تحميل رواية «روايه نسختي الأخرى» PDF

ذهب بخطوات متعبه بتجاه المنزل ليقوم بفتح الباب ليقف وهو ينظر لمنزل سديم و نور

كان ليثار سوف يذهب للداخل لانه متعب بشده

لكنه أغلق الباب بقوه و ذهب بتعب بتجاه منزل سديم و نور

ليقوم ليثار بالطرق على الباب وهو يسند جسده عليه

ليقوم سديم بفتح الباب

سديم بتفاجئ : ليثار ؟

ليثار بتعب : سديم نادي لينار علشان تيجي معايا

نظر سديم للداخل بتوتر ثم نظر لليثار

ليثار باستغراب : في ايه يا سديم مالك متنح كده ليه روح نادي لينار

ليسمع ليثار صوت نور العالي من الداخل

ليقوم ليثار بدفع سديم بخفه ليدخل المنزل

نور بزعيق : يعني ايه مش عارف ؟ ازاي يعني لينااااار فين بقولك

نظر ليثار لنور ثم لسديم

ليثار : يعني ايه لينار فين ؟ مش هي عندكم اصلا ؟

نور بسخريه : رد عليه يلا ولا اقولك أنا الي هقوله لينار يا ليثار كانت نايمه امبارح على الكنبه صحينا الصبح و فجاه لقيناها اختفيت

ليثار بحده : يعني ايه اختفت ؟

نظر ليثار بحده لنور

ليثار : لينااااار فين يا نور

نور بزعيق : هو أنا لو عارفه كنت هسأل ؟ معرفش معرفش

سديم بقلق : أهدوا يا جماعه بالتأكيد هنعرف هي راحت فين كده كده مش هتخرج برا المدرسه علشان ممنوع فا بالتأكيد هي في مكان هنا في المدرسه

ليثار : سديم الساعه ٤ الفجر هتخرج برا البيت ليه في وقت زي ده ؟

كان ليثار جالس على الأريكة وهو يشعر بالغضب الشديد و نور تذهب و ترجع لنفس المكان وهي تفكر بقلق

نور: بقولكم مش عندكم اي حاجه تساعد ان احنا نلاقيها ؟ يعني زي قدره خارقه أو كده ؟

ليثار : لا مفيش و

ليقف ليثار فجاه عندما تذكر شيئاً

ليثار : خليكم هنا ولو وصلتوا لاي حاجه قولولي تمام

لتقوم نور بهز رأسها له ليخرج ليثار مسرعاً للخارج ثم أغلق الباب خلفه

نور : ايه خطته ؟

سديم : نور اهدي بالتأكيد هنلاقي لينار

نور بزعيق : انت باااارد أهدى ازاي هاااا ؟ اختي مختفيه ومعرفش راحت فين و هل هي كويسه ولا لا. ؟ انت مش حاسس بحاجه

شعر سديم بالحسره لتلك المعامله التي تتعامل بها نور معه لينظر للاسفل بحزن

عند لينار

فتحت لينار عينيها بتعب لتوضح الرؤيه أمامها لتجد نفسها في قصر كبير بلون الاحمر القاتم و الاسود

لتجد لينار نفسها على الأرض لتستقيم بتعب

لينار باستغراب : أنا فين ؟

تحركت لينار بضع خطوات لكنها توقفت عندما سمعت صوت مخيف و عميق ورائها

أزمير بخبث : صباح الخير يا نسخه ليثار

ألتفت لينار خلفها لتجد أزمير يجلس على كرسي كبير في وسط القصر بلون الاحمر و الذهبي

ارتعش جسد لينار عندما رأت قبح منظره

لينار بخوف : انت مين ؟ و عايز مني ايه ؟

أزمير : سؤال حلو

ليقف أزمير ثم تقدم نحوها ببطئ حتى وقف أمامها

أزمير : أنا أزمير عدو ليثار اللدود

رجعت لينار للخلف بخوف

لينار : عدو ؟

ليقوم أزمير بهز رأسه لها ليضحك فجاه بقوه

أزمير : اصل انتي فاكره انك تعرفي كل حاجه عن ليثار بس الحقيقه !! انتي متعرفيش ولا حاجه عنه

نظرت لينار له بخوف لتجري من أمامه محاوله الهروب

ضحك أزمير عليها بسخريه ليقوم برفع يديه اليسرى لتخرج منها صاعقه كالاعصار و البرق ثم ذهبت أمام لينار

نظرت لينار أمامها بصدمه لتسقط على الأرض محاوله تجنب تلك الصاعقه

ليضحك أزمير بقوه و شر

أزمير : ايه ده يا لينار انتي فاكره اني سايبك مش مربوطه عادي كده ؟ لا انا سايبك علشان انتي كده كده مش هتقدري تهربي علشان انتي ضعيفه و معندكيش قدره حته

لينار ببكاء : أنا ربنا معايا حته لو كنت اقوى مخلوق في العالم فا الخالق معايا حته لو قدرت عليا فا ربنا هيقدر عليك

أزمير بضحك : حلوه قوه ايمانك و ياترى هتنفعك ؟

لينار بدموع : طبعا هتنفعني علشان ربنا موجود و معايا

نظر أزمير لها ببرود

أزمير : تعرفي انا ممكن اعمل فيكي ايه ؟

لينار : ليثار هيجي و ينقذني

أزمير : ليثار الي واثقه فيه اوي كده مخبي عنك حاجات كتيره و وحشه عنه

نظرت لينار له بهدوء

لينار : ايه ؟

ابتسم أزمير بشر

أزمير : عارفه أيه الي خلاني بالمنظر البشع ده ؟ و كمان ايه الي خلاني محبوس في المنطقه المحذوره ؟ عارفه كمان بقى ايه الي خلا جان الي هو الشخص الي شوفتيه بندبه في نص وشه ؟

