رواية ريحانة والشيطان .... الطاغية والبريئة الفصل الحادي عشر 11 - بقلم jolyjojo23

(الكاتبة ام جوليا)
#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_الحادي عشر......
::::::::::::::::::::::::::
اتفقت وي سيف ع كل شي حتى يبدي يجهز بعدين اجتي امي وبلغتها كامت تبجي وتدك وتلطم ليش يمه موته حرام عليك قتل ..
كتلها ليش مكلتي حرام عليهم همه من تهموها لجيهان وكانت بريئة ولو اي رجل غيري ينتقم لشرفه راح يقتلها بس اني حبي منعني اقتلها بس مامنعني اعذبها بكل انواع العذاب حتى يخف جرحي والم قلبي وهي كانت عدها كلمة وحدة بس ممسوية شي واني بريئة ...
سنة حرمتها من بنتها وحرمتها تعيش مثل الناس عاملتها اقل من الحيوانات وبعدين قتلت ابني بيدي من شكي بيها ..
كل هذا وتكولين قتلت نفس اني لو اقتلهم مية مرة مراح يحسون بالوجع الي حسيته ولاالم جيهان ولاريحانة ...
طبعا لاول مرة ارفع صوتي بوجه امي وهي عيونهاتنزل شلال دموع ...
انتبهت ع باب الاستقبال لكيت جيهان وريحانة واكفات ومرعوبات من الخوف ودموع جيهان بس تنزل ومنزلة راسها من شافتني دنكت نوراحت ...
.....
ظلت امي تتوسل مااقتل وجدان وكافي اعذبها واخليها محبوسة عقوبة الها
كتلها الله كريم بس اتفاقنا ماشي هي ماتت وي صادق بحادث واني راح ارتب الها كلشي تابوت وقبر وكلشي افتهمتي ياامي لو خلفتو بأي شي من هالاشياء ح قتلها واخلص منها
..... عفتهم ورحت غرفتي ارتاح ورايه يوم طويل
سبحت وغسلت ورحت تمددت شي ساعتين طلع النهار كبل كعدت ودكيت ع سيف يبدي يجهز بكلشي من امور المستشفى والدفن ويجي احد ياخذ جثة صادق ويبدون يسوون فاتحة مال وجدان وصادق ...
رحت لشغلي واخذت اجازة وبلغتهم بوفاة اختي وزوجها..
ع ساعة 12 جان كلشي مجهز خليت حماية ع مكان الدرج مال  وجدان
ونشرت حماية بكل الحديقة وطبعا خليت بنات مجندات من عدنه يدخلن بالفاتحة ويستمعن لكل كلام النساء الي يصير كله اتبلغ بيه ..
طبعا اني كنت تارك حوراء ومخلي عليها مراقبة عسى ولعل اوصل لراس العصابة ...
فجأة لكيت سيف مخابرينه يكولوله حوراء لاكينها مقتوله ب بيتها بسكين 6 طعنات ع اساس حرامي داخل للبيت هي مزوجه ومطلقة وعايشة هي وابنها بشقة شغلتها استاذة بالفنون جميلة ولهذا اختاريتها لبنتي لان كانت عدها لغتين انكليزي وفرنسي لكن من عرفت بيها توصل اخبار للعصابة بقيتها وي بنتي بس (الكاتبة ام جوليا)اراقبها حتى اوصل لرئيس العصابة...
لكن الحقراء قتلوها قبل منوصل لأي شي منها..
انفعلت حيل وبنفس الوقت خفت على جيهان ولازم اواجهها حتى بلكي احصل منها اي معلومة ..
اني منعت اصلا جيهان تطلع وتستقبل اي احد لان بلغت الكل ان هي مريضة مو مستحملة .. دزيت ع امي .. وامي منتهية من البجي ..
احسان : بست راسهاومسحت دموعها ..
حبيبتي امي الغالية لاتبجين دموعج غالية عليه .. يوم بس خل اوصل للمجرمين وراح اريحج والله بس ساعديني امي ..
اني خايف عليكم كلكم.. لازم تساندوني كل الي داسوي من خوفي عليكم ...
