رواية سعوديه " أنا أحببتكَ أولاً " الفصل الرابع والثلاثون 34 - بقلم Noono2020

. . .
البيض ملح بزيادة و سلطه فيها طعم غريب..وكوفي مويه اكثره.. ونواشف حايستها وهي كل يوم كذا وضعها وطبخها وتقديمها يسد النفس!! ويكثر ما أهوشها ولا تفهم وتتعدل!!
شفت روان وهي متقرفه من طعم السلطه: وش حاطه فيها هاذي؟
زفرت بضيق وانا احط الملعقه ع طاولة بقوة وانادي عليها: سسسهى
ما ردت ولا جات.. وانا عارف ما تجي إلا بعد ما انادي كم مره تحب العناد.. فارت اعصابي: سسسهى و صمخ
دخلت المطبخ ببرود و ردت: نعم
رفعت نظري لها و هي يمكن لابسه عشرين بجامه.. وحده لرقبتها لونها ابيض و ثانيه وردي و فوقهم جاكيت اسود صوف..!! الله مو من قوة البرد عاد
رديت: تعااالي
تقدمت بهدوء حتى وصلت عندي وريحة عطرها داهمتني
وقلت بأمر : اجلسي افطري
ردت بتهرب: انا فطرت
قلت بعصبيه: اجلسسسي
تأففت وجلست
وقلت بأمر: يلا كلي فطورك الي سويته!! وبالاخص ذا وذا.. وانا اشر ع بيض وسلطه
قالت بتصريف ومتأكد انها كذابه : عندي حساسيه من بيض ما اكله
قلت بحزم : و راح تاكلينه اليوم
ما حسستني انها مسويه شي غلط وهي بدون ما تناظر لي او تعترض اكثر .. اخذت معلقه وبدأت تأكل بشكل عادي بدون ما يظهر على ملامحها انزعاجها من طعم
وتكلمت روان بسخريه وهي تدهن الخبز بالجبن: هاه سهى كيف ضيافتك عندنا
ردت عليها سهى الي كانت تشرب من العصير بهدوء ثم نزلت الكوب وهي تفكر وتقلب عيونها ثم رجعت شعرها بدلع وانا اراقبها وهي ترد : للاسف رديئه زي أصحابها

كان ودي اهفها كف.. لكن ضربت الطاوله بيدي وانا اقول بأمر : افطورا ساكتين . .
.
العصر
خلص تركي شغل وقرر يمر اهله ودخل وشاف جدته وامه جالسين بالصاله
وجلس معاهم.. تقريبآ تقبلوا الوضع لكن مو راضين خاصه جدته.. كل ماشافته استلمت دعاوي على سهى وابوها و جدتها وكل اهلها.. قالت بقهر: من بين حريم الدنيا كلهم ما جازت لك على روان غير قليلة الحياء سهى جعلها الماحي !!
تركي كل مرة يجيهم لازم هو نفس موال: حكم الله
الجدة بغضب: لا تقول حكم الله وهذا اختيارك ي ولد محمد طلعت مثل ابوك ما منك رجاء
تركي: استهدي بلله ي جدتي
الجده باقي تكمل حلطمه : ابوك ترك اهله ومصالحه واشغاله وراح يدور علاج لابوها وانت تزوجها
ثم كملت عتبها بحقد: و انت بتكبر راسها حفيدة سلوى علينا شهر واكثر من اعرستوا ولا جات تسلم و لا توجب اهلك
رد تركي الي يحب جدته ولا يرضى بزعلها ورغم ان ابوه قاله ينتظر لما يرجع ويجيبها لعندهم.. واساسآ هو مو ناوي يطلعها اي مكان.. لكن رد: ولا تزعلي ابشري اجيبها لعندك بكرة تحب راسك ويدك..
الجدة كتمت غيضها وهي توقف وتضرب بعصاها الارض وتمشي لغرفتها و شرها معها
.. و بنعيد الماضي ي سلوى !!!!