نظرت لينار له بخوف

أزمير بحده : ليثار نسختك

لتنظر لينار له بصدمه

عند ليثار

ليثار بزعيق : يلاااا يلاااا دوروا عليها

اكثر من خمسين حارس خرجوا لخارج المدينه و كانوا يبحثون عن لينار

يتبع٠

روايه نسختي الأخرى

للكاتبه حبيبه سامح

تصويت ⁦❤️⁩

سبحان الله وبحمده سبحان الله العظيم 💖

لينار بصدمه : مستحيل ليثار يأذي حد

أزمير بسخريه : الثقه ليها حدود برضوا يا نسخه ليثار

قامت لينار بهز رأسها يمين و يسار

أزمير : أنا و ليثار كنا أكتر من صحاب و كنا قريبين من بعض جدا بس جه وقت و عرفت أنه بيضحك عليا و بيستغلني ديما

لينار باستغراب : بيستغلك ؟

أزمير : اه كان بيخليني أعمل حاجات بداله مخالفه لقوانين المدرسه زي اني أخرج من المدرسه او أكدب على نسختي و بسببه نسختي ماتت و بقيت لوحدي و بقيت في المنطقه المحذوره بعد ما الحكيمه اكتشفت الي بعمله و طبعا أنا الي كنت ظاهر و ليثار لا

لينار بدهشه : مستحيل ليثار يعمل كده

أزمير بزعيق : لا عمل و عارفه ايه الي خلاني بالمنظر ده نسختك اللعينه هي السبب و بقيت بالمنظر ده انا و جان الندبه الي في وشه دي ليثار هو الي عملهاله لما جان قاله هحكي للحكيمه كل حاجه علشان جان كان صاحبي و كان عارف كل حاجه

لينار ببكاء : مستحيللللل

أزمير بصوت عالي : لاااا حصل

أتى جان نحو أزمير و لينار مسرعاً

جان بقلق : أزمير ليثار هنا

أزمير بصدمه : ايه ؟

ليقوم أحد بفتح باب القصر بقوه ليدخل حراس كثيرون و ليثار بينهم

نظر ليثار بحده لأزمير عندما لمح لينار على الأرض ويوجد خدوش و جروح في يديها و وجهها

ليثار بعصبيه : انت مين سمحلك تخطف مراتي هااااا

أزمير بسخريه : أنا أعمل الي انا عاوزه و انت ملكش دعوه

ليتقدم الحراس نحو أزمير ليحاولوا الامساك به لكن أزمير رفع يديه الاثنين للأعلى لتخرج منهم صاعقه كالاعصار ليحاول أن يصيبهم بها

نظر ليثار للينار ليحاول استغلال فرصه انشغال أزمير بحرب الحراس

ذهب ليثار للينار مسرعاً

ليثار بقلق : لينار انتي كويسه ؟

لينار ببكاء : متسبنيش يا ليثار

ليثار : مقدرش يا روح ليثار

نظر أزمير بغضب لجان الذي هرب و تركه ليضحك بسخريه ثم نظر لليثار الذي يتحدث مع لينار

ليحرك أزمير يديه بالصاعقه لتأخذ الصاعقه اثاث القصر لتتجه بها نحو ليثار و لينار

لينار بصدمه : ليثار

نظر ليثار بالاتجاه الذي تنظر به لينار ليجد الاثاث تأتي نحوهم

ليقف ليثار أمام لينار ليقوم بصد الاثاث بكلتا يديه بينما يصرخ بقوه

ليقوم ليثار بدفع الاثاث بقوه ليتفرق لأماكن مختلفه ثم نظر للينار

ليحاول ليثار أخذ أنفاسه ليقول

ليثار : يلا يا لينار

ذهب ليثار و لينار خارج القصر و الحراس أخذوا أزمير معهم الذي يقوم بالصراخ بشده متجهين به نحو السجن

كان لينار و ليثار يسيرون في الغابه التي كانت مظلمه بشده و ضوء القمر هو المنير فقط

ليثار بتعب : لينار

نظرت لينار له لتجد ليثار قد سقط على الأرض مغشى عليه

شعرت لينار بالخوف الشديد عليه لتذهب له مسرعه وهي تقوم بمناداته

نيره : متقلقيش يا لينار احنا هنا

نظرت لينار بدموع لنيره و شهاب و سديم و نور الذين كانوا موجودين

لتذهب نور للينار لها مسرعه وهي تقوم بعناقها

بعد ساعات

في بيت لينار و ليثار

شهاب : حرارته عاليه اوي فا علشان كده أغمى عليه

لينار بقلق : هو هو هيبقى كويس ؟

أمسكت نور يد لينار بحنان لتقول

نور بابتسامه : متقلقيش هيبقى كويس

نظرت لينار لسديم الذي يقف لينظروا لبعضهم البعض بقلق

نور باستغراب : في حاجه

لينار بهدوء : متشغليش بالك

نور : طيب تعالى يا سديم نخرج احنا و نسيبهم براحتهم

خرج الجميع خارج منزل لينار و ليثار

نظرت لينار لليثار بقلق الذي مازال مغشى عليه لتذهب و تأتي بقماش

لتبحث لينار عن دلو لتذهب للمطبخ

نظرت لينار لتجد دلو بجانب المطبخ لتأخذه و تقوم بفتح صنبور المياه و تملئ الدلو

نظرت لينار خلفها على ليثار بحزن كان مهلك بدرجه كبيره تلك اول مره تراه هكذا متعب ضعيف و كأنه حارب تعبه حته ينقذها أولا

