رواية #رواية...انا هي نساؤك.. الفصل الرابع والعشرون 24 - بقلم الكاتبه سمو العراق

البارت الواحد والعشرون
رواية...انا هي جميع نساؤك

بقلمي..نور سمو العراق..

💔💔💔💔💔💔💔

مؤؤيد...

رحنه لحكناهم....

اني تلثمت وعمر كذالك مقبل المنذر ننكشف الهم مااعرف ليش...

واصلا مااعرف علئ شنو نكتلهم بس رحت ...

عمر سرع بسياقته كدر يلحكهم...

شافهم راكبين بسيارتهم كسر عليهم بسسسرعه

وطوقهم همه تفاجئوو نزلوو من سيارتهم واحنه نزلنه

اول ما نزل فارووق كال...شكوو خييير نعرفكم تعرفونه

عمر ركعه ببوكس علئ وجهه كوومه علئ السياره

واني لازم دوكن مال ضابط تصير العصا هجمت بيها علئ وثاب

همه هم هجموو صارت بوكسيات...

بس ما شاء لله عمر صاحب جسم وقووي كسرهم تكسر

واني وياه شيجي بيدي اضرب بي منا لمن جنزناهم تجنز...

مع العلم حصلت بوكس علئ جتفي الحمد لله مو بجهي جان اخترعت العروس...

بسرعه عمر سحبني وصعدنه...

ورجع ساق بسيارته ولا نطق بأي كلمه لان جان يعرف اذا حجه ننفضح

رغم السب والغلط الي تعرضنه اله

بس هو فضل البوكسات علئ الغلط...

غير مسار اتجاه سياقته واخذنه للاعظميه...

ورة تقريبا ساعتين رجع هو لبيتهم

واني رحت اجرت تكسي ورجعت للبيت...

لكيت المنذر واكف بالباب...

اول مشافني اجه ملهووف كال...هااا بشر

جاوبتها....حاليا بشعبة الكسور...

ضحك وضرب علئ جتفي كال...عفييه بطل عفييه عليك ريحتني

جاوبته ...بس خطييه ليش

ابتسم بهدوء وشتت نظره...لان يستاهلون انذال

ضحكت...الفخر لعمر ما شاء لله رجووله طاغيه

ضحك بغرور...وانت رجال ونعم منك لا تستهين بنفسك مفهووم...

باوعتله اريد اعرف سر الغموض الي يحيط بي...

ليش ضرب وثاب وليش من حمدت عمر ما رجع حمده...

لا حمدني

شخصيته تعجبني لان برغم كلشي يتفاخر بيه ويتفاخر بنفسه....

رغم اني اعرف مو مثله بس هو ابد ما ينطي بيه...

ودائما يحسسني اني فد شئ ويعتمد عليه بهواي امور

انتبهت لصوته كال...رووح ارتاح باجر عرسك حبيبي

تركته ومشيت بدون مااسئل...

لان اعرف مراح يجاوب

دخلت جووه لكيت الامه محتركه يركصن...

وجدتي ذابه لحم من شافتني ركصت

كالت...انجب يالشامت چد ذراعه وعرس بي انجب يالشامت....

اني ضحكت وضليت واكف اجت باستني حيييل...

انتبهت علئ ازهار بنت عمي واكفه علئ صفحه وحزينه حييل...

ازهار مو مثل البنات...هووايه بيها صفات من منارس..

بس منارس احلئ والطف...

منارس حلووه حييل وجمالها طفوولي...

اما ازهار مو محلوه لا يعني بس هوواي يحتاج الها ترتيب وجهها منكرش...

ملابسها رثه...

حوار جوه عيونها عبالك بيها فقر دم...

بس اني مجاهل نظراتها احسها حزينه حييل خاصه اليوم...

لعنت نفسي الف مره لان احس نفسي زاعجها اني من طبعي مااحب اجرح شخص...

وخاصة انسانه مثل ازهار هادئه وعفيفه وطاهره...

