نزار قباني شتردين انگلب لخاطر عيونج

ضربته بدلع علئ صدره...يممه منك موش رجال هو انت تغازل يم غيري ويمي تنكلب هذا الممثل الاجنبي العاض الحيه بحلگه

هو استغرب كال...منووو

جاوبته...مااعرفنه بس هو ضخم وطويل وحلوو مثلك

هو تقرب مني وعضني من خدي حييل صرخت وهو ابتعد حطيت ايدي علئ خدي كتله...ياااا لييش؟

كال ...ما تستحين تتغازلين بواحد كدامي

جاوبته ...مثلك انت ترجف علئ النسوان وانه ارجف بس عليك وانت ما مقدر النعمه

حضن وجهي بثنين اديه وبحنان...ارجف بس عليج ولوو اني خايف افقدج

ارتعبت من حجه هييج مااعرف حسيت فعلا يفقدني

من حبي اله شمرت روحي بحضنه وعضيت شفايفي بجزع...انت شدكول ليش تفقدني لان ما حبلت لهسه

خووش احبل والله انه راح ادعي واصومن طلب حاجه بلكي احبل

ضحك بصوت عالي كال...لج ابوويه انتي منو كلج كاتل روحي علئ الأطفال

شسوي بالاطفال وانتي طفلتي الحلوه

خجلت من كلامه رفعت وجهي وابتسمت جاوبته...جااا شتقصد؟

جر نفس وتنهد كال...مااعرف بس حاس طريقي مغلق احساس بداخلي مخوفني

بلعت ريكي ودمعت عيني همست...ياله فدوه اروحلك ينذري لا تخوفني

وروح ابووي انت كلهم...

انت ابووي وامي وعابد وزاهد وغرومه ...انت اهلي كلهم

انه احبنك اموتن عليك مااكدر اتنفس بدونك

انه اذا رحت اموتن امووتن

هو حضني بقوووه حسيت عضامي تكسرت بصدره

كال...لا تخافين محد يفرقني عنج بس الموت

باوعت اله بحيره وقلق...ياله الموت العدوك الموت للغمان موش الك...

هو هز راسه باسئ وكمل...باجر يرفعوني نقيب وان شاء الله اخذج ونحتفل بالحبانيه وطبعا محضرلج مفاجئه

ضحكت بفرح وحماس جاوبته....شنهي؟

رفع حاجب وبمكر...مفاجئه

باوعتله بدلع...نسيت نفسي انه موش زعلانه شكوو احجي وياك

عض شفته وكال...موش تحبيني

فتحت عيوني مصدومه...صاير تحجي مثلي شنهي تقلدني

المنذر بحب...اتمنئ اكلج مو بس اقلدج

وكمل...الزعل مو بينا يحبي الزعل بعيد عنه انت جزء مني انتي روحي

من حقي اعاقبج صح تصرفت بهمجيه بس بسببج

واني اعتذر وحقج علئ راسي واراضيج بحضنه بصدر دافي شتردين علئ قول لسانج....

درت وجهي وابتسمت وجريت نفس خجول...

سحبني نومني بصفه وضل يلعب بشعري وساعه يعتذر ساعه يشاقه ويضحك ساعه ينحرف ههه

كلي بهيام...نوميني

حطيت ايدي علئ راسه جاوبته بتساؤل...الوليلك دللول دللول نايم ينذري نام ...دللول دللول عدوك عليل وساكن الچول

هو ضحك كال...كافي ولج نوميني اكلج افتهميها

منارس بضحكه...خووش راح اسولفلك قصة ليلئ والذئب قاريته بالقراءه

انت الذيب وانه ليلئ المسكينه

وهو باوعلي بغموض كال...افترسج ؟

باوعتله بعناد وذكاء...انت ناسي الذيب افترس جد ليلئ موش ليلئ

هو كال...انجبي لا تكعدين تجفصين ولا تجبين سيرة جدتي خلينه مرتاحين

رفعت اكتافي بدلع وجاوبته...افترسني حتئ يجي صلف ويكتلك مثل ما خال ليلئ كتل الذيب

هو رفع حاجب كال...اني ذيب؟

ضحكت وعصرت اديه جاوبته ...ياله انت اسسد اسد موش ذيب...

سحبني وباسني بخدي وضل هادئ

نام قبلي وانه اتأمله

شنو قصده بكلامه ليش خفت وما حبيت كلامه شكوو شنهي الراح يصير ...