لتفيق لينار من شرودها عندما شعرت بالماء يتسرب خارج الدلو لتغلق صنبور المياه ثم حملت الدلو و ذهبت به بتجاه ليثار

جلست لينار بجانبه لتضع القماش في الماء ثم وضعتها على جبهه ليثار

لتشعر بأرتعاش جسده أثر الماء البارد الذي شعر به

لينار بحزن : معلش معلش علشان تخف بس

فتح ليثار عينيه بتعب ليجد لينار أمامه تجلس بجواره وهو ممدد على الأريكة

ليثار بتعب : لينار انتي كويسه ؟

لينار بدموع : اه اه بس انت تعبان اوي

ليثار بتعب : لينار

لينار بتعب : نعم

ليثار : مش مهم أنا دلوقتي المهم انتي أزمير عملك حاجه ؟أذاكي ؟

لتقوم لينار بهز رأسها يمين و يسار لتتذكر حديث أزمير عن ليثار

ليثار بتعب : يا لينار

لتفيق لينار علي صوت ليثار لتنظر له

لينار : لا انا تمام بفضل ربنا

أغمض ليثار عينيه عندما أطمئن قلبه

ليثار : يارب ديما بخير

لينار بتردد : ليثار

ليقوم ليثار بالحمحمه منتظر حديثها

لينار : ابو قرون ده قالي كلام كتير عليك مش حلو

كشر ليثار ملامحه باستغراب ليقوم بفتح عينيه

ليثار : كلام ايه ؟

حكت لينار كل شئ أخبرها به أزمير لتشعر بغضب ليثار

ليثار : لا الحكايه غير كده خالص

لينار بفضول : اومال ايه ؟

نظر ليثار لها ليبتسم على فضولها ثم قال

ليثار : هحكيلك

عند نور و سديم

نور بزعيق : بقولك يا سديم أنا كتمت الموضوع ده و وثقت فيك بس انك السبب ان اختي تتخطف أنا مش هسكتلك

سديم : يا نور اسمعيني الاول انا والله ما خدت لينار و ولا طلعنا برا المدرسه

نور بسخريه : يا سلااااام بقولك شيفاك بعينيا انت هتكدب كمان

صرخ سديم بقوه لتنظر نور له بصدمه

سديم بصراخ : كفاااااايه بقى كفاااااايه عماله تجرحي فيا و تكسري في قلبي ولا كأني انسان وبحس؟ حرام عليكي هو غلطتي اني حبيتك و قلبي نبض ليكي هاااا ؟

ليأخذ سديم نفس طويل وهو يخرج كل شئ مكبوت داخله منذ مده طويله

سديم بزعيق : أنا عرفت الاختلاف الي بيناااا ايه و مع ذالك قلت مش اقولك علشان لو عرفتي هتتوجعي و تتضايقي فا خلينا نحل المشاكل دي بدل ماحنا بنعاني كل شويه تصرخي في وشي و كل شويه تهنيني و تقولي اني زي اختك و صحبتك كفاااايه بقى

صرخ سديم اخر كلامه و نور كانت تنظر له بصدمه لم تتوقع أنه يحمل كل ذلك بداخله

نور : اختلاف ؟ اختلاف ايه ؟

سديم بحده : اني أنا ست و انتي الراجل أدوارنا عكس بعض يا نور انتي راجل اكتر مانتي ست

يتبع٠

روايه نسختي الأخرى

للكاتبه حبيبه سامح

تصويت

سبحان الله وبحمده سبحان الله العظيم 💖

سديم بزعيق : اني انا الست و انتي الراجل أدوارنا عكس بعض يا نور انتي راجل اكتر مانتي ست

نظرت نور لسديم بصدمه و قد أدمعت عينيها

نور ببكاء : انت شايفني راجل يا سديم ؟

سديم : يا نور أسمعيني المفروض مش تكون علاقتنا كده طبيعي يكون بينا اختلاف بس لازم نحله و مدرسه الانعكاس هتساعدنا

مسحت نور دموعها ثم نظرت له

نور بسخريه : نحل ايه بقى انت روح شوف ست تنفعك علشان أنا راجل

ذهبت نور من أمامه لتدخل غرفتها ثم أغلقت الباب خلفها

نظر سديم لها بحزن

سديم : والله ماقصد يا نور

عند لينار و ليثار

ليثار : أنا و أزمير كنا صحاب اوي و كنا ديما مع بعض بس في يوم

فلاش باك

ليثار بصدمه : انت بتقول ايه يا أزمير مستحيل أعمل كده انت عارف ان دي قوانين المدرسه و انا مستحيل أطلع برا و أخالفها

أزمير : مش انا صاحبك يا ليثار و المفروض تساعدني

مسح ليثار على وجهه بضيق

ليثار بجديه : يا أزمير الي بتطلبه ده مستحيل و كمان أنا أول مره اعرف انك عندك اخت انت مش قولتلي كل السنين ديه ليه ؟

أزمير بتمثيل : مش جه فرصه يا ليثار بقى و كمان ركز احنا عايزين نجيبلها هديه النهارده عيد ميلادها

ليثار : وليه مش قولت من الصبح كنا نقدر نستأذن من الحكيمه و ممكن توافق أما دلوقتي الكل نايم و ممنوع حد يكلم الحكيمه بليل

أزمير : يلا بس يا ليثار هنروح على طول و نرجع و محدش هيحس بينا صدقني ده انا صاحبك و اول مره اطلب منك طلب وافق بقى