متستاهل بس مو قسمتي جنت مفكر بالجمال...

هسه كاره نفسي علئ اختياري....

شخصيتها حييل مستفزه حنان وتعاند ومكروها...

تندمت علئ الساعه لعرفتها بيها...

عفتها ورحت رحت الغرفتي...

وتفكيري متناقض بين حنان وازهار...حييره صابتني وحسدت منذر علئ منارس...

الله كريم مو نصيبي....

.....................

منارس

سبحت وكعدت اقره...

جنت يم امي وجدتي ومليت كلت خلي استغلن الوضع واقره....

صدك ضليت اقره راح امتحن خارجي نصف السنه...

تعبت اليوم حييل...

مشطت شعري وعفته مفتووح....

من التعب نمت بسررعه....

ماحسيت علئ روحي رغم جنت منتظره نذري...

شوويه وفتحت عيوني شفت وثاب وجهه مخرمش واسوود ومزلغ...

وياه فاروق لازم حبل....

من شفتهم صررخت حييل ردت انهزم...

بس وثاب لزمني من رجليه مخلاني انهزم...

وفاروق ابتسم وعكد الحبل....

شفت نفسي حامل وبطني جبييييره...

لزمني فاروق من شعري وربط الحبل عليه واني الزم بااديه...

واحرك برجليه حيييل مااكدر واصىررخ...

وثاب ربط الحبل علئ ركبتي وجراه حيييل حسيت انحزت ركبتي...

اصرررخ ابجي استنجد بمنذر ماكووو

شفته اجه مثل النقطه بوسط ضلااااام...

بس هو ضاااوي مثل الاسد

همست بتعب...منذر راح اموووت منذر

باوعلي بحزن واسئ وجاوبني بحييره...شبيدي علييج

دمعت عيوني واني بين اديهم...راح امووت شوفني راح امووت...

جر نفس قوووي واختفئ ويه النقطه البيضه....

واني انكطع نفسي ومن الخووف والضغط ولدت

اشووف الطفل طلع يصررخ بصووت واني انتهت عندي الحياة....

فزيت مرعووبه واني اصررخ....

شفت المنذر واكف ينزع بقميصه هسه جاي...

من شافني اصررخ اجه ملهووف عليه...

لزمني واني اضررب بي....

لااا لااا عووفوني منذررر نذررري اختنكت ااااه

هو دفن وجهي بصدره وكتم كلامي....

همس بهدوء وهي يمسح علئ شعري الرطب...اهدي يعمري اهدي يروحي ماكوو شئ

دفعته ولزمت ركبتي باوعت علئ الجربايه ماكوو طفل

لزمت بطني مو حامل...

شنهي الصار اني وين ...نذري ليش ما ساعدني...

شردون مني اتحلم كل حلم ولا الثاني

انه موش بخييير انه بخطر

شنهي الراح يصير ويدمر حياتي....

ماكدرت افسر الحلم ولاده متعسره مشنقه ونذري ما يساعدني...

ووثاب وفاروق هم السفاحيين...

حطيت راسي علئ المخده وبجيت باسئ الحلم رعبني...

زلزل كل ذره بجسمي....

لشتي كلها ترجف...

حسيت بحضن المنذر احتواني وسحبني الصدره وتكلم بصوت اشبه للخدر...لا تخافين اني يمج

بلعت ريكي ونزلت دمعه يتيمه علئ خدي...ياله جنت اناديك ما تجيني طلبتك تساعدني

ما ساعدتني دكلي شبيدي عليج...

رفعني لصدره وركز بعيوني الدامعه همس...مهضومه يگلبي....

باوعت عليه وتنفسي شويه وينكطع همست...ما شفت الشفته...انه متت وتعسرت واختنكت وانعدمت

انت ما تعرف شنهي الصار انه اليوم تبهذلت...