حضنته حيل ونمت علئ صدره

اذا يصير مثل فال غرومه لا انه اريد غرومه تنقلني العالمها......

صح ضربني وتجاوز عليه وانه من النوع الحساسه مااحب واحد ما يحترمني

بس نذري الوحييد الما اطول بزعلي وياه ولا احقد علي

عبن هو احلئ من حسين فهمي يكتل يكتل موش رجال..

..................................

نيران...

صار 3 ايام من تزوجت...

عمر انسان هادئ حييل وقليل الكلام وساكت دائما

مصار موقف بيني وبينه لحد الان مطلب مني اكون زوجه فعليه اله

صح اني مااستاهله لان هو رجال ادمي وكل الصفات الحلوه بي

بس مااعرف شنو الي صار هل هو قدري او ان اني غبيه

صدكت بااشباه الرجال هذا فاروق احس الهدوء ما بعد العاصفه وما مطمئنه من ناحيته...

اني مشيت علئ خطا منارس هم مهتمه بااهله وهمه مبينين خوش ناس اوادم...

ودائما من موجود عمر بالغرفه اطلع حتئ ياخذ راحته لان دشوف هو يتضايق بوجودي...

من اشوفه ينام ادخل انام بعيده عنه...

حاسه مرات ينظرلي بطرف عينه لكن سرعان ما يغير نظرته

ابتسم مرات علئ تصرفاته هووايه يكابر

مع العلم هو مو متكبر بس يكابر وكان يريد اني ابين اهتمامي بي قبل ما هو يبين

اني بصراحه مااكدر ابادر اخاف انصدم

دخلت لكيته متمدد يباوع علئ فلم مصري

طلعت لقطه سخيفه هو عادي عنده صافن وجامد مااهتز

واني بلعت ريكي ضليت اعدل بشعري وارتبه

فتحت باب الكنتور وضليت ابحووش

مرت تقريبا دقيقه واسمع الغزل ورومانسية الفلم وييع تقرف

سديت باب الكنتور وباوعت عليه شفته صافن عليه

توترت حييل وكع الثوب مني ورجعت شلته

وهو بعده مركز بنظره عليه

بلعت ريكي همست...محتاج شئ

سكت مجاوب بس نظراته جانت حلوه وبيها نوع من الغرور...

شوويه واندك التليفون...

اني خفت اروح اشوفه وضليت مستقرة بمكاني

رن عدة مرات

باوعت عليه بخوف همست...عمر ارفع السماعه

هو وكف وراح رفع السماعه بس كال الوو

ضل تقريبا عشر دقايق هو بس يستمع ويهز براسه وعاقد حواجبه ووجه ما يبشر بالخيير

بلعت ريكي وارجف من الخوف والهبطه

هو عصف بهجووم رد بقسوووه....انت زلمه كوول منوو لا تضل تاكل تبن....لا والله اطلعك من جوه الكاع واترس حلكك نعل...

وكعت علئ رجليه من الخووف واني انحب وارجف

وهو باوعلي بنظرات ثاقبه

.............................

ثاني يوم الصبح

المنذر راح للدوام طبعا ترقئ واليوم يترفع نقيب

خايفه انوب يتكبر عليه من يصير نقيب

وتلتم عليه النسوان...عبنه هو قطعة سكر وروجين وبشيره وجماعتهن مثل الذبان يلتمن عليه....

كال بس اترفع واحتفل هناك اجي اخذج نسافر للحبانيه....

انه هم حضرت روحي وكلت اسوي اكل خاف هناك نموت من الجوع...

اسوي جدر دولمه وكبه واخذ خبز وكون جدر روبه من جدتي جااا صارت السفره تخبل...

اندك الباب شمرت المكناسه ونزلت ثوبي رحت افتحه

صحت ...ياهوو

جاسم كال...انه خوويه منارس وهاي ازهار وياي عبن مشتاقه الشوفتج

ضحكت بفرح يمماي اجت ريحة اهلي

لبست حجابي ورجعت فتحت الباب سلمت علئ جاسم وزهوره

هو كال...وين المنذر

جاوبته بانتعاش...اليوم هو بالداخليه موش رفعو نقيب ومؤيد وعمتي راحوو وياه يحتفلون

جاسم بفرحه...خووش شايف كل الخير بس جاا انتي ليش ما رحتي وياه

جاوبته...ما قبل يكول هناك هوواي تجي وادم بالداخلية وضباط ونقبه ومسؤؤلين ويخاف عليه

جاسم...اي خوويه صدك انه هسه اروحن وديري بالج علئ ازهار

منارس..ياله يخويه تفضل وروح ابوي اشوفن بيك عابد وزاهد

جاسم...الله يحفظج يخويه وما يلوحج ضيم بس انه لزوم اروحن عبن ابووي وحده بالشغل

منارس...الله وياك خوويه سلملي على عمي وبوسلي ايده

جاسم..تدللي سلمينه علئ الولد

منارس...ان شاء الله يوصل

خله وراح جاسم ودخلنه انه وازهار...

