رواية _حافيه_القدمين💋 الفصل الثاني عشر 12 - بقلم زهورا

ظليت على نار وتأخرت ام فضة ومن اجتي مااجتني للخيمة مالتي راحت تغدت وطولت يلا اجتي من اجتي كعدت يمي شوي بدون متحجي سألتها بشري شنو اخبار بيت عمي
ام فضة،،،،باوعتلي وكالت اخبار ماتسر يمة انتي لهناك بعد ماتخطين وماعادلج رجعة
زهراء،،،خوفتيني شصاير احجي ام فضة قلبي راح يوكف
ام فضة،،،،عمج الشيخ متوفي مصباح اليوم الي شردتي بي ومنصوبة فاتحتة صار 5ايام
زهراء،،،كمت اضرب على وجهي عزة العزاني عمي مات بحسرتة عليه مات بسببي اويلي والله مايستاهل الي اجاه مني وكامت تضرب على نفسها اني الي استاهل الموت
ظليت اهديها واحاول اصبرها الى ان نامت ظلت على هالحال 3ايام
دخلت عليها وكالت اريد اروح لبيت الشيخ كتلها يمة تخبلتي والله يذبحوج بلا مايرمشلهم جفن
زهراء،،،ياريت يذبحوني استاهل الذبح والله وابجي شحال غزوان الله يعين قلبة
ام فضة،،،غزوان صار شيخ بس حالف ميكد على كرسي الشيخ ولا يطب بيت الشيخ الا ياخذ بثارة العالم تحجي هالحجاية بس ميعرفون منو غريمة
زهراء ،،،صفنت وبكلبي اكول معقولة صرت غريمتك من بعد ماجنت حبيبة قلبك بجيت وكلت الله يلوم الي يلومة الشيخ غالي على الكل ودمة ميروح هيج كون يقتلني غزوان ويخلصني من هالحياة
ام فضة،،،يمة انتي شنو شفتي من حياتج واني مااخليج تخطيلهم ابد اكو واحد يروح الوت برجليه
ظلي يمي هنا معززة مكرمة الله يشهد عزيتج بمعزة فضة بنتي الي ماشفتها بعيني ودمعت عيونها
همست اني مكدر اشتغل شغلتكم ولا اكدر اتعايش مع وضعكم
ام فضة،،،لا يمة انتي مااخليج تركصين انتي ترباة شيوخ واكيد معروفة وخطرة هالشغلة عليج عليج وانتي معروفة بالمنطقة
راح اعلمج الفال وقراءة الكف والفنجان وتطلعين وياية وتسترزقين الرزق الحلال شكلتي؟؟
زهراء،،،شأكول ام فضة بكيفج
غزوان ،،،جانت مصيبتي مصيبتين من جهة وفاة الشيخ بهل فترة الصعبة والحرجة بحياتي ومنا مصيبة زهراء والصدمة الي اجتني منها معقولة تطلع كل هالبلاوي منها وهية تربت على ايدي وفتحت عيونها عليه
جنت اتذكر من جانت تمنعني اتقرب منها الا تصير حلالي واكول مستحيل هالبراءة الي بوجهج تشوهة افعالج
جنت انام بالمضيف بفترة الفاتحة ومن خلصت الفاتحة رجعت للمدينة كملت امتحاناتي وكمت اطل كل فترة على قريتنة بس اظل بالمضيف وتجي امي كل فترة واشوفها جانت تتوسلني ارجع للبيت مثل قبل بس مجنت اكدر اطبة وكل ذكرياتي مع زهراء والشيخ بي
ام غزوان،،،صار البيت جحيم غابت كل ضحكة وكل فرحة بي زيد بعد ميتواجد بالبيت وصار يشرب ومطربك ورة البنات ومجان ياخذ او ينطي حجي واني بس وحدي بهل بيت جنت اشبع بجي نوب ادعي على زهراء والي اجانة من تحت راسها ونوب اكول كل الي صار من تحت راسي ماحسيت بقيمتها الا من راحت بس بعد شيفيد اني الطفشتها جنت بس ابجي من الوحدة جانوا الجوارين يطلون علية كل فترة واختي ام فؤاد ماكطعت بية
زهراء،،،علمتني ام فضة على قراءة الكف والفنجان وجانت تعتمد على الذكاء وسرعة البديهة تباوعين لشخص الي كبالج وتفهمين نقطة ضعفة وعلى حسب تأثره بالكلام نزيد او ننقص بالحجي جانت تتطلب تحيل ولسان حلو جنة من ندخل على بيت تسأل ام فضة على البيت الي بعده وتاخذ عنهم معلومات ومن ندخل جانت تنطيهم معلومات واهل البيت يصدكون وكل متحجي اكثر وينطوها اكثر جنت اضحك عليها واكول شنو هالمكر دكلي يمة لعد ليش الرسول كال اكثر اهل النار من النساء من عقلهن الصغير ولة اني شيعلمني الغيب بس اضحك على عقولهن وهنة يصدكن لو شنو اكوللهن بس جانت ام فضة تنصحهم واغلبهن يكولن اني معمولي عمل وكذا او يطلبون تعمللهم من جنت اطلع مع ام فضة شفت اشكال وتعلمت اشياء جنت جاهلة الها جنت من اطلع البس عباية راس وقطعة من الليرات  اخليها على وجهي وتطلع منها بس عيوني وكانت بيها ليرات كانوا يلبسوها الغجر ويسموها غواشي
اتغوش بيها كان نوع من الحلي عدهم ويسحر بمنظرة
كنت من نرجع مااسولف شي وكأني خرسة ومن ابقى وحدي تجيني ام فضة ونحجي جانوا البنات يكولون شنو سر اهتمام ام فضة بهاي البنت الخرسة وشنو تستفاد منها حتى تاخذها وياها لأي مكان واني هم استغربت من اهتمامها الزائد بية جانت متخليني اروح لسهراتهم ولا اعتب يم خيم الي يجوها اشكال حتى مسؤولين وسياسين واشكال الناس ومرة من المرات سألتها دمعت عينها وكالت اشوف بيج بنتي الي يمكن تطلع هسة بعمرج وماشفتها من جان عمرها شهر كانت نتيجة علاقة غير شرعية من ضابط جبير بالدولة كان بينة علاقة حب لكن من حملت بيها وجبتها تبرة منها وكال مو بنتي ومرة من المرات طلب انه يشوفها لانه اتراجع عن حجية وانه صح بنتة ومن لحمة ودمة اني صدكت بي وسمحتلة ياخذها يشوفها كلت بلكي يحن عليها ويسجلها بأسمة تالي اخذها وهج وحركلي كلبي عليها دورت عليه ماخليت مكان يعتب علية بس مجنت الكي لذلك دائما انبه البنات انه ميسلمون نفسهم لجنس ادم لان طبعة الغدر الا مارحم ربي من اجيتي وشفتج شفت بيج بنتي ودائما افكر بحالها وشلون عايشة بالغربة بدون ام وياترى شنو فهمها امها ميتة او عايشة