رواية _حافيه_القدمين💋 الفصل التاسع 9 - بقلم زهورا

ام غزوان،،،كمت اضرب على وجهي عزة العزاني بوية والله ابوك اذا سمع هالحجي الا يروح بيها اووف الله لايوفقج زهيرة طلع بيج البلة هاي جزاتنا وجزاة تعبنا وياج كمت افكر شلون راح احلها وشلون راح اطلعها من البيت وابعدها عن غزوان الي متعلق بيها وشايفها ومامصدك والي راح دنس عرضة وتكسر قلبة وتحطمة دزيت على اختي ام فؤاد
زهراء ،،اجتي خالتي ام فؤاد وفؤاد فرح من شافني اجة كعد يمي بالمطبخ خليتلة حلويات وكمت اشاقي كلي انه بما معناه انه همزين غزوان راح جان ضايج من غزوان جنت اضحك عليه واكول يمة غزوان هو الروح والرية سويت جاي وكعك ورحت اضيف خالتي ام فؤاد سمعتهم ديحجون عني مجان قصدي اتنصت بس مجنت افهم شكو
ام غزوان،،،خية شنو رائيج تاخذين زهور لفؤاد منو داري وداريج وهو يحبها ومتعود عليها وهية سبعة وام بيت ويتيمة وتكسبين بيها اجر
ام فؤاد،،،والله مااعرف شنو اكول خية اني اكيف بس انتي تعرفين فؤاد مايعرف شنو مرة وحرام احطها بركبتي  ويتيمة مانطلع من خطيتها
ام غزوان،،،خية ملعبة هاي هية تعلمة وتخلي فحل وبعدين شرايحلها اذا تاخذيها لفؤاد والله حيطير عقلها
ام فؤاد ،،،زين والشيخ يوافق؟؟
ام غزوان ،،،خلي الشيخ عليه اني اقنعة واذا وافق باجر اريدج تجين تاخذيها وتعقديلهم وتاخذيها خية اني صاروا عندي شباب وتفرفر يمهم والشيطان ما مات لا تجيبلي بلية
ام فؤاد ،،،ماتلامين خية ان شاء الله خير
زهراء ،،،كمت ارجف واني شايلة الصينية اطشطش الجاي بالصينية واني مامصدكة الي دأسمعة كامت دمعة تدفع دمعة رجعت للمطبخ وشمرت الصينية على الكاونتر وكعدت على الكرسي وبجيت بحركة عزة العزاج يازهراء شنو هالبلية وينك ياغزوان الحكني شوف مصيبتي ليش تركتني ورحت كمت اشهك بالبجي اجة فؤاد ووكف كدامي ومسح دمعي دفعتة وكمت اصرخ عليه خاف وكعد بالزاوية يبجي باوعتلة وانقهرت عليه مسكين انت شنو ذنبك عفتة ورحت لغرفتي كمت الوب وافكر شلون اوصل لغزوان واحجيلة جنت مااعرف لا رقمة ولا كلشي ولا عندي موبايل كمت افتر بالغرفة والوب وافكر شأسوي بهل مصيبة اذا وافق عمي الشيخ ونطاني لفؤاد كمت اون بخنكة
راحت خالتي وفؤاد رحت بسرعة لغرفة ام غزوان حتى اترجاها تترك هالفكرة طبيت عليها جانت كاعدة وصافنة كعدت كبالها واشهك بالبجي
ام غزوان ،،،شبيج وجه البومة ياستار ميتلج ميت!!
زهراء،،،يمة الله يوفقج شيلي فكرة زواجي من فؤاد الله يخليج يمة
ام غزوان ،،،يمة مكرج يمة جنتي تسمعين علينة زهيرة شوكت اخلص منج كوليلي
زهراء،،،يمة والله مو قصدي اتنصت بالصدفة والله يمة ليش تسوين بية هيج والله معتبرتج امي من فتحت عيني على الدنيا وعيت عليج تربيت على ايدج وعشت وياج اكثر من ماعشت مع امي حتى وجه امي نسيتة واشوفج امي واحبج ومااذيتج بشي
ام غزوان،،،اشوف غزرت بيج تربيتي نكستي روسنة وجبتيلنا العار ومحد راح يستر عليج الا فؤاد مو همزين لكتلج من يرضى بيج
زهراء،،،اني يمة؟؟ ليش هيج تحجين والله ماسويت شي ينزل روسكم لتظلميني وتشيلين خطيتي يمة مااريدة مكدر اعيش وياه
ام غزوان ،،،لعد منو تريدين زهيرة لا عبالك ضحك عليج غزوان بحجايتين عبالج يحبج قبل شوي سديت التلفون وياه وكلي يحب بنية وياه ويريدني اخطبها الة
زهراء،،،زدت بالبجي شنو الي دأسمعة ياربي اني بكابوس يمة ليش هيج دتسوين بية
ام غزوان،،،كومي جهزي نفسج واجمعي اغراضج باجر تجي ام فؤاد تاخذج وورة العشة احاجي عمج الشيخ واكيد راح يوافق
زهراء،،،ظليت ابجي والوب ومكدرت انام الليل لازم غزوان يعرف لازم يلحكني مستحيل اصير لغيرة مااصدك جان يضحك علية معقولة صح عندة حبيبة وياه بالجامعة جنت اون بحسرتي وافكر شلون اذا طلع عليه الصبح والشيخ وافق
فكرت انه اطلع وجه الصبح ومااظل بهذا البيت دقيقة وحدة ولعل وعسى اذا طلعت منا اكدر اوصل لغزوان او انطيه خبر كمت الم اغراضي