نظر ليثار له بحيره ليقوم بهز راسه له

ليذهبوا خارج المدرسه متجهين لسوق س كان يوجد بعض الناس يشترون أشياء و هناك من يبيعون في محلات صغيره من الخشب

كان أزمير يبحث عن شيئ لينظر ليثار له باستغراب

ليثار : انت بتدور على حاجه ؟

أزمير : اه اه الهديه

لينظر أزمير بعيد ثم نظر لليثار ليقول له

أزمير مسرعاً : بقولك ايه انا شكلي لقيت الهديه خليك هنا و انا هروح اشوفها و هاجي اوعى ترجع لحسن أزعل ؟

ليقوم ليثار بهز رأسه له

ليذهب أزمير مسرعاً بعيداً عنه نظر ليثار له ثم كان ينظر للأشياء التي تباع بملل

ليثار بخنقه : انا الي برفض اي حاجه مخالفه و بعاقب اي حد بيخالف القوانين دلوقتي انا الي بعمل كده علشان خاطر عم أزمير

ليضحك ليثار بسخريه

أزمير : اهوا زي ما قولت لحضرتك هو برا منغير ما يقول لحد و كمان بيتمشى و بيشوف حاجات يشتريها و خالف قوانين المدرسه

نظر ليثار بتجاه صوت أزمير ليجد الحكيمه و معها بعض الحراس

نظر ليثار بصدمه لأزمير الذي كان ينظر له بخبث

الحكيمه ببرود : ايه الي بيحصل هنا يا ليثار ؟

ضحك ليثار بخفه ساخراً من تلك الحيله التي قام بها أزمير

لينظر ليثار للحكيمه ثم أخبرها بكل شيئ

أزمير بقلق : لا لا كلامه غلط يا حكيمه هو الي خالف القوانين و انا قولت لحضرتك أنه بيعمل كده كل يوم و ده الدليل اهو

نظرت الحكيمه ببرود لأزمير لتقول للحراس

الحكيمه : خدوه و ألعنوه بالمنطقه المحذوره

نظر أزمير للحكيمه بصدمه ليأخذه الحراس ليقوم بالصراخ و شتم ليثار

الحكيمه : صحيح أنا معتقدش انك تعمل كده بس برضوا في شك فا علشان كده انت كمان هتتعاقب عند الملك

ذهبت الحكيمه و خلفها ليثار الذي كان مازال تحت الصدمه من أفعال صديقه الذي كان يحبه بشده و يعامله كأخ له

دخلت الحكيمه لقصر كبير ليقفوا أمام عجوز يرتدي تاج بلون الذهبي

الملك : ليثار ؟

الحكيمه : ليثار خرج برا المدرسه و زي ما دي كانت قوانين المدرسه دي كمان قوانين العالم بتاعنا و أنا جيت لحضرتك علشان تعاقبه

اخذ الملك نفس كبير ليقول

الملك : الي عملته كبير اوي يا ليثار و بالذات لما أنت الي تكون خالفت القوانين فا علشان كده عقابك انك هتتلعن أن نسختك الاصليه مش هتيجي غير بعد ١٠٠ سنه

انتهاء الفلاش باك

لينار : طيب ليه عمل كده ؟

ليثار : علشان كان بيحقد عليا و بيكرهني

لينار باستغراب : ليه بيحقد عليك

ليثار : لأسباب كتيره و هو كمان مش كان بيحبني هو كان بيستغلني

نظرت لينار للأرض بشرود ثم نظرت مره اخرى لليثار الذي كان ينظر لها

لينار : فا علشان كده بقي أزمير بالمنظر ده ؟ أنه أتلعن ؟

ليقوم ليثار بهز رأسه له

لينار : طيب و جان ؟

ليثار بتنهد : أكتشف الملك بعديها أن جان بعد لما أزمير أتلعن و أتحبس في المنطقه المحذوره بقى يخطط معاه أنه يأذي الملك و الحكيمه فا لعنه هو كمان بالندبه و النفي للمنطقه دي

كانت لينار تستمع له لكنها شردت بصدمه عند نقطه معينه في حديثه

لينار بصدمه : ١٠٠ سنه يلاهوي

ليثار بتعب : وفضلت مستني كل ده علشان تيجي

لينار بدهشه : فضلت مستنيني ١٠٠ سنه ؟

ليقوم ليثار بهز رأسه لها

لينار : بس يعني طالما فضلت مستنيني كل ده ليه كنت بتتعصب عليا و تزعقلي و تعاملني ببرود ؟

تذكرت لينار معاملته لتدمع عينيها بدون إرادتها ليستقيم ليثار بتعب عندما رأها هكذا

ليثار : دموعك غاليه اوي عليا يا لينار بلاش تعيطي أنا عارف اني كنت قاسي معاكي بس انا كنت خايف عليكي

لينار بدموع : من أيه ؟

أخذ ليثار أنفاسه وهو ينظر في إرجاء المنزل محاوله تجاهل نظرات لينار الباكيه التي تؤلم قلبه

لينظر لها ليثار و قد قرر أن يخرج السر الذي أخفاه في قلبه عنها

ليثار : من حبي ليكي أنا مجنون بيكي يا لينار أنا بعشقك

يتبع ٠

روايه نسختي الأخرى

للكاتبه حبيبه سامح

سبحان الله وبحمده سبحان الله العظيم 💖

ارقصوا عم ليثار اعتررررررف💃💃💃

لو البارت خد تصويت حلو هنزل و احد تاني النهارده 😉

ليثار : من حبي ليكي أنا مجنون بيكي يا لينار أنا بعشقك

لتتسع عين لينار بصدمه من ذلك الاعتراف المفاجئ و الغير متوقع

ليثار بحزن : كنت خايف أن حبي يأذيكي خايف لما أغير عليكي اأذيكي منغير ماقصد فا علشان كده ببعد عنك و بعاملك كده

