رواية _حافيه_القدمين💋 الفصل العشرون بقلم زهورا

غزوان،،،بالبداية رفضت بس جانت تخجل مني وماكو الا هالحل
وفعلا ولله الحمد تم كلشي بسلام بس فدوة بجت كلش وضاجت
حضنتها واني اتأسف منها مجنت متصور هية بهل براءة هاي جنت حتى اذا اغير ملابسي كدامها تخجل بس بمرور الوكت تعودت وصار شي عادي عدها بس تعبتني كلش بالبداية

ام غزوان،،،جنت اشوف غزوان وزهراء بغير عالم مثل العصافير وكل مااشوفهم احس بالذنب اني ضيعت اجمل ايام عمرهم جنت احمد رب العالمين انه جمعتهم الاقدار من جديد
زهراء،،،قبل زواجي خالتي ام غزوان نطتني علبة ذهب فتحتها ومفهمت شنو هالذهب كالتلي هذا ذهب المرحومة امج من صار الحادث طلعوه والشيخ الله يرحمة وصاني من تشبين وتزوجين البسة الج وضميتة وبقى على حطتة
زهراء،،،بجيت واني اباوع على الذهب واحس ناسيتة ومااذكر امي بيوم لبستة جانت خالتي حيل زينة ورجعت طيبة وحنينة وكأنه نفسها الي حظنتني واني طفلة بنت 6 سنين
وثاني يوم العرس لبستني قلادتها ماقبلت اخذها بس كالت ماعندي اغلى من غزوان واغلى منج وهذا الخير باجر عكبة كلة الكم ولزيد اذا الله هداه واستعدل
زهراء،،،داريت ام غزوان وكأنه امي وجنت انظف الحاجتين من تحتها وجانت بكل مرة تبجي وتستسمح مني واكوللها يمة انسي هالموضوع والله اني نسيتها
حسيت نفسي ملكة بمملكتي ولان خالتي مجانت تكدر تمشي وتطلع من غرفتها جان ماخذ راحتة غزوان جنت وين مااروح يلحكني وميكعد راحة وكلشي بي ميكعد راحة بس جنت بعدني استحي منة ومجنت البسلة سيتات نوم ولا شاف جسمي كلة ظلام بظلام
غزوان،،،عشقتها عشق ورغم خجلها وحيائها مني وهواي اشياء حرمتني منها بس حبي الها فاق كلشي وجنت مستعد اتحمل كلشي جانت عندي مشاريع اشتغلها بالمدينة ووكفت كلشي من لكت زهراء وتزوجتها مارحت للمدينة
ورة اسبوعين من زواجنة جان لازم اروح اكمل شغلي
زهراء،،،بجيت بيومها مااريد ارجع افاركك اني ماصدكت رجعت شفتك مااتحمل فراكك لو يوم واحد
ام غزوان،،،بيومها زهراء ماتغدت ولا تعشت ودمعتها مانشفت جبت غزوان وطلبت منة ياخذها ويا
غزوان،،،يمة اخاف اتأخر اسبوع او اكثر ومكدر اتركج بوحدج
الحجية ،،،لتفكر بية وليدي اجيب ام فؤاد يمي لتترك عروستك بوحدها وتكسر بخاطرها يمة زهراء مااريدها تنغث او تبجي
غزوان،،،كتلها ان شاء الله يمة رحت للغرفة ولكتها دترتب بملابسي حضنتها من ورة وبوستها من ركبتها واني اباوعلها من مرايا الجرباية كدامنا
همست والله احبج زوزايتي لتبجين فدوة
زهراء،،،همست لو تحبني متتركني وتروح
غزوان،،،ضحكت ونمت على كتفها كتلها ومنو كلج اتركج
زهراء،،،التفيت وصرت بوجهة وخليت ايدي على صدرة كلت يعني بطلت متسافر
غزوان،،،خليت ايدي على خصرها وهمست لا يروحي اسافر واخذج وياية
زهراء،،،وامي شلون ؟؟
غزوان،،تجي خالتي يمها
فرحت زهراء وبدأت تجهز ملابسها بيومها ماقبلت اطفي الضوة وماقبلت تنام زهراء
غزوان،،،وج لو تظلين للصبح كاعدة مااطفي كافي بس اكمكش مثل الاعمى تعبت الله انطاني عيون اريد اشوف 👀👀
زهراء،،،شنو تشوف ادري متستحي غزوان
