البارت التاسع والعشرين
رواية...انا هي جميع نساؤك
بقلمي...نور سمو العراق
💔💔💔💔💔💔💔💔💔
اين انت ايها الحب
لماذا تبتعد وتقول هذا هو القدر..
لماذا تجعلنا نعيش بك ولك
ومن ثم تختفي كانك خدعه للبصر..
تجعلنا ضعفاء بعدما كنا بك ننتصر..
وتدمر القلوب وتجعلها من بعدك تحتضر ..
اهي غلتطك ام غلطه اناس لم يعرفوك قط وجعلوك في هذا العالم تندثر..
هيا اجب لما السكوت
اانت الجاني ام انت احد ضحايا البشر
..................................
عمي كال يالله امشي وياي...
بس مرة عمي لزمتني كالت ...ياله عمه لا ترحين جاا شنهي المره ما تنضرب جنت انه و امج ابوج وعمج يكطعونه تكطع ما نحجي...
عمي صاح بوجهها...دشوفي شلون عينها حمره شنهي احنه موش زلم ما وراها ضهر ويضربها المنذر
شسوت و ضربها اعرفها فقيره وفطيره تاخذين لكمتها من حلگها ما تحجي..
مثلجن وحدتجن لسانها اطول منها
عمي،سحبني واخذ طرف شماغه ومسح عيني كال...اخذنج ونشوف صلف شيكوول...
هزيت راسي بأي وانه اشهك من البجي...
شافني جاسم ابن عمي كال.. هذا المنذر ضاربها وروح عمي اليوم اله ادچچه...« يضربه سكين »
انه ضليت ارجف وخفت يمه يضرب نذري ياله اروحن اهد وراه...
عمي صاح عليه...اكعد لك لا اطيح حظك مره ورجلها انت ياهوو
جاسم بعصبية.. انه ابن عمها
همست بخوف...جااا هو هم ابن عمي
عمي كال. يالله بساع امشينه ..
شلت جنطتي ورحت وره عمي وانه اشهك راح اودع بغداد وكل طوايفها....
لازم انسه نذري واراهن علئ نساينه
ياربي المنذر هان كرامتي اليوم...لازم انساه واشكك كل ذكرى وكل صوره تربطني بي
ياربي ساعدني وشيل حبه من كلبي
طلعت من البيت وره عمي....
رحنه للشارع ركبنه للنهضه ومن النهضه ركبنه للعماره
ودعت بغداد واني اتذكر كلام المنذر ..اذا رحتي للعماره اصير مو زين
هزيت ايدي بعدم رضا...لا تصير زين...هو انت يا يوم صرت زييين...
خلي يتهنن المسعدات امهات عطوب...
خذيت الطريق كله ابجي واحسن خدي نااار ناااار
وعيني توجعني ياربي انعميت....
مسافة طريق كلش طوويله ومتعبه وصلنه للعماره
و رحنه المنطقتنه ..استنشقت عطر محافظتي وريحتها الله يا ريحة هلي احببنهم
مشتاقه لامي واخوي وجدتي وجدي
نزلنه من السياره ومشينه مشي اباوع علئ الأشجار والزرع والحلال
حنيت للماضي وغرومه ما فاركت خيالي
جنه انه وياها نحش ونزرع ونرعي
هي ماتت وانه تزوجت واحد لا من مستواه ولا اكدر اتفاهم وياه
انه بسيطه باافكاري وهو متجبر كرهته بعد ولا احبنه
عبنه شنهي ضابط وانه فلاحه....
خايبه يرحلي فدوه كل نسوانه....
شفت جدتي من بعيد تحش بالحلال هي وامي
ركضت عليهن مثل اليتيمه وكالولها رجعت امج
هنه من شافني تفاجئن انه كل ما اجيهن اجي بغداديه هسه لا مبينه من الچابيش عبن تبهذلت واجيت اركض
حضنت امي وانه شبعت بجي وجدتي هم تبجي وياي وحاضنتني
سمعتها كالت لعمي...ياهوو وياها
كلها ....متعاركه ويه نذرها
سحبتني جدتي كالت...ياااا دهر صابه ليش هيج ضاربج
بلعت ريكي وشهكت....ماكوو شئ هو لوحده يضرب
جدتي...ياله جذب شوف شسويتي للرجال وكتلج عبن اعرفج تجفصين وتدوسين بالمصارين....