باسني بشفايفي وابتسم....اني يمج لا يمكن اعوفج اضغاث احلام لا تفكرين هوواي ورتاحي ماكوو شئ

جريت نفس قووي...لا تندگ بوثاب عوفه رحمني فدوه...

احتضن خصري وضحك...يروحلج فدووه وثاب وابو وثاب وعشيرته كلهم...

انتي المدلله مالتي لا تخافين محد يكدر يوصلج..

حطيت راسي علئ صدره وكلبي شوويه ويوكف دكاته سررريعه....

هو حط ايده علئ صدري كال بخوف..كلبج راح يطلع من مكانه اهدي يعمري شسالفتج...

حضنته حيييل وبسته بصدره وغمضت عيوني

اما هو رجع خصلات شعري وره اذاني وضل يهمس بكلمات يهديني بيهن وكل شويه يبوسني...

خفت ارجع للنوم واشوف الشفته تعبت....

هو بعدني شوويه راد يكووم واني سحبته بلهفه وشوك وشهگه

حضنته ماردت يكووم صرخت ...لا تعوفني

هو تنهد ورجع سحبني تمدد ومددني وضل يمسح علئ ضهري و شعري واني ابجي بحضنه.....

خلص اليل واني ابجي وهو يقره عليه ايات ويبوس بيه...

ويسحب ايدي ويبوسها...ويطمني

وبعدها رجعت نمت....

...........................

ثاني يوم العرس....

العالم كلها التمت...

ومنذر ومنارس المسعده نايمين

وامي تاكل بروحها شكد عيب هي يوميه تكعد من الصبح اليوم نايمه....

امي صاحت عليه كالت روحي دكي الباب كعديها....

واني مقبلت اخاف يطلع منذر بوجهي وتعالي جيبي الي يسكته....

البارحه اقاربنه شافوو عمر كلها انعجبت بي

وتندمت علئ الساعه الحبيت بيها الكلب فاروق...

بعدها ماما راحت دكت لباب علئ منارس....

....

جنت نايمه مااسمع اله الباب تفلش

كمت بسرعه بعد ما بعدت ايد المنذر

فتحت الباب شفت عمتي عيونها بكصتها كالت...عيني ست منارس عدنه عرس غير تكعدين من وكت...

كتله بخوف...اي عمه كعدت

بسرعه رحت سحبت حجابي وغسلت وجهي وطلعت

وتلكتني جدتي بذيج الرزاله

شنهي ولج تبغددتي تتعيقلين ونايمه للتسعه

وحك ابو فاضل اليوم اكلن الصلف عليج اخلي يجسرج بمسحاته

لا والله اخلي يطبع عكاله علئ جلدج

ولج جنتي ويه طرت الفجر ترحين تحشين لحشيش...

عمتي كلتلها...لا انوب اجتني الدراسه مال تالي وكت

اي حقها تعبانه عدكم وتريد ترتاح عندي مو مفتحه فندق اني...

جدتي كلتلها...خلي تولي اطييح حضها

عمتي رجعت كلتلها...علئ كيفج الحق ينكال هي تكعد من الصبح وقايمه بواجبنه

بس هل دراسه العبت بينه

جدتي كالت...موش صوجها صووج رجلها...

سمعت صوت المنذر وهو يكلها...اي اريدها تصير محاميه حتئ بالمستقبل اذا تطلكتي من صلف هي تدافعلج

انه ضحكت

وجدتي صاحت...يمممه اسم الله هذا فالك بيش طالبني....

حط ايده علئ جتفي وكال...هذا قراري لا صلف ولا الاكبر من صلف يغيرني

انه حييل فرحت بكلامه وحتئ امي...

وجدتي سكتت وعمتي ماحجت ولا كلمه...

ضلينه ننضف وساعه نركص....

كالوو راح تروح زفه....

لبست فستان احمر بس موش حلوو لا يجنن

اشتراه الي نذري

طلع يجنن عليه حطتلي مكياج هاله ورحنه

صعدت ويه المنذر بسيارته...