لينار : بس انت كده كنت برضوا بتأذيني

ليثار : حقك عليا يا لينار أنا آسف

نظرت لينار له بابتسامه لتقول

لينار بابتسامه : ولا يهمك

لينظر لها ليثار ليبادلها الابتسامه

ليثار : وانتي ؟

لينار بعدم فهم : وأنا ايه ؟

ليثار بخبث : مفيش مشاعر كده ولا كده ؟

نظرت لينار للاسفل بحرج من كلامه ليضحك ليثار بقوه

ليثار بابتسامه : ولا يهمك خدي وقتك يا نبض قلبي

لترفع لينار بصرها له لتبتسم بخفه ليستقيم ليثار ثم ذهب للداخل

ثم بعد دقائق أتى لها ثانيه ومعه علبه متوسطه الحجم بلون الاحمر

ليجلس ليثار بجانبها على الأريكة ليبتسم لها ثم قال

ليثار بحب : اتفضلي

نظرت لينار له بتفاجئ لتأخذ العلبه منه و تقوم بفتحها

لينار بدهشه : ايه ده ؟

عند نور و سديم

نيفين : و انتوا جايين الدرس و انتوا متخانقين ؟؟

نور بعصبية : ايوه البيه شايفني راجل شايف أنه متجوز راجل و انا لا يمكن اصالحه كلامه جرحني

سديم : حضرتك دي الحقيقه الاختلاف الي ما بينا طلع أن ادوارنا عكس بعض

نظرت نور له بغضب

نور : ولسه مكمل !! يعني لو انا راجل فأنت ست

سديم بهدوء : أن حد يقول على راجل أنه ست دي عمرها ما كانت اهانه يا نور انا قولتلك نيجي هنا علشان نتفاهم مع بعض مش نتخانق تاني ؟

نور بزعيق : بصي يا استاذه هو شايفني اني راجل و مفيش اي دليل

نظرت نيفين لنور لتقول

نيفين : هو الي بيحصل دلوقتي ده اكبر دليل يا نور

نور باستغراب : ايه ؟ ازاي ؟

نيفين : سديم عنده حق انتي عصبيه و ديما بتتعصبي عليه الست لازم يكون عندها انوثه و الراجل رجوله مش العكس ؟

كان نور و سديم ينظرون لنيفين بتركيز لقد لفتت انتباههم بحديثها و طريقتها الهادئه للنصيحه

نيفين : الانوثه هي الدلع و أنها تستقبل العطاء اكتر ما تعطي و الرجوله أنه يعطي ليها و يفرحها مش عيب طبعا أن الزوجه تعطي لجوزها و تفرحه بالعكس دي حاجه كويسه

نيفين : و كمان بتزود العلاقه الي ما بينهم حب و عاطفه المهم في كل ده و في كل علاقه تلات حاجات مهمين

نظرت نور لنيفين باهتمام

نيفين : الاهتمام و الحنان و الامان المتبادل علشان لو كان مفيش التلاته دول فا هي علاقه بايظه و مش صحيه اصلا ولو في بس من طرف واحد فا ده هيؤدي لنتائج سلبيه

نظرت نور للاسفل لتقول

نور بحرج : أنا بعترف اني ممكن مش يكون عندي انوثه اوي و ده بسبب حياتي انا اتعودت اني اعتمد على نفسي بعد موت بابا و ماما و مش كان عندي وقت علشان اهتم بنفسي

نظر سديم لها بتفاجئ هو لم يعلم أن حياتها هكذا ليشعر ببعض الندم و الضيق مما قاله لها

نيفين بابتسامه : حلو انك عارفه و عايزه تتغيري و دي نقطه مهمه و بالتأكيد نسختك هيساعدك هو خلاص بقى موجود

نظر سديم لنور التي نظرت له بحرج من اعترافها

سديم بابتسامه : بس انا شايفك كلك انوثه انتي معذوره حياه الناس مش زي بعض في الي بيتدلع و في الي بيحارب و بيكافح علشان يخلص من مشكله و انتي

اخذ سديم نفس ثم نظر لها بابتسامه

سديم بابتسامه : و انتي زوجه أفتخر بيها واحب اقولها من دلوقتي و من اول ما دخلت في حياتك انسي التعب و متفكريش في حاجه غير انك عايزاني ادلعك ازاي