رديت عليها بقهر...موش هيييج
امي سحبتني كلتلها ..فدوه عمه عوفيها ما تشوفينها روحها رايحه مكطوع نفسها خليها ترتاح وبعدين نفهم منها
صدك رحت للبيت الطيني ومسكوف بالقصب
دخلت اووف شكد مشتاقه لعيشتي هنا انه ويني وين بغداد...
عمي ابو جاسم كال...وين ابووي صلف
جدتي جاوبته...عنده طلابه بقلعة صالح وراح يحلها وعابد راح وياه...
عمي خله وطلع يشوف الحلال...
وجدتي وامي استلمني اسئله ورزايل ما اهتميت الهن لفيت راسي ونمت...
وانه ابجي احسن المنذر مثل ابوووي الاحبه ومااكدر علئ فراگه...
مقهورة لان عفته واجيت ومقهوره من شخصيتي المعفنه التحبه لهل درجه ومتقبله كل اهاناته....
مااكدر ابتعد عنه احببنه اموتن عليه
بس هو ما يتفاهم وما ينطي بهل نسوان انه احجي الجدي واشوفه شيكول ..
بس خاف نذري يكول عليه فتانه وگراشه ما تضم سالفه
خليت ونمت....
كعدت باليل لعبانه نفسي من ريحة الصخول...
اسمع جدي يكلهن ...شسويتن عشا المنوره
جدتي جاوبته...تمن وروبه
صلف تخبل كلها...البت وعمها جايين من بغداد تعشينهم تمن وروبه
كوومي شويلهم سمجه من الصاده عابد
جاوبته...باجر اسويهن علئ الغده
هو صاح بوجهها...خايبه كوومي لا اچسرچ بعصاتي
هي كامت بسرعه وكالت...اي اي تدلل يا ابو محمد
جدي صلف كال لامي...كعدي منارس خليها تجيني للديوان عبن اريدن اشوفن شنهي قضيتها
امي جاوبته بتوسل...عمي فدوه اروحلك علئ كيفك وياها والله لو تشوف خدها تنقهر عليها عبن مشوهه تشوه
هو رد عليها بجبروت...لا تخبلن البنيه على رجلها
خطيه امي سكتت وهو اسمع بس صوت نعاله طلع بره
امي كعدتني كالت...منيرس،يبعد كلبي لا تضلين تجفصين بكلامج احجي عدل وفهمي جدج زين احجيله كلشي
جاوبتها...ياله مااحجي علئ نذري اخافن يضل يغلط عليه
امي كالت...جااا ويغلط شنهي معصوم ما نغلط عليه
جاوبته بجمود...مااحبن واحد يغلط عليه...
امي جرت نفس عميق وهزت ايدها
انه رحت غسلت ورتبت شعري ورحت يم جدي
شفته كاعد بديوانه واخووي عابد يصبله كهووه
انه ركضت عليه وبسته بيده وهو حضني وباسني بكصتي وضل يسأل عن احوالي
وكفت باوعت لاخوي عابد جان شايل الدله والفنجان بيده
ابتسمت اله بحزن فتحت اديه استدعي لاحضاني صار هووايه ما شايفته
هو حط الدله والفنجان بالكاع واجه بلهفه حضني حييل وباسني براسي وكصتي وهو يكول شلونج يروح اخووج مرتاحه لو مهضومه
رجفت شفايفي بعبره وهمست...مهضومه يعابد
هو بعد وجهي من صدره واحتضن وجهي بجفوفه كال.. افاا ان اخوو غرام ما عاش اليهضمج يخووي ياهوو الهاضمج
هزيت راسي بلا ودموعي نهر جاري
مااحبن واحد يحجي علئ المنذر
جدي صاح علينه كال ...تعالوو اكعدوو
كعدنه مقابيله جان عابد يباوع الخدي ويعصر بيده وانه ارجف خايه من جدي
صلف...منهو وياج يبعد جدج
جاوبته بعبرة وبكاء.. جدي حياتي كلها غلط بغلط
جر نفس واخد خرزتين من سبحته كال ...غلط ؟ ضلمتج يبعد جدج :؟
نزلت راسي باسئ...لا ما ضلمتني جدي بس انه ضلمت روحي
جدي باوع لعابد كله...روح بعد جدك اكعد يم عمك وخليني ويه اختك
عابد بكل طاعه استأذن من جدي وطلع....