غزوان،،،جانت سوالفها هاي تموتني ضحك وج لاأحد يسمعج ويفهمون الموضوع غلط وعبالهم مسوي مكسورة😂😂
زهراء،،،ظلينة الى نص الليل واحنة واحد يرفع وواحد يكبس ظل يحاول غزوان واخر شي تعب حبيبي واستسلم ونام اني فرحت بداخلي مجان بالي انه هذا الشي حرام عليه وانه من حقة واني حلالة بعد بس جان جهل مني والخجل تغلب علية
غزوان،،،كعدنا من الصبح ورحنة للمدينة
زهراء،،،جان اجمل مابغزوان انه ميزعل ولا يحقد ولايشيل بكلبة وكضينة الطريق كلة نضحك ونتشاقة ونسولف اتصل زيد بغزوان وعزمنا على الغدة بيتهم وكلة حتى نظل يمهم هالفترة
وفعلا رحنا جانوا مأجرين شقة صغيرة ململمة وحلوة من استقبلتنة زينة طلعت بتراكسود حصر وطابعة حتى ملابسها الداخلية عزة اني فشلت من كاعي اني بغرفتي لغزوان ماالبس هيج جانت من تمشي كدامي اظل فاتحة حلكي واباوع اكول هاي شلون هيج تطلع كدام غزوان جنت اراقب غزوان جانت من تمر من يمة كلة مدنك وميرفع عينة
بيومها تركني يمهم وراح كلي زهورة عندي شغل واحتمال هاليومين مااجي ديري بالج على نفسج وبيناتنة اتصال ومن تحتاجين شي تلكيني يمج وان شاء الله بس هل ايام اضغط على نفسيحتى اتفرغلج ونطلع نتونس
زهراء،،،اوك حبيبي
بأول ليلة بتنا اني وزينة بغرفتهم وطلع زيد نام بالصالة جانت زينة جريئة وحتى شقاها جريء
زينة،،،بالرغم جنت احب غزوان واحس حرامات بزهراء المطفية بس حبيتها جانت فقيرة ومطفية وماعدها خبث ومكر
زهراء،،،ظلينة نتعلل بالليل وكامت تسألني زينة عن علاقتنة اني وغزوان الجنسية عزة اني كام ينطي وجهي الوان هاي شنو هالحجي شنو هالجرءة
زينة،،،هاي شبيج دادة شنو هالحيا هذا اني لو عندي رجال مثل غزوان لأسوي الهوايل هو اني من اشوف نظراتة الج اذوب بكاعي
زهراء،، 😦😦
زينة،،،اي خية لتزعلين مني عندج رجال من صدك يذوب الصخر بس انتي مطفية وجمالة يباوع على حلكج وطاير بيج
زهراء،،،اني بس اباوعلها مصدومة
كامت تسولفلي زينة سوالف طيرتلي عقلي بعدين طلعتلي ملابس النوم مالتها
زينة،،،طلعت اشوفها الملابس والحركات وكذا جان تغطي وجهة صخام بوجهج زهراء لا دكوليلي متلبسين هالاشياء 🤔🤔
زهراء،،،لا اني اخجل مااحب احد يشوف جسمي
زينة،،،اشك هدومي الي مثلج انقرضن من ايام بيبيتي عزة العزاج معيشة الرجال بدارفور ترة يمل منج صدكيني ويباوع هنا وهنا ديري بالج ليخطفنة منج بنات الحلال
زهراء،،،بيومها مانمت وظل كلامها ابالي
ثاني يوم جنت ضايجة واشتاقيت لغزوان دزيتلة مسج اشتاقيتلك
زينة،،،جنت اغسل مواعين بالمطبخ وهية تتريك كامت ودك جهازها فتحتة وجان اشوف الغزل الي دازة الها طميت نفسي همداية وهمدة حظي المصدي معقولة هذا اخو التنكة الي عندي
صحتلها زهراء هاج عيني تلفونج دك وانفتح غصب عني
زهراء،،،زين اذا يجي زيد يحاجيني او يكعد يمي جنت ارتبك واخاف والم نفسي وعبالك زهراء الي جانت قبل 5 سنين بس هو حيل تغير وصار زيد ثاني بس هو وزينة علاقتهم مو طيبة وماواحد طايق الثاني جانت زينة 24 ساعة شايلة جهازها ولو تكتب لو تبسبس ومينسمع صوت الها
جنت اربط كلامها مع الي شفتة واكول اذا هية هيج حلوة ومهتمة بنفسها لعد ليش هو مل منها وعلاقتهم مو طيبة