الام : حبيبي صح گلبي من الي صار بس ادري رح يجي يوم وتحن عاذرتك بكل الي صار ودادعيلك ربي يهديك ويريح بالك ..'
احسان: اهم شي رضاج عني ياامي .
الام : راضية عنك ياحبيبي بس انته الي باقيلي  ربي يحرسك الي..
احسان: امين يارب ويحرسكم من كل شر الي ..
حبيبتي ماما.. اريدج تاخذين ريحانة من يم جيهان اريد احجي وياها شوية ..
الام: احسان شضام احجيلي شصاير اني مو ممرتاحه
احسان : ماكو شي والله بس اريد احاجيها بعدم وجود ريحانة ..
الام : ماشي ابني رايحه هسه
ورا شويه اجتي ريحانة..
احسان: شلونج باباتي حبيبتي (ريحانة محابة حتى تباوعلي .. عرفت بيها لحد هسه متأثرة بلي صار لامها بوستها وتركتها )..
دكيت الباب ع جيهان جانت نايمة متمددة رجلها مفتوح الجبس مالتها بس تمشي ع عكاز بعدها لان ميصير تضغط عليهم ترجع تنكسر مره لخ ..
جفلت مني رادت تكوم ..
وفتحت عيونها ع وسعهم خضارهم يجنن برغم هي ذبلانه وجهها بعده اصفر وجوه عيونه بعد مسود من كثر الي سويته بيها ...
احسان: اهدئي اني جاي احجي وياج كم كلمة واروح اطمني ولاتخافين مني ابد بعد مستحيل أذيج .. لومهما صار ...
هي عيونها غرغرت ...
اجيت تقربت يمها ع السرير رجعت لورا سحبت ايديها ترجف كلها بين ايديه ...
نزلت ع ايديها بستهم ... اسف حبيبتي والله لومهما تسوين بيه قابل بحكمج عليه وحقج اني داحارب حتى اخذه الج ..
من كل الي اذوج .. هي دموعها جرت احسها نزلت عليه ..
رفعت راسي عليها ... ان شاءالله اموت ولااشوف هالعيون تبجي..
بلكي الله ياخذلج حقج مني اذا متت ترتاحين ..
حطت اصبعها ع شفتي وزادت بجي تكلي ..
لااسم الله ..
اويلي موتتني صدك بهاللحظة تهدمت كدامها ..
شلون هيج هانت عليه وكل عذابي الها وهي متريد موتي ..
متحملت .. بست ايديها ونزلت دمعتي ع ايديها ..
وكلت : اسف ياروحي .. اني خنت روحي من شكيت بيج ..
كلشي تردينه يصير الج بس الزم العصابة حتى اذا رايدة تتركيني فهذا حقج بس اني اخاف عليج وعلى ريحانة
حبيبتي انتي ... كل الي صار مااعذر نفسي بيه اني اجرمت بيج بس كان گلبي يتكطع منج وعليج
شلون افكر والدليل كدامي واني اعرف بحبج بس ماضنيت الي مني وبيه يغدرني ويطعني بظهري
اختي الحقيرة وزوجها والعصابة متآمرين كلهم ضدي وهمه سبب كل الي صارلنه وحتى عملية الاغتيال والي استشهد بيها محمد ..
كنت اني المقصود بيها ..
اكو يد خفية تضمر العداوة الي خصوصا ...
دتتلاعب بكل الخيوط ...
باوعت بعيونها ... جيهان حبيبتي كلشي قبل انتهى واحنه ولد اليوم ونفتح صفحة جديدة
اريد منج قبل متحجين تخلين ريحانة بعينج ..
وهذولي العصابة مراح يتركونا الااحنه نلزمهم ونصفي كلشي وياهم ..
خليت ايدي ع حلكها ... اني مسامحج ع اي شي صار سابقا بدون علمي لومهما كان ..
الي اريده منج هسه بس اي معلومة ممكن تفيدنا بالقبض ع الرأس المدبر وشنو اسبابه ...
واني واثق منج تمام الثقة ان انتي صادقة بكل حرف رح تكولينه ..