كال...احجيلي جدي شبيج
جريت نفس جاوبته بصراحه...انه يا جدي اشوفن غلط زواجي من المنذر هوواي بينه فوارق
هو ضابط وانه فلاحه
كال...واذا فلاحه هذا شغل موش عيب اهل بغداد ياكلون من خييره احنه نزرع ونحصد ونتعب بالبرد والحر وهمه ياكلون
جاوبت....هو من بغداد وانه من العماره هو يكول لعد وانه اكولن جااا
هو مخلص كليه ضباط وانه ادرس اميه
كل هذا يفقدني ثقتي بنفسي
جاوبني...انتي موش تدرسين
هزيت راسي بأي...بس جدي ساقطه بالدين ..اءء قصدي اكمال وبعد جم يوم امتحاني
كال..خووش كملي وتصيرين بمستواه من ناحية الدراسه
رجع كمل كال...هسه عركتكم علئ شنهي
نزلت راسي بخجل وحجيت بصراحه...جدي انه تعبانه حيل عندهم انضف البيت واغسل واركب واعجن واخبز
وعمتي من النوع تريده كله نضيف ويلمع وانه ما متعلمه علئ كاونتر وطباخ نهار كله افرك بالمطبخ
كال...جااا ومرة مؤيد
جاوبته بقهر..موش حامل ما تقبل تنضف
هو عقد حواجبه بعصبية كال...شنهي لازكته بعلج انه اروحن واقسم الشغل بينجن شنهي خدامة الخلفوها لنعل ابوها لابو لخلفها
مسحت دموعي بسرعه ...جدي اذا حجيت تصدكني يا تضربني مثل نذري
ضحك بهدوء كال...اصدكج
مسحت وجهي واديه ترجف جريت نفس،وتكلمت بخوف...جدي مرة مؤيد موش راحه
هو عقد حواجبه وركز عليه كال...افااا انه ابو محمد شلون ولج شهل حجي
ضليت اتئتئ بالكلام...انه شفتها تخابر جم مره وتغازل بولد ومن تشوف نذري تضل تسوي حركات موش حلوه تجذب نظر المنذر
جدي تخبل كال...جااا رجلها الفاهي ابو حلك وينه
رديت بخوف...ما ينتبه وهي ما تتصرف كدامه
مسح علئ لحيته باانزعاج كال...جااا ورجلج الاغم
جاوبته بسررعه ...ياله ياله نذري اسسد اسسد موش اغم
بس هو ما يحب يضلم اخوو
جدي كال...هااا مشكله جبيره هذا عرض وشرف عمتج شبيها ما انتبهت
منارس...عمتي دكول مثقفه وهذا لبسها
صلف...المنذر ضربج بسببها
منارس بحزن...اي لان انه حجيت وما صدكني خنكني وانه كتله تموتون على الموش راحه بس الشريفه تكرهونها وهو طكاني راشدي ونضربت بعيني...بس بيومها هي تغزلت بالمنذر
صلف بلوم...مو هيج الحجي يا جدي اولا لازم تحجين بهدوء موش هيج وكون ما صايره مشكله وبعيده عنكم مرة مؤيد وتحجين الرجلج بسياسيه موش طك بطك عباله غيرانه منها لو تذبين عليها تهايم...
جاوبته...انه ما اذبن تهايم انه سمعته اكثر من مره وصديقتي سعديه ام طالب هي كلتلي اشهريها
من ضلت تتغزل بنذري انه حجيت اله وهو ما رضه طكني
وانه اجيت زعلانه عبن مرتين انكتل من وراها.....