كال..شطالعه مووطه اوووف والله لو ما لزفه هسه اخذج للفندق...

درت وجهي وضحكت...يممه مووش راحه

كال...اني عاقل بس انتي اوووف منج انتي تعلين كلبي...

كل هل الجمال وترديني ساكت....كرصني بخصري حييل

صرخت وبعدها ضحكت ودرت وجهي همست...ماتكعد مو اكلك موش راحه

#مناري قالت لي 👇
(عينك شگد وكحه) فقلت
منين مايندار خصرج كمت اميل
عاقلات عيوني بس خصرج يعيل

وصلنه للبيت اهل العروس ونزلنه...ضلن يهوسن ويركصن....

والعروس تضحك والبس يبوو لاعبات لعب

اخذها مؤيد وطلع جانت بدون حجاب....

انه طلعت غير اركب بسيارة نذري...

لكيت ام العروس وبشرئ وبعد وحده وخالة العروس كلهن صاعدات وياه....

حصرتني البجيه..كرهت رووحي...

جدتي سحبتني وركبتني بالكوستر

جانن البنات يدكن ويركصن واني ولا يمهن المنذر حرك كلبي...

بشيره صعدت وياه وانه خلاني الوحدي...

بس هسه يجيني تالي اليل يبوس ويتوسل والله ولا اقبل...

وشيريد يسوي خلي يسووي....

اباوع نيران صاعده ويه عمر وهاله وعمتي كلهن وياه

ويصفكن ويضحكن وبشيره كاعده وره المنذر مباشره

جنت مركزه بين السيارات علئ سيارة

ابدد مااهتم وباوع علئ سيارتنه

جان فرحان ويضحك وهنه يسولفن وياه وهي منتجيه علئ الكرسي مالته....

اذا يدير وجه صدرها بوجهه...

افوور من القهر افووووووور.....

سكتت وبلعت مووس...

وصلنه للبيت والقهر ياكل بكلبي...

ماانطيته اي اهتمام...صبوو عشا واني كفيت المواعين ونزعت فستاني...

وذبيت حركتي بالشغل

هو مااهتم عنده عادي

بعدين كالوو هذول اخت العروس واقاربها منو يوصلهم...

عمتي كالت ...منذر موجود

وهو ما صدك اخذهم وراح....

انه تخبلت خليت ورحت الغرفتي لفيت راسي ونمت بعد ما شبعت طن بجي...

كعدت الصبح لكيت روحي بحضنه حييل شمئزيت

بعدت ايده من خصري ورحت سبحت وطلعت برره

شفت العروس لحد الان مكاعده هي ومؤييد....

سويت ريوك كلها تريكت...

شوويه واجوو اهل حنان...

جايبين كيمر وكاهي وكعدت حنان سبحت وبدلت

كالوو خلصت شغلتهم من البارحه....

هزيت ايدي ورحت طلع المنذر شفته ما صبحت بوجهه

التقت بي حنان ضلت تشاقه وياه وتضحك

وهو يضحك وياها انوب اجت بشرئ ضلت تضحك وياه...

كلت ميخالف تصرفات طبيعيه ماكوو شئ

اجه ورايه حصرني بالمطبخ

كال...شبيها حبيبتي جنها زعلانه مني

باوعت عليه بضيق همست...ياله ماكوو شئ متوهم

درت وجهي وهو باسني بجتفي كال...لا اكوو شئ

كتله..معجبني تصرفك وضحكك ويه مرة مؤيد واختها

كال بااستغراب..عادي مرة اخووي واذا تشاقيت وياها بعدين هي بدت مو اني

هزيت راسي بأي وسكتت...

هو رجع باسني وطلع....

.............................

جنت كاعده انضف بالبيت بعد جم يوم تبدي امتحانات نصف السنة...

وانه امتحن خارجي سادس ابتدائي موش مثل ام طالب ي
بالمدرسه...

صار عشر ايام من تزوج مؤيد...