زهراء،،،شغلت فيديوهات زينة وشوفتني اشياء وكفت عقلي كتلها اوي هاي شنو حرام شلون هيج طلعين وتشوفين وشلون زيد يقبل
زينة،،،خربت ضحك عليه صدك انتي من اهل الجنة وج خايبة العالم وين وانتي وين
زهراء،،،ضجت كلش حسيت نفسي سويت فد شي خطأ وخنت غزوان بمجرد ماشفت غيرة ورحت كعدت بالغرفة وحدي اجتني زينة وكالت شبيج زهراء اني ردت تتفتحين وتتعلمين شفتج جاهلة بهواي امور
زهراء،،،بس مو هيج زينة اني دأحس بالذنب وكأني مسوية خطيئة وج اني غزوان ماشايفة جسمة هيج وكمت ابجي
زينة،،،انصدمت هاي شنو يمعودة كل عقلج دتسولفين؟؟
زهراء،،،جانت زينة تسألني عن علاقتنة اني وغزوان وشنو يحب ويكره وكم مرة تصير بينة علاقة وحتى تجرأت تسألني شلون تصير خفت منها ومن اسآلتها وحسيت نفسي مامرتاحة وبليلتها حسيت نفسي مخنوكة وتمنيت لو ظالة عند امي انتظرة احسن ماجاية هنا
غزوان،،،جنت ماراح ارتاح اظل يم زيد وبسبب شغلي مكدر اترك زهراء وحدها فجان انسب حل انه اتركها عدهم اتصلت بزهراء بالليل وجانت ضايجة وممرتاحة كتلها حبيبي باجر اكمل شغلي الصبح واجي اخذج نروح نتغدة ونفتر نتونس
وفعلا اجاني غزوان الظهر ورحنة تغدينة بالمطعم وافترينا مولات ومجمعات واشتريت هواية اشياء جانت الالبسة النسائية يوكفون عليها بنات اخذت راحتي وساعدوني بالاختيار
رحنة لمدينة الالعاب وضحكنة من كل كلبنة حسيت نفسي طفلة لأول مرة اعيش طفولة انحرمت منها بعمر 20 سنة عشتها
غزوان،،،جانت ضحكة زهراء تردلي روحي وترويني
زهراء،،،اخذنا عشانا ورحنة للفندق جان يخبل سبح غزوان وتعشينة طبيت سبحت ولبست سيت كلة خيوط مكطع موصل عزة بعينج زهراء شخبلني شكد عيب مااكدر اطلع والله
غزوان،،،دكيت الباب زهراء بيج شي شو تأخرتي
زهراء،،، اضرب على وجهي عزة شلون اطلع هسة همست لا مابية شي
غزوان،،،ها الحمدلله رجعت ادور على قنوات الاخبار فتحت زهراء الباب وقبل متطلع جان تصيح غزوان عفية غمض
غزوان،،،خرب انتي لو تطفين الضوة لو تخليني اغمض هههههه
زهراء،،،عفية غمض شكد عيب ياربي
غزوان،،،غمضت وحسيتها تريد تركض تختل جوة الفراش وقبل لتصل لزمتها خلت ايدها على وجهة وصارت دم
غزوان،،،ضحكت وحضنتها فدوة تخبلين وج ليش هيج حارمتني من كل هالجمال
زهراء،،،جان يهمس بأذني وكلامة يخبل
حضنتة بقوة واحس مااعرف شي بداخلي تحرك وانتزع مني كل خجلي وكمت ابوس بي ونزعتة التيشرت الي جان لابسة
غزوان،،،استغربت تصرفات وكلام زهراء وعبالك مو هية شلتها وفريتها وصوت ضحكتها نساني الدنيا نومتها على السرير وصرنا بغير عالم ولاول مرة هيج نتحرر من كل القيود
ونمنا وهية على ايدي
زهراء،،،كعدت واني نايمة على ايدة ظليت اباوعلة وامشي ايدي على خدة وشفتة وادغدغ صدرة فز وضحك وحضني كمت اهمسلة بغزل وكلام وحجي اول مرة يسمعة مني وجنت منطلقة وياه لح علية غزوان يريد يعرف شنو سر هالتغير جنت مترددة احجيلة او لا بس مجنت احب اضم عنة شي حجيتلة الي صار وياية ضاج غزوان ولاول مرة يصرخ عليه اني خفت وحضنتة
غزوان،،،شكد اعصب بس من تخاف مني و تلجأ الي ابرد جمرة بمي