كال...هييين انه اعرف شلون اتصرف وما دام نذرج يصدك الساقطة ويضربج اله اخلي يعض اصابعه ندم
جاوبته بحزن ...ياله جدي علئ كيفك وياه عبن هو حباب وحنين خذاني للحبانيه وخلاني ادرس بس هذن ما يكعدن
جدي ضحك وسحبني لصدره كال...انه منطي جوهره لازم يبوس ايده وجه وكفه حتئ وانتي زعلانه تدافعين عنه
همست بخجل..احببنه مثلك جدي عاصفه عاصفه
هو ضحك بصوت عالي وضمني لصدره...
ابتسمت بهدوء وبعدها رفعت نفسي باوعتله ببراءه...جدي عندي موضوع ثاني
كال..شنهي؟
جريت نفس همست...وثاب
جدي باوعلي بحده...وشبي هذا بعد
منارس...جدي بس يسمعني كلام اذا شفته بمكان ويكول جنتي الي وانه وانه ويضوجني بكلامه وين مااروح اسمع العالم تحجي يكولون عافت وثاب واخذت ابن عمها
اريدك تحجي وياه يكف حجي هو وامه
صلف بجبروت...يسدوون حلوكهم وهمه الممنونين
واذا ما سدووو اعرف شلون اسده وانه صلف
ابتسمت بحب علئ كلامه واجت جدتي كالت..لعشا جاهز...
رحنه انه وجدي صبو العشا جان عباره عن تمن وروبه وتمر وفواكهه وسمج شوي وخبز شعير...
اول ما اكلت حسيت تزوهرت لعبت نفسي بس ضغطت علئ نفسي واكلت...
............. .. ...............
نيران ..
من بعد كلام عمر حسيت الدنيا سودت بعيني شنو من ضلم لحقه بيه عمر ..
خلصتها يومين بس بجي
قررت اخابر هاله تشوفلي،حل. ..
قفلت باب الغرفه ودكيت الرقم واتصلت بيها علئ التليفون الأرضي...
ثواني واجاني صوتها بس كالت الوو طكيتها بجيه بوجهها
تخبلت كالت...نيران حبيبتي شبيج؟
رديت بصوت خافت حزين...عمر
هاله بخوف...شبي عمر كتلوو:
نيران برعب.. لا اسم الله بس عمر جرحني
هاله...ليش شسوه؟
نيران...يكول اتزوج وانتي تضلين هنا معززه مكرمه
هاله بغضب...وانتي شكلتي اله
نيران بحزن...كتله ميخالف
هاله ...شوفي ولج كليله طلكني قبل لا تزوج عليه احنه بنات صلف محد يثني علينه
نيران بنحيب...ماا اكدر تعرفين اني غلطانه
هاله...واذا غلطانه عساس هو معصوم ما يغلط انتي انضحك عليج وتبتي
رديت عليها بحزن تتلي دموع غزيره...اي والله تبت وندمت وبعد مااعيدها والله
هاله ...احجي ويه المنذر واخلي يطلكج منه.
نيران هزيت راسي بأي. .ورديت اي كلي المنذر خلي يطلكني منه
ماا اشوف اله عمر دخل
ضل مركز عليه واني صابتني رجفه
كلتلها...يالله هاله مع السلامه
هو باوع عليه ونظراته تخترقني بلعت ريكي وشجعت نفسي
كال...تردين تطلكين
رديت عليه بشجاعه ...من حقي ليكون علئ بالك ارضئ تزوج وتخليني عقيم علئ كيفك لا حبيبي مو جاريه عندك واخويه ويتقبلني غصبا عن الكل
هو ضحك بصوت عالي مستفز كال....اهااا طلعت الوكاحه والعرامه جنت مسويه روحج بزون عميه وهسه طلعتي سعلوه تاكل الأخظر واليابس
غمضت عيوني باسئ ورديت بتهجم....طلگني
كال...لا والله
جاوبته ...لا تصير انصاف رجل طلك وروح بحال سبيلك وان شاء لله بيتك ينترس جهال
هو هجم عليه كال...والله صدك انصاف رجل ما جذبتي ولج طول السنتين المضن واني افكر بيج
ومتفاركين خيالي جنت اتمنئ اتزوجج وتكونين ام بيتي
جنت مفكر الي مشاعر بداخلج طلع كله رياء
وطلعتي دايخه بفاروق....
