رواية #رواية...انا هي نساؤك.. الفصل الحادي وأربعون 41 - بقلم الكاتبه سمو العراق

وقفه...

اهلا وسهلا احبتي...

ان شاء لله تكونون بخيير...

بنات الي تكلمو عن الدكه العشائريه بزمن النظام السابق...

احب اكوللكم اني ممعاصره النظام اول مفتحت عيني سقطته..رجلي خظره عليه 😂😂

بس حسب قوول منارس دكول هو وثاب من تزوجت دگانه واحنه اخذنه عطوه...

الشرطه لاحقتهم خلو التهمه براس اسعد كونه سكران وفاقد انسجن كم يوم وطلع...

سالتها اكوو دكه عشائريه بذاك الوقت كال...اي اكوو بس الدوله تكون ملاحقتهم واكثرهم يهربون من العداله...

الدكتين الثانيه لفاروق و وثاب ايضا محد رفع عنهم دعوه بسبب العم ابو جاسم الخربط الوضع...

ماتحاسبوو مااعرف السبب بس يرجع الفضل الفاروق انسان مراوغ وغير عادل

وانسان جلاد ومجرم بذاك الوقت راحت ضحايا بريئه بسببه انذاك...

اهل المنذر من دگو اهل وثاب ينطبق عليهم هذا المثل...اول هدته گطع تراجيها...اول هدتهم كتلوو واحد من اهل وثاب....

من زمان لحد الان احنه بلد عشائري...

سالتها...هل الدوله جانت عادله وقوويه بذاك الوقت

كالت ..جانت قوويه لكن غير منطقيه بحيث ضهر ابو طبر وسامكوو...وغيرهم وغيرهم...

يعني معقوله واحد لازم الطبر ويقتل بالعالم وضل هووايه محد كدر يصيده اله بعد مرور وقت

سامكو حرامي اخذ هووايه فلووس من العالم معقوله الدوله مكدرت تطبق عقاب اله بعد مرور وقت...

لذالك اكوو ناس مندسه ومموله من الدوله او من كبار الدوله....

هاي امور سياسيه مااحب اتدخل بيها...

بس القصد مدام ضهرت هيج اشكال بدوله قد تكون قوويه اذا فاروق كوولشي يكدر يسووي...

فاروق بالأمن العامه وكل يوم يتطور بسبب افعاله الاجراميه....

هووايه ناس راحت ضلم ضحية امثال فاروق...

وهاي القصه تمثل الصار اقروها....👇👇👇👇

كانت في الخامسة والثلاثين من عمرها، حين داهموا منزلهم، اقتادوا ابنها الشاب بعنف ، ضربوه ، وشتموها.. قالت لخطيبته في صباح اليوم التالي (اصبري يمه، كم يوم ويرجع)
لم يرجع، ولكنها بقيت تنتظر ، تزوجت خطيبته، انجبت خمسة اولاد، مات ابوه.. مازالت تنتظر، وبعد مرور 36 سنة، وبعد ان بلغت 70 سنة، التقته، وضعت يدها على خده، غنّت له اغنيتها الشهيرة "دللول يلولد يبني .. عدوك عليل وساكن الجول ، لم تبكِ، لان العجوز التي بقربها لم تعثر الى الان على اي شيء لاولادها الثلاثة..

اعتذر عن الصورة المؤلمه....

لذالك لا تغركم الدوله جانت قوويه بذاك الوقت لا جان اكوو ضلم واكو دكه عشائريه واكوو ناس ضالمه

اتمنئ فهمتوني واني اعتذر لان بصراحه ممعاصره ذاك الوقت كله مواليد 1997اني...

انتظروني....

كونوا انتم كونوا بخير...احبكم

نور سمو العراق...💔

وطبعا كل يوم اشكركم لان كلكم متابعات مؤدبات وحبابات احسكم اخواتي ونبي وما افرق بينكم كلكم عندي سواسيه ربي يحفظكم...😘