رواية _حافيه_القدمين💋 الفصل الثامن 8 - بقلم زهورا

غزوان،،،شاورني كوليلي احبك
زهراء،،،لا مااكدر
غزوان،،،،لا تكدرين وايدج ماافلتها يلا انتظرج
زهراء،،،عفية اتركني هسة امي دورني وتجي علينة وتشوفنة
غزوان،،،مااهدج الا دكوليها يلا انتظرج 
زهراء ،،،كمت اتلفت خايفة همست بخجل احبك ابتسم وهديت ايدي وركضت لغرفتي قفلت الباب وظليت اكمز وهديت شعري وكفت كبال المراية وكمت اشتم بأيدي الي بقت بيها عطرة جنت طايرة من الفرح وماحسيت بروحي الا غافية
ام غزوان ،،،هاي وينها زهور متجي تشيل الصواني وتنظفها وين اختفت
غزوان،،،مبتسم واحس نفسي بغير عالم واكول بكلبي يمة جانت يمي وايدها بأيدي وكالتلي احبك
ام غزوان ،،،رحت لغرفتها فتحت الباب شفتها نايمة كلت يا هاي شبيها نايمة من وكت سديت الباب ورحت
زهراء،،،ظلينة هيج نتبادل النظرات والابتسامات ونلتقي بالبوكة ونحجي كلمتين الى ان خلصت عطلة نص السنة وراح يرجع يداوم جنت اغسلة واكويلة ملابسة وارتبلة اغراضة طبختلة كومة اكل وخبزتلة وجنت مقهورة على فراكة بالليل قبل لا انام كلي نلتقي بالبستان بكذا ساعة انتظرج لتتأخرين
انتظرت الى ان الكل نام رحت اشوفة وبجيت كتلة غزوان لتتأخر علية صرت روحي من الدنيا ومكدر اعيش بلياك
غزوان لا زهورة النوب اسبوعين 3 بالأكثر اني هنا بس مااريدج تبجين ابد وصيري سباعية وصبورة وان شاء الله بس اخلص هالسنة افاتح اهلي بموضوعنا واصلا ابوية لمحلي اكثر من مرة عليج بس جنت اريد اتأكد من مشاعرج 
زهراء،،،فرحت كلش كتلة راح انتظرك يانور عيوني ترجع بالسلامه يارب
غزوان،،،جريتها عليه ردت ابوسها خلت ايدها على حلكي وهمست اذا تخاف الله بية اني بذمتك وامانة يمكم مدوسني الا ان اصير على ذمتك وحلالك
غزوان،،،حسيت كلامها وعبالك صفعة على وجهي نزلت ايدي وخجلت من نفسي همست اني اسف زهراء اعرف هسة شنو تفكرين بية
زهراء ،،،قاطعتة مافكرت بأي شي والله واعرف انت احرص الناس عليه
غزوان،،،باوعتلها واكول بكلبي لوتعرفين اخاف من نفسي عليج واهرب منج عليج همست روحي زهراء نامي يلا
زهراء،،،ماشي تصبح على خير ياضي عيوني
غزوان،،،وانتي من اهل الخير،جريت ايدها وبستها عذريني مااصبر على روحي
زهراء،،،ضحكت ورحت اركض واتلفت
صار بوجهي زيد وصاح بية وين جنتي ولج
زهراء،،،فزيت همست جنت مخنوكة وطلعت اتمشى هنا
زيد،،،خنكتهم ولج شطلعج بهالليل والله اذا طلعتي مرة ثانية بهيج وكت لا احش رجلج حش
زهراء ،،،رحت لغرفتي ركض وجنت خايفة كلش بكد ماجنت فرحانة
زيد،،،هاي شغلتها ابد مو نظيفة زهيران هينة
زهراء،،،، كعدت الفجر وجان يصلون غزوان وزيد وعمي الشيخ متأمم بيهم رحت توضيت وصليت دعيت ربي انه ينجح ونتزوج حسيت كل هالسنين مجنت عايشة وهسة كلبي بدأ ينبض وحتى النفس بية كمت احس بقيمتة حبيت نفسي وحياتي وجنت اتمنى الايام الجاية انسعد ويعوضني غزوان عن كل المعاناة الي شفتها هنا طلعت وصار بوجهي غمزلي وابتسم جنت كل مااشوفة كلبي يدك ونفسي يتسارع رحت احضر ريوك جان يخزرني زيد
خليتلهم الريوك عمي الشيخ كلي وليدي بعد وكت على الريوك همست عمي دوبة يلحك غزوان وراه سفر للمدينة
الشيخ،،،والله هالبنية درة مال الله ياغزوان امك نايمة بعدها وهية شايلة همك
غزوان ،،،اي والله يابة زهراء ذهب
زيد ،،،اكل وماعاجبني حجيهم بس كلت خليني ساكت احسن
زهراء ،،،كمت احضر اغراضة واصفط ملابسة وكل لبسة قبل لا اسفطها اشبع بيها حضن وشم ودموعي بللت ملابسة اجتي زوجة عمي وجان معاجبها شي ومتريدني ارتب او اسوي اي شي لغزوان كالت اني اكمل روحي كملي شغلج
عفت الي بأيدي ورحت للمطبخ اشتغل وابجي
غزوان دخلت للغرفة غيرت ملابسي وشفت امي ملتهية بترتيب الملابس استغليت الفرصة ورحت لزهراء جانت تبجي همست اني شنو طلبت منج
زهراء،،،مااكدر والله شي غصب عني مدأتحمل فراكك مثل قبل
غزوان،،،همست واني اتلفت وعد ياعمري مااتأخر واذا روحتي تغثج عندي استعداد حتى جامعتي اتركها واترك دراستي
زهراء،،،همست لا غزوان روح ربي يسهلك وترجعلنا بالسلامة
غزوان،،،قرصت خدها ومسحت دموعها عفية هيج اريدج واني عند وعدي تخلص هاي السنة وازوجج. يااروع شي صارلي بحياتي
ام غزوان ،،،جنت ادور على غزوان ورحت للمطبخ وياريتني مارحت خليت ايدي على وجهي صخام الصخمج نجاة نايمة ورجليج بالشمس وزهيرة راسمة على غزوان ولافة الولد ولاحسة عقلة فرحت عمري وعيوني وايد الشيخ اليمين الله لايوفقج من بنية حية ملعبة جنت اشوف دموعها وشلون تتحيل عليه وهو يتوسلها تسكت حسيت من الصدمة بعد رجلي متشيلني
زهراء،،،،ودعناه لغزوان وحسيت بوداعة ودعت فرحتي وضحكتي
ام غزوان ،،،تغيرت وياية جذريا وبعد متخليني اشتغل مثل قبل وجانت تحسسني اني ضيفة جنت مااعرف شلون ارضيها وشنو الي كلبها عليه هالقلبة
زيد،،،يمة ترة زهراء ماعاجبتني
ام غزوان ،،،هبطت كلت بس لا هم راسمة على زيد ودتلعب على الحبلين ولو جنت اعرف زيد ميطيقها ولا ينطيها ريك حلو بس اوووف الجبير ابو قلب الطيب الحنين وكع بيها السحلية كتلة ليش شبيها شنو شفت عليها
زيد،،،صار كم مرة اشوفها بنص الليالي تفتر بالبستان وتجي الفجر ومامرتاحلها هاي راح تنكس روسنا وتجيبلنا العار