دفعني علئ الجربايه وفتح ازرار قميصه
كال...جبت عمري محترم مشاعري وممتجاوز اكول اخت اخووي وصاحبي ما احط عيني عليها وكاتم احساسي
وتالي اخت صاحبي طايحه حب وغرام ويه غيري
اذا اطلك اله اخذ حقي انه ازرع وغيري يحصد
جانت اعترافاته بمثابة صدمه اليه
هجم عليه بعنف للحظات انعاد عليه انقضاض وثاب وفاروق...
صرخت بصوت عالي لكن هو كتم انفاسي وقيد مقاومته...قاومته رفست عضيت خرمشت بس ما فاد
انتهت لحظاتي وايامي....
حسيت اختفت عذيرتي لميت الجرجف علئ صدري واني ابجي وانحب
وهو هادئ ومصدوم وعيونه بالسكف
كتله بعصبية وبكاء...طلكني طلكني طلكنييييي
هو لزمني بعصبيه وكال...انتي طالق
........ ......................
هاله...
رحت لاهلي شفت امي،تدك وتلطم
سالتها شكوو كالت...مرة المنذر رايحه للعمارة ورجلها ما يدري
ضلت تعد وتصفط عليها
اني صح ضجت الحق يقال البنيه تعبانه وحيل يستهزئون بيها وامي تاخذ حنان وتطلعها ومنارس مخليتها تخدم
دكول حنان شغلها مو نضيف مثل منارس
اني جريت نفس،كلتلها...يوم خلي الله بين عيونج منارس تعبانه ومحد يساعدها ومدكول ام جاسم المنذر ضاربها
ردت حنان..لعد شسوي غير اني حامل ونازل طفلي
باوعتله بنفاذ الصبر...واذا حامل قابل ملزك الله اذا يريد يحفظه اذا توكعين من الدرج ما يموت واذا يريد يأخذه لو تنامين علئ ضهرج مراح يحفظه...
امي كالت...علمود الشغل زعلت خووش منا وهيج اني اشتغل...ولا اخلي وحده تمد ايدها
حنان...لا حجيب اختي تنضف
يربي خبلني شلون يردن يطلعن منارس غلطانه جاوبتها...شنوو انتن شتحجن وبعدين شكو جايه اختج تنضف منارس ما شكت فديوم ونهار كله تنضف مو تردن تذب الصوج بيها
بس اني دقسم الشغل بينجن ..هي تنضف انتي سوي غده هي تخبز انتي غسلي مواعين ولا تخافين طفلج ميوكع اني اضمنه
شوويه ودخل المنذر تلكيته سلمت عليه جان خفر...
هو سلم وراح لغرفته...من عادته يسبح ويصلي،وينام
ضليت عدهم للعصر حيل مقهورة علئ نيران مسكينه ضاله محتاره وعمر يستغلها
كرهت اجي لاهلي من المشاكل وعدم الراحه هسه المنذر يعرف منوره راحت للعماره بدون علمه يتخبل
ردت احجي وياه بسياسه بلكي يقتنع.
صار دنيا العصر هو طلع من غرفته ابتسمت بوجهه وهو ابتسم
كتله بحنيه...المنذر عندي موضوع وياك
رد عليه بهدوء وابتسامه..بس اجيب منارس من بيت عمي باجر عندها امتحان
استغربت هي مو ناجحه
جاوبته هي مو ناجحه
ارتبك كال..اءء اي بس مو اريد اقدم الها علئ المتوسطه وهاي المدرسه يسولها إمتحان تجريبي حتئ يدخلوها تدرس...
سحبته من ايده كتله...تعال موضوع ضروري
وهو اجه ويايه كعد علئ القنفه واني،يمه كتله ...فدوه المنذر اريد احجي بخوص عمر ونيرا
عقد حواجبه وشفته استغرب كال...شبيهم ؟
بلعت ريكي وذبيت حسره ...نيران مسكينه عمر ممعتربها زوجه اله هو هم حقه لان احنه متحملنه الصار عاد مو هو
مسح علئ وجهه بتوتر وكال...ترئ مجبرته يتزوجها وهو طلب يتزوجها بس اذا معاجبه اجيبها منه ويطلكها
هاله بتوسل...اي فدوه منذر جيبها منه
كال...ان شاء لله هسه بس اجيب منارس اجيبها
وكف وعدل قميصه همست بخفوت...المنذر منارس بالعمارة...