نظرت نور لسديم بدموع كلامه قد أثر بها و لمس قلبها

لتقوم نور بهز رأسها له

نظرت نيفين لهم بابتسامه و قد علمت أن الخلل و الاختلاف ابتدأ ينفك

عند لينار و ليثار

ليثار بحب : دي السلسلة الي كنتي عايزاها في سوق س

لينار بحماس : شكرا شكرا أنا بحبك اوي

لتصمت لينار بصدمه عندما أدركت ما قالته للتو

ليثار بضحك : وأنا بعشقك ايه الاعتراف الحلو ده

نظرت لينار للاسفل بحرج ليقف ليثار و أخذ منها القلاده ثم قال لها

ليثار : لينار اوقفي و لفي لحظه

نظرت لينار له باستغراب لتقف و توليه ظهرها

ليضع ليثار القلاده على رقبتها لتستدير لينار له

ليثار بهيام : جميله اوي

نظرت لينار للاسفل بابتسامه ثم رفعت بصرها له لتقول

لينار : ليثار

ليثار بابتسامه : نعم يا قلب ليثار

لينار بحرج : في حاجه كده متردده اقولها ليك ولا لا

ليثار باستغراب : حاجه ايه ؟

لينار : سديم

ليثار : ماله ؟

لينار : هو الي وداني للمنطقه المحذوره ساعه لما اتخطفت

نظر ليثار بصدمه لها ل٠٠٠

يتبع٠

روايه نسختي الأخرى

للكاتبه حبيبه سامح

سبحان الله وبحمده سبحان الله العظيم 💖

عم ليثار البااااارد اعتراااااف ارقصوا يا جماعه 😂💃💃

نظر ليثار بصدمه لها

ليثار بصدمه : ايه ؟

لتقوم لينار بهز رأسها له بخوف

ليستقيم ليثار و ذهب بغضب خارج المنزل لتنظر لينار خلفه بقلق لتذهب ورائه

كان ليثار متجه لمنزل نور و سديم ليقوم بطرق الباب بقوه

ليثار بزعيق : اااافتح يااا سديم بقولك اااافتح

ليفتح سديم الباب باستغراب من هذا الطرق و من هذا الطارق ليقوم ليثار بضربه في وجهه بقوه

ليسقط سديم بألم على الأرض

نور بصدمه : سديم ؟ ليثار

ليذهب ليثار له ليرفعه وهو يمسك ياقه قميصه بغضب شديد

ليثار بعصبيه : بقى انت الي خطفت نسختي يا سديم هاااا

كان سديم يحاول أن يتحدث لكنه لا يستطيع من خنق ليثار له

ليضغط ليثار أكثر على عنق سديم الذي أصبح وجهه بلون الاحمر من شده الاختناق

لينار ببكاء : ليثاااار

ليفيق ليثار من غضبه ليترك سديم الذي سعل بقوه

نور بقلق : سديم انت كويس ؟

سديم بتعب : اه اه

نظر سديم لليثار ليقول

سديم : أنا مش عارف انتو ليه مصرين اني انا الي خطفت لينار أنا اصلا في الوقت ده كنت نايم جوا

نور بصدمه : ايه ؟

ليثار بحده : متكدبش !!

سديم : و هكدب ليه يا جماعه و انا ايه مصلحتي اني اخطفها اصلا

لينار : انت قولتلي انك عايز تجيب هديه لنور و كنت عايزني اجي اساعدك في ده

سديم بصدمه : أنا قولت كده ؟ و كمان ده انا مفلس هديه ايه بس

نظر الجميع لبعض باستغراب لينظر ليثار للينار ثم قال

ليثار : لينار هو انتي بعد لما وصلك سديم للغابه دي شوفتي حد هناك ؟

لتقوم لينار بهز رأسها له لتقول

لينار : ايوه كان أبو ندبه ده

لينظر ليثار لها بصدمه ليدرك الأمر

ليثار : ده مش سديم ده جان

نظر الجميع له باستغراب

نور : جان مين ؟ و ازاي يعني ؟

ليأخذ ليثار نفس ثم تحدث

ليثار : جان صاحب أزمير الي هو كان صاحبي و جان عنده قدره التهيئ بالاشخاص

لتنظر لينار له بصدمه

لينار : يعني جان ده اتهيئ على شكل سديم علشان يخطفني ؟

ليثار بهدوء : ايوه

نظرت نور لسديم بندم هي قد أتهمته أنه من خطف لينار لتشعر بالحزن لأنها لم تصدقه

نظر ليثار لسديم ليقول

ليثار : اسف يا سديم

سديم : لا لا ولا يهمك انت معذور برضوا

ليقوم ليثار بهز رأسه له بهدوء ثم نظر للينار

ليثار : يلا نروح

لينار : يلا

اليوم التاني

نور بضحك : ايوه بقى و فستان ابيض منفوش و جميل يلاهوي

كانوا يجلسون في حديقه أرت على غطاء بلون الاحمر و الابيض وهم يتحدثون معا

نيره بتفاخر : أنا شهاب عملي فرح انما ايه روعهههه لو كنتم جيتوا بدري شويه كان زمانكم شوفتوا حاجه ايه عظمه

شهاب بضحك : و بعديها فلست و بقيت بشحت

ليضحك الجميع بقوه و كانت نيره تنظر لشهاب بغيظ

نيره : و انتي بقى يا كتكوته كنتي بتتخيلي جوازك عامل ازاي ؟

نظر الجميع للينار لينظر ليثار لها باهتمام

لينار بشرود : يمكن يكون غريب شويه بس كان نفسي البس فستان طويل بس فضفاض بس واسع شويه و فرحي يكون في جنينه أو يعني مكان كله خضره و مفيش لا زينه ولا ناس أنا و جوزي بس

نور بابتسامه : فكره جديده و بالعكس لطيفه

ليوافق الجميع رأيها

نيره بخبث : اومال مين الي جبلك السلسله الحلوه دي يا لينار هاا ؟

لتقوم نيره بالغمز للينار

ليثار ببرود : وانتي مالك ما تخليكي مع نسختك الي في السماء

شهاب بضيق : والله بكره اسمي علشان الكل بيتريق عليه

ليضحك الجميع عليه معادا ليثار الذي كان ينظر بشرود للينار غير مصدق أنها قد أتت اخيرا بعد كل ذلك الوقت من الانتظار