هزت براسها اي ..
كتلها : حبيبي اريد اعرف شنو دور ست حوراء وشنو الي بينكم وشلون عرفتيها...
......
جيهان : ست حوراء اني ماعرفها بس هي من اجت وكامت تحجي ويايه هددتني وجابتلي رسالة وصور الك بزيك وبمكان عملك وكل تفاصيلك طلبت مني ان انطيها معلومات عن تحركاتك بالبيت وبالعمل والاراح (الكاتبة ام جوليا)يأذونك ويأذون ريحانة ...
اني كم مرة مقبلت انطيها بس هددتني بأذية ريحانة حاجيتك ان نبدلها لهذي المدرسة انت مقبلت جنت اخاف عليك من تطلع وتدخل وطلبت منك تستقيل او تغير وظيفتك كم مرة ومقبلت شاسوي بعد ...
اني بغباء تصرفت وكنت خايفة منك 😣
......
احسان(هي تحجيلي الي صار وعيونها تنزل الدموع شلال بس عجيب امرها مجابت سيرة الموضوع مالتها ولاتعذيبي الها ولاكل الي سويته الها كل الي حسيته منها هي طفلة وتريد تحتمي بأي احد.. بدون وعيي حضنتها وبستها براسها ياعمري وحبيبة گلبي لاتخافين اني مستعد اموت لاجلج انتي وريحانة لاتخافين عليه ابد..
اني افديكم بروحي وانتي اريدج تتطمنين مني مهما صار سابقا او ح يصير انتي قطعة من روحي من جنت اذيج كنت اذي روحي ومكدرت برغم بيدي الادلة ع الي صار بس مكدرت اقتلج واغسل عاري كنت اعذب جسمج وماعذر نفسي بس اعذب هالجسم لان لمسه غيري ...بست ايديها لو ابقى عمري كله اطلب السماح وابوس ايدييج ومسامحيني هم حقج وعاذرج ...
رفعت راسي وباوعتلي ..
باست ايديه ..واني مستغرب
جيهان : انت حبيبي وزوجي وابويه واخويه وصديقي وابو بنتي ... عاذرتك قبل متعتذر .. كنت اصلي وادعي الك قبل مادعيلي ان رب العالمين يظهر الحقيقة حتى لو اموت بين ايديك اني مسامحتك لان اعرف شكد تحبني اني وريحانة .. مكنت اتأذى من وجع جسمي بكد ماتأذى علمودك من تسألني وماعرف ارد بغير اني بريئة وهالشي ماعندي دليل عليه ..
مسامحتك ياحبيبي لان لو رجل ثاني كان قتلني بلا ميرف اله جفن ومكان اعترف حتى بريحانة بنته...مسامحتك لان مافضحتني كدام اهلك وناسك وكلت الهم ع الي وصلك ..
وكلت ان اني اريد اطلك وبس ... مافضحتني وغير شخص كان شهر بيه وقتلني ..
......
احسان : احس گلبي يريد يوكف شلون هان عليه اذيج شلون ( يضرب بايده ع گلبه.)
جيهان تلزم ايديه لالاتضرب گلبك هذا مكاني اني عايشة بيه ..
... اندكت الباب علينه مسحت دموعها وبستها براسها
احسان: حبيبتي معليج بأي شي كل الي اريده منج تطيبين وتلتزمين بتعليمات حتى ترجعين الي احسن من قبل الف مره ... توعيدني ياملكة قلبي..
جيهان (والدموع بعيونها): اوعدك ياروحي واغلى من روحي ربي يحفظك ويحميك الي من شر ..
احسان: راجع الج بس اخلص من الهوسة الي اني بيها
فتحت الباب وطلعت لكيت الدكتورة حنان تباوعلي بنظرات غضب...
د.حنان: شلونك استاذ احسان
احسان: تفضلي دكتورة جيهان منتظرتج
د. حنان: استاذ اريد اخذ من وقتك عندي موضوع احاجيك بيه ..
احسان :يخص جيهان احجي شبيها ...
د.حنان: حاليا ماكدر احجي بس من يكون عندك وقت مناسب ياريت تمرلي للمكتب مالتي بالمستشفى نتفاهم ..