استغفرت ربي وكتلها زهورة الغلط مني جان المفروض مااخليج هناك هو اصلا اني مابتت لان مجنت مرتاحلها بس متوقعت راح تدخل وياج لهدرجة عموما حبي زين سوينة وجبتج هنا خلي ابالج زينة وامثالها مااستهضمهم ولا احب هيج بنات وفدوة لله اكثر شي حبيتة بيج برائتج وخجلج وان تعبتيني وانحرمت من هواية اشياء بس جنت اعرف مسألة وقت وراح تتعودين وتصير مسألة طبيعية وكلشي منج عسل
زهراء،،،ظلينة يومين ورجعنا لقرية
وصارت حياتنة تخبل بين خجل وجراءة الحمدلله تجرعنا هالحياة واهم شي جان الاحترام والحب متبادل
ورة فترة اتصل زيد بغزوان وطلع غزوان مستعجل وكلي مااحجي شي للحجية وانه يتأخر يومين اني ظل بالي عليه بس مكدرت احجي شي
غزوان،،،جان زيد بالمستشفى وكالوا الجيران سمعوا صوت اطلاق نار ورة نص ساعة دخلولة وشافوه غركان بدمة جان مصوب بصدرة وكالوا الحمدلله عبر مرحلة الخطر ووضعة مستقر سمحولي بزيارتة بوستة من راسة وكتفة وجان يبجي وحالتة حالة
غزوان،،،منو الي ضربك زيد وشعندة وياك
زيد ،،،اوووف غزوان اخوك انداس تحت الرجلين من زمان
غزوان،،،ماعاش الي يدوسك ان شاء الله دومك مرفوع الراس احجيلي ياخوي
زيد،،،غزوان من اخذتها وهية صاحبة علاقات وحبيتها صدك وجنت متصور راح توب اكتشفت اكثر من مرة خيانتها وسامحتها لان احبها صار عندي ضعف وبصعوبة كمت ادبرها وكل شهر مرة كرهتني وكرهتني بعيشتي
غزوان،،،دنكت وكلبي انعصر من الي دأسمعة منة
زيد ،،،انهار وبدء يبجي اكثر غزوان لكتها مع عشيقها بفراشي وصوبني وانهزمت وياه
غزوان،،،دمعت عيني واني مصدوم بالي دأسمعة واقشعر جسمي همست والله جنت متوقع هيج نهايتك ونصحتك ياخوي والحجية جانت تنصحك وماسمعت من عدنة وسويت الي براسك
بست راسة وحضنتة وماعندي اي كلمات ممكن تواسي حالة
همست حسبي الله ونعم الوكيل زيودي متستاهل الي صارلك
زيد لاوالله يااخوي استاهل وربك يمهل ولايهمل هاي حوبة اليتيمة الي اتهمتها بشرفها واني ابن عمها واعرفها بريئة طلعت حجي عنها اشكال وحجيت للشيخ الله يرحمة عنها جذب وصحيح الى ان انجلط بحسرتها ويبجي
مجنت اعرف انه هذا قذف محصنات وعقابة عظيم عند رب العالمين الله يشهد كل هالسنين جان تأنيب الضمير يكتلني وبيوم الي شفتها خفت منها اي والله خفت منها يتيمة وشأنها عند رب العالمين عظيم وجنت افكر انه لو بيومها لازمها وبطيشي ورعونتي كاتلها وهي مظلومة وبريئة جان شلون عشت وشنو حالي ودمها بركبتي يكفي اني السبب بوفاة الشيخ ربك يمهل ولا يهمل لو بعد سنين اجتني زينة وانطتنة درس اني وامك مننساه للموت وعلمتنة ان الله حق
غزوان،،،جنت صافن بحجية جان منهار ويحجي عفتة وطلعت بدون مااحجي اي كلمة والي بي كافيه
ظليت يمة اسبوع الى ان استقر وضعة وكدرت اطلعة من المستشفى
زهراء،،،طلعوه لزيد واستقبلناه بالذبايح والهلاهل بس جان مكسور ونفسيتة تعبانة وميحجي مع احد ولا يختلط بينة ورة شهر كمت ادوخ وصارت تلعب نفسي كالولي حامل وفرحنة كلش جنة محتاجين لهيج فرحة بس تفاجأنة بخبر سفر زيد قرر يهاجر برة العراق وجان مصر على قرارة ودعناه وكلوبنا معصورة على فراكة وحالتة هالحالة استسمح مني قبل ليسافر وباسني من راسي بجيت من كل كلبي وجنت مشايلة عليه ابد واتمنى ربي يفرج عنة ويبقى بيناتنة لخاطر الحجية على الاقل بس جان مقتنع بالهجرة
