رواية _حافيه_القدمين💋 الفصل الثالث 3 - بقلم زهورا

زهراء،،،بلش الدوام وكالوا راح ينزل غزوان للمدينة حتى يكمل اعدادية لان مجانت اكو اعدادية يمنا انقهرت وحسيت الظهر الي جنت اتجي عليه راح يتركني كام يحضر نفسة غزوان للسفر وجنة نحضرلة اكل ونخبزلة خبز لان جان بسكن شبابي من راح رحت للحمام وبجيت مااعرف ليش جان احساس الفقدان الي عندي مأذيني من راح فعلا الظهر الي انسدت عليه فاركني وتغيرت حياتي زوجة عمي بدأت تتغير تدريجيا وتتحسس مني ومتحبني اطلع او احتك بأحد حتى بعمي لان جان كلش يحبني ويشتريلي كلشي حتى ذهب يشتريلي كالت زوجة عمي بعد ماكو مدرسة اكعدي وسكتي بجيت كومة جنت احب المدرسة كعدت اسبوع بس ابجي ومااكل ضعفت اجة غزوان وجان صار شهرين من سافر ماطلعت ولا شفتة
غزوان ،،،تغديت وطلعت على اصدقائي واقاربنا ومن رجعت صار العشة احنا ودنتعشة استفقدتها شو ولا شفتها من خلصنا عشة رحت للمطبخ اتوقعت راح اشوفها ماشفتها رحت لغرفتنا وسألت زيدون عنها وكال بطلناها من المدرسة وصار اسبوع تبجي ومتطلع حتى تاكل
غزوان،،،ضجت ادري ليش تبطلوها وشلون ابوية وافق مو يتيمة وحرام عليهم هيج يزيدون همها هم
طلعت اتمشى بالمزرعة مالتنة جانت ريحة الزرع ترد الروح سمعت احد طش مي باوعت زهراء صحتلها وتقدمت عليها
شونج زهراء شو ماشفتج ولا سلمتي عليه
زهراء ،،،مدنكة الحمدلله على سلامتك غزوان
غزوان،،،جانت متغيرة ضعفانة وطولانة همست الله يسلمج احد غاثج شبيج معاجبتني
زهراء،،،باوعت وكمت اتلفت لا تجي زوجة عمي همست بتوسل غزوان بطلوني من المدرسة واني راح اموت نفسي اذا مارجعت مااريد ابطل ماكو غيرك يكدر يأثر عليهم كلهم يحبوك ويسمعون كلمتك
غزوان ،،،كامت تبجي كتلها وعد الا ارجعج للمدرسة
زهراء،،،اخذت السطل ورحت بسرعة لا تجي زوجة عمي وتشوفني
غزوان،،،جنت كاعد بالغرفة واني بعد باجر ارجع كمت افكر شلون حأرجعها اجتي امي كعدت يمي وتسألني عن دراستي وتوصيني اشد حيلي ظلينة نسولف عن اخبار المنطقة والاهل همست يمة شو زهراء مابينت خوماكو شي
امي،،،اووف وألله شلعت كلبي طلع هم البنات هم
والله ياوليدي صارت مرة وتريد تدرس ودور روحات وجيات وهية صارت بركبتنا ومسؤولة منا
غزوان،،،ادري يمة بعدها طفلة على الاقل خلوها تاخذ شهادة الابتدائية بس خلي تكمل السادس على الاقل
امي،،،والله مدري
غزوان،،،لدكولين مدري يمة يتيمة وتوي كلتي صارت بركبتنا واحنا مسؤولين عنها حرام دموع هاليتيمة وهية تحب المدرسة وشاطرة
امي ،،،اي والله شاطرة يلا هسة احاجي الشيخ واكولة بس تكمل السادس وتكعد
زهراء،،،ثاني يوم طبت زوجة عمي الصبح عليه وصاحتني جنت كاعدة بس خليت نفسي نايمة مااريد احاجي احد
كعدت يمي وكالت حتى تلحكين تبدلين تروحين للمدرسة فزيت صحيح يمة
زوجة عمي ،،،يمة منج طلعتي كاعدة اي حجيت مع عمج بس تاخذين شهادة السادس وتكعدين
زهراء،،،حضنتها الله يحفظكم الية يمة وكمت ابوس بيها رحت اركض اطلع ملابس صاحت بية ولج دروحي غسلي وجهج عاد
زهراء،،،،اي صح يمة نسيت وضحكت
رحت غسلت وبدلت كالت امي شلون حتروحين وربعج هسة راحن
صاحت على زيد وماقبل يوصلني وزيدون نايم جانت تكعد بي بهدوء حتى لا يكعد غزوان جانت تهمس كوم وصل اختك وليدي راح تتأخر وزيدون ميقبل يكعد باوعتلي وكالت لداومين اليوم باجر عود داومي
زهراء،،،،دنكت واني معبسة ومقهورة فجأة صاح غزوان يمة هسة اني اوصلها فرحت كلش بسرعة غسل غزوان ولبس ومشى كدامي جنت امشي وراه مدنكة وبداخلي فرحانة قبل لا نوصل المدرسة كلت شكرا غزوان ماانسالك هالفضل