رواية _حافيه_القدمين💋 الفصل التاسع عشر 19 - بقلم زهورا

ثاني يوم كعدت من الصبح وكتلهم راح اجيب زهراء واجي جانوا فرحانين وديحضرون بالبيت والاكل وكأنه مو زهراء جاية
خابرت على زيد وحجيتلة بالي صار وانه ظلموها لزهراء وجان زيد متغير وكأنه صار واعي ورجال مو ذاك زيد الطايش باركلي وكلي تظل بنت عمنا ومن لحمنا ودمنا ويتيمة ومكطوعة وماالها غيرنا وباركلي طلبت منة انه لازم يحضر زواجي ويجيب زوجتة ويطيب خاطر الحجية وتتصافة القلوب وكلي ان شاء الله خير
رحت اجيب زهراء وجانت متأثرين كلش زهراء وام فضة ويبجون ووصتني بيها
زهراء،،،تمنيت لو تجي تعيش وياية ام فضة وحسيتها امي بس مجانت توافق ووعدتني انه راح تظل تتواصل وياية وتجيني جانت تبجي وكأنه ام دتودع بنتها الي راح تتزوج وفعلا من ركبت السيارة حسيت عفت كلبي يمها
غزوان،،،جنت اسوق وبأيدي الثانية حضنت زهراء لان اثرت بية دموعها همست لتبجين اوعدج اكون الج ام واب وحبيب وزوج
زهراء،،،ان من زمان من جنت صغيرة جنت احسك ملاذي الآمن وامي وابوي وابن عمي وحبيبي ودنيا كلها
غزوان،،،اوعدج متنغثين ابد واعوضج عن كل الايام المرة الشفتيها
زهراء،،،جنت اباوعلة والدنيا مسايعتني من الفرحة
وصلنة البيت ونزل غزوان وفتح الباب ولزم ايدي ودخلنة انعصر كلبي واني ادخل البيت وتزاحمت الذكريات بين حلو ومر استقبلتني خالتي ام فؤاد وهلهلت وحضنتني وبجينة وكالت لغزوان كرة عينك بشوفة زهورة اجة فؤاد يصفك وهو يكمز ويضحك وعبالك طفل اجة يركض يريد يحضني خالتي صارت كبالة وحاولت تبعدة عني وعيونها تراقب نظرات غزوان الي جرني من ايدي وكلي خلي اوديج للحجية
استغربت شعجب ماطلعت استقبلتنة فتح باب غرفتها وشهكت من شفتها على الكرسي المتحرك جانت تبجي وفاتحتلي ايدها رحت اركض وحضنتها واني اهمس شبيج يمة اسم الله عنج
الحجية،،،ابوس بيها واشمشمها اووووف يمة زهورة شسويت بيج سامحيني يمة يتيمة حوبتج متعدتني
زهراء،،،جنت ابجي واهمس مسامحة يمة جانت تجر بأيدي تريد تبوسها ومااخليها كمت اتذكر او ماجابوني للبيت شلون جانت حنينة علية اتذكرت من جانت تغسلي وتبدلي تلبسني اجمل الملابس اتذكرت من جانت تظفرلي شعري وتنومني بحضنها وزيد وزيدون يغارون مني تذكرت من جانت تدرسني وتترك دراسة ولدها همست يمة ليش قسيتي علية ماالي الا حضنج وتعذبت بعدج
الحجية ،،،اوف زهورة بعد امج الشيطان شاطر عمة على كلبي ودفعت الثمن غالي
زهراء ،،،جنة كلنا نبجي نزل غزوان وحضن امة حيل وباست راسة وطلبت يسامحة
زهراء،،،افتريت بالبيت جان ممتغير بس جان متبهذل ومونفس النظافة والترتيب الي جان بي قبل
غزوان ،،،افتر مع زهراء وشفتها شكد مشتاقة وتحن للبيت
زهراء،،راحت خالتي تصب الغدة واجاني فؤاد ضاج غزوان كتلة خطية فدوة لتكسر بخاطرة
غزوان،،جان فؤاد لازم ايدها ويبوسها ويخلي ايدها على راسة وينزلها على كتفة واظهرة شاطت روحي وكتلها وين يريد يوصل هذا ست زهراء
زهراء،،،خفت وجريت ايدي ورحت لغرفتي
غزوان،،،تقربت لفؤاد وهمست زهراء ميصير تلمسها فؤاد الله يحركك بنار جهنم مثل مدتحركلي كلبي مخلي نفسك متفهم وتمسح بأيد البنية على صماخك 😒😒
رحت لغرفتي واني ادردم عليه وكمت اكره حتى جية خالتي من وراه
زهراء،،،جنت مشتاقتلهم كلش وجنة نكعد ونسولف ونتشاقة ونضحك بس اذا جان يجي فؤاد يكعد يمي ينزعج وخالتي بدت تحاجي فؤاد وتفهمة انه اني راح اصير زوجة غزوان وميصير يظل هيج يتقربلي طلع غزوان للحديقة ضايج وكالت خالتي روحي لحكي يمة لازم تكعدون مع بعضكم تعوضون هالسنين معذور من يضوج من فؤاد غزوان الي شافة بهل سنين مو شوي وماصدك على الله يرجع يشوفج
زهراء،،،طلعت لكتة واكف بالحديقة ومخلي ايدة بجيوبة
التفت علية وابتسم
زهراء،،،كعدت على كرسي من الكراسي الموجودة بالحديقة
كعد كبالي غزوان جنت مااشبع بي شوف
غزوان،،،شكد فرحان وشكد مرتاح واني اشوفج مرتاحة وتضحكين
زهراء،،،ابتسمت حبيبي لعد ليش كمت مزعوج
غزوان،،، شنو كلتي قبل ليش مزعوج ؟؟
زهراء،،،ضحكت ودنكت
غزوان ،،،فديت زوزايتي الي تخجل وج اموت بخجلج والله بس تصدكين زهراء فؤاد كاعد على كلبي
زهراء،،،كل عقلك تغار من فؤاد غزوان؟؟ وضحكت
غزوان،،،تصدكين اي
زهراء،،،حبيبي فؤاد مريض وميفتهم حالة حال الطفل
غزوان،،،وج متشوفين شواربة تارسة وجهة
زهراء،،،وان كان حبي بس مريض وميفهم الي حوليه شديصير
غزوان،،،وج زهراء لتستفزيني بس يصير عندة رجولة
زهراء،،،يعني شنو مفهمت؟؟؟
غزوان،،،صفنت بيها هاي شلون افهمها كتلها يعني احيانا يصير مثلي طبيعي ويكدر يمارس طبيعي
زهراء،،،شنو
غزوان،،،خليت ايدي على راسي خرب بعمي هاي زهراء طافية من الابي ومتعرف اي شي كلت يلا بعد احسن
زهراء،،،مااعرف شنو تقصد بس اني وفؤاد وزيدون الله يرحمة تربينة سوة واكثر اثنين عاشرتهم وحسيتهم اخوتي من صدك فؤاد طفل جبير وتصرفاتة عفوية وطفولية وانت مجنت تنزعج منة قبل بس هسة
غزوان ،،،لان جنتوا اطفال وتلعبون سوة اما هسة انتي راح تصيرين زوجتي وهو مابقى طفل هو يفهم ويوعى كلشي فدوة زهراء لتزعليني منج لتنطي مجال ابد وصدي
زهراء،،، صار تدلل
غزوان،،،شكد مشتاكلج وشكد متغيرة عليه صايرة مرة مرة وكل معالم الانوثة بيج
زهراء،،،جان يحجي ويباوعلي من فوك ليجوة ويتغزل بية وخدودي صارت حمر وسخنت جنت مااعرف شنو اردلة حجية يخبل
غزوان،،،دحجي حبيبي والله مشتاكلج واريد اشبع منج ومن صوتج
زهراء،،،مااعرف احجي مثلك ولا اعرف اعبر عن الي بداخلي بس اعرف اكولك احبك وضحكت
غزوان،،،اي عفية ظلي كوليلي احبك مااشبع منها شوكت نتزوج وتصيرين حلالي
اني كلت للحجية الخميس ان شاء الله عرسنا اذا ماعندج مانع
زهراء،،يعني بعد 3 ايام
غزوان،،هواي مو ؟؟وضحكت
زهراء،،،ضحكت بس هواية اكو شغلات لازم نسويها
غزوان،،،بيومين نكمل كلشي ولا تهتمين حبي وكلشي الي تحتاجي راح يجيج الى يمج واني من باجر راح ابات بالمضيف ميصير ابات يمكم بالبيت وطبعا راح اخذ حبيب كلبي فؤاد يبات يمي لان خالتي اكيد راح تبقى يمج
زهراء،،،ضحكت وكتلة ماشي
كمنة نحضر وجانت احلى ايام بعمري رجعت انضف بالبيت وارتبة حتى يرجع مثل قبل واحسن
ام فؤاد ،،،جنت اباوع لزهراء شلون تنظف وترتب بالبيت هلكت نفسها عليه وكأنها عصفورة ورجعت لعشها جابوا غرفتهم ورتبوها هية وغزوان وكأنهم عصافير يرتبون بعشهم
زهراء،،،غرفتنا صارت تخبل وكلشي على ذوقي خابرنا زيد وكال راح اجيب لزهراء البدلة مالت العرس من المدينة جنت كل مااسمع بسيرة زيد كلبي يوجعني مااعرف ليش
ام فؤاد قبل العرس بيوم جانت ممددة زهراء على القنفة ولازمة ظهرها كتلها يومة خوما بيج شي انتي تعبتي كلش هاليومين
زهراء،،يمكن لان صارلي زمان على التنظيف البيوت خالة
ام فؤاد ،،،ليش يمة مو جنتي كاعدة ببيت لو بشقة عند ذولي الجماعة؟؟
زهراء،،،ها لاخالة بشقة ومجانوا يخلوني اشتغل كومة
ام فؤاد ،،،سودة علية تعبتي كلش يمة ومو زين على ظهرج
زهراء،،،لا خالة ماعليه شي هاي لان اجتني الدورة وعادي كل مرة هيج يوجعني ظهري
ام فؤاد ،،،انتي عليج الدورة شلون تزوجين لعد يمة جان حجيتي قبل لا نحدد العرس
زهراء،،ليش خالة شنو علاقة العرس بالدورة
ام فؤاد،،،صفنت عليها يمة يصخام وجهي دكول شنو الها دخل بالزواج هاي البنية متعرف شي اوي يمة صدك اليتيم يتيم الام
رحت لأم غزوان وحجيتلها
ام غزوان،،،،معقولة متعرف شي
ام فؤاد ،،،دادة منوين تعرف لا ام الي تعلم ولا اخت الي توجه هسة كوليلي شنسوي كعديها وسولفي وياها
ام غزوان،،،لا خية اني من جان عمرها 11 سنة وكوة كدرت احاجيها وافهمها عن الدورة حتى تريديني اعلمها هيج شي
ام فؤاد ،،،رحت حتى اوجها واساعدها من تنظف جسمها وحفيتلها حاولت المحلها ومجانت تفهم شي كلت ينجاز غزوان بيها اوي شنو هالاحراجات الحمدلله ماانرزقت ببنية
زهراء،،،قبل العرس بيوم اجة غزوان ومعاه زيد وزوجتة خفت كلش من شفت زيد بس جان متغير وسلم علية وجان حباب زوجتة جانت حلوة ومرتبة بس علاقتهم مو طبيعية وحسيتهم ممندمجين سوة
زينة ،،،جان كلشي متغير بالبيت وصاير بي روح وحياة وخالتي ام غزوان جانت تموت بزهراء وزهراء تناديها يمة بس مجان يعنولي اخر همي جان امبين على زهراء فطيرة وعلى نياتها وطيبة كلش جان الشيخ بس صافن بيها ويباوعلها بعشق وهيام والي دكولة يكوللها صار وتم جنت احسدها عليه كان كلة رجولة
وحسن وهيبة بس كدامها كلشي يختفي وعبالك ساحرتة كان هايم بيها طلعتلها البدلة حتى تقيسها ولان مكشوفة من فوك مكدرت حتى تلبسها وجانت تخجل حتى تلبسها كدامنا استغربت اول مرة اشوف هيج حيا وخجل كلت هاي شلون راح تتزوج
زهراء،،،جانت زينة جريئة وكلامها جريء واغلب كلامها مجنت افهم عليه
غزوان،،،جنت مامصدك شوكت اتزوجها وتجمعني بيها غرفة وحدة وسقف واحد جنت اموت ببراءتها وحيائها
كانت زينة تتماين وياية وتشاقة بس محبيتها ولا حبيت تواجدها جنت لابسها ولخاطر زيد اتحملت وجودها لان اعرف بس فترة وراح يرجعون
زينة ،،،جنت اموت حسرة وغيرة وقهر جنت اتمنى مقابلة غزوان قبل زيد حسيت هو يناسبني واني اناسبة اكثر جنت مااطيق زيد واكرهة ومااحب يقربلي وكل شهر مرة وبالكوه جان مختلف عن غزوان قلبا وقالبا
غزوان،،،وبيوم العرس جنت طاير من الفرح وصار عرس مصاير مثلة تعبت بيومها كلش من الهوسة ومجاملة الناس وماصدكت يزفوني وادخللها
زهراء،،،جنت فرحانة كلش والكل جان يحسدني واني نفسي حاسدة نفسي على غزوان جانوا كلهم يوصوني اصير سباعية ومااخاف حسيت نفسي داخلة لمعركة ومجنت مفتهمة ليش حتى اخاف واني راح اتزوج حب عمري الي يخاف علية ومداريني مثل رمش عيوني اتذكر زفوه دخل وياه فؤاد ولطش يمنا وطلعوه كوة خالتي وزيد وخطية كام يبجي
غزوان،،،خرب بعمي هذا راح يموتني ناقص عمر جنت راح ادفرة الله شاهد بس عيب يكولون العريس يدافر بيوم عرسة 😂😂
زهراء جانت تضحك على سوالفي فدوة لهل ضحكة تقربت منها الف مبروك ياحلالي وفرحتي وام جهالي
زهراء،،،الله يبارك بيك حبيبي ان شاء الله ربي يسعدنا ونعوض الايام الي خسرناها
غزوان،،،تقربتلها واني اتغزل بيها بوستها من كل مكان وجانت طبيعية ومتفاعلة كمت انزل لركبتها ولصدرها وايدي انتشرت بكل مكان دفعتني زهراء وكالت
شدسوي غزوان
غزوان،،،ضحكت وهمست احبج بعد مابية صبر
زهراء،،،اوي شنو هالتصرفات
غزوان ،،،استغربت ردة فعلها كمت وشلت الغترة والعكال ردت اغير ملابسي دارت وجهة حسيتها خجلانة مني تقربت منها ووكفتها ردت افتح سحاب بدلتها وماقبلت زهراء وضاجت
زهراء،،،شنو هالتصرفات غزوان راح تنزل من عيني
غزوان،،جمدت بكاعي ليش ولج اني شسويت  🙄
زهراء،،،مااحب هيج تصرفات ليش هيج دتسوي
غزوان،،،وج اي تصرفات هو اني بعد تصرفت شي وجهت شي ؟؟
جانت تحجي زهراء انه عيب اشوف جسمها او المسها الي فهمتة من كلامها انه متعرف اي شي
كعدت على الجرباية وضحكت كل عقلي باوعت عليها انتي تحجين كل عقلج لو ناصبة علية زهراء الله عليج
كعدتها يمي وحاولت استدرجها بالكلام والي فهمتة منها انه عبالها الزواج بوس وحضن والبوسة من الشفة ممكن تحبل
ضحكت هنيالك غزوان والله ههههههه
كعدتها حبيبي اسمعيني اني اعرف انه انتي تجهلين هواية امور وجان المفروض نتكلم بهل خصوص قبل الزواج بس مجان اكو وكت والغلط من امي وخالتي جان المفروض يفهموج هيج امور مو يخلوها كلها براسي
حاجيتها بصراحة عن كلشي وكلبتها زهراء عليه بجي ومدافر وعلى نزلت من عيني ومجنت متصورتك كذا ولتتكلم بهل طريقة ولدكول هيج عيب هههههههه
همست زهراء اني برضاج او بغصب عنج لازم منا لنص ساعة اطلع النيشان للعالم الي دتنتظرني برة وانتي اكيد متحبين ينحجي عني والعالم تاكل وجهي
خبلتني زهراء مجانت تقتنع وبس تبجي ومجانت تخليني حتى اتقرب منها
بعدين اندك الباب وخالتي جابت العشة وشافت الوضعية زهراء تبجي واني ضجت صرت نار
اخذتني على جهة وكالت وليدي ترة هية عدها عذر شرعي
غزوان ،،،شلون!! وانتن شنو شغلجن جان كلتوا جان حجيتوا
ام فؤاد ،،،فدوة حبيب خالتك ترة البنية فقيرة ومتعرف شي لا اكو ام الي تعلم ولا اخت الي توجه شوي شوي وياها
غزوان،،،استغفرت ربي وشوي هديت
طيبت خاطرها واعتذرت منها ماقبلت تغير ملابسها الا اطلع
باوعتلها وكلت والله مااطلع هسة لو شيصير ظلت دردم زهراء على انه مصدومة بيك ومجنت متصورة انت هيج واني من صدمة سوالفها جنت اضحك على روحي والموقف الي اني بي 
واني هم بدلت كعدنة تعشينة بس جانت زهراء ضايجة ودكول اني لو اعرف اكو هيج اشياء ماازوج
غزوان،،،لعد شنو اتصورتي بلة واضحك
زهراء،،،جنت متصورة كلة بوس وحضن مثل الي نشوفة بالافلام
غزوان،،،لو الزواج مثل مافاهمة انتي جان محد تزوج وكلها ظلت تبوس على كيفها
زهراء ،،،انصدمت بحجي غزوان وفعلا مجنت هيج متصورة الامور جنت اذا البس دشداشة شوي حصر جانت امي تحجي علية ومافد يوم بدلت او احد شاف جسمي جان الوضع صعب علية
غزوان ،،،اتأثرت بردة فعل زهراء وحاولت استوعبها واجي وياها للأخر
زينة،،،ثاني يوم من طلع الشيخ وحاولوا ام فؤاد وخالتي يموهون على القصة واشتغلت الهلاهل اني حسيت ماصار شي وديهلهلون على الخالي بلاش
زهراء،،،اجتي ثاني يوم عرسي ام فضة وفرحت بشوفتها كلش وحجيتلها وضحكت علية وحاولت تفهمني وحجتلي نفس حجي غزوان وكالت يمة صار زوجج وكلشي حلال بينكم الا ماحرم رب العالمين وماكو بين الرجال وزوجتة لا عيب ولا خجل هي بس شوي بالبداية صعبة وان شاء الله بعدين تصير عادية
زينة ،،،جان يطلع من الحمام يخبل كمت كل مااشوفة اكره زيد اكثر وكامت تصير بيناتنة مشاكل كومةوطلبت منة نرجع للمدينة وفعلا رجعنا اني وياه
غزوان،،،مثل ميكولون جانت العافية درجات وكل يوم نطور ونوصل لمرحلة زهراء جانت تستحي بالبداية
وشوي شوي صارت اجرء وكامت دوخ وتضيع بأحضاني ورة 4 ايام ومن تأكدت خلصت حضنتها وكمت احاجيها على انه هواية احاسيس ومشاعر متكتمل وتكون ناقصة اذا ماعبرنا عنها جسديا واحنة متزوجين حبيبتي وهذا الشي بدء يزعجني ويضايقني
زهراء،،،جنت احبة لدرجة اتمنى اسعدة ومااغثة بشي وافقت بس على انه يكون تحت ظلام دامس لان جنت اخجل