مرته تحبه ومن النوع الجريئه تلبس اله مشلتح وما جنها عروس...جنها تعرفه من ستين عام....

واختها بشرى بين يوم ويوم تجي...

تضحك وتشاقه اجتماعيه بسرعه تندمج...

وتتشاقه هوواي...

ومن تشوف منذر تستخف تضل شكد تضحك حتئ تجذب انتباهه...

وهي حلوه صاحبة جسم حلوو وطوويله ومخصره...

وتلبس ضيگ وگصير...

هي بيضه وشعرها لنص ضهرها جوزي...وعيونها صغار بس حلوات وخشمها شويه بي كبر واكطش...حلكها حلوو

بصراحه هي حلوه بس موش بحلات رويجه...

روجين احلئ منها...

هل ايام خانسه روجين لا حس ولا خبر

المنذر يكول سفرتها وياخوفي بعدها مرته وحامل منه يمكن هسه جابت ولد

بس الشئ الكارهته هو مرة مؤيد هواي تضحك ويه المنذر وتحجي وياه...

وهو يجاملها ويسولف وياها

وانه اضوج هو حاس بيه اضوج وانقهر بس مغلس وهواي تطلب منه

فدووه منذر مشتيه موطه مشتهيه لفات...

مدكول لرجلها دكول للمنذر والمنذر يوصي اصدقائه يجيبون للبيت

احسها هواي تدلع عليه وامرها غريب.

مرات من يجي من الدوام الكاها صابه اله غده

لو تنزل نفسها تريد تنزع حذائه هو ميقبل يكلها...اني منارس ما اقبل تنزع حذائي وهي مرتي مو انتي مرة اخووي

وتفتر عليه ولبسها حصر يخزي...

كرهتني بعيشتي وتلزك بجسمه مااعرف شتريد

دخل لمنذر لابس الزي العسكري...الزيتوني...

ابتسمت هو باوع عليه اغسل ابساطات وفرشات بالحوش..

ورافعه لثوب لحد الساق ومتحزمه...بس كاعده كعده واغسل بالفرجه...وحجلي برجلي

هو تقرب من يمي وعبث بشعري بيده...

همس...حجلج اول هزيمه اليه...

ضحكت باوعتله همست...الله يساعدك ويقويك يا بعد كلبي اصبلك غده

كال...ليش محد يساعدج

جاوبته...موش مرة مؤيد بعدها عروس ونيران هم تنضف خطيه...وعمتي جبيره مو مال تضيف...

وراح للاستقبال ركضت سحبته من ايده بس هو يمشي سريع...

كتله..عدنه خطار

هو عباله جذب راح فتح الباب جانت كاعده بشرئ ومرة مؤيد حنان ونيران وعمتي يسولفن ويضحكن...

تفاجئ من شافهن همس بهدوء...السلام عليكم

هنه ردن...وعليكم السلام

هو عقد حواجبه ورد بتقه....نيران كومي ساعدي منارس..

هي وكفت بسرعه وجاوبته...اي تأمر

خلت وراحت عمتي تشوف الغده...

ونيران طكتني بخزره....

دخل مؤيد انه بسرعه نزلت ثوبي وفتحت حجابي جنت محزمه بي ولبسته...

مؤيد..السلام عليكم

جاوبنه...وعليكم السلام

كال...بشرئ اخووج واكف بالباب يكول يالله خلي تجي

المنذر كال...لا ضلوو تغدوو وروحوو

هي فرحت كالت...افااا ابو محمد يعزمني وروح لا لا كول لاخويه خلي يجي وره الغده...

كلها مؤيد...اي خووش

يربي حرگوو كلبي كلهم عيوني صارت بكصتي....

شعنده حاتم الطائي صاير كريم وميخلي ضيوفه يطلعون بدون ما يذبح حصانه...

ذبحو بشيره ام عطوب ان شاء لله بقضية شرف...

جان حنان زوجة مؤيد سحبت البيريه من ايده ولبستها وهي تتمضحك

حطت ايدها علئ خصرها ومالت براسها...هاا المنذر حلووه شنو رايك اصير ضابطه...

هو ضحك كلها...حتئ مؤيد يعلكج بالبنكه...

بشرئ سحبت البيريه من اختها ورجعت لبستها وعادت نفس حركة اختها

كلتله بدلع مصطنع...لا لا اني اصير ضابطه او ملازم اول شرايك سيدي...

هو ضحك واخذها من راسها

وانه الدخان ضل يطلع من خشمي تخبلت شهل مهزله

هي حطت ايدها علئ ايده رادت تاخذها

وانه سحبته مثل المجنونه الاخذوو ابنها منها...

صرخت بوجهه...عوووفي ما تستحيين يالله وخرري منا...

هي ردت بتفاجئ...علئ كيفج منارس ترئ ديشاقه ويايه ماكوو شئ...

هو صاح بوجهي كال...شبييج منارس

اني باوعتله بعصبيه وجاوبته...لا والله تتلزك بيك وتتدلع وتريد اسكت..شنهي والله ولا اسكت

هو عقد حواجبه كال...امشي الغرفتج بسررررعه

انه تركتهم ومشيت سمعتها دكله...منذر هااي شنوو من كل عقلها صح انت حلوو وهيبه بس مو معناها اني حاطه عيني عليك...

بس بصراحه هي مااعرف شبيها غيرانه مني...

هو كلها بجمود...لا منارس مو تغار بس هي هيج طبيعتها

انه رجعت عليها كلتلها...خايبه علئ شنهي اغار علئ عطووبج لو علئ بياضج كلج جلحه ملحه

هي كالت...انجبي وكلي تبن لا تغلطين خليني محترمتج مدامني ابيتكم...

رديت عليها...خايبه انجبي انتي واذا معاجبج روحي لاهلج

المنذر تخبل لزمني واني اغلط وهي تغلط واختها تغلط

وعمتي اجت تصيح كالت...دهر صابج منارس مصارلها اسبوع من عرست شديتي وياها

اثاري محد محركج واني اكول فقيره

وضلت تعتذر منهن ودكلها امسحيها بوجهي لا دكولين لاهلج...

اني المنذر سحبني ودفعني بالغرفه وعيونه بكصته

كال...لج حماااره تخبلتي..شبييج ما دكليلي شبيييج عقلج ضاارب بيج خيط براسج

جاوبته بعصبيه...يا له مابيه خييط بيه بكره كاامله انه مخبله مسودنه شتريد...

هو تقرب مني حفر اصابعه بخدودي وعيونه الحاده تقترقني همس برعب....عدلي اسلوبج لو وحق الله اطييح حضج

جاوبته بنهيار...اسلوبي ما بي شئ بس انت متغير حييل

تنهد وبعد اصابعه من وجهي...اني ممتغير بس انتي صايره همجيه حييل..

انقهرت من كلامه...موش همجيه بس انت ابو نسوان ومنو تشوفها كلبك يدك

عبن كلبك رهيف يحب كل النسوان

هو تخبل دار وجهه عليه وعيونه تجدح وملامحه تغيرت رفع اييده بعصبيه ونزلها بكل قسووه علئ خدي...

صررخت بااااااه وحطيت ايدي على وجههي ببكاء...

اما هو ضلت عيونه تتاملني بكل قسووه همس من بين أسنانه...ليش تخليني اشوفج وجهي الثاني

همست بخفوت وصل المسامعه...جاا شنهي انه مجذبه انت حتئ علئ مرة اخووك حاط عيينك

اني مكلت هييج عساني لا كلت هجم عليه بكل عنف...

مااحس غير بالراشديات والبوكسيات تجيني من كل جانب..

وانه اصررخ وتتخبط بين اديييه....

نهاية البارت...يتبع

كونوا هنا كونوا بخير...احبكم💔

نور سمو العراق..