احسان: يصير خير بأقرب وقت ان شاءالله
رح اتصل بالمستشفى قبلها اشوفج موجوده لو لا واجي ..
د: حنان : تمام اني منتظرتك ، مع السلامة
احسان: مع السلامة..
.......................
خليت وطلعت.. لاكاني سيف
احسان: هاخير سيف شصايرجديد..نفذت كلشي تمام..
سيف : الفاتحة وكلشي تمام بس اهل صادق كالبين الدنيا لان كبل دفناه بدون علمهم وشلون يصير هيج بابنهم ومحد يعرف
احسان: لاتخليني اروح ابتلي بيهم هذوله المهتلفين صار براسهم حظ وكامو يحجون هسه ..
دزلي ع ابوه هسه..
جنت واكف بالحديقة ..
اجه وينافخ وماعاجبه..
احسان: ابنك مات هو واختي واندفن باحسن مكان والفاتحة سويتها اني وقمت بيها واحسن فاتحه وماكلفتكم ولافلس...
فاذا تريد تحجي حجايه تحجيها كدامي هسه اما اذا تريد تحجي انته (الكاتبة ام جوليا(او غيرك اي حجاية تقلل من قيمتنا وقيمة الي صار.. ثق بالله العظيم اكص لسانك كص انته وكل واحد يحجي واذا وصلني ان اي احد من عشيرتكم حاجي مراح تلكونه موجود ثاني يوم..وقد اعذر من انذر..
عفته ورحت غرفتي ...
خلصن ايام الفاتحه وكنت اصعد انطي اكل لوجدان وانزل افتح ايدييها اخليها تروح حمام تغسل واخذلها ملابس تبدل بس كمت ماعذبها لان حسيتها فاقدة بس فاتحه عيونها ماتحجي ..
احاجيها مترد وصايرة جلد وعظم لان متاكل كلما ادخل الكاها ع سرير نايمه وعينها ع سكف...
صح انقهر عليها على الي وصلت اله بهالحال
صارت بعالم غير عالمنه ...
بقينا بالتحريات ووسام نقلته لمكان ثاني اخذت كل المعلومات منه الي اريده وقتلته بايدي لان ميستحق يعيش هذا الي خلى ايده ع جيهان وشافها بملابس النوم ورضى بهاللعبة القذرة ...
ارتاحيت نوعا ما وبديت استقر...
لان كل الي تآمرو على اذية جيهان تعاقبو واخذو جزائهم ...
جيهان اثارها اختفت وتعافت كليا خلال شهرين
صارت اجمل من قبل وشعرها طول تقريبا وصل لركبتها ولايك الها حيل زايدها جمال ...
مقبلت اتقرب منها ابدا ولااوصل الها الا من تطيب وكنت اعاقب نفسي من اشوفها كدامي وماكون وياها...
گلت الااطمن من ان ماكو خطر علينه الا ارجعها واعيشها العيشة الي تستحقها ....
وجدان حالتها من سيء لاسوء بمرة لكيت جيهان جاية طلبت تحاجيني..
جيهان: احسان ممكن طلب اطلبه وتوعدني اذا تحبني صدوك تنفذه الي.
احسان : اطلبي حبيبي عمري ميغلى عليج ، انتي تأمرين امر..
جيهان: اريدك متعاقب وجدان كافي الي صار بيها اترجاك .
احسان: وجدان موضوعها منتهي من يمي اطلبي اي طلب احققه الج الا وجدان هذي كان المفروض اموتها بس بقيتها عايشه لخاطر امي ولان هيه حاليا حالها حال الميتة ..
جيهان: انته كلتها حالها حال الميتة .. يعني رب العالمين عاقبها عقاب اشد .. انته كون رحيم بيها لخاطر امي ..
ماما مدتجف دموعها من بجيها عليها... اعتبر هذا اول واخر طلب مني..
احسان : صعب حبيبتي صعب واني بلغت الاهل والاقارب كلهم انها ماتت شلون تردين ابين كدامهم كذاب ..