.
.
.
.
.
.
.

تركي 🖋️ ما كنت ناوي اطلع سهى لأي مكان بس جدتي..ما ارضى زعلها و عتبها لو يرضيها اجيب لها سهى تحت رجولها ما اتاخر عنها ..
دخلت الشقة واتجهت لغرفتها.. و فتحت الباب.. وهي كانت واقفه عند الدولاب وترتب وتصفط ملابس.. شافتني ثم ولا كأن احد دخل رجعت ترتب.. شايف زعل بعيونها ..وعارف ليش ..بس اتجاهل ..كل رسايل عيونها.. لأني عرفت أنها نقطه ضعفي ..
تقدمت وقلت بأمر :حطي بحسابك بكرة بنروح بيت أهلي
. . .
سهى🖋️
لما قال نروح بيت اهله حسيت ان سماء طاحت فوق راسي ودق قلبي بقووووه .. صح انا ابغى اطلع من هالسجن لإي مكان لو صحراء.. حتى احس اني باقي عايشه وبخير ..!! لأن بعد كل الي يسويه فيني.. ما احس اني بخير.. جالسه أصبر حالي انه ما بقي الإ القليل.. لكن اللحين صرت زي السجين الي ينتظر الافراج.. و فجاءه حكموا عليه بالأعدام.. وين يبي اروح؟؟ لجدته الي ودها تحرقني.. و اخته الي تكرهني.. ولا امه متعجرفه .. لحاااالي بعد!! بدون امي و خواتي.. يعني لو يدفنوني بيتهم ما احد درى..!! رديت وانا ألف له و اضغط على البلوزة الي في يدي برفض: ما ابي اروح
رد بغضب وهو يتقدم لي: من قال لك اني اخذ رايك..! رديت بقهر : ليه هو بالغصب ما ابغى اروح ما ابغى اشوف احد
قال ينهي النقاش: جاك العلم.. وبتروحي غصب عنك
تقدمت وقلت برجاء: طيب اجلها الله يخليك لما يرجع عمي محمد
ما رد و طلع من الغرفه.. رميت البلوزه من يدي و لحقته وانا بدأ الخوف في قلبي وبردت اطرافي من اللحين كيف لو صرت بكرة معاهم لحالي احسن اني جندي اعزل في وسط حرب.
. .
تركي🖋️
ولحقتني لصاله ووقفت قدامي و مسكت يدي وسط يدينها الباردة جدآ وهي تضغط بخفيف مع اشارة راسها برفض وعيونها المترجيه :تركي تكفى لا ما ابي
هي خايفه وكل الأشارات الي توصلني منها اللحين تدل على كذا.. تمنيت اضمها لصدري.. لكنني اكتفيت اضغط على يدها اطمنها : ترا ما راح يأكلونك!! ثم تذكرت ان خوفها من عواقب قلة ادبها واحترامها لأهلي فقلت بتهديد: إلا لو انتي قليتي ادبك او احترامك ساعتها انا الي راح العن خيرك
سحبت يديها : انا ما اقل ادبي مع احد إلا الي يغلط علي
قلت بنهر لها حتى ما اترك لها مجال للغلط ع احد من اهلي : غلطوا ولا ما غلطوا لو اشوفك فاتحه فمك بكلمه ولا رافعه صوتك و تماديتي ع احد منهم لا مسح بكرامتك الأرض قدامهم و أطلع منك القديم والجديد واردفت بتذكير : لا تحسبين ناسي تعب جدتي بسببك
رفعت عيونها وتاهت وكأنها تبحث عن شي وقالت بإستسلام وتذكير : بس انا زوجتك وكرامتي من كرامتك و...
قطعتها : اهلي قدام اي أحد
غمضت عيونها بقهر.. وابتعدت عن المكان.. راجعه غرفتها..
.
