رواية انتي هوسي الفصل الأول 1 - بقلم شيماء فيصل

كان ادم ينام بعمق على سريره لتدخل عليه ملكة قلبه وتقترب منه وتحاول أن تجعله يفيق. همست بضيق: دومي اصحى بقى، انت أول مرة تتأخر عليا كده. اصحى يا دومي. ادم بنوم: سيبيني شوية كمان بس يا همس. أنا كان عندي شغل كتير ونايم متأخر. همس برفض: لا مش هسيبك وانت هتصحى. ادم: حاضر يا همستي، أنا هصحى أهو. بس الناس بتصحى تقول صباح الخير، ولا انتي أي رايك؟ اقتربت همس منه وقبلته من خده وتردف قائلة: صباح الخير على أحلى دومي في الدنيا.

دق قلبه بعنف وعشق لها. نظر لها بعشق، وأمسكها من وجنتيها بحنان ويردف قائلاً: صباح الورد والفل والياسمين على أحلى همس في الدنيا. يلا يا حبيبتي قومي انتي غيري وأنا هغير وآخدك أوصلك للجامعة. همس بحب: حاضر يا دومي. أنا هقوم بس انت متتأخرش عليا، انت فاهم. ادم بضحك: متخافيش، عمري ماهتأخر عليكي. همس: أما نشوف. تركته همس وخرجت، وظل ادم ينظر في أثرها بعشق ويردف قائلاً

بعشق نابع من قلبه: آآآه يا همس، لو تعرفي بعشقك قد إيه ومجنون بيكي إزاي يا حبيبتي. نفسي في اليوم اللي تكوني فيه ملكي وبتاعتي يا همس. نفسي تحبيني زي ما بحبك وبعشقك كده. يا روحي، انتي ملكي أنا وبس، بتاعتي أنا وبس يا روحي. عمري ماهتخلي عنك أبداً يا همس، هفضل سندك في الدنيا لحد ما أموت. *** نزل ادم الدرج بثقته وغروره المتعاد، وتقدم إلى طاولة الطعام ويردف قائلاً: صباح الخير. لتجيبه كوثر عليه ببرود: صباح النور يا ادم.

ريام: صباح الخير يا ادم. جلس ادم على مقعده وبجواره همس التي تطالعه بنظرات مليئة بالعشق. لينظر لها ادم بحنان ويردف قائلاً: مش بتفطري ليه يا همس؟ همس بإنتباه: أنا بفطر أهو يا ادم. ادم بحب: بالهنا والشفا يا حبيبتي.

لتنظر له همس بعشق، ويبادلها ادم النظرة. ولكنهم لا يرون تلك التي ينظرون لهم بحقد وكره، ويريدون التفريق بينهم، وأنهم يريدون أن يفعلوا المستحيل من أجل تفريقهم. لينتهي الإفطار ويذهب ادم إلى سيارته وهمس تسير بجواره. لتجلس همس بجانبه. لينظر لها ادم ويراها شاردة في شئ ما. ادم: مالك يا همس؟ همس بتلقائية: مفيش حاجة يا حبيبي. ادم بخبث: اممم، حبيبك يا همس.

لتخجل همس بشدة، وتتمنى أن تقول له أنه حبيبها وأنها تعشقه بجنون. ولكنها تخاف أن يجرحها بقوله أنها مثل أخته. لتردف همس: مش قصدي يا ادم، دي كلمة عادية. وبعدين، انت أخويا الكبير يا ادم. ادم بصدمة: إيه! أنا أخوكي؟ همس: آه يا ادم، في حاجة؟ أنا قولت حاجة غلط؟ ادم بغضب مكتوم: لا مقولتيش حاجة. انزلي يلااا عشان وصلنا. اتفضلي انزلي يا همس. همس بتعجب: مالك يا ادم؟ ادم بغضب وصراخ: مش قولت انزلي! مش بتسمعي الكلام ليه يا همس؟

اتفضلي انزلي. لترتعب همس من نبرته، ويترقرق الدمع في عينيها. لتنزل همس من السيارة بحزن. لينظر ادم في أثرها بحزن شديد، ويقود سيارته بسرعة البرق إلى أن يصل إلى شركته. في شركة من أكبر الشركات، هي شركة الجارحي. يدخل ادم بثقته وغروره، ونظرات النساء مثبتة عليه. كل منهم تتمنى أن يكلمها لو كلمة واحدة. لكنه لا يهمه كل هذا. كل ما يهمه هو همس، حبيبته، وعشقه، وجنونه.

ليدلف إلى غرفة مكتبه ويجلس على مكتبه بغرور. لتدلف خلفه السكرتيرة. لينظر لها قائلاً: خلصتي الملفات اللي قولتلك عليها؟ السكرتيرة: أيوا يا أفندم. ادم بجدية: طب عاوزك تخلصي الملفات دي كمان عشان الملفات دي مهمة. وشوفيلي الاجتماعات بتاعت النهارده كام واحد. السكرتيرة بإيجاز: حاضر يا أفندم. ليأذن لها بالخروج، ويرجع رأسه للخلف وهو يتذكر همسته وحديثها معه. هل تعتبره أخاً لها؟ تراه أخاً فقط؟

لكنه يعشقها بجنون. ويتمناها كل لحظة أن تكون ملكه. يحلم بها كل يوم أن تصبح ملكه. ليقطع وصله شروده، دخول شاب ذو ملامح وسيمة، ويظهر على وجهه المرح. ليقترب من ادم قائلاً: صباحوا فل يا آدم. ادم بغضب: مش في باب تخبط عليه يا حيوان؟ لتتجاهل مراد حديثه، ويجلس على المقعد المقابل له وينظر له بابتسامة. ادم ينظر له بغضب مكتوم ليردف مراد قائلاً بخوف: في إيه يا عم بتبصلي كدا ليه؟ ادم بغضب: مش هتبطل حركاتك دي.