هو رجع باوع عليه بتفاجئ وصدمه كال...شنووو لا عد بيت عمها
جاوبته...اجت ام جاسم وكال راحت ويه عمها
هو تخبل ضل يغلط ويسب واني مو كلتلها ما تروح والله اليوم اله اغطها بالهور.
اخذ مفاتيح سيارته ومسدسه وطلع امي كلتله...المنذر وييين رايح
هو كلها...لهاي الغضب الي ابتليت بيها....
حنان كالت...والله عرمه و وقحه شلون نسوان يطلعن بدون علم زوجها مدري شنو من نسوان
هاله...انتي اسكتي رجاءا
ماما كالت...هسه بهل ليل يسووي حادث المنذر من وره هل غضب منارس...
.............................
جنت كاعده بالغرفه الساعه تقريبا بالعشره باليل...
ضايجه حيييل عبن بشيره راح تستفرد بالمنذر وياخذنه ويحبنه
حبتهن سعدانه ان شاء لله...
باجر امتحاني وان كاعده هنا شكد قريت بالختلات
ومرات المنذر باليل يقريني يحفظني معاني ويقوي،خطي
كله راح راح....عبن شنهي حسين فهمي ما ينطي باليلئ علوي حنينه ام عطوب....
انقهرت من البارحه اجيت صار يوم بس شنهي عبالك سنه
خايفه حييل من غير احلامي الي تخوفني
طلع مووش اسسد طلع ثعلب ماكر يحب النسوان اكرهنه
ليش ياربي احبنه والله متت شنهي كان الخلقه ما خلق غيره....
بس اذا طلكني شلون اعيش
انه مااكدر اتزوج غيره احبنه حتئ ابن البدوي مااتزوجه
شلون اشيله من ذاكرتي...اشمر روحي بالشط وافقد ذاكرتي وانساه
ياله اطكن روحي بمسحاة جدي عبن صدك صدك افقد الذاكره...
بلكي احبن ابن البدوي...صح فقير بس ميخالف ابيع روبه
بلكي افقد الذاكره لان اذا ما فقدتها ما تزوج غير نذري
ما اشوفن اله گبت العيطه
رحت اركض واشوفن جدي هو والمنذر هو يصيح وجدي يصيح....
وكفت بباب الديوان وانه اشوفن المنذر هاجم علئ جدي
وروح ابووي وابو فاضل صدك موش رجال عبنه اسد اسد عاصفه تحرك العماره واهلها
المنذر بعصبية... اريد منااااارس لازم ترجع وياي
صلف بهدوء...ما الك مره عندي من تصير ادمي وتحترمها وتقدرها ارجعها الك مو تخليها خدامه لليسوه والمايسوه
هو جاوب...اني ممقصر وياها ومحترمها بس هي متعرف تتصرف
صلف...اي علمها مو تضربها لا عبالك انه مستهان بيها انه نادم علئ غرام واخاف علئ منارس لا مصيرها مثل اختها
راعي الله بيها ولا تكسرها تراها حساسه وفقيره
هو مسح وجه بتوتر ورد بهدوء...تتشكك بزوجة اخووي
صلف...ماكو دخان بدون نار ومنارس ما تتهم احد باطل انتم زلم لو شنهو انتبهو علئ نسوانكم
المنذر جر نفس...مؤيد غير هي مرته وينتبه الها اني اخاف احجي ويبركسوها براسي
صلف...يعني تدري بيها ساقطه
منذر...اني مشايف عنها شئ بس تصرفاتها مو منطقيه كم مره انبه امي دكول هذا لبسها وهاي تصرفاتها ما عدها شئ
صلف...خوووش من تتاكدون من مرتكم موش راحه بيومها ارجع منارس بس هسه لا عبن اخاف عليها شنهي انه مخليها بملهئ كلشي يصير غدرت بيها هاي ام الملاهي
المنذر بغضب...شنو احنه كواو...