رجعت حضنت زهوره جني مفجوعه

سحبتها وكعدتها علئ الدرج وانه انضف مبطبطه بالماي

كالت ازهار...جااا ست الحسن وين ما تجي تنضف وياج

ضحكت وضليت امسح بالماي جاوبتها...ياله موش تخاف علئ النونو يوكع

ازهار بحيره...بس انتي تنضفين؟  وتبطبطين بالماي

جاوبتها...اي نذري كل ما يصيح عليه اكلله جاي انضف

يكلي شوكت تنشف بحيره الرزازه

ومن واحد يسال عليه يكلهم كاعده بشط العرب هههههه

زهوره ضحكت كالت ...يالله الشغل ما يتعب مثل المطي بس سوگي

تنهدت...اي والله صدك بس كون يكفني شرهن وما يتحارشن بنذري اعببن هييج امووت امووت اطكن من الغيره

اجت تحجي زهوره وطلعت من غرفتها حنان

باوعت على زهوره كلتلها...هلاوو

ازهار ردت عليها...هله بيج

كامت باوستها وذيج دفعتها علئ كيف كلتله علئ كيف خربتي مكياجي...

انه انقهرت علئ زهوره خطيه

كلتلها....جااا حتئ وانتي نايمه مكيجه شنهي خاف تطلعين بالحلم وانتي ما محمره

هي جرت نفس كالت...يالله بسرعه كملي حتجي ماما وبشورة

انه شمرت المكناسه وكعدت بصف زهوره جوابت...ماانضف عبن انه احبن الوصاخه وخلي ماما تطب بشط العرب

رفعت اكتافها بدون مبالاة...وشنوو يعني تجي عمه واترزلج

كلتلها..نظفي انتي

ردت بعصبية...يااا اخاف علئ طفلي  اخاف يموت البارحه ليل كله منمت من الوجع

احس الطفل نازل

خليت ورجعت كملت تنظيف موش خاف يصير شئ وعمتي دكوم عليه...

رجعت انضف و زهورة ساعدتني

شوويه واندك الباب

راحت هي فتحته ولازمه ضهرها...

سمعت صوت المنذر يضحك ومؤيد...

فرحت دخلت عمتي تهلهل وتطشر جكليت لان نذري صار نقيب...

هو باوع عليه ضحك كال..صارن 3 نجوم

ابتسمت بفررح ...انه لو بس خيط احبه موش 3 نجوم

جاوبته والفرحه تنبض من عيوني ...مبروك ينذري ان شاء لله تصير ملازم

هو حط ايده علئ راسه كال..تردين ترجعيني ليوره مناري لج بابا كولي رائد كولي  قائد مو ملازم

ضحكت بفشله...جاا انه شمدريني

هو رجع سلم على زهوره وباركتله

كال باليل نروح للحبانيه...

وخله وطلع مدري وين راح....

حنان كالت..عمه يعني لازم منارس تروح وياه للحبانيه مو ترئ اني لبارحه منمت من الوجع اذا راحت اني اروح ويه ماما تداريني

عمتي كالت...اندري بالمنذر يريد يحتفل ويه مرته...روح احتفل ويه صحبانك وفضها...

انه ضجت شنهي مليت من الكراب اريدن اتونس

بس كلامهن لا يقدم ولا ياخر وراي اسسد اسسد وكلمته وحده ما تصير ثنين...

خلصت تنضيف ورحت صبيت غده تغدينه ورحنه انه وزهورة احضر بنفسي

سمعت حنان دكول لمؤيد...ما اكلت

كلها...ليش

جاوبته..لعبت نفسي من وجه ازهار يلعب ستين نفس

هو جر نفس وكلها...مريضه خطيه لا تستهزئين بيها لا يصير بيج نفسها...

انه ضجت بس سكتت وغلست...

شتحجي وياها السعدانه اخت ام عطوب شايفه روحها

ضلينه نسولف انه وزهور

وبعدها اجه جاسم اخذها وراح...