غزوان،،،كامت تكبر بطن زهراء وجنت بين شغلي وسفري اتفاجأ بيها كل فترة شلون متغيرة جانت تعبانة بأشهرها الاخيرة
زهراء،،،جان يساعدني غزوان اذا اكون وحدي بس يهوسلي المطبخ وجانت امي تتمنى اجيب درزن بنات وتظل دكول الي ماعندة بنية مايشبع المية
وتظل دكلي اوف بنيتي والله الچنة بالبيت جنة
جان غزوان يكول ها يمة مسويات حزب ونضحك اتذكر بيوم ولادتي فجأة طك مي الراس اني ونايمة بالليل وخفت لان مجان اكو وجع وبدأ يزيد الوجع جنت مااعرف شنو اسوي او شنو الولادة جنت اصرخ واجر بغزوان مااريدة يفاركني
غزوان،،،اول مرة بحياتي اشوف زهراء بهيج حالة خفت كلش ومجنت اعرف شأسوي جنت اسأل بأمي يمة ليش هيج زهراء تصرخ جنت خايف اخسرها
الحجية،،،غزوان جان وجهة اصفر وينطي الوان همست يمة هي هاي الولادة خابرنة على ام فؤاد وجابت القابلة وياها
وغزوان جان حاضنها وزهراء خرمشتة ولعبت فنة بالولد
غزوان،،،اجتي القابلة وطلعوني بس كلبي ظل يمها
زهراء،،،جنت اصرخ يدخلولي غزوان ويكولولي ميصير وليدي غير اذا يشوفج تولدين كدامة لا ينشده شدهة عمرة
غزوان،،،جنت برة والوب واني اسمعها تصرخ غزوان او اسمعها تريد امها جانت دمعتي بطرف عيني وادعي من رب العالمين انه دكوم بالسلامة باوعت لفؤاد يبجي ويشهك بالبجي ويحجي عليه ويكول كلة من غزوان
غزوان،،،جنت اكول اي والله كلة مني اني لو اعرف هيج الولادة فلا اخليها تحمل وفجأة اختفى صوت زهراء كمت ادك بالباب بخبال جان نفسي راح ينكطع طلعتلي خالتي شايلة طفل بأيدها وتهلهل
غزوان ،،،ماباوعت بوجه الطفل جنت بس اسأل عن زهراء كالت يمة مثل الورد هاي هية جابت وراح شرها
غزوان،،،اكدر اشوفها
ام فؤاد لا بعد خالتك خلي ترتاح شوي والقابلة تطلع عود تطب تشوفها ادري دشيل الطفلة يمة سمي وكبر بأذنها
غزوان،،،جان بالي يم زهراء بحيث منتبهت حتى على الطفل ولا اعرف شجابت بعدين كالولي بنية وسميناها مريم على اسم ام زهراء
زهراء،،،كان الم الولادة يفوق الوصف سبحانه الي يخلق روح من روح تعبت من الطلوك وكان الوجع يزيد كامت عيوني تغوش وكل جسمي يوجعني واني اصرخ بغزوان او امي كنت لاول مرة استنجد بأمي لاني اعرف وواعية لفقدانها بس بيومها جنت اصرخ بلا وعي يووووووم يايمة لحكيني وحسيت وكأنه سراب ابيض مر من يمي ومسح بطني انهديت ونمت ماوعيت الا واني والدة والطفلة يمي وكلهم حوالية
زهراء،،،نسيت الم الولادة وكلشي بالدنيا من شفتها جنت اشمها وابجي وكل حنان الدنيا بكلبي الها يمكن لان انحرمت من حنان الام جان حناني الها مضاعف جان اروع احساس ممكن تحس بي اي انثى انها تملك طفل من احشائها تغذى وتنفس وياها والدم الي سرى بعروقها يرى بعروقة جنت كل مااحضنها وارضعها ادعي من ربي كون ميحرم اي بنت من هالنعمة ولا يحرم اي طفل من امة
غزوان،،،جنت خايف على زهراء لدرجة كرهت الاطفال بس زهورتي جانت اروع ام واطيب حبيبة واكثر شخص بريء شفتة بحياتي واجمل حافية قدمين ترقص بمدخل شرياني ،،
النهايه