جيهان: زين والحل اخاف ع ماما لايصير بيها شي من قهرها ع وجدان.
احسان: مالها حل (الكاتبة ام جوليا)انسي الموضوع وتركيها ولاكأن الها وجود.
جيهان:زين خليني اشوفها.
احسان: تشوفيها ليش؟
جيهان: احاول اساعدها اطلعها من الي هيه بيه اترجاك احسان .. اذا تحبني
وظلت تلح وتلح وتصر عليه لحد مااخذت موافقه مني ان تروح وتشوفها وافقت بس حتى اخلص من الحاحها وبلكي من اوافق الها .. گلبها يحن لان قافلتها عليه قفلة بت الاوادم كلما اكولها اريد ارجع يمج بالغرفة متقبل تكولي بعد مخلص عقابك ...
دتعاقبني بيها واني ح انجن عليها وهي صايرة تخبل سمنانة ومربربة كله بفضل دكتورة حنان والمعالج وامي هم متاركتها تباشر على تغذيتها واكلها وريحانة طايرة من الفرح ..
حاس حياتي سعيدة ومستقرة بس تارك جيهان ع راحتها الا اخلص من العصابة حتى افرغ الها ويرتاح بالها... واني عاذرها الي شافته موقليل..
احسان: جيهان رح اوافق بشرط
جيهان (وهي معلكة ايديها بركبتي ): حبيبي يشرط عليه بشنو؟ وترفع الي بحواجبها
احسان ضحكت بگلبي جنها عارفه بشنو دافكر
احسان : اي حبيبي اشرط تقبلين اقبل (وبستهامن خشمها)
جيهان : امممممم زين كول واني ح اشوف اوافق او لا.
احسان: اكيد توافقين ومترفضين طلب حبيبج..
جيهان اني عطشان الج ...
احس كلشي ناقصني بدونج اريد ارتاح واغفى ع انفاسج واشمج احس عمري قصير اريد اشبع منج ..
(بسرعة عيونها جرت دموعها)
جيهان : لاحبيبي يومي قبل يومك يارب لاتكول هيج ابد اني ماعيش بدونك..
احسان: لا اذا صارلي شي تعيشين وتكونين قوية لخاطر ريحانة ومتخلين احد ياذيكم.
جيهان: حبيبي طول العمر الك يارب وربي يحميك الي من كل شر واذا تحبني متجيب هالسيرة احسان اني مصدكت نريد نرتاح ونرجع سوه احسن من قبل ..
احسان (لزمتها من حنجها وقربت نفسي عليها وهي ذابت بين ايديه مجرد ماحست بيه حضنتها ونفسي ونفسها صار نفس واحد بستها حيل بكل اشتياق وحب داطلع اشتياق سنة واكثر راحت من عمرنا وذابت حيل بين ايديه وارتخت اعصابها بهالبوسة عبالك بقيت سنة شفتها بشفتي استطعم بيها بيها كل لذة :: مكدرت تاخذ نفسها وخرت منها شهكت :: هاحبيبتي مقررتي ترجعين الي ، تأشرلي بعيونها وهي ذايبه ان اي قابلة ..
)
احسان : شوكت ياروحي حضري نفسج هالخميس انتي عروستي ...
وافقت وباستني بخدي وركضت ....
اوووووووف منج جيهان تنهزمين مني الج .... الا اعيشج ايام انسيج بيها كل شي شفتيه مني واني عند وعدي الج ...

وللحكاية بقية .....

حبايبي لاتنسون التصويت (الفوتو) والتعليقات شاركوني برأيكم بالاحداث...
بالنسبة للتأخير اني داكتب شوية شوية حسب فراغي علمود رمضان ومسؤلياته حبايبي والكل يعرف بهالشي
وهم اصابتي تطلب مني راحة بين فترات الكتابة
ارجو متنزعجون من التأخير وتعذروني واني افرح جدا بالحماس والي داشوفه منكم واستعجالكم اعرفه عن حب للقصة لكن والله موبيدي ظروفي اقوة وكلما اكدر اكتب راح اكتب
حبايبي ارجو تتقبلون اعتذاري ..