صلف...اي كووا...
المنذر بصدمه وغضب...اكول جدي ولازم عليها احترامك بس احنه مو مثل ما متصور واني منارس صاينها وحاطها بعيني مااعرف شمصله الك حتئ لهلدرجه حاقد
انه كلشت انقهرت علئ نذري وابجي عليه عبن جدي داس بمصارينه اجيت اروحن اكله موش هيج يصلف علئ كيفك ويه عاصفتي...
بس من كال مدري شموصله انقهرت...
صلف....هههههه هنيالك علئ منارس تعرفها حجيها ما بي ربط حجايه هنا وحجايه بعلي الشرجي
خلصتها عليه علئ كيفك ويه نذري ولا تقسي وياه ولا تزعله
وتأكدت هسه انت ابد ما تستاهلها
المنذر جر نفس كال...باجر امتحانها لازم تمتحن
صلف...خوش هسه اروحن لبغداد واخذها تمتحن اخلص جم شغيله وارجع بيها للعماره....
منذر...رجعها واكعد ببيت لوحدي...
صلف...لا ما ترجع لبنيه تعبانه اريدها ترتاح...
انقهرت حيل علئ المنذر جدي رفض...ارجعله
اجيت اطبن اكله ياله جدي خطيه المنذر خلينه ارجع
بس خفت يكتلني جدامه...
ضل نص ساعه وجدي كال حظري روحج نروح لبغداد عبن باجر امتحانج...
انه بسرعه حظرت روحي وجدتي وامي راحن وياي
اخذنه المنذر ولا سلم عليه ولا حجه بس علئ جدتي وامي
جان بسوق وجدتي تسال بي هو يجاوب من وره خشمه
وصلف طكها شخير عبالك قطار موش خشم
والمنذر كل شويه خازرني وانه اباوع عليه بخوف يمه منه موش عيون صكر صكررر...احبنه كون جدي يرجعني
وصلنه بعد وقت طويل رحنه البيت عمي وهو راح لبيتهم
خلصتها بس اضحك وشويه ابجي من تصرفاته ليشوف لهفته يكول يحبني بس هو يمكن ما يحبني
يمكن يريد يرجعني عبن محد يصبله اكل ويغسل هدومه من يرجع...
مر وقت مو هوواي واذن كمنه كلنه صلينه...
وكعدت اقره شوويه وبدلت
جدي خابر المنذر وراد يعرف المدرسه وين كال اني حجي اخذكم...
صدك اخذنه...
تذكرت وحده امتحنت وياي اكوو سؤال يكول بين من ومن حدثت هذه المعركه...بتاريخ
انه ما عرفتها كلتلها شنهي كالت..ذاك اليوم صارت عركه يمنه بين البعبود وال زيرج...
انه كتبته وبعدها اجت المعلمه كالت غلط بين الاوس والخزرج
ومن يومها المنذر كال بعد منو يردلج لا تاخذين منه بس المعلمات...
وصلنه للمدرسه دخلت امتحن والمنذر ضل منتظرني...
جانت اسئله سهله شويه موش هوواي جاوبت
حسيت روحي راحت...دخت ووكعت علئ الرحله مااشوف اله المعلمين والمعلمات التموو عليه
بعدها شفت المنذر دخل ملهووف بعدهم عني وشالني بين اديه وهو يهمس...
منارس حبيبتي شبييج
صعدني بالسياره وجدي يلوم عليه ويكله موش اكلك لازعل موش زين الها والله اذا ماتت احركك انت ومؤيد وحنينه....
وصلنه للمستشفئ
اخذوني الممرضات سولي تحاليل وما اعرف شنهي
انتظرنه شوويه وجدي راح للحمام ..
المنذر ما صدك لزمني كال...ليش ترحين وتكسريني
دفعته كتله...وخرر لا يجي جدي
هو لزمني من وجهي وباسني بشفايفي حييل
سمع الباب انفتح بسرعه ابتعد
ضلو كاعدين اجت الممرضه شايله التحليل
كالت..منارس
كلتلها...اي
ابتسمت بمرح...كالت حامل مبرروك
يمممه فرحتي ما انطيها لبغداد كلها
بسرعه حضنت جدي وبسته وهو فرح باسني بخدي ويضحك
والمنذر مصدوم وملامحه جامده بعدها استوعب الصدمه
ضحك بفرح وجدي حضنه كله ...مبررروك ان شاء لله يتربئ بدلالكم...
هو باوع عليه بفرح كال...مناري حبيبي مبروك اريد بنيه مثلج حلوه
صلف ضربه علئ كتفه...لا تقشمرها حالف ماارجعها اله بشروط....
هو ضحك وكال...أوامر
طلعنه من المستشفئ وهو لازمني وانه اتعيقل وابيع ثكل عليه....
صعدني علئ كيف بالسيارة
ورحنه لبيت عمي طش الخبر وكلها فرحت امي ضلت تهلهل..وتركص
وجدتي تهوس...حديقتنا ازهرت صبح ورد بيها
جان يوم عظيم فرحنه كبيره
مجرد ما اتخيل طفل بداخلي من نذري احس بسعاده موش طبيعيه....
شويه واجت عمتي تهلهل وهاله تركص ومؤيد فرحان...
بس جدي ما قبل ارجع....
............ ..............
نيران
انقهرت حيل سبحت واتذكر الصار البارحه
عمر طلكني ولحد الان مرايحه لاهلي بس هو طلع من الغرفه...
بس ابجي عمه تسأل شكوو مجاوبتها...
كالوو اجه المنذر ضليت ابجي حيييل
اباوع اديه زرك وركبتي مشوههه...
وعيوني محوره....
مرة تقريبا ساعه كامله
واجت بنت اخوو عمر طفله كالت...عمو يكول خلي تحظر نفسها حياخذها المنذر
اني محظره بسرعه شلت جنطتي وطلعت
من شفت اخووي حسيت انضربت رصاصه ركضت عليه بلهفه وحظنته واني ابجي
هو بادلني بحظنه وكال...يالله خوويه امشي
طلعنه بعد ما ودع المنذر عمر...
اني اصلا مباوعت بوجهه بس جنت ابجي حيييل ومقهوره وكلبي يوجعني...
خلص انتهت قصتي ويه عمر....
ركبت بسيارة المنذر واني استعيد كلام عمر وهو يسولف عن إعجابه بيه قبل لكن قرف مني بعد ما غدرني فاروق....
مسحت دموعي والمنذر جان هادئ ومرح ما ضايقني
الحمد لله ربي يحننه عليه
جنت اتمنئ اعرف شنو الدار بينه وبين عمر
وعمر كال...انو طلكني لو لا....
............................. .
جانو كلهم ابيت عمي راحو المنارس
ضلت بس حنان واختها بالبيت
انتبهت علئ اختها تحاول تلفت انتباه المنذر بكل صوره وكذالك حنان....
المنذر كال عنده موعد ويه عمر ويريد يروح
اني طلبت يوصلني لبيت اهلي لان أطفالي ضلو نايمين هناك...
هو وصلني وراح النيران
جبت الطريق كله احنن بكلب منذر علئ نيران....
دخلت للبيت بهدوء....
رحت لكيت الجهال لسه نايمين
رحت للغرفه واسمع حنان تضحك هي و اختها دكلها
كليله حنان متحجي وياك
هي دكله...متحجي وياك
وترجع دكلها...يكول اراضيها ابوسه بنومه
حنان بدلع...مااريد اريد فلوووس
تريد فلووووس....
حجي ماصخ وسخيف ما ينلبس عليه ثووب
اخر شئ كلتلها يكول...اني مو مثل رجلج اغم ان شاء لله مره جايه احبلج بتووم
انصدمت من كلامها حييييل
لطمت علئ وجهي ...عزززا صخااام لا يا مؤيد لا نزل راسك يا خووويه
نهاية البارت....يتبع
كونوا انتم كونوا بخير...احبكم
نور سمو العراق....💔
المقطع اهداء من وئام الشيخلي لمنارس 😍😍
شكرا حبيبي وئام snwn2231
لا تنسو التصويت والمشاركه...
وغلسو علئ السحكات
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!