رواية _حافيه_القدمين💋 الفصل الثاني 2 - بقلم زهورا

بيومها انهزمت لبيت اهلي وكعدت على الانقاض جنت اتمنى يرجع بيتنا مثل قبل ويرجعون امي وابوي واخوتي وبجيت من كل كلبي جانوا كالبين الدنيا عليه واجوني للبيت ولكوني كاعدة على الانقاض اخذني عمي وجان غزوان وياه كلي عمي شلون تطلعين من البيت ومدكولين لاحد ظل بالنا عليج لتعيديها ابد عمي الوضع مو زين والدنيا مو حلوة
زهراء،،،عمي مااريد ارجع يمكم اريد اروح لأهلي
باوعلي بحسرة عمي وكال احنة اهلج يابة وزيد بعد ميتعرضلج واذا تعرضلج غزوان يدافعلج
غزوان ،،،اي يابة اني مااخلي احد يضربها ولو كايلتلي تريد نستلة اني انطيها بس لتطلب وتحتك بزيد
جان عمي يباوع ع غزوان ويبتسم
من رجعت زوجة عمي جانت زعلانة مني وكالت شلون تطلعين بلا مدكوليلي كتلها يمة مااعيدها ابد
فعلا بعد مااحتك بزيد ولا هو يحاجيني عدت سنة على سنة جانت زوجة عمي متخلي شي متجيبلي وعلمتني على كلشي نجحت على الخامس ابتدائي بوكتها جان غزوان ثالث متوسط بكلويا وتتأخر امتحاناتة جنت شنو اريد وشنو اطلب ميكولي لا وجنت حاسبتة اخوي من امي وابوي بأمتحاناتة جنت اكعد من الصبح واسويلة ريوك لان امي جانت تكعد من الصبح تخبز على الطين خبز حار واخليلة الريوك ويتريك ويطلع جانت زوجة عمي تدعيلة وبكلبي اكول امين يارب
زهراء،،نجح غزوان وفرحنا كلنا بنجاحة لان طلع الاول على المتوسطة الموجود بالناحية مالتنة
واني نجحت للسادس جان غزوان ثكيل وميتواجد بالبيت واذا تواجد ميطلع يظل بغرفتهم وزيد ميحترم ولا يستحي من احد جنت مااحب زيد وحذرة منة واخاف لان شراني واي زلة مني يضربني بس اذا غزوان او عمي موجود ميسطر يتمادة عليه وزيدون جان فقير وطيب جان عدهم ابن خالة بكد زيدون بس منغولي خطية جنت اني وصغيرة اخاف منة بس بعدين تعودت عليه جان طيب وعبالك طفل صغير جنة نلعب سوة ومن يجي احسة عبالك اخوية الصغير اوكلة والعب وياه واستخطي احسة طير من طيور الجنة وبمرة من المرات جنت امسح بالبيت وبطني كامت توجعني كملت تنظيف بعدين طبيت للحمام شفت بملابسي دم خفت طلعت على زوجة عمي احجيلها
زوجة عمي انصدمت وتغير وجهة ورزلتني وكالت روحي عن وجهي وكعدي بغرفتج رحت للغرفة وكمت ابجي وكلت شبيها اول مرة هيج تحاجيني
زوجة العم،،،صخام بوجهج نجاة معقولة بلغت شبسرعة بعدهي صغيرة سودة عليه عطت بوجهة هية شعليها اووف ياضيم كلبي شبت البنية وصار حملها اكبر
زهراء،،،اجتي زوجة عمي طيبت خاطري وفهمتني ونبهتني بعد ماالعب مثل قبل ومااطلع يم الولد كمت اتحجب بالبيت وكرهت نفسي بفترتها صرت انعزالية
زوجة العم،،،ياشيخ هاي بنت اخوك بلغت ترة
العم،،،اي خير وبركة قابل مانعرف بيوم من الايام راح تبلغ وتشب وتصير عروس
زوجة العم ،،،شلون هالحجي شيخ وانت عندك 3 شباب وهاي تفتر بوسطهم تريد تكسر ظهرنا تالي هالعمر
الشيخ ،،،البنية فقيرة وانتي وياها وياها لتتركيها وظلي علميها وحذريها وان شاء الله ماكو الا الخير
غزوان،،،من اول متوفوا بيت عمي تغيرت حياتي ومن اجتي زهراء يمنا جنت كل مااباوعلها انقهر بداخلي من جانت صغيرة مجانت تفهم شي بس من كبرت وبدت توعى بعد متسأل عنهم جانت كل متضوج او احد يزعلها نلكاها تبجي يم بيت اهلها وبكل مرة هالمنظر يكطع بكلبي جان زيد طايش ومياخذ حجي يمكن لان نفس عمرة وتفوقت عليه وجانوا دائما يعيروه ويكولوله البنية احسن منك فجان يضوج منها جنت دائما ادافعلها اذا صار شي كدامي لكن وراية مااعرف شيصير وهية مجانت تشكي او تحجي جنة كليتنا متعودين عليها بالبيت وعبالك اختالنا وجنة معتمدين عليهاونصخرها فجأة زهراء كامت تتحجب وصارت انعزاليا وبعد متكعد ويانا سألت امي شبيها زهراء يمة احد مزعلها ليش بعد متحاجينا ولا تكعد يمنا
امي،،،أحسن وليدي وانتو هم لتصخروها ولتحتكون بيها تبقى تحل عليكم وهية بلغت وصارت شابة
غزوان ،،،صفنت بحجي الوالدة جنت ماافهم شنو تقصد امي بس بمرور الوكت فهمت قصدها واحترمت هالشي لان حجيها صحيح كامت تتحجب زهراء وحسيتها بمرور الوقت كامت تكبر وتبين معالم جسدها وكأنها صارت مرة