.
.
.
.
.
.
اليوم التالي
سهى🖋️
من صحيت وانا احس هاليوم غريب فيني ضيقه!! واحساس انك منت قادر تتنفس زين.. حتى وانا واقفه.. قدام الشباك اللحين احس ان الهواء الي يدخل ما يوصل لرئتي و مو كافي ..شفيك ي سهى؟؟ خاااايفه.. ليه .. قوي حالك.. طيب وش ذي الضيقه و الخوف الغريب منهم.. لا مو منهم.. يمكن احد من اهلي صار له شي..!!
مدري ليه جاااني احساس وبإلحاح اني لازم اكلمهم.. او يمكن لو كلمتهم.. احس بالقوه شوي..الساعه صارت وحدة الظهر.. مدري لو اطلب روان اكلمهم من جوالها راح تعطيني..ما اظن.. اساسآ ما عندي رقم احد.. مالي الإ تركي.. و اوووف من تركي.. ذا اخر انسان ممكن يحس فيني.. ولا يهتم.. ولا يفكر يرئف بحالي.. طيب كيف؟؟
خليني اجيه بسياسه لعل وعسى ينفع معاه هالحجر..رحت اول شي قلت اطبخ له اكل سنع.. لأنه لي فترة اذا قالي اطبخ.. اخرب الأكل بالملح او احرقها عناد فيه..
وفعلا رحت عملت الأكلات الي يحبها
دخلت روان وانا اطبخ
وقالت: ما ادري ليه تتعبي حالك وانت نهاية طبخك لزبالة
مالت تحسب اني ما اعرف اطبخ لكن بعذرها ما تدري اني كان استقبل طلبيات وسوقي ماشي بحارتنا ..
قلت وانا ألف للمغسله واغسل طماطم: اليوم بذات ما راح يروح الزباله
سحبت كرسي وجلست بغرور وانا لفيت مقابلتها واقفه واقطع طماطم.
تفاجئت من سؤالها الغربب: ليه تزوجتي تركي
ناظرت لها وقلت بصراحه اغيضها وانا ارفع عيوني لها بهيام: احبببه
شكلها انقهرت من صراحتي وردت: وقحه
روحي ي شيخه إن كان اهلي و ناس كلها عرفوا اني احب تركي!! راح اخبي عليك انتي!! رديت ببرود: شكرآ
ردت بتعالي: بعلمك تركي مو النوع الي يطلع مشاعره لأحد بسهوله
انا لفيت للغاز و انا احرك فمي بتقليد لكلامها بدون صوت واقلب عيوني من غلاضتها..ذا وقتها يعني!! وهي كملت: وانا الوحيده الي وصلت لقلبه وانتي وجودك هنا لغايه ووقتك بينتهي قريب
قلت بإبتسامه لها وانا احرك طماطم بالقدر:
الله يعجل علينا
ثم وقفت بغرورها المعتاد: ما انكر انك جميله بس مو بنفس مستوى جمالي.. و حركت شعرها بدلع: وتركي ماراح يشوف ويحب من النساء غيري..فاهمه
ابتسمت ع جنب ورديت: الجمال جمال الروووح
ناظرت لي ببرود وقالت وكأني راح اقولها تغدي:المهم انا ما ابي غداك.. ولا اظن تركي بيأكله فلا تعبي حالك!
طنشتها وانا اكمل طبخ وهي طلعت.. وخلصت ساعه 3 باقي على رجوعه نص ساعه رحت بسرعه اخذت شور وبدلت وجففت شعري بسرعه و تعطرت وحطيت شويه مكياج نهاري خفيف.. كل ذا وانا فيني ضيقه وحرقه من جوه اني اتنازل له كمان هالمرة بس عشان اطمن ع اهلي
وانا ابغى صوت اي انسان بدنيا يقولي سهى انتي بخير عشان اقوله لا انا مو بخير مو بخير ابد !