مراد بابتسامة مستفزة: مش هبطل. ليصرخ ادم به: أخرج بره يا مراد بدل ما أقوم اطلع كل غضبي فيك. مراد باستغراب: مالك يا آدم؟ ما أنا كل يوم بهزر معاك كدا. إيه الجديد؟ ادم بغضب: الجديد إني مضايق ومش طايق نفسي ولا طايق أي حد. مراد بخبث: ولا حتى همس؟ ادم بغيرة: كام مرة قولتلك اسمها متنتقوش، انت فاهم يا حيوان؟ مراد بضحك من غيرة صديقه العمياء: خلاص مش هقول اسمها. قول بقا مالك. ادم: مفيش. مراد: مش عليا، مالك يا آدم.

ادم بحزن: همس يا مراد، بعد الحب والعشق اللي بعشقه ليها، وتقولي انت زي أخويا. مراد: طب هي أكيد مش قصدها كدا. أنا بحس إنها بتحبك من نظراتها ليك. ادم بأمل: ياريت يا مراد، نفسي تكون بتحبني. بحلم باليوم دا. هعملها كل اللي تتمناه. عمري ما هزعلها أبدا، بس هي تكون بتحبني. مراد بخوف: لو مش بتحبك يا آدم... ليصرخ ادم بجنون: مستحيل!

هي أكيد بتحبني. همس بتاعتي أنا. عمرها ماهتكون ملك حد غيري. أنا اللي ربيتها، وأنا اللي علمتها الصح والغلط. أنا كل حياتها. هي مستحيل تكون لحد غيري. هي بتاعتي أنا وبس، ملكي أنا وبس يا مراد. مراد بهدوء: طب أهدى بس يا آدم. هي إنشاء الله هتكون بتحبك. إنشاء الله.

لينظر له ادم بصمت ولا يجيبه، وبداخله خوف من أن تكون همس تحب حد غيره. لكنه لن يسمح لها بذلك. سوف يفعل المستحيل من أجل أن تحبه هي. ملكه هو فقط. هذا ما كان يدور بعقله. *** في كلية الهندسة، كانت همس تجلس وبجوارها لينا. كانوا يجلسون سوياً بعد انتهاء محاضراتهم. وكانت همس دموعها على وجنتيها، فهي هشة وطفلة، ومن أقل كلمة تبكي. ليتوقف لينا قائلة بحنان: خلاص كفايا بقى يا همس، متعيطيش.

همس بدموع: أنا بحب ادم أوي يا لينا، أنا بعشقه. بس بخاف أقوله يقولي انتي زي أختي. خايفة يكون بيحب حد غيري. أنا أموت فيها يا لينا، والله أموت. لتحتضنها لينا بحب: بعد الشر عليكي يا همس، متقوليش كدا تاني يا همس. إنشاء الله ادم هيكون بيحبك زي ما انتي بتحبيه. هو حد يشوف القمر دا ومايحبوش. همس بابتسامة: ربنا يخليكي ليا يا لينا. انتي عاملة إيه بقى يا لينا؟

لينا بدموع: أنا تعبانة أوي يا همس من اللي بيحصلي. نفسي أموت وأرتاح. عمري ماشوفت أب كدا في حياتي. بيكره بنته كدا على طول. بيضربني ومش بيحبني أبدا، ولا حنين عليا. لتضمها همس إليها وتقبل جبينها: بعد الشر عليكي يا لينا. انتي اختي اللي مليش غيرها. انتي غالية عندي أوي. إنشاء الله كل حاجة هتبقى تمام بإذن الله. لينا: يارب يا همس. ***

في فيلا الجارحي. دلف ادم إلى الفيلا ليجد همسته ونبض قلبه تجلس في الجنينة ودموعها على وجينتها. ليقترب منها ويجلس أمامها ويمسح دموعها بأنامله. لتنظر له همس بحب. ادم: بتعيطي ليه يا همستي؟ همس بدموع: مفيش حاجة. ادم: والله؟ اومال دا إيه إنشاء الله. همس بدموع: أنا زعلانة منك. ادم بحزن: أنا آسف يا روحي، والله ما كان قصدي أتعصب عليكي.

لتمسح همس دموعها: خلاص مش زعلانة منك يا دومي. انت كل حاجة في حياتي. أنا عمري ماهزعل منك أبدا. ادم بحب: وانتي حياتي كلها يا همس. ليضمها إلى صدره بعشق. وتقوم همس بلف يدها حول خصره وتدفن وجهها بصدره. لتسري رعشة في جسده وكأنه أول مرة يحتضنها. ليردف قائلاً بداخله: بعشقك بجنون يا همستي. يتبع…