وشويه واجت بشرئ وامها وسوالف والضحك

وانه ضايجه عبن نذري مدري وين يشوعط..« يفتر»

شويه ودخل شافني محظره روحي

باسني ودخل للحمام حضرت ملابسه

سبح وبدل وطلع....

كال..يالله امشينا

احنه هسه طلعنه وتلكتنه بشيرة وامها وحنان

سلمن عليه وهو رد بلا مبالاة لان انه مراقبته

ام حنان كالت...اي همزين اجيت نريدك توصلنه

هو كلها...اي ميخالف

وانه متت قهر خليت ورجعت

وهو لزم ايدي كلها...بس اوصل منارس وارجع لبيت عمي

بشرئ كلتله بدلع ...مو تتاخر نعست حيييل

هو هز راسه

طلعنه وانه ابدي اغركهن ببحيرة الحبانيه

ركبت بالسياره ودرت وجهي زعلانه وهو ضحك وساق بسرعه...

وانه شاله خشمي حسيت ابتعد هوواي وبيت عمي صارو بضهرنه

كتله..وين رايحين تيهت بيت عمك عبن شفت ام عطوب

هو هز ايده كال...استغفر الله بس نوصل اله اغط راسج بالشط ورجع عقلج المجيم...

جاوبته...جااا مو دكول اوصلها لبيت عمها وارجعج

جر نفس كال...اريد اشتلهن واتوبهن حتئ بعد ما يكولن وصلنه

ضحكت بصوت عالي

هو كال ...سدي حلكج جنج ضحكة ليلئ عليووي

بسته بخده ..يممماي يجنن وصار نقيب اموتن عليه

دخلنه بمناطق ما شايفتها ولا اعرفها حسيت العراق جبير حييل...

بس تعبت حييل حسيت ضهري نكص

وصلنه لمحافظه الانبار هي اعتقد الحبانيه بمدينة الرمادي بالشرق

جانت حلوه هو نزل وانطه هويته استقبلونه استقبال حلوو

دخلنه بالفندق جنت حيل فرحانه مدينه سياحيه حلووه

انطه الجنطه صعدوها بالغرفه

بس اني مخلاني اصعد خلاني كاعده بالاستعلامات خفت حييل...

وهو ضل يحجي ويه خدمت المطاعم وبعدها راح واحد جاب كارتونه من بره ورجع...

صعدوو فوك

وبعد نص ساعة صعدنه

اول ما دخلنه فتح الكلوب تفاجئت بالكيكه والشموع والنفاخ

ضحكت بفررح كتله شنهي هاي شكوو؟

هو حضني ودارني عليه كال...happy birthday to manary

رجعت ضحكت ...شنهي

كال بحب..كل عام وانتي بحضني مناري اليوم عيد ميلادج حبيبي

فتحت عيوني مصدومه وفرحانه بسرعه دمعت عيني

هو سحبني كعد علئ الكرسي وكعدني بحضنه نزع حجابي وفتح شعري

ضل يهمس بحب وحنان ويحرك انفه علئ ركبتي وانه ابجي

كال ..طفي الشمعه وتمني

طفيته اني وياه سوه وتمنيت اموت قبل ما هو يموت ولا اضوك لوعة فراكه

لزم السجين ولزم ايدي كصيناها سووه ...

وكلته قطعه وهو وكلني

شفايفي تدمرت كريم وهو تخبل باسني حييل

وشالني جنت اميره بين اديه وهو ملك اسد احس نفسي اكثر انوثه وانه وياه

يوزع ملكيته بهدوء ورومانسيه ودلال وعذووبه

احبببببببببببببببببببببببببببببنه اموتن عليه...

............ .    ......................

من بعد الاتصال الي اجه واني حالتي حاله

من غير الرزاله القاسيه الاكلتها من عمر وتانيب الضمير الي معذبني

يكول وصلت المواصيل بسفالتج لحد هنا حبيبج يخابر علئ بيتي...

وشايل خشمه صار حتئ ميدخل للبيت...

دخل للغرفه بعصبيه كال...اعترفي منوو النذل الخابرني لا والله اذبحج

تنهدت بخوف وبكاء..جاوبته اذا حجيت والله تصير سالفه واهلي يتكاتلون عشيرته يتذابحون

كال..احجي سدج اميين لا تخافين

بلعت ريقي جاوبت بخووف ...فاروق

نهاية البارت...يتبع

كونوا انتم كونوا بخير احبكم

نور سمو العراق...

ان شاء لله باجر بارت تعويض وعد من عندي وطويل وبي أحداث ادللو