رواية #رواية...انا هي نساؤك.. الفصل السادس والعشرون 26 - بقلم الكاتبه سمو العراق

البارت الثالث والعشرون
رواية...انا هي جميع نساؤك
بقلمي...نور سمو العراق

💔💔💔💔💔💔💔💔

بارت مفاجئ لعيون احلئ متابعييييين ❤❤

.......................

هو لا يستنكر تجاهله لك واهماله عليك
هو لا يعترف باثامه ولا يحاول ترميمها...
هو يظن بأن انسحابك يدل على هشاشة شعورك اتجاهة
وصمتك اليوم هو نتاج صراخك الذي ضاع إدراج الخيبه
هكذا جبلت شرقيته ان يقسو فتكوني انتي الصبوره
ان يبتعد فتكوني بإنتظار عودته
ان يصمت فتحترمي صمته
ان يتكلم حينما يشأ فتنصتي اليه مغرمه
وانتي الطرف المؤهل لاختلاق المبررات طمعا في كسب بقائه💔

...............................

باوعت للبيت هادئ ومضلم

تنهدت ومسحت دمعتي..بعز اشتياقي ولهفتي تبلدت رغبتي بالرجوع...

جنت  محتاره بين الارجع وبين الاضل

كرهت جنوني المفرط بشخصيته....كرهت حواسي الي ما تشتعل اله بوجوده...

حسيت انتهت حياتنه بصمت...مثل ما بدت بصمت مريب...

اليوم اعلنت موتي ومااملك اي حق ان ارثي نفسي....

اليوم ودعت هذا البيت بااسوء انواع الوداع اريد انهزم وتغرب الغير وطن مااشوف روحي اله بي

واحضن اختي غرومه وابجي منا لمن تتوكف أنفاسي

مشيت خطوتين بخوف ورعب همست بنحيب...وينج غرومه فاقدتج اريد اشكيلج مشتاگه الريحتج...

انه جااي اموت اخذيني يمج ادعيلي...

جنت اتلفت بنهيار حسيت شئ فات من يمي صرخت بصوت عالي

جان جريذي اسوود ضليت انكت بملابسي وارعش...

كملت خطواتي بيأس واني ناسيه وين يصيرون بيت عمي هم صح قريبين بس مااندلهم

عبن شنهي كله نروح بالسياره الهم...

وصلت لنهاية الفرع ومااشوف اله واحد ضرب كلوب السياره عليه...

لميت نفسي بخووف ونزلت راسي وكملت طريقي...

سويت نفسي اني مخايفه وطالعه بعلم اهلي...

هو نزل من سيارته...ومشئ بسرعه

واني سرعت بمشيتي وركضت...

مااشوف اله سحبني من عباتي وجراني حيييل...

صرخت بخووف وبكاء...فدووه الله يخلي جهالك عوفني انه رايحه لبيت عمي...

هو رد بقسوه...البيت عمج يا ادب سز

فتحت عيوني يمه هذا الصوت اعرفنه...

جنت مغمضه عيوني ومنطيته ضهري لازكه روحي بالحايط...

هو دارني عليه بقسوة رفع ايده وضربني...

بس مااجت بوجهي اجت علئ اذاني حسيت فقدت السمع

ضليت مااسمع...

جرني حييل من حجابي وعيونه تجدح وشاد علئ شفايفه

فتحت عيوني برعب جاوبته بنحيب...المنذر

جاوبني بقمة غضبه وعصبيته...انعل ابووج يا ابو العرفني بيج....

سحبني من ايدي وهو يسب بكلام ما عرفت معناه اول مره اسمع هيج غلط...

جنت عبالي راح يرجعني للبيت

بسرعه دفعني داخل السياره وركب قفل الباب بكل عصبيه حسيت السيارة تكسرت....

خفت حيل مسدسه بحزامه ووجه ما يطمن

كلت خلص راح اموتن يطكني طلقه ويكلهم انهزمت

واصيرن عار على اهلي...

لزمته من ايده وانه اتوسل بي ...فدووه منذر بروح ابووك انت وين ماخذني انه والله اريدن اروحن البيت عمي...

عبن شنهي ضايجه

هو باوعلي بحده ونظراته تخترقني...اليوم ادفنج انتي وعمج...

صرخت بخووف...انت موش المنذر الاحبه انت موش نذري ذاك الاسد انه اخاف منك...

ضلت اتوسل بي وابوس بيده وهو ولا كأن اتوسل بي

وصلنه المكان مضلم هادئ مهجور...

فتح باب السيارة ونزل...

واجه يم الباب الجنت كاعده بي سحبني من ايدي واني لزمت بالستيرن...

وابجي واتوسل بي مااريد انزل...

حسيت ايدي انخلعت من الجر والعت...

نزلت وراه وهو سحبني واني اركض وراه لان هو سريع بمشيته....

ضربته بيدي علئ ضهره بس جانت ضرباتي موش كفيله بخلاصي منه....

سحبني فتح الباب وشمرني بالبيت

جان بيت متوسط ومتروك رغم ماثث وحلوو

بس مترب...

هو تقرب مني واني رجعت خطوات چبيره ورجليه ترعش من الخووف....

هو جان عاقد حواجبه وعيونه حمر يخوفن ويجدحن....

سحبني ضربت بصدره نزلت راسي بالم

هو حط ايده علئ جتفي صار راسي بين عضده وصدره همس بصوت خافت...وين الله وياج؟

بلعت ريكي بخوف...ردت اروحن البيت عمي عبن اريدن اتطلك

رفع راسي بااصابعه بقسوه ورد بفحيح...تردين تطلكين لج زماله...

هزيت راسي...بأي

لزم حجابي وشمره وشمر العبايه وصرخ بوجهي ...لو تموتين وتعيشين وترجعين تموتين مااطلكج

والله اتزوج عليج واخليج معلكه لا انتي مطلكه ولا انتي متزوجه...

لج حقيره تردين تنهزمين مني رايحه لبيت عمج تالي اليل

انتي غبيه كلشي،ما تندلين بالله ضعتي خطفج واحد

شكول شحجي تردين تنزلين راسي

يكولون المنذر ما حفظ عرضه تردين تلبسيني عار فوك عار نيران...

شسويلج اذبحج انتقم منج...

شلون تتجرئين وتطلعين بدون علمي...

نزلتي من عيني شكد ما جنتي كبيره صغرتي...

صرتي بكد الحشره

جان يحجي بألم وكان شخص فاقد الثقه باحبابه...

كعد علئ التخم وحط راسه بين كفوفه همس باانجراح...تردين تزعلين ازعلي تردين ترحين لاهلج كليلي اني اخذج

مو تنهزمين بنص اليالي وانتي ما تندلين

بينتي الي انتي اكبر صلفه ووكحه

لان التسوي سوايتج مو عاقله ولا شريفه

وكفت مفزوعه مجروحه من كلامه جاوبته ببكاء وانهيار....ياله انه اشرف من الشرف

انه عمري ما طلعت من غلطه تخص الشرف موش علئ مودك ولا الخاطر واحد

بس انه معاهده ربي ما اغلط

انه اصومن واصلي مستحيل اشوف الغلط واسوي

رفع راسه بذهول...وطلعت نص من اليل شسمينها هاا شسمينها...

بلعت ريكي وانه اشهك....ماادري تعبت خلصت طاقتي

انت موش ذاك المنذر الاحبه انت تغيرت حييل من تزوج مؤيد لحد هسه وانت متغير

كال بعصبية...لا تتهميني بالدكتاتوريه

اني ممتغير بس انتي تتحسسين وتخلقين مشاكل وعقلج الباطني يصورلج اشياء خطأ

جريت نفس مشهوگ...ياله انت مثل ما كلت كتااتوري...« دكتاتوري »

تحب تضلمني وتفضل امهات الوصخ عليه

شنهي بيمن بشيره احلئ مني وبين ارتب مني

ليش تضحك وياها وانه مطنشني شنهي انه تعلاكه بكنتورك...

شوكت ما اريد تعلك عليها هدومك...

هو مسح علئ وجه بعصبية وحاول يضبط انفاسه...انتي تدرين جاي تزرعيها بعقلي

جاوبته ببكاء...هااا هااا تحبها عرفتك

يالله طلكني وانه اشكرك تعرفت عليك جنت خووش رجال

صحيح تطك وتكتل بس ما انسئ فضلك شكرا

هو بلل شفته وعضها بعدم رضا جاوب بهدوء...شكد شايف حمارات مثلج حماره مشفت...

جاوبته بعبره...شفت جنت دكلي انتي غزاله انتي ورده وانتي اول الصبح

وهسه دكلي حماره شفت شلون تغيرت انت ما تحس بروحك بس انه اتحسس...

جر نفس كال...لج بابا ماعندي شئ ويه بشرئ ولا اي وحده انت جاي تخلقين مشاكل لنفسج

ومحد يتضرر غيرج شوفي جسمج تعب وراحت روحج

باعي وجهج شلون عيونج محوره ووجهج اصفر

ليش هيج تاكلين بروحج ليش تغارين الغيره مو حلوه

جاي تاذيني وتاذين نفسج

لحد الان ممستوعب طلعت من البيت نص اليل اني لو مجاي ولاكيج

جان هسه الله اعلم انتي بأي ارض....

تقرب مني وهمس بحنان...مناري يروحي لا تخلين نار الغيره تحرگج...

رجفت من كلامه وشهكاتي ودرت وجهي...ما انسئ شلون ضربتني

الخاطر بشيره ام عطوب وحنينه السعدانه...

جر نفئ قووي و زفره....لج يكلبي كلمتج جانت قاسيه ما تحملتها...

درت وجهي عليه وسالته بذهول ...وهيج تضربني ما خفت اموتن بيدك...

انت شايف ايدك الله يسلمك اكبر من ايد صلف بعشر قاطات...

هو ابتسم بهدوء...

انقهرت يضحك حسين فهمي...

وكفت مقابيله ونزلت ثوبي من جتفي جانت من ناحية جتفي ازرك وصاير بنفسجي...

كتله بقهر...شوف شوف شلون ضربك يوجع والله اذا راح الاثر من گلبي ما يروح...

هو احتضن خصري وحط راسه علئ بطني رمشت بعيوني وخجلت حييل....

دفتعه وهو وكف نزل الثوب من جتفي وباس الضربه

همس ...اوووف لابسه سمائي وحرمتني والله انتي كتلج حلال

دفعته ورديت...شفت ما يهمك بس جسمي انه مااحبنك

هو مسح وجه وهز راسه...ولج بابا احببببج اموت عليج لو مااحبج ما تزوجت

بس مدام هيج صايره مخبله لازم نلگه حل

جاوبته...اي خوووش طلكني

كال...خلصي امتحانات ولكل حادث حديث

انقهرت من كلامه...هااا خووش عود تزوج بشيره روجين ولو تزوج حيحو احسن

رد بجمود...بكيفي اني اختار مو انتي اتقررين

رديت بغرور...ياله اصلا شعليه بيك اخر همي انه هم التهي بروحي قابل اضلن عانس...

اشوفن ابن البدوي بلكي بعده ما متزوج واروحن اتزوجه...

هو سحبني حسيت ضهري انكسر بين اديه كال...اهوووون

ما رديت عليه هو ما يهون احبببنه حييل لو يطلكني ما اتزوج غيره بس احرك بكلبه

رجع سئل كال....اهووون

جاوبته بثقه...الرخصني اعووفنه اهم شئ كرامتي

انه من بعد السويته من اشوفنك اختنك تصيبني جلطه

سرفن ردانه كال...اي صح هاي ثاني مره تعيديها واني مااقوم بالواجب لازم اسويلج تنفس اصطناعي حتئ تروح الخنگه....

حطيت ايدي علئ خصري وانه ابجي...تتمنه بس انجلط واموتن ويسولي تنفس اصطناعي

والله ولا اروحن...للمستشفي

هو ضحك كال ...عليمن رايحه اني موجود...

رجع سحبني من خصري وحط شفايفه علئ شفايفي بسرعه ودقه...

دفعته وحاولت اخلص منه بس ما كدرت موش هو اسسد اسسد

وانه مسكينه فريسه سهل اصطيادي بس موش من كل واحد بس من نذري...

دفعته ومسحت شفايفي

وهو يكول بعد ما ضحك وغمزلي...هااا گليبي شلونه التنفس الاصطناعي كلما تختنكين كوولي واسويلج

برسم الخدمه اذا منوره ما نتنفس الها المن نتنفس...

مسحت دموعي بخجل ورحت لبست حجابي وعباتي

ابو النسوان يعرف شلون يأثر عليه بس انه موش راضيه....

جاوبته...يالله ودعيني لبيت عمي

تقرب مني وعدل عباتي وهمس...احب العبايه من تلبسيها...

رديت بعناد...اخذني البيت عمي

كال...لا خلصي امتحانات واخذج الصلف ومن بعدها نقرر

رديت بثقه...خووش اخلص امتحانات وكلمن يروح بحال سبيله

هز راسه بأي

احسنه يجذب عليه

وكعت عباتي من راسي رجع لبسنيها ورتبها باسني بجبيني وبذوبان...عباتج عشقي...

همست بخجل..يمه منك موش راحه

هو ضحك وسحبني....

مشكلتي اكبر وكح بس يمج اني اختلف
شايل براءة نبي...
جي تلبسيها بخجل كمت انه احب العبي....

صعدني بالسياره وصعد جان الوقت متاخر بس الحمد لله البيت مو بعيد

جان السكوت سيد الموقف...

دخلنه للبيت...

هو كال...تعاي مشتاق الدلالج

رفعت حاجبي ورحت نمت بغرفة نيران...

اول مدخلت جانت نيران تخابر بالتليفون ...

اول مشافتني قفلت التليفون...باارتباك وخوف

كالت بعصبية...هوووي انتي وين جنتي

دورت البيت كله عليج ماكووو...

بعدين شفت غرفة منذر مفتوح الكلوب كلت يم المنذر

انتي مثل البزون تحب خناكها...

شمرت العبايه جاوبتها...اي عوود ردت اروحن البيت عمي بس ما قبل ياخذني...

منارس...انتي جنتي تخابرين بعمر

جاوبت بخوف وارتباك...اي اي ديكول ان شاء لله قريبا العرس...

جاوبتها...هااا خووش مبروك

رحت نمت بالكاع ونيران على الجربايه

تذكرت من كال...لا تلوثين نفسج بغيرتج وتتصرفين تصرفات غير عقلانية...

انتي زوجه مثاليه اشوف بيج براءة اطفال اختلطت بمشاعر انثئ رقيقه

اني مستحيل اخسرج فزت بخيرات الدنية وبثواب الاخره..

احلئ شئ صار رغم فارق العمر البينه خليتيني التجئ الرب العالمين...

واهتم الصلاتي واقضي واجباتي الإلهية....

نبهتيني لهوايه امور جنت غافل عنها...

لا تخلين نار الغيره تبعدج عن ربج وتتصرفين بطيش مفهوم يگلبي...

جان كلامه مو مهم عندي فعلا اني محروكه بنار الغيره...

أحسه طفلي الي يردون ياخذونه مني عاشقته بجنون...

تعديت مرحلة الجنون ودخلت لليأس من حالتي...

شسوي مو بيدي اني مو بيدي

هو دخل لكلبي واتربع علئ عرشه سنين اتوجت بحب المنذر....

كل ما اذكر الطلاق علئ لساني احس بغصه تكطع نياط گلبي....

واحب اشوف ردة فعله مره يكون هادئ ومره يثور عليه...

من يكون هادئ اتخبل يجتاحني تيار من الحزن

ومن يتعصب ويثور افرح لان احس هو ميريد يخسرني...

وارجع واذكر الطلاق مره ثانيه...

استمتع بكلامه الجارح وهو يكول ادفنج ومااطلكج..

ومنو كال اني اقبل بالطلاك ادفن بشيره وعشيرتها وماانفصل عنك...

نمت رغم ضربني اليوم بس فرحانه لان حسيته ميريد يفقدني...

والتنفس الاصطناعي...اووف منه جان اوكسجين لطعم الحب عمري ما تنفست هييج تنفس...

نمت ساعه ابجي وساعه ابتسم

وناسيه الامتحان وملتهيه بالأسد...

ومتاكده هذا ثاني امتحان اصخم بي....

وتعال شوف الشمات واليتمنون سقوطي..

هو يوميه يكلي ارفعي راسي اريدج تنجحين اريد افرح بيج وابين لاهلي انتي كد الثقه...

حتئ بعدها اخليج تكملين دراسه وتصيرين افضل طالبه...

بس شسوي مو بيدي الاسلاميه مجاوبت...

والعربي اكيييد مااجاوب...

ان شاء لله منا وهيج اقره...

حتئ مااطلع ساقطه ويكولون مرت المنذر ساقطه...

يا عيبة العيبه.....

ّ................................

نيران

كعدت الصبح ضايجه ومتكئبه فاروق يريد اشياء خارج طاقتي...

شلون اخون اخووي واغدر مرته والله صعبه صعبه حيل...

ومو كل مره تسلم الجره...

كعدت مرة مؤيد تقريبا الساعه بالعشره ونص

غسلت ورجعت الغرفتها مكيجت..وبدلت ورجعت

كالت...اوووف دا اشتهي بقلاوه اني شاكه بنفسي حامل

كلتلها...شبسرعه ترئ هسه تزوجتي

جاوبت...تقريبا حيصير شهر اني اجيت من اهلي نضيفه وبسرعه يصير حمل

هزيت راسي بأي...اوك مبروك ان شاء لله تطلعين حامل

جرت نفس وكالت...لا والله ما تمنئ

استغربت كلتلها...اووف ليش

لوت شفايفها بغرور...اخاف من منارس لان بصراحه خطيه انقهر عليها صار هوايه من تزوجت ومحبلت

احتمال عندها عقم...

واكيد حتغار مني واني مااحب هيج شئ ان شاء لله الله يخضر بطنها...

بس حتئ متغار مني

تنفست بضيق كلامها مستفز جاوبتها...ترئ مسكينه جانت حامل بس سقطت لان انضربت بسياره...

خلت ووكفت راحت تركض للحمام وكعدت تتقيئ..

اجت امي كالت...شبيها حنان؟

كلتلها...يمكن حامل دتتقيئ

هي طلعت نشفت وجهه بالخاولي ودخل مؤيد

كال باستغراب...شكوو؟

هي ردت عليه بمياعه...حبيبي حضر روحك حتصير بابا

هو تفاجئ فتح عيونه ...معقوله بهل سرعه

امي كلتله...اعووذ بالله دكول يالله واحدكم طك بالتلاثين وانتو كلشي ماكوو

اريد اسمع كلمة بيبي من اولادكم...

مؤيد ضحك كلها...ان شاء لله خلي اخذها للمجمع اخذلها تحليل...

ماما جاوبته...اي روح...ولا تحجي لا يطكونكم  عين

هي راحت بسرعه لبست تنوره كصيره وتشيرت عريض احمر وشسورت شعرها وحطت حمره وراحت

دكول جاي يزفونها وتطك بعلجها....

مؤيد كلها...ذبي العلج وامسحي حمرتج

هي طلعت العلج حطته بيدها خلته دار وجه رجعتها لحلكها

يمممه تفاجئت شكد عرمه...وحمرتها خففتها بصبعها وركضت وراه....

منارس بالامتحان هي ومنذر لحد الان ما اجت...

رحت نضفت البيت وسويت غده

انكسر ضهري جنت مانه علئ منارس...

وهي مخلصه كل الشغل وتكرب ليل ونهار....

خايفه حييل منا عمر ومنا فاروق...

وصرت بين حانه ومانه...

احس حمل جاثم علئ صدري وكابوس مرعب يوميه يدمرني...

اي فعلا فاروق هو اكبر مخاوفني وارعب كابوس مر بحياتي....

...............................

منارس

كعدت الصبح كلها نايمه

راجعت شوويه مبتدأ وخبر قواعد ومدري شنهي

حافظه انشاء المنذر كال شتعرفين اكتبي حتئ لو غلط...

هو اخذني عود انه زعلانه ومااحجي وياه

بس هو يتغزل ويتحرش وانه موش مقلدتله...

من اشوفنه التهي بكتابي مع العلم بالي كله يمه...

صعدت بالسياره وهو شغل بالرايدون مال السياره

فيروز ....

وانه مسويه روحي اقره موش يمه...

وصلنه للمدرسه دخلت وهو بحكم شغله وصه عليه المعلمين....

دخلت للقاعه دخلت مديرة المدرسه

ردتلي الاسئله وبعدها ردتها للطلاب...

كالت...انتي بس عبري الإنشاء منج

جانووا جايبين انشاء علئ الأخلاق...اجيت اكتب انشاء علئ الاخلاق....

واكتب عنوانه ...رجلي ابو النسوان واخلاق صاحباته

ومضمون الانشاء اجيت اكتب اخلاق كل وحده تافه يعرفها...

بس شنهي غيرت رأيي

عبن خفت اصير مرة مكتوله بالكسره ومجروره بالسحله...

خلصت امتحان الحمد لله جاوبت

طلعت فرحانه النذري وماادري. هو موصي عليه ومخليهم يساعدوني

همزين اجه وياي عبن اخير من مؤيد بس صافن...

كال ببتسامه...جاوبتي حبيبي

رديت بفرح...اي جاوبت حليتها كلها عبن حييل سهله ماي مااااي

هو ضحك كرص خدي كال...ادري مريتي شطوره

انه خجلت ورحت صعدت بالسياره وهو صعد

هو يتغزل ويلزم ايدي ويبوسها وانه اتعيقل واتدلع بعدني زعلانه عبن شنهي مااريده يكتلني بعد

رجعنه للبيت جان هادئ طول والطريق واني ساكته

وصلنه للبيت

اول ما دخلنه شفناهن كاعدات عمتي ونيران

نيران جانت تسوي زلاطه...

كالت عمتي بااستهزاء...هلا بالمديره جاوبتي لا

جاوبتها بفرح...اي عبن كلش سهله جابوو انشاء علئ الاخلاق وكتبت علئ اخلاق بشيره

المنذر حط ايده علئ حلكي كال بعصبيه...اشش لا تسوين مشاكل عيب

سكتت

عمتي هزت رأسها كالت...صدك صايره وكحه يجي صلف واكله عليج

هسه لو حنان هنه وسامعتج جاا ما سوتها هووسه

جاوبتها بثقه...يااا ليش جاا شبيهن اخلاقهن همه رادوو انشاء علئ الاخلاق وبشيره تنكط اخلاق كتبت عنها

المنذر هز راسه وهو يبتسم

وعمتي ما رضت ابد بكلامي

كلتلها...جااا وين راحت حنونه

كالت بفرح...راحت تحلل مال حمل احتمال حامل

اني فتحت عيوني ...استغفر الله شبسرعه

هي تخبلت ردت...اعوذ بالله لا تطكينهم عين اعوذ بالله

شويه وانفتح الباب اجت هي بسرعه والفرحه علئ وجهها

كالت..عمه عمه حاااامل حاااامل

عمتي باستها وباركت الها وضلت تهلهل...

ضحكت بفرحه...مدا اصدك حاامل عمه لو تشوفين شكد بنات متزوجين من زمان ماعدهم لحد الان

اني حتئ خفت من الحسد مكلت حامل كلت ممبين

المنذر اشوف الفرحه بعيونه لاخوو

حضنه وباركله ومؤيد هم فرحان

اني تقربت منها بخطوات حزينه باركت الها وهي ردت من وره خشمها....

رحت للغرفه نزعت ملابسي

حطيت ايدي على بطني باسئ جنت حامل ماادري بروحي وسقطت حرامات لو ضال هسه بطني جبيره

المنذر ابو النسوان كال اترس بطنج فريخات تالي ترس وجهي ضربات...

سمعتها دكول مشتهيه رمان دا اتنسئ عليه

لويت شفايفي امداني ولا عندي احساس لناس تتنسئ واني حتئ ما تنسيت شمالني...

عمتي صاحت عليه ورحت الها...

كالت ..تعاي صبي غده حنان حامل ونيران تعبت

هزيت راسي بأي ورحت احضر بالغده...

حضرت الغده خليت السفره

هي جانت كاعده علئ السفره ولازمه بطنها وكاعده بتنورتها وسقانها طالعه ومبتسمه

ومؤيد كاعد بصفها فرحان...

اجيت شايله مواعين التمن بصينيه صغيره

من شافني المنذر حط الجكاره بحلكه ووكف اخذ مني الصينيه وحجه والجكاره بين شفايفه جانت كلماته ممفهومه بس انه عبن احبنه فهمتها كال..انطينياهم عمري وروحي جيبي غيرهن...

اخذ الصينيه من ايدي وانطاها الحنان وهي كعدت تسفط بالمواعين بس ضاجت

انه فرحت حل تستاهل

ورحت جبت الباقي ونذري يساعدني...

كعدنه نتغده والمنذر احسه يعطف عليه كل شويه وخله الماعون يمي والزلاطه يمي ويمد ايده عليه ويكرصني

وانه استحي مااكدر اتعيقل واتدلع عليه...

خلصنه غده واني لميت السفره ورحت غسلت مواعين...

المنذر عنده خفاره من وره الضهر ...

حضرت ملابسه واغراضه رغم متزاعلين بس واجبي اقوم بواجبه...

كملت اغراضه هو يعدل ببدلته العسكريه وحط المسدس بحزامه...

ويعدل بي...

اجت حنان بعد ما بدلت لابسه نفنوف كصير ونص ردان...

كلتله بدلع مصطنع...فدووه المنذر مشتهيه رمان تقبل تطلع وحمه بابن اخووك

هو باوع عليه وباوع عليه ورجع اتدارك الموضوع وعدل حزامه

جاوبها...ابوو موجود ويجيب اله

حنان...وصيته البارحه بس جابه يابس مطيب

هو هز راسه كلها...ان شاء لله

باوعت عليه كالت...ونبي قبل شويه حكيت خصري اخاف يطلع بالنونو وحمه بخصره

جاوبتها...الحمد لله بخصرج موش بخشمج عبن خشمج جبير وتطلع وحمه بخشم النونو اقري عليه السلام...

هي خزرتني ورجعت للمنذر ...مااوصيك فدوه الكلبك

هو مجاوبها خله وطلع

انه ركضت وراه لزمته من ايده

هو باوع عليه كال...هااا تردين تعاركين اجليها رحمه لابوج عندي شغل

جاوبته...ياله بس جيب للنونو رمان خطيه

بالله هي نعال ما تستاهل بس النونو شنهي ذنبه

هو لزم وجهي بثنين اديه وتكلم بلهفه...انعل ابو النونو يا ابو ام النونو

اجيب رمان وكل فاكهة الجنه لنونو مالج

غمزلي ان شاء لله النزله الثانيه نسوي نونو مفهوم

جاوبته...موش متزاعلين

هو ضحك...نضل علئ زعلتنه بس نجيب نونو...خطيه شنو ذنبه ولد عمه يجون قبله

جاوبته...خوش نسوي نونو ونرجع نزعل

كال..اي نسوي هسه

باوعتله بعتب...ياله تاخرت علئ شغلك

هو باسني بركبتي وراح...

حكيت ركبتي يبزز
بشواربه

بس اعشكنه احبنه....عبن هو اسسد...

...........

مر يومين واحت بشرئ هي وامها يباركن آلحنان

شكد كرهت جيتهن الخبيثات

ضلن يتمضحكن ويتشاورن

ودكلها...خووش كتله

ما اهتميت الهن

اجه المنذر دخل سلم عليهن وانه فرت ليش يدخل يسلم...

خليت وطلعت...

هو طلع وراي ...اجت هاله هي وزوجها وجهالها...

كالت نريد نروح للجزيره نتونس...

انه كعدت علئ الدرج

طلعت ام حنان سلمت علئ المنذر وهاله...

كلتله ...اي فدوه المنذر تعال وصلني اني وبشرئ لان بنيه وحلوه اخاف اخذ تكسي

هو تنهد كلها...اي تفضلوو

انه باوعت عليه انقهرت وهي مشت كدامه بالبسها الضيگ وحصر مفاتنها بارزه وتمشي بدلع

حركت كلبي...

وهو بدون ميباوع عليه خله وطلع...

اعرف هو انحرج بس جان لازم يطمني....

كعدت هاله تحضر بجهالها ورجلها منتظرها

انه رحت للغرفه طلبت من نيران تنوره وقميص

طتني تنوره ضيگه وكصييره مثل تنورة روجين

وقميص ضيك

فتحت شعري وشسورته حطيت حمره حمرره ومكياج بارز....

ولبست كعب كوه امشي بي...

حطيت حجاب علئ شعري وطلعت

كلها تفاجئت من لبسي

كالت عمتي...اووف وين ولج

كلتلها .....المنذر كال روحي ويه هاله للجزيره واني اجي وراج....

عمتي سكتت من بعد حجايه المنذر

بس كالت...وهيج ترحين

جاوبتها...جااا شنهي كلها هيج تلبس

هزت ايدها وراحت...

واني رحت ركبت ويه هاله ورجلها وجهالها....

بس شنهي انحرجت حييل تذبحوني قطرة دم مابيه

بس ردت أفهم المنذر انه احله من امهات تنورات اليركض وراهن....

بس وروح ابووي لو يدري بيه يموتني تموت

يمكن يشمرني من ديلاب الهوئ....

نهاية البارت ...يتبع

كونوا انتم كونوا بخير...احبنكم عبن انتم حبابين ❤

نور سمو العراق....