في سطح المنزل

كان يجلس ليثار على سطح المنزل وهو ينظر للقمر بشرود ليسمع صوت ضجيج لينظر خلفه

ليجد لينار تحاول أن تأتي له وهي تمشي بشكل غير مستقيم بسبب اعوجاج السقف

لتوصل له و تجلس بجانبه

ليثار بابتسامه : اول مره اشوف قمرين في وقت واحد

نظرت لينار له لتبتسم بخجل

لينار بخجل : ايه ده مالك ؟

ليثار بحب : مالي ؟

لينار بخجل : غريب كده و مش على طبيعتك

ليثار بهيام : بالعكس ديما لما بكون معاكي ببقى على طبيعتي

نظرت لينار للاسفل لتقول

لينار بحرج : معلش اصل اول مره حد يتغزل فيا فا الموضوع غريب و موتر

ليثار : محدش ليه الحق أنه يتغزل فيكي غيري علشان انتي ليا وبس

لتشعر لينار بمشاعر كثيره حب و حنان و تفاجئ و دفئ مشاعر اول مره تشعر بها وجوده بجانبها يربكها و يسعدها في نفس الوقت

لينار : احم ماشي

نظر ليثار للقمر المضيئ و النجوم التي حوله ثم ارجع بصره للينار ثانيه

ليثار بعشق : الكل لما بيكلم حبيبته بيقولها انتي زي القمر أو زي الورده و بيشبهوا الحاجات الجميله الي في العالم بيها بس انا مقدرش أشبهك بحاجه جميله من العالم ده علشان جمالك اتخطاه و مفيش حاجه توصف ولا تتشبه بجمالك الخلاب

ليدق قلب لينار بشده عندما أستمعت لكلماته الرومانسيه و التي أثرت بها بشده

لتنظر لينار له بتفاجئ هي لم تتوقع خلف كل ذلك البرود شخص رومانسي و متغزل بارع و عاشق كبير لها

ليثار بضحك : كسوفك كل تعبيرات وشك بحبها بس ده انتي بقيتي طمطمايه اوي

نظرت لينار للقمر بابتسامه

لينار : ليثار

ليثار بابتسامه : قلبه

لينار : هو انت منين جبت كل الحراس دي ساعه لما اتخطفت ؟ و كمان أنا لاحظت أن كل الي في المدرسه بيعملوك بطريقه استثنائية و الكل بيخاف منك ممكن اعرف تفسير كل ده ؟

لينظر ليثار للقمر ليقول بهدوء

ليثار : أنا امير عالم النسخ

يتبع٠

روايه نسختي الأخرى

للكاتبه حبيبه سامح

تصويت

سبحان الله وبحمده سبحان الله العظيم 💖

ليثار : أنا أمير عالم النسخ

نظرت لينار له بصدمه

لينار بدهشه : ا ا ازاي ؟

ليثار بابتسامه : عارف انك مصدومه و كمان مستغربه أنا مش قولتلك بصراحه لغايه لما علاقتنا تتحسن شويه انتي كنتي بتخافي مني اوي معرفش ليه ؟

نظرت لينار للاسفل لتقول بصوت منخفض

لينار : علشان عصبي

ليثار بابتسامه : بس مش معاكي انا أقدر أتحكم بعصبيتي معاكي عصبي بس مش أقدر أتعصب عليكي ولو زمان عملت كده فا انا ساعتها كنت خايف عليكي و قولتلك

لتقوم لينار بهز رأسها له بتفهم

لينار : بس انا عمري ما سمعت حد هنا بيناديلك بلقب الأمير ؟

ليثار بابتسامه : علشان أنا قولتلهم مش ينادوني بيه

لينار باستغراب : ليه ؟

ليثار : اولا حاسس أنه تكبر اوي تاني حاجه علشان مش تعرفي اني امير غير لما انا أقولك

لينار : تمام

لتصمت لينار قليلا لتتذكر شئ لتنظر بصدمه لليثار

لينار بصدمه : و الملك ده الي لعنك ده باباك ؟

ليثار بابتسامه : لا هو هنا في عالم النسخ مختلف مش لازم يكون الملك اب للأمير

لتقوم لينار بهز رأسها له

لتنظر لينار له لتلتقي أعينهم لتنظر بعيداً لكن ليثار كان مثبت نظره عليها و يتأملها بحب

لتلاحظ لينار نظراته لتقف بتوتر ثم نظرت له

لينار بتوتر : أنا أنا هدخل جوا

ليهز ليثار رأسه لها لتذهب من أمامه بتوتر و خجل

أبتسم ليثار علي خجلها هي مهما أخفت مشاعر أو شيئ سوف يعلمها لانه يفهمها و يحبها

في اليوم التاني

نيفين : دلوقتي خدوا شهيق كبير بعديها زفير

كانت نور و سديم يجلسون وهم مربعون رجليهم و مغلقين أعينهم

نور بهمس : بس بقولك يا سديم هو ده هيحل خلافاتنا فعلا ؟

سديم بضحك : خلافات ايه بس دي بتقولك خدوا شفيق بعديها زفير شفيق و سبونج بوب

ليضحك سديم بقوه لتقوم المعلمه بالطرق على الطاوله بضيق

نيفين : ركز يا سديم

كتمت نور ضحكتها ثم قالت له وهم مغلقين أعينهم

نور : عسل يا سودا

سديم بابتسامه : بعيد على دلع سودا ده بس على الاقل دلع يا نوري

ابتسمت نور فقد شعرت أن علاقتهم أبتدأت بالتحسن

عند لينار و ليثار

كانوا يجلسون في حديقه أرت تحت شجرة بنفسجيه و الهواء كان رقيق و جميل يحرك اوراق الشجر و يسقط بعض منها

لولي بدلع : هاي ليثو

نظر ليثار و لينار في نفس الوقت على تلك الفتاه التي تقف أمامهم و تنظر لليثار بابتسامه

لينار بصدمه : ليثو ؟؟

تجاهلت لولي لينار و نظرت لليثار بإعجاب

لولي : بص بقى بصراحه انا معجبه بيك من زمان اوي يا ليثو بس مش قولت لحد فا قولت اتشجع واجي اعترفلك

لتقف لينار و تنظر للفتاه بغيظ

لينار : اسمك ايه

لولي بدلع : لولي

لينار بعصبيه : أنا قولت برضوا ده اسم كلب زي تصرفاته بقولك ايه اولا هو اسمه ليثار تاني حاجه ده يبقى نسختي و حبيبي انا وبس فاهمه !!

نظرت لولي لها بصدمه لتذهب من أمامها لتلتفت لينار لليثار الذي كان ينظر لها بابتسامه

ليثار بحب : غيرتي يا قمر ؟

نظرت لينار بخجل للاسفل لتذهب بتجاهه ثم جلست بجانبه تستند مثل ليثار على الشجره

لينار : معرفش كنت متضايقه و حسيت بخنقه لما اتكلمت بالطريقه دي معاك و حسيت اني لازم أتدخل

كان ليثار يستمع لحديثها وهو ينظر لها بحب

ليثار : متقلقيش أنا قلبي ملك ليكي

رفعت لينار بصرها لتنظر له بهدوء

ليثار بخبث : أنا بقى حبيبك ؟

ليقوم ليثار بالغمز للينار

لينار بحرج : يا ليثااار

ليثار بحب : عيون ليثار

لتنظر لينار للاسفل

اليوم الثاني 💖

استقامت لينار من الفراش لتقوم بفرك عينيها لتنظر أمامها لتجد علبه كبيره الحجم بلون الابيض و هناك شريط عليها بلون الاحمر

لتستقيم لينار من الفراش وهي تنظر باستغراب لتلك العلبه لتقوم بفتح ذلك الشريط ثم قامت بفتح العلبه

لتنظر لينار بصدمه عندما وجدت فستان ابيض منفوش بكم و طرحه بيضاء

لينار بصدمه : ايه ده ؟

لتمسك لينار الفستان و هي تنظر له بدهشه من جماله ليقع شيئ منه

نظرت لينار باستغراب عندما لمحت ورقه بيضاء لتقوم بحملها و قرأتها

رساله : أتجهزي يا اجمل عروسه علشان النهارده فرحك

نظرت لينار بصدمه ليدق قلبها بشده لتأخذ الفستان مسرعه لارتدائه

بعد ساعات

خرجت لينار للخارج لتذهب لجنينه أرت

لتجد الحكيمه بانتظارها وهي تنظر لها بابتسامه لتتقدم نحوها

الحكيمه : شكلك حلو اوي يا لينار النهارده مسموح انك تخرجي برا المدرسه براحتك

لينار بعدم فهم : يعني ايه هو أنا هخرج برا المدرسه ليه ؟ و هروح فين ؟

الحكيمه بابتسامه : علشان فرحك و كمان دي من أوامر الأمير ليثار انتي هتمشي ورا كل ورده حمره لغايه لما توصلي لآخر ورده

لينار باستغراب : ورده حمره ؟

لتنظر لينار للاسفل لتجد ورود حمراء لترفع نظرها للحكيمه لتقوم الحكيمه بهز رأسها لها

أمسكت لينار فستانها لتتحرك و تذهب خارج المدرسه متبعه الورود

كانت تسير وهي تنظر حولها فا رأت كل شخص مع نسخته يضحكون معا و هناك من يلعب الكره مع بعض و هناك نسخات في موعد رومانسي

نظرت لينار لكل هذا ولا تفهم شيئاً لتتبع الورود و قد ابتعدت عن الأشخاص و نسخهم

لتجد لينار نفسها في حديقه كبيره مليئه بالاشجار البنفسجيه و البرتقالية و الحمراء و الصفراء و يوجد ورود بألوان مختلفه على الزرع

لتنظر لينار لتجد شخص يرتدي ستره سوداء و يعطي لها ظهره لتتقدم ناحيته لتتعرف عليه

ليستدير هذا الشخص لتنظر لينار له بصدمه

لينار بصدمه : ل ليثار ؟

ليثار بابتسامه : أميره منغير تاج

ليتقدم ليثار نحوها ليقف أمامها ثم أعطى لها باقه ورد بلون الوردي و الابيض

ليثار : أتفضلي

لتأخذ لينار الباقه منه بخجل

نظر ليثار لها ليفهم من تعبيرات وجهها التي توحي بالحيره أنها لا تفهم شيئ

ليثار بابتسامه : انتي اتمنيتي أن فرحك يكون في جنينه و زرع و انا مقدرش مش احققلك حاجه انتي بتتمني بيها لو طلبتي نجمه من السماء فانا هجيبلك القمر

نظرت لينار له بصدمه

لينار بصدمه : أنا أنا مش عارفه اقول ايه

ليثار بحب : متقوليش حاجه انتي النهارده مش عليكي غير انك تفرحي بس يا زوجه ليثار المثاليه

دق قلب لينار بشده أثر كلامته

ولو كان بارداً.فا قلبه مجمل بالدفئ 💫

نظرت لينار أمامها على تلك الحديقه الكبيره و الجميله التي هم بها فقط

لتمسك لينار فستانها بيديها الاثنين ثم نظرت لليثار بابتسامه

لينار : أنا هجري

ليثار بابتسامه : أجري

لتقوم لينار بالجري بإرجاء الحديقه وهي تضحك بقوه فقد تحقق حلم طفولتها اخيرا

كان ليثار يسير خلفها وهو ينظر لها بابتسامه

فوزت بيكي يا ضوء القمر 💖

النهايه 🌷

للكاتبه حبيبه سامح

سبحان الله وبحمده سبحان الله العظيم 💖

رايكم في الروايه يهمني ؟