رواية #رواية...انا هي نساؤك.. الفصل الثالث وثلاثون 33 - بقلم الكاتبه سمو العراق

البارت الثلاثون
رواية...انا هي جميع نساؤك
بقلمي..نور سمو العراق

💔💔💔💔💔💔💔

كومن اكعدن لا تسون رواحجن نايمات ليل كله كاعدات مو نعستن 😂

................ ....................

سمعت كل كلامها هي واختها صابتني حاله من الذهول والصدمه...

معقوله مرة مؤيد تخوونه...ليش،شنو السبب سوده عليه مؤيد فقير ومسالم ليش هيج يصير بي

شنو الحكمه من الي ديصير...

كسر خاطري مؤيد صعبه عليه عرضه وشرفه يطعنه بضهره...

اتشجعت وهديت نفسي ما ردت اخطي بخطوه واندم عليها...

لازم انطيهن الامان واخبر المنذر بالسالفه ونشوف شنو الحل

احتمال نخليها تطلب الطلاق وتنفصل عن مؤيد بدون فضايح...

مهما يكون هي زوجته وتنحسب عليه...

رحت بسرعه طلعت للحديقه نزلت الكابينه طفيت الكهرباء حتئ ينتبهن الوجودي...

رجعت دكيت الباب ودخلت صحت...يا اهل الدار وينكم اشووو محد

طلعت هي من غرفتها بسرعه كالت...هلا هاله اجيتي

ابتسمت بوجهها عكس تيارات القهر الي بداخلي جاوبتها...اي اجيت شنو الجهال لسه نايمين

كالت وهي تحط ايدها وره ضهرها..ما اعرف بس اكيد نايمين لان ما الهم حس

كلتلها...وانتي وين جنتي

ابتسمت بهدوء وردت ...وين يعني بغرفتي كاعده ويه اختي خطيه نضفت البيت كله مخلت شئ

ضحكت بااستهزاء ...معدله بس شنو تضل طول عمرها تخدم لان منارس هماتين حامل

هو رفعت حواجبها بااستنكار كالت...اوووف حامل لعد هي مو زعلانه شوكت حبلت

انقهرت حييل من كلامها الما تستحي تتهم منارس باطل تروح فدوه لتراب رجليها

جاوبتها بحده....لا تشككين بمنارس ترئ مصار يومين من زعلت وبعدين منارس شريفه مستحيل تنجرف لهيج شغلات وانتي تعرفين كووولش زين...

حركت شعرها بغرور وردت بااستهزاء..وهسه هي معرفت اله تحبل ويايه بعد منو يشتغل جان انتضرت اجيب وتحبل لو استعجلت

جريت نفس وباوعتله بعصبيه...يعني شلون نرجعه رزق من رب العالمين ورزقها وبعدين منارس تستاهل يكون عندها طفل،لان شريفه وحبابه...

هي تخبلت فتحت حلكها ترد ...

ودخل المنذر ونيران...

من شفت نيران انقهرت رحت الها بلهفه حضنتها وهي بجت

طلعت بشرى اول ما سمعت صوت المنذر شكد حقيرات وتافهات

شلون بنيه شايه اهلها يخلوها عند ناس،غرب وعدهم ولد صح نيران غلطت بس،ابد متتقارن بيهن...

وكفت قريب من الباب،وصدرها طالع وثوبها قصير وتباوع للمنذر وتبتسم

هو ممقلد الها عنده جوهره شيسوي بالزبايل...

هو من شافها تتماوع وتدلع وتضحك خله وطلع...

ونيران سلمت عليهن وراحت لغرفة امي

حنان كالت...اووف شكد يزعلن مدري علئ شنو شايفات روحن اجت زعلانه السنيوره

اني سمعتها وغلست محبيت اعاركها خاف بعدين افضحها ويكولون لان متعاركات تهمتها بشرفها...

رحت وره نيران ...تبجي حيل ومتغييره

حضنتها وهزيت راسي بعدم قبول همست...ليش دتبجين يعمري

بلعت ريكها وكأن الكلمات اتلاشت عندها جرت نفس وكملت بحزن...عمر طلكني

فتحت عيوني مصدومه...طلكج شبسرعه

ردت بحقد وعصبية...الحقير السافل الزمال اعتده عليه وطلكني حسسيني شكد رخيصة...

اخذ كوولشي وبعدها طلكني اكررررررههههه

لزمتها من وجهها وحضنها...كافي،حبيبتي اهدي خلي،يولي ميسوه اضفرج

ردت ببكاء...اني ما اسوه شئ متت مليت من يوم ذاك اليوم واني حالتي،حاله محد يحس،بيه

صار اكثر من شهر من تزوجته اسلوبه جاف ومحتقرني ومان عليه

انتحر حتئ ترتاحون كلمن محتار بمرته وين اروح

جاوبتها بهدوء واني امسح علئ،شعرها...ماما موجوده هي تحتويج انتي بس اكعدي ولا تسوين مشاكل والكل يصير وياج زين...

مسحت دموعها وردت...هو المنذر ديكول عمر كال كم يوم واجي اخذها بس ترتاح نفسيتها

بستها وبتسمت بهدوء...لعد لا تخافين يرجعج بس،شنو اني انطيج طرق اخلي عمر يتخبل عليج وابد لا ترضين

مو مثل منارس يكتلها منا وره شويه تلكيناها كاعده تصييح اسسد اسسد احبنه ههههه

نيران...ههههه وعمر صديق الاسد نمر نمررر اكرهنه

ضحكت كلتلها...صدوك منوره حامل

رفعت حواجبها بتفاجئ وابتسمت ...صدووك مبروك تستاهل...

رديت ...اي خطيه تستاهل

............................

منارس مر اسبووع وانه عد بيت عمي

بس شنهي متضايقه عبن استحي من جويسم ابن عمي

صدك هو فقير وحباب وموش عوينجي بس يضل زلمه وعده شوارب....

بس جدي حلف ما يرجعني ويخلي المنذر يدگ برأسه موش يريد يرجع كرامتي....

من دره بيه حامل تخبل وكل شويه ومودي امه تجيب بالفواكهه وبيت عمي ياكلون...هههههه

ما يخلون شئ الاخظر واليابس ياكلونه

والحلويات يجيب شكككككككد وزهيره عبالك هي تتنسه اكلتهن كلهن...

وضلت اليل كله تتقيئ...

انه مااكل نفسيتي مسدوده رغم هو يجيب اشكال وانواع موش هو ضابط ويجيبون من شارع النهر. من سوق العربي

واكوو واحد لبناني بفندق شيراتون مخلينه علئ الحلويات يسووي المنذر يوصي مؤيد ويجيب اشكال وارقئ الحلويات ...

وجاسم وازهار وجدتي ياكلوون...

والمنذر كل يوم عد بيت عمي يلعب طاولي...

جان حتئ ما يروح يسير عليهم بس من زعلت يوميه جاي ومصادق جويسم...

وبس يدخن انه اعاين عليه وأحترم مثل الجكاره عبن شنهي مقهوره عليه سوده عليه

مبين مقهور وجه ذبلان ورايحه روحه انه متاكده لو موش بالجيش جااا ربه لحيته علئ فراكي

بس شنهي هو بالجيش بس شواربه حزنانات عليه

يمممممممماي احبببنه فدووه اروحن لشواربه عبنه حلووو حلووووو....

خليت ورحت للحديقه مرات اختنك اريد اشم هوه وانه احبن الزرع...

وكفت بالحديقه غمضت عيوني وفتحت اديه وانه استنشق هوه نقي...

ما احسن اله اديين قاسيات احتضنن خصري...

خفت اول مره بس،عرفته وعرفت لمساته هذا نذري حبيبي

باسني بخدي ودارني عليه كال...مناري

يمممه يا فرحتي بشوفته بس شنهي انه لازم ما ابين اله انه هيج احببنه

وخرت اديه من خصري جاوبته...شنهي وخر مني انه موش زعلانه ترى

ابتسم بحب كال...اراضييج لج ما متعوود تغيبين عني هلكد ما متعود علئ غرفتج بارده خاليه من شقاوتج

احبببج

رجف كلبي من كلامه يممماي يجلط يجلط

حط ايده اسفل بطني همس بحنين...شوكت ترجعين والله مشتاقلج اريدج تدللين عليه دكولين مشتهيه رمان مشتهيه فراوله مشتهيه تفاح

اريد احس بيج حامل واداريج

وخر ايده من بطني جاوبته ...ياله مشتهيه دهن حر

كال بقهر...عمي اجيبلج بقره واحلبها حلب بس ارجعي

درت وجهي بدلع...ماا ارجع عن شنهي اريدك تحترمني انت موش ما معترف بيه

ضحك بهدوء...كلهم ما معترف بيهم اله انتي معترف بيج واحبببج واعشقج

عدلت شعري وانه افيك واتماوع مثل حنينه ..ياله راحت عليك مصيرنا صار بيد جدي صلف ومن بعد حجايته انه ما الي حجايه

هو عض اصبعه بقهر كال...اوووف احترك صلف هو وعشيرته عمي انطوني سندي وطردوني من العشيره و رجعولي مرتي...

ضحكت بصوت عالي صدك ضحكت من كل كلبي

كتله ...ان شاء لله ضحكة خيير وشرها علئ حنينه

هو جر نفس كال....امييين وهسه ما ترجعين

جاوبته...موش بيدي بيد صلف احجي وياه

تنهد بحزن كال..حجيت وتوسلت يكول عندي شروط ولحد الان ميحجي شنو الشروط يكول خليها هسه مريضه....

رجع حضني كال...صدك مريضه يروحي

جاوبته بحنين...موش هووواي لا تنقهر

نزل راسه وباسني برگبتي ابتعد شوويه كال بهيام...يا يابه يابوويه والله ترفه امووت علئ ترافتج...

خجلت حيييل دفعته وركضت لجوه...

وهو يضحك ويكول...علئ كيفج حبيبي ديري بالج علئ عائلتي لبطنج...

دخلت جوه وانه اضحك والمس خدودي نااار من الخجل

يممممماي مو رجال انتقام انتقااااام فدوه اروحله انه وعشيرتي....

رحت لفراشي ونمت وانه استرجع كلام نذري يا فديته وفديت كل شعره بشاربه ابدي انومنه بكلبي واقفل عليه....

من بين افكاري تذكرت اليوم اخووي عابد كال

جدي تعارك ويه وثاب

و وثاب صار نعجه خووثه

خلصها تامر شيخنه ابوسن ايدك شيخنه

منارس اختي بعد ما اتگرب عليها واشيلنها من بالي

وجدي صلف گاله...انت لازم هذا الاسبوع تدور الك مره وتزوج عين اذا ضليت اعزب اجسرك وروح ذولاك ولدي الغطاهم التراب

و وثاب گاله امر وطاعه عد عيناك يا شيخنه انت تفصل وانه البس..

فرحت كلش من جدي هيج سوه

عبن صدك سند ورفع راسي....

.......................

هاله صار اسبوع علئ،الحاله الصارت وخيانة حنان المؤيد...

بصراحه خلصتها قهر وبجي ومرتفع ضغطي صدك قهر لان اخوويه خطيه ممقصر وياها

مخلصها شغل وشتريد يجيب الها لكن هي للاسف ما نصحت وياه

قررت اجمع مؤيد والمنذر وجدوو صلف واحجيلهم الموضوع...

حجيت ويه زوجي كتله يوديني البيت اهلي

وهو خطيه مقصر كال...يالله امشي

صدك بدلت لجهالي وحظرتهم وحظرت نفسي وركبنه بالسياره ورحنه...

وصلت للبيت لكيت امي كاعده هي ونيران وتلوم عليها...

لان عمر جاي ديرجعها ومقبلت...

وامي كل شويه وضربتها...علئ جتفها

ونيران معانده متقبل ترجع وعمر تخبل شلون رفضته

عفتهن ورحت حنان نايمه

لكيت منذر و مؤيد كاعدين علئ يباوعون فلم مصري

شافني المنذر وكف كال .. هلا هلا بام محمد

ابتسمت ورحت سلمت عليه

خطيه مؤيد يبوس بجهالي ورجع سلم عليه

كعدت يمهم شوويه كلتلهم بهدوء...اريدكم بموضوع بوجود جدوو صلف...

همه تفاجئوو ...سالوو شكو جاوبتهم ...نروح هناك وتفتهمون...

همه هم مقصرو خلوو وبدلوو ورحنه بسيارة المنذر

مؤيد ...من اجت هاله وكالت اجتماع مغلق ويه صلف ائيست

بس مجنت احس اكوو شئ

وصلنه البيت عمي ابو جاسم استقبلنه جاسم وازهار سوت جاي

جان عبالهم جايين نرجع منارس...

بس شنو شفت هاله تبسبس ويه جدي الموضوع قلقني...

بعدها جدي كال...يالله الكل يطلع من الديوانيه بس المنذر وهاله ومؤيد يضل

صدك الكل طلع بأمر من صلف...

هاله بلعت ريكها وكالت...اني موضوعي،يمكن يهجم بيت بس،بصراحه اني،لازم احجي هذا شرف وعرض اخوويه مااكدر اخلي مغفل لحد الان....

صلف كلها...حنان مرة مؤيد شبيها

هي انصدمت وتفاجئت واني مو بس تفاجئت لا انصرعت

معقوله مرتي شبيها شنو الديصير

كلها بثقه...كملي بعد جدج شنهي الصار

باوعت عليه وجرت نفس وطاحت دموعها بسرعه كالت...حنان تخوون مؤيد

وكفت مثل المصرروع من كلامها وكفت مصدووم كلتلها...شنوووو شنوووو انتي انتيييي شدكولين شنو مؤيد مرته تخوونه

هي نزلت راسها ومسحت دموعها كالت...سمعتها وهي تخابر بولد ودكله من تزوجت يالله رجعتلي

حسيت الرجفه وصلت لعظامي ونربط لساني

صلف باوع للمنذر وكله...اهااا جذبت منارس،يوم لعترفت عليها وهسه اختك من حجت سكتت

رجع باوعلي كال...يبعد جدك نعال ونكطع طلكها ما تسوه نعالك

انصدمت الكل يعرف والكل عنده دليل ملموس واني مطفي

ليش شنو السبب بشنو قصرت

مستحييل

انه اعرف تصرفاتها واشكي منها وامي دكوول لبنيه مثقفه اصبر عليها...

تخابر ومنارس لازمتها والمنذر كاتل مرته من وراي

وهاله لازمتها واني،اخر من يعلم

صدك لو كالوو اكوو مره تكبرك واكوو تسويك اصغر من النمله...

اخذت السوويج من منذر وركضت واني اصييح والله اله اغسل عاري والله اله ادفنها عدله

همه ركضوو وراي

بس جنت اسرع منهم فتحت السياره وركبتها وشخطتها بجنون...

وفتحت الجكمجه واشوف مسدس المنذر رفعته باانتقام وعيوني حسيت شيش،نار ودخل بيهن

لماذا انا م̷ـــِْن دون الرجال هكذا زوجتي؟
لماذا انا من دونهم جميعا زوجتي خائنه
الم اكن املئ قلبها؟ ولا حتى عينها؟
لم ترئ كل ه̷̷َـَْـُذآ التعب الذي تعبته م̷ـــِْن اجلها وتضع بعينها؟
استيقاظي منذ الصباح الباكر وذهابي للعمل وعودتي حتة المساء
م̷ـــِْن اجلها؟ الا يغزر بها كم م̷ـــِْن ليالي اسهر افكر بها وكيف اؤمن لـٍهآ مستقبل امين وحياه مترفهة كان طموحي الوحيد والاكبر في هذه الحياه هو اسعادها ف كيف لـٍهآ ان تجازيني بفعلها ؟
كم م̷ـــِْن ليالي لم انم وابقى اتأمل ملامحها بكل حب
اذا بماذا ان مقصر معها؟ في حب في عاطفة في مال بماذا
فعلها ه̷̷َـَْـُذآ جعلني اشعر بأني تجردت م̷ـــِْن رجولتي
جعلتني اشعر بأني ابله واحمق
وضعتني في قوقعة الحزن ومتاهة التفكير
وانا اقول كيف في كل هذه البرهة م̷ـــِْن الزمن هية تستغلني دون ان اشعر؟
يحز ع قلبي حين اخبره بأنه بعد التحضيات هذه والمعانات والتعب م̷ـــِْن اجلها ان تفعل بي هكذا وتخونني
كنا في كل مَـرّھٌ نجلس انا واصحابي كانت هواتفهم لم تصمت م̷ـــِْن كثر المكالمات بينما انا انتضر رنه هاتفي لارى مكالمة ‏​‏​منـِْها
لاكنني لم اجد
كنت ارئ الرجال حين تعود لمنازلهم
تستقبلهم المرآه وهية مبتسمة
وهية مجهزه لهم جميع احتياجاتهم
الا انا فكنت اعود ولا ارها الا حين انادي بأسمها
كنت اذا اردت شيئ يجب ان افعله بيدي لانها لم تجهزه ليـّۓ
قد تحملت منها ما لم يتحمله احد
كنت اريد صيانتها والمحافظه عليها
لاكنني لم اتصور في يوم م̷ـــِْن الايام تفعل بي هكذا....
WDQ__18
الخاطره بقلم المتابعه الجميله...ودق الوائلي

مااعرف ليش حسابها مدينضاف للبارت...

نهاية البارت ...يتبع

كونوا انتم كونوا بخير...احبكم

نور سمو العراق...

اعتذر عن التاخير وقصر البارت لكن صار عندي ضرف طارئ ابن حمايه وكع من الدرج واخذو للمستشفئ صارت عدنه خبصه

هسه من تطمنه كملت جزء من البارت اعذروني

تابعو حساب الكاتبه غفران بصراحه مبدعه